అంద‌రూ అనుమానిస్తున్న‌దే అన్నారు  సీపీఐ నేత నారాయణ. బాబాయ్ హ‌-త్య‌కేసు విచార‌ణ సీబీఐ చివ‌ర ద‌శ‌కు చేర్చ‌డంతో, దాని నుంచి కీల‌క పెద్ద‌ల్ని త‌ప్పించేందుకే జ‌గ‌న్ రెడ్డి త‌ర‌చూ ఢిల్లీ ప‌ర్య‌ట‌న‌లు చేస్తున్నార‌ని ఏపీలో విప‌క్షాలు కోడై కూస్తున్నాయి. ఇదే విష‌యాన్ని సీపీఐ నారాయ‌ణ కూడా కుండ‌బ‌ద్ద‌లు కొట్టిన‌ట్టు చెప్పారు.  జగన్ పదే పదే ఢిల్లీకి ఎందుకు వెళ్తున్నారో బట్టబయలైంద‌ని నారాయ‌ణ సంచ‌ల‌న ఆరోప‌ణ‌లు చేశారు. త‌న బాబాయ్ వివేకానంద‌రెడ్డి హ-త్య కేసు విచారణ చివరి దశకు రావడంతో భయంతో జగన్ ఢిల్లీకి వెళ్తున్నాడ‌ని చెప్పుకొచ్చారు. బీజేపీతో జ‌గ‌న్ డీల్ ఓకే అయ్యింద‌ని, అమిత్‍ షాతో జగన్ రాజకీయ ఒప్పందం కుదుర్చుకున్నాడ‌ని వెల్ల‌డించారు. కేసుల నుంచి తప్పించుకోవడానికి కర్నాటక ఎన్నికల్లో 100 సీట్లు గెలిపించాలని అమిత్ షాతో ఒప్పందం కుదిరిందని నారాయ‌ణ వెల్ల‌డించారు. జగన్ సంపాదించిన అక్రమ ఆస్తులు మొత్తాన్ని కర్నాటక ఎన్నికల్లో ఖర్చు చేయబోతున్నాడ‌ని ఆరోపించారు. బీజేపీతో చేసుకున్న ఒప్పందంలో భాగంగా బాబాయ్ వివేకా హ-త్య కేసు తీర్పు ఆలస్యం కాబోతుంద‌ని నారాయ‌ణ ఆరోపించ‌డం క‌ల‌క‌లం రేపుతోంది. అయితే జ‌గ‌న్ ఢిల్లీ ప‌ర్య‌ట‌న‌లు, బీజేపీ పెద్ద‌ల‌తో మంత‌నాల‌పై బీజేపీ ఏనాడూ స్పందించ‌డంలేదు. నారాయ‌ణ ఆరోప‌ణ‌ల‌పై స్పందిస్తుందేమో చూడాలి.

అమ‌రావ‌తి ప్ర‌జారాజ‌ధాని అలుపెరుగ‌ని పోరాటం చేస్తూనే ఉంది. నిర్బంధాల‌ని ఎదిరించి మ‌రీ నిల‌బ‌డింది. న్యాయ‌స్థానాల‌లో గెలిచింది. దేశ‌స‌ర్వోన్న‌త న్యాయ‌స్థానంలో న్యాయం కోసం జూలై 11 వ‌ర‌కూ నిరీక్షిస్తోన్న అమ‌రావ‌తి ఉద్య‌మ‌కారులు..త‌మ మొక్కులు చెల్లించుకునేందుకు మ‌రోసారి ఉప‌క్ర‌మించారు. మూడు ముక్క‌లాట‌తో ప్ర‌జారాజ‌ధాని అమరావతికి స‌మాధి క‌ట్టేందుకు పాల‌కులు చేసిన కుట్ర‌లు, కుతంత్రాల‌పై ప్ర‌జా ఉద్య‌మం ఆరంభ‌మై 1200 రోజులు పూర్త‌య్యాయి. కేసులు, నిర్బంధాలు, దాడులు ఎదిరించి అమ‌రావ‌తి ప‌రిర‌క్ష‌ణ ఉద్య‌మాన్ని సాగించారు. వైసీపీ స‌ర్కారు మూడు రాజధానుల నిర్ణయాన్ని వ్యతిరేకిస్తూ అలుపెరగని ఉద్యమం చేసిన రైతులు, కూలీలు ఎన్నో త్యాగాలు చేశారు. చంద్ర‌బాబు పిలుపు మేర‌కు 33 వేల ఎక‌రాలు స్వ‌చ్ఛందంగా ఇచ్చిన రైతులు 29 వేల మంది జ‌గ‌న్ స‌ర్కారు బాధితులుగా రోడ్డున ప‌డ్డారు. శాంతియుత‌మైన నిర‌స‌న‌లు, న్యాయ‌పోరాటంతో అమ‌రావ‌తి ఉద్య‌మం ఏళ్లుగా కొన‌సాగింది. న్యాయ‌స్థానం నుంచి దేవ‌స్థానం వ‌ర‌కూ ఎన్నో వ్య‌య‌ప్ర‌యాస‌లకోర్చి అమ‌రావ‌తి నుంచి తిరుప‌తి పాద‌యాత్ర చేశారు. అమ‌రావ‌తి నుంచి అర‌స‌వ‌ల్లి వ‌ర‌కూ పాద‌యాత్ర చేస్తుండ‌గా ప్ర‌భుత్వ‌మే కుట్ర‌పూరితంగా అడ్డుకుంది. అమ‌రావ‌తి ప‌రిర‌క్ష‌ణ స‌మితి, రైతులు వేసిన కేసుల్లో అమ‌రావ‌తే రాజ‌ధాని అని పేర్కొంటూ హైకోర్టు స్ప‌ష్ట‌మైన తీర్పు ఇచ్చింది.  గతేడాది మార్చి 3న అమరావతే రాజధాని అని  తీర్పు ఇచ్చిన త‌రువాత ప్ర‌భుత్వం సుప్రీంకోర్టుకి వెళ్లింది. అక్క‌డ కూడా అత్య‌వ‌స‌రంగా విచార‌ణ జ‌రిపాల‌ని, హైకోర్టు తీర్పుపై స్టే కావాల‌ని కోరినా ఫ‌లితం ద‌క్క‌లేదు. అమ‌రావ‌తిని ధ్వంసం చేసి, పూర్తిగా స‌మాధి చేయాల‌ని వైసీపీ స‌ర్కారు చేసిన ప్ర‌య‌త్నాలు విఫ‌ల‌మ‌య్యాయి. అమ‌రావ‌తి అజ‌రామ‌ర‌మ‌ని ఒక్కో న్యాయ‌స్థానం తీర్పూ తేల్చేస్తోంది. దీంతో కోర్టు ఆదేశాలతో నిలిచిన మహాపాదయాత్ర-2ని, కోర్టు ఆదేశాలు ధిక్క‌రించ‌కుండా చేప‌ట్టాల‌ని అమ‌రావ‌తి రైతులు నిర్ణ‌యించారు. ఈనెల 31న బస్సుల్లో అరసవ‌ల్లి వెళ్లి మొక్కులు తీర్చుకోనున్నారు.

వివేకానంద‌రెడ్డి హ‌త్య కేసులో అరెస్టు భ‌యంతో నిన్న‌టివ‌ర‌కూ వ‌ణికిపోయిన క‌డ‌ప ఎంపీ వైఎస్ అవినాశ్ రెడ్డి సుప్రీంకోర్టు తీర్పుతో ఒక్క‌సారిగా రిలీఫ్‌గా ఫీల‌వుతున్నారా? త‌న త‌మ్ముడు అరెస్టు కాకుండా జ‌గ‌న్ రెడ్డి ఇటీవ‌ల చేసిన రెండు సార్లు ఢిల్లీ ప‌ర్య‌ట‌న‌లు వ‌ర్క‌వుట్ అయ్యాయా? అంటే అవున‌నే విధంగా ప‌రిణామాలు చాలా స్పీడుగా మారాయి. నిన్న‌నే ముంద‌స్తు బెయిల్ కోసం తెలంగాణ హైకోర్టులో పిటిష‌న్ వేసిన అవినాశ్ రెడ్డి, ఒక్క రోజులోనే ముందస్తు బెయిల్ పిటిషన్ రివ‌ర్స్ తీసేసుకున్నారు. ద‌ర్యాప్తు అధికారిని మార్చాల‌ని ప‌దేప‌దే డిమాండ్ చేసిన అవినాష్ రెడ్డి , ద‌ర్యాప్తు అధికారి మార‌డేమో అని అనుమానంతో వివేకా హ-త్య కేసులో ముందస్తు బెయిల్ పిటిషన్ దాఖ‌లు చేశార‌ని, అయితే సుప్రీంకోర్టు ఆదేశాల‌తో ద‌ర్యాప్తు అధికారి మారిపోవ‌డంతో అవినాష్ రెడ్డి 24 గంట‌లు గ‌డ‌వ‌కముందే త‌న ముంద‌స్తు బెయిల్ పిటిష‌న్‌ని వెన‌క్కి తీసుకోవ‌డం తీవ్ర చ‌ర్చ‌నీయాంశం అవుతోంది. మూడుసార్లు సీబీఐ విచారణకు హాజరైన అవినాష్ రెడ్డి ఇక త‌న అరెస్టు త‌ప్ప‌క‌పోవ‌చ్చ‌ని డిసైడ‌య్యారు. ఆందోళ‌న‌లో ఉన్న అవినాశ్ రెడ్డిని స‌ముదాయంచిన జ‌గ‌న్ రెడ్డి ఢిల్లీ వెళ్లి వ‌చ్చాక కాస్తా రిలీఫ్ గా ఉన్నార‌ని వైసీపీ ప్ర‌చారం సాగుతోంది. త‌న అన్న జ‌గ‌న్ రెడ్డి కేసు ముందుకు సాగ‌కుండా అన్నీ చూసుకుంటాడ‌నే ధీమాతో అవినాశ్ రెడ్డి ఉన్నార‌ని గుస‌గుస‌లు వినిపిస్తున్నాయి. కేసు విచార‌ణ‌కి నెల రోజులే గ‌డువు ఉండ‌డం, త‌మ‌కు అనుకూలం కానుంద‌నే ఆనందంలో అవినాష్ రెడ్డి ఉన్న‌ట్లు ప్ర‌చారం సాగుతోంది.

నాలుగేళ్లుగా టిడిపి నేత‌లంద‌రిపైనా కేసులు పెట్టేసిన వైసీపీ పెద్ద‌లు ఏ ఒక్క కేసు నిల‌బ‌డ‌క‌పోవ‌డంతో కొత్త మార్గం ఎంచుకున్నారు. తీవ్ర‌మైన ప్ర‌జావ్య‌తిరేక‌త నుంచి ఘోర ఓట‌మి త‌ప్ప‌ద‌నే సంకేతాలు నేప‌థ్యంలో వైఎస్ జ‌గ‌న్ రెడ్డి ముందు ఇప్పుడు రెండే దారులు క‌న‌ప‌డుతున్నాయి. టిడిపిని త‌న వ్యూహాల‌తో ఉర‌క‌లెత్తిస్తున్న చంద్ర‌బాబుని ఏదో ఒక కేసులో అరెస్టు చేయించి జైలుకి పంపిస్తేనే, టిడిపి స్పీడుని ఆపొచ్చ‌నేది మొద‌టి జ‌గ‌న్ వ్యూహంగా విశ్లేష‌కులు అంచ‌నా వేస్తున్నారు. అయితే చంద్ర‌బాబుని అరెస్టు చేయించేందుకు స‌రిప‌డా ఏ కేసులోనూ ఆధారాలు చిక్క‌డంలేదు. స్కిల్ డెవ‌ల‌ప్ మెంట్ స్కాం, ఫైబ‌ర్ నెట్ కుంభ‌కోణం, రాజ‌ధాని భూములు, అమ‌రావ‌తి అవుటర్ రింగ్ రోడ్డు అలైన్మెంట్ మార్పు, స‌చివాల‌యం నిర్మాణ సంస్థ‌తో లాలూచీ అంటూ కొత్త వాద‌న‌, ఐటీ కేసులంటూ ఎన్ని త‌వ్వితీసినా చంద్ర‌బాబుకి నోటీసు ఇచ్చే ఆధారాలు కూడా ఏమీ దొర‌క్క‌పోవ‌డంతో ఏమీ చేయాలో పాలుపోక జ‌గ‌న్ రెడ్డి గంద‌ర‌గోళానికి గుర‌వుతున్నాడ‌ని తాడేప‌ల్లి ప్యాలెస్ వ‌ర్గాల భోగ‌ట్టా. మూడు ప‌ట్ట‌భ‌ద్రుల స్థానాల్లో జెల్ల కొట్టిన చంద్ర‌బాబు పంచుమ‌ర్తి అనూరాధ రూపంలో మ‌రో పంచ్ విసిరారు. ఈ వ‌ర‌స దెబ్బ‌ల‌తో అల్లాడిపోతున్న జ‌గ‌న్ రెడ్డి ఏకంగా చంద్ర‌బాబుని అరెస్టు చేయించాల‌నే బ‌రితెగింపు వ్యూహానికి దిగారు. అయితే ఏ కేసులో ఏ ఆధారాలు లేక‌పోవ‌డంతో ఉన్న‌తాధికారులు అటువంటి అరెస్టుకి దిగితే తాము దోషులైపోతామ‌ని ల‌బోదిబోమంటున్నార‌ట‌. మ‌రోవైపు ప్ర‌జావ్య‌తిరేక‌త‌, ఉద్యోగుల ఉద్య‌మం, ప్ర‌తిప‌క్షం బ‌లోపేతం అన్నింటినీ బేరీజు వేసుకుని...మ‌రింత కాలం ప‌ద‌విలో మ‌రింత వ్య‌తిరేక‌త పెరుగుతుంద‌ని..175 మాటేమో కానీ, ఉన్న 151లో 88 వ‌చ్చినా అధికారం నిల‌బెట్టుకోవ‌చ్చ‌నే ఆలోచ‌న‌లో ముందస్తుకి వెళ్లాల‌నే ఆలోచ‌న‌ని ఢిల్లీ పెద్ద‌ల వ‌ద్ద పెట్టార‌ని మ‌రో స‌మాచారం బ‌య‌ట చక్క‌ర్లు కొడుతోంది.

Advertisements

Latest Articles

Most Read