తనను అరెస్ట్ చేయకుండా ఆదేశాలు ఇవ్వాలని వైఎస్ అవినాష్ రెడ్డి తెలంగాణ హైకోర్టుని ఆశ్రయించినప్పుడే, వివేకానందరెడ్డి హత్యకేసులో అవినాష్ రెడ్డి అరెస్టు తప్పదని తేలిపోయింది. కోర్టులో కూడా సీబీఐ అనుమానితుల్ని అదుపులోకి తీసుకుంటామని చెప్పేసింది. సరిగ్గా నాలుగేళ్ల క్రితం మార్చి 14న వివేకానందరెడ్డిని అత్యంత కిరాతకంగా చంపేశారు. ఇప్పుడు హైకోర్టు కూడా మార్చి14న సీబీఐ ముందు హాజరవ్వాలని సూచించడం...అదే రోజు అరెస్టు తప్పదని, ఇది దేవుని స్క్రిప్ట్ అంటున్నారు నెటిజన్లు. ఏ బాబాయ్ హత్యని చూపించి 2019 ఎన్నికల్లో లబ్ధి పొందారో అదే హత్యకేసు తన మెడకి చుట్టుకోవడంతో డైవర్షన్ పాలిటిక్స్కి తెరతీశారు. మార్చి 14న అవినాష్ రెడ్డిని అరెస్టు చేస్తే, ఆ టాపిక్ నుంచి జనాల్ని డైవర్ట్ చేయడానికి చాలా పెద్ద ప్లాన్లు వైసీపీ వేసిందని జరుగుతున్న పరిణామాలు స్పష్టం చేస్తున్నాయి. ఓ వైపు స్కిల్ డెవలప్మెంట్ స్కాం పేరుతో సీఐడీ అరెస్టులు, మరోవైపు రాజధాని భూముల కేసులో నారాయణ ఇంటి చుట్టూ తిరుగుతున్న సీఐడీ, తాజాగా ఏపీ వ్యాప్తంగా మార్గదర్శి అధికారులని అదుపులోకి తీసుకుంటున్న సీఐడీ కేసులని చూస్తే...అవినాష్ అరెస్టు తప్పదని తేలిపోతోంది. ఆ అరెస్టుని డైవర్షన్ చేయడానికే సీఐడీని వాడుకుని ప్రతిపక్షం, ప్రధాన మీడియా సంస్థలపై కేసులని తెలుస్తోంది.
news
లోకేష్ ట్రాప్ లో పడ్డ పెద్దిరెడ్డి... తెలిగివా లాగిన లోకేష్...
యువగళం పాదయాత్ర రాయలసీమలో సాగుతోంది. ఇప్పటివరకూ ఏ నియోజకవర్గం వెళితే ఆ నియోజకవర్గం ఎమ్మెల్యే, వైసీపీ నేతల అవినీతిని ఆధారాలతో సహా ప్రజలముందుంచి మరీ సవాల్ విసరుతున్నారు నారా లోకేష్. పెద్దిరెడ్డి ఇలాఖా..అంటే పుంగనూరు, మదనపల్లె, తంబళ్లపల్లె నియోజకవర్గాలలో లోకేష్ రెచ్చిపోయారు. పాపాల మిధున్ రెడ్డి సన్నాఫ్ పాపాల పెద్దిరెడ్డీ చిత్తూరు జిల్లాకు ఎవరేం చేశారో చర్చకు సిద్ధమా అంటూ సవాల్ విసిరారు. రేపు తంబళ్లపల్లి నియోజకవర్గంలో ఉంటా...దమ్ముంటే రావాలంటూ ఎంపి మిథున్ రెడ్డికి యువనేత లోకేష్ సవాల్ విసిరారు. ``చిత్తూరు జిల్లా అభివృద్ధికి మేము నిధులు కేటాయించాం... ఫాక్స్ కాన్, సెల్ కాన్ వంటి పరిశ్రమలు తెచ్చి వేలాదిమంది యువతకు ఉద్యోగాలిచ్చాం. పుంగనూరులో రోడ్లకు నిధులు మంజూరుచేసింది కూడా నేను పంచాయితీరాజ్ మంత్రిగా పనిచేసే సమయంలోనే. చిత్తూరును పెద్దిరెడ్డి కుటుంబం నమిలేస్తోంది. ఒకరికి ముగ్గరు ప్రజాప్రతినిధులు ఉన్న పెద్దిరెడ్డి అండ్ కో మదనపల్లిని ఎందుకు జిల్లా చేయలేదు? ఇద్దరు ఎమ్మెల్యేలు, ఒక ఎంపీగా పెద్దిరెడ్డి కుంటుంబం ఉంది. జిల్లా వాళ్ల చేతిలో ఉండాలని మదనపల్లిని జిల్లా కాకుండా అడ్డుకున్నారు అని ఆరోపించారు. మదనపల్లికి మొత్తం నలుగురు ఎమ్మెల్యేలు ఉన్నారు. అధికారిక ఎమ్మెల్యే నవాజ్ బాషా అయితే అనధికార ఎమ్మెల్యేలు పాపాల పెద్దిరెడ్డి, తంబళ్లపల్లి ఎమ్మెల్యే ద్వారకానాథ్ రెడ్డి, ఎంపీ మిథున్ రెడ్డి. తమిళనాడు రిజిస్ట్రేషన్ తో చేసిన లారీలతో ఇక్కడ కొండలను తవ్వి గ్రావెల్ తరలిస్తున్నారు. దళితులకు చెందిన డీకేటీ భూములు లాక్కుని మైనింగ్ చేస్తున్నారు. ఎమ్మెల్యే నవాజ్ బాషా తన బినామీలతో బెంగళూరు బస్టాండ్ పరిధిలోని షాపింగ్ కాంప్లెక్స్ నుండి నెలకు ఐదు లక్షలు వసూలు చేస్తున్నాడు. మదనపల్లి పట్టణంలో నవాజ్ బాషా తన అనుచరులతో వెంచర్లు వేస్తున్నాడు. ప్రభుత్వ భూమి పక్కనే ఉండేలా ప్రేవేటు స్థలాల్లో వెంచర్లు వేస్తూ ప్రభుత్వ భూమిని ఆక్రమిస్తున్నాడు.
నవాజ్ బాషా, అనుచరులు కలసి ప్రభుత్వానికి చెందిన 40 ఎకరాల్లో లేఅవుట్లు వేసి రూ.100 దోచుకున్నారు. మదనపల్లిలో లే అవుట్ వేయాలంటే కప్పం కట్టాలి. 557 ఎకరాలు ఉన్న సీటీఎం చెరువును స్థానిక ఎమ్మెల్యే, తంబళ్లపల్లి ఎమ్మెల్యే ద్వారకనాథ్ రెడ్డి అనుచులు 40 ఎకరాలు కాజేశారు. కరోనా వస్తే షాపులు, రెస్టారెంట్లు, బంగారం కొట్ల నుండి రూ.4కోట్లు వసూలు చేశారు. వలసపల్లి దగ్గర జ్యూస్ ఫ్యాక్టరీకి చెందిన మూడెకరాల భూమిని ఎమ్మెల్యే నవాజ్ బాషా లారీ ఓనర్స్ అసోషియేషన్ పేరు చెప్పి రూ.12కోట్లు విలువు చేసే భూమిని లాక్కున్నారు. బసినికొండ రోడ్డులో అగ్గిపెట్టె పరిశ్రమ కార్మికులకు చెందిన రూ.20 కోట్ల విలువైన రెండెకరాల భూమిని ఎమ్మెల్యే నవాజ్ బాషా ఆక్రమించారు. నిమ్మనపల్లిలోని బహుదా నది నుండి రోజూ 100 టిప్పర్ల ఇసుక బెంగుళూరుకు వెళ్తోంది. మదనపల్లిలో క్వారీలు చేయాలంటే పాపాల పెద్దిరెడ్డికి 50 శాతం కమిషన్ ఇవ్వాలి. ఘన చరిత్ర ఉన్న బీటీ కాలేజీకి చెందిన 40 ఎకరాల భూమిని కూడా స్వాహా చేసే ప్రయత్నం చేస్తున్నారు. 2024 నాటికి దొరికిన భూమి, కొండలు, చెరువులు కూడా స్వాహా చేస్తారు. మదనపల్లికి పరిశ్రమలు రాకపోవడానికి కారణం పెద్దిరెడ్డి కుటుంబమే. వాళ్ల కుటుంబాన్ని తరిమికొట్టండి. `` అని లోకేష్ పిలుపునిచ్చారు. నారా లోకేష్ తమ ఫ్యామిలీపై చేసిన అవినీతి ఆరోపణలపై స్పందించలేదు ఎంపీ మిధున్ రెడ్డి. అభివృద్ధిపై చర్చకి రావాలని లోకేష్ సవాల్ విసిరితే, లోకేష్కి దమ్ముంటే చిత్తూరు జిల్లాలో ఏదో ఒక నియోజకవర్గం నుంచి పోటీ చేయాలని ప్రతి సవాల్ విసరడం తోకముడిచినట్టేనని అంటున్నారు రాజకీయ పరిశీలకులు.
ఫేక్ యుద్ధం ప్రకటించిన వైసీపీ ఐప్యాక్ గ్యాంగ్.. ధీటుగా తిప్పికొడుతున్న టిడిపి..
వైసీపీ తన బలాన్ని ప్రదర్శించడం మొదలుపెట్టింది. ఫేక్, మార్ఫింగ్ వైసీపీకి రాజకీయాలతో పెట్టిన విద్య. విపక్షంలో ఉన్నప్పుడే అప్పటి అధికార టీడీపీపై ఫేక్ వార్ ప్రకటించి అతిపెద్ద తెలుగుదేశం వ్యవస్థని కకావికలు చేసింది. 35 మంది కమ్మ డిఎస్పీలు, పింక్ డైమండ్, సచివాలయం కారిపోవడం, అమరావతి మునిగిపోతుంది, రాజధానిలో భూకంపాలు వస్తాయంటూ చేసిన ఫేక్ ప్రచారాలు ఎంతగా ప్రజలు నమ్మారో 2019 ఎన్నికల ఫలితాలు స్పష్టం చేశాయి. తన బాబాయ్ని చంపేసి, నారాసుర రక్తచరిత్ర అని ఫేక్ రాతలు నిస్సిగ్గుగా రాయించడం వైసీపీ ఫేక్ గ్యాంగుల బరితెగింపు పరాకాష్ట. ప్రతిపక్షంలో ఉన్నప్పుడు ఈ స్థాయిలో ఫేక్ చేసిన వైసీపీ అధికారం ఆయుధంగా అందింది. ఫేక్, మార్ఫింగ్ చేస్తూ పోలీసుల మాటున దాక్కుంటున్నారు. కౌంటర్గా టిడిపి-జనసేన పోస్టులతో ఎటాక్ చేస్తే పోలీసుల్ని పురమాయించి తప్పుడు కేసులు బనాయిస్తున్నారు. చేతిలో అధికారం ఉన్నా ప్రజల్లో తీవ్రమైన వ్యతిరేకత పెరిగిన నేపథ్యంలో ఫేక్ ప్రాపగాండాని మళ్లీ నమ్ముకుంది వైసీపీ. పేటీఎం బ్యాచులు, ఐప్యాక్ బృందాలన్నీ దిగిపోయాయి. కొద్దిరోజులుగా టిడిపి లక్ష్యంగా వైసీపీ చేస్తున్న విషప్రచారాన్ని మరింత తీవ్రం చేసింది. టిడిపి యువనేత నారా లోకేష్ యువగళం పాదయాత్రపై విషం చిమ్ముతూనే..పార్టీలో గందరగోళం సృష్టించడానికి మార్ఫింగ్ వీడియోలు, ఆడియోలు, ఫేక్ లెటర్లు వదులుతున్నారు. తెలుగు మహిళ అధ్యక్షురాలు వంగలపూడి అనిత వైఎస్ జగన్రెడ్డిని గెలిపించాలన్నారనే మార్ఫ్డ్ వీడియో వదిలి, ఆమెపై చర్యలు తీసుకుంటున్నామని ఫేక్ లెటర్ అచ్చెన్నాయుడి పేరుతో రిలీజ్ చేశారు. మరోవైపు చంద్రబాబు ఆడియోలని ఫేక్ చేస్తున్నారు. కిందిస్థాయి కార్యకర్తలని భయపెట్టేందుకు గంజాయి కేసుల్లో అరెస్టు చేయించామని వైసీపీ ఫేక్ ప్రచారం చేస్తున్నారు. సోషల్ మీడియాలో టిడిపి కోసం కష్టపడుతున్న వారిని టార్గెట్ చేసి మరీ ఇటువంటి తప్పుడు ప్రచారాలకి దిగడం వైసీపీ మైండ్ గేములో భాగమేనని అర్థం అవుతోంది
సునీత మాట సీబీఐ వింటే అవినాష్ రెడ్డి ఎప్పుడో అరెస్ట్ అయ్యేవాడే !
మూడోసారి విచారణ ముగించుకుని వచ్చిన తరువాత సీఎం వైఎస్ జగన్ రెడ్డి తమ్ముడు వైఎస్ అవినాష్ రెడ్డి వ్యాఖ్యలు ఫ్రస్టేషన్లో ఉన్నాయని అనిపిస్తోంది. వివేకా హ-త్యకేసు నుంచి ఎటూ తప్పించుకోలేని స్థితిలో ఏకంగా వివేకా కుటుంబసభ్యులపైనే ఆరోపణలకు బరితెగించేశారు. వివేకానందరెడ్డి అక్రమసంబంధాలు, రెండో భార్య వల్ల హ-త్య జరిగిందని అనుమానం వ్యక్తం చేయడం ద్వారా తాను తప్పించుకునే మార్గం చూసుకుంటున్నారు. మరోవైపు వివేకా కుమార్తె సునీత చెప్పినట్టు సీబీఐ వింటోందని, సీబీఐ ఆదేశాలతోనే సునీత ఈ కేసులో ముందుకు వెళుతోందని అవినాష్ చెప్పారు. అయితే కేంద్ర ప్రభుత్వం కనుసన్నల్లో పనిచేసే సీబీఐ, ఈడీలు అనేది ఎంపీ అవినాష్ రెడ్డికి తెలియకపోవడం విచిత్రం. అలాగే కేంద్రంతో తన అన్న జగన్ రెడ్డి సంబంధాలే ఇప్పటివరకూ కాపాడుకుంటూ వస్తున్నాయని అవినాష్ రెడ్డి మరిచిపోయి ఆరోపణలు చేస్తున్నారు. సునీత చెప్పినట్టు సీబీఐ వింటే ఈ పాటికే ఆధారాలు అవినాశ్ వైపు చూపుతుండడంతో ఎప్పుడో అరెస్టయ్యేవాడని అంటున్నారు. ఓ వైపు సీబీఐ సునీత చెప్పినట్టు వింటోందని అంటూనే, సీబీఐ తీసుకున్నది గూగుల్ టేకవుట్ కాదు.. టీడీపీ టేకవుట్ అని విమర్శించి అడ్డంగా బుక్కపోయారు అవినాష్. విచారణ సమాచారాన్ని సీబీఐ వాళ్లే మా సోదరి సునీతకి ఇస్తున్నారని అక్కసు వెళ్లగక్కారు. తాను లంచ్ మోషన్ వేసిన వెంటనే సునీతకి సీబీఐ సమాచారం ఇస్తోందని వాపోయారు.