విశాఖ‌లో రెండురోజుల పాటు ఏపీ ప్ర‌భుత్వం నిర్వ‌హించిన గ్లోబ‌ల్ ఇన్వెస్ట‌ర్ స‌మ్మిట్ ముగిసింది. 13 ల‌క్ష‌ల కోట్ల పెట్టుబ‌డులు వ‌చ్చాయ‌ని సీఎం ప్ర‌క‌టించారు. అయితే ప్ర‌తిప‌క్ష నేత చంద్ర‌బాబు, ఆయ‌న త‌న‌యుడు లోకేష్ మాత్రం స‌మ్మిట్ గురించి ముందు నుంచీ ఎక్క‌డా ఎటువంటి వ్యాఖ్యలు చేయ‌లేదు. టిడిపి సోష‌ల్మీడియాలో ఫేక్ ఇన్వెస్ట‌ర్లు గురించి కొంద‌రు పోస్టులు వేయ‌డం త‌ప్పించి..పార్టీ అధినేత కానీ ఇత‌ర నేత‌లు కానీ స‌మ్మిట్ ప‌ట్ల ఎటువంటి నెగెటివ్ వ్యాఖ్యలు చేయ‌లేదు. గతంలో టిడిపి ప్ర‌భుత్వం ఇదే విశాఖ ప‌ట్ట‌ణంలో పెట్టుబ‌డుల స‌ద‌స్సు పెడితే..ఆ సంద‌ర్భంగా విమానాశ్ర‌యంలో వైఎస్ జగన్ రెడ్డి పెద్ద గొడ‌వ చేసి గంద‌ర‌గోళం సృష్టించారు. స‌ద‌స్సుపై విషం చిమ్మారు. టిడిపి ప్ర‌భుత్వాన్ని బ‌ద్నాం చేయ‌డంలో అప్ప‌టి వైసీపీ నేత‌లు, సోష‌ల్మీడియా, ఐ ప్యాక్ దుష్ప్ర‌చారం ఇప్ప‌టికీ గూగుల్ లో ఇట్టా కొడితే అట్టా వ‌చ్చేస్తుంది. పెట్టుబ‌డులు, అభివృద్ధికి బ్రాండ్ అంబాసిడ‌ర్ అయిన చంద్ర‌బాబు నిర్వ‌హించిన పెట్టుబ‌డుల స‌ద‌స్సుని గ‌బ్బు ప‌ట్టించాల‌ని వైసీపీ నాడు చేసిన విశ్వ‌ప్ర‌య‌త్నాల‌ను గుర్తుచేసుకున్న కొంద‌రు టిడిపి నేత‌లు, టిడిపి సోష‌ల్మీడియా వాళ్లు ముందునుంచే గ్లోబ‌ల్ ఇన్వెస్ట‌ర్ స‌మ్మిట్‌పై ఫ్యాక్ట్స్‌తో కొడ‌దామ‌ని అధిష్టానం ముందు చ‌ర్చించారు. అయితే మీకు వైసీపీ స‌ర్కారు కనపడుతోంది, వారు చేసిన విష‌ప్ర‌చారం కనపడుతోంది కానీ..వారిపై మ‌నం ఆరోప‌ణ‌లు చేస్తే ఏపీ ఇమేజ్ డ్యామేజ్ అవుతుందని వారించారు. అందుకే చంద్ర‌బాబు, లోకేష్ స‌మ్మిట్ స‌న్నాహాలు నుంచి పూర్త‌యిన వ‌ర‌కూ ఎక్క‌డా ఒక విమ‌ర్శ చేయ‌లేదు. టిడిపి సోష‌ల్మీడియా మాత్రం ఐప్యాక్ ఫేక్ ప్ర‌చారాన్ని, బండారాన్ని బ‌య‌ట‌పెట్ట‌డంలో దూకుడుగానే ఉంది.
