news

జగన్ మోహన్ రెడ్డి ఎవరినీ నమ్మరు. ఎవరినీ దగ్గరకు రానివ్వరు. ఎవరినీ కలవరు అనే ప్రచారం ఉంది. అందుకు తగ్గట్టే ఆయన నిర్ణయాలు ఉంటాయి. 151 మందితో గెలిచినా, కేవలం పది మందిలోపే ఆయన దగ్గరకు రానిస్తారు. సొంత పార్టీ నేతలను కానీ, ఎమ్మెల్యేలు, ఎంపీలను కానీ కలవరు అనే అపవాదు ఉంది. రఘురామ రాజు ఉదంతమే ఇందుకు కారణం. ఆనం రాంనారయణ రెడ్డి లాంటి సీనియర్ నేతలను కూడా కలవకుండా, జగన్ ఉన్నారు. ఇక పరిపాలనలో కూడా అంతే, మొత్తం కేవలం కొంత మంది అధికారులను మాత్రమే జగన్ నమ్ముతారు. అందులో కొంత మందిని మాత్రమే దగ్గరకు రానిస్తారు. అందులో మొదటి వ్యక్తి ప్రవీణ్ ప్రకాష్. అయితే గత పది పదిహేను రోజులుగా జగన్ మోహన్ రెడ్డి తీసుకున్న నిర్ణయాలు, అటు పార్టీ వర్గాల్లోను, ఇటు అధికార యంత్రాంగంలోనూ చర్చకు దారి తీసాయి. జగన్ తీసుకున్న నిర్ణయాలు వారికి షాక్ ఇచ్చాయి. జగన్ కలిసేది, నమ్మేది అతి కొద్ది మందిని. ఇప్పుడు ఆ కొద్ది మందిలో, కొంత మందికి షాక్ ఇచ్చారు జగన్.

ముందుగా పార్టీ పరంగా చూసుకుంటే, నేనే పార్టీలో నెంబర్ 2 అంటూ హడావిడి చేస్తున్న విజయసాయి రెడ్డికి, సజ్జల రామకృష్ణా రెడ్డికి షాక్ ఇచ్చారు జగన్. ఇంకా చెప్పాలంటే, విజయసాయి రెడ్డికే ఎక్కువ దెబ్బ. ఎవరికీ ఎక్కువ అధికారాలు ఇవ్వకుండా, విజయసాయి రెడ్డిని కేవలం ఉత్తరాంధ్ర మూడు జిల్లలకు పరిమితం చేసారు. సజ్జలకు పార్టీ ఆఫీస్ బాధ్యతలు ఇచ్చారు. దీంతో పార్టీలో తాను ఒక్కడే నెంబర్ వన్ అని, 2,3,4 ఎవరూ లేరనే సంకేతాలు ఇచ్చారు. అలాగే విజయసాయి దూకుడకు బ్రేక్ వేసారు. ఇక అధికారుల విషయానికి వస్తే, సిఏంవోలో పని చేస్తున్న అజయ్ కల్లం రెడ్డి, పీవీ రమేష్ కు ఉన్న బాధ్యతలు మొత్తం కట్ చేసారు. ఇప్పుడు సియంవోలో మొత్తం ప్రవీణ్ ప్రకాష్ చేతిలో పెట్టారు. మరో ఇద్దరు అధికారులు ఉన్నా, ప్రవీణ్ కే వైట్ ఎక్కువ. ఇలా అధికారులకు కూడా సందేశం ఇచ్చారు. అటు పార్టీని, ఇటు అధికారులకు తన శైలి ఎలా ఉంటుందో, చేసి చూపించారు. ఇది భయమో, ముందు జాగ్రత్తో, లేక ఇంకా ఏమైనానేమో కానీ, ఈ నిర్ణయాల పై ప్రభావం ఎలా ఉంటుందో చూడాలి.

ప్రైవేటు ఇంజనీరింగ్ కాలేజేల్లో, ఫీజులు తగ్గిస్తూ, రాష్ట్ర ప్రభుత్వం తీసుకున్న నిర్ణయం పై, ఇంజనీరింగ్ కాలేజీలు సుప్రీం కోర్టుకు వెళ్ళటంతో, ఆంధ్రప్రదేశ్ ప్రభుత్వానికి ఎదురు దెబ్బ తగిలింది. రాష్ట్రంలో ఉండే ప్రైవేటు ఇంజనీరింగ్ కాలేజీల్లో ఉండే 32 కాలేజీలు, రాష్ట్ర ప్రభుత్వం తీసుకున్న నిర్ణయం పై, మొదటగా హైకోర్టు డివిజిన్ బెంచ్ కు తరువాత ఫుల్ బెంచ్ కు, తరువాత సుప్రీం కోర్టుకు వెళ్ళాయి. ప్రైవేటు ఇంజనీరింగ్ కాలేజీల్లో ఉండే వసతలు, టీచింగ్ స్టాఫ్, సౌకర్యాలు దృష్టిలో పెట్టుకుని, తమ కాలేజేల్లో ఫీజు తగ్గిస్తే తమకు నిర్వహణ కష్టం అని, ఫీజులు తగ్గిస్తే కష్టం అని ఆ ఇంజనీరింగ్ కాలేజీలు మొదటి నుంచి వాదిస్తున్నాయి. తిరుపతిలో ఉండే మోహన్ బాబు కాలేజీ కూడా ఇందులో కలిసింది. ఇలా రాష్ట్రంలో చాలా కాలేజీలు, చాల హైస్టాండర్డ్స్ మైంటైన్ చేస్తూ, కాలేజీలు నడుపుతున్నాయి. వీటికి కూడా ఫీజులు తగ్గించాలి అంటూ, ప్రభుత్వం ఒత్తిడి తేవటం పై, అభ్యంతరం చెప్పారు. రాష్ట్ర ప్రభుత్వం ఫీజు రీంబార్స్మెంట్ కు తగ్గట్టుగా, తమకు అనుకూలంగా ఈ నిర్ణయం తీసుకుందని, అయితే తమకి ఇలా తగ్గిస్తే నిర్వహణ కష్టం అని కాలేజీలు పేర్కొంటూ, ముందుగా హైకోర్ట్ సింగల్ బెంచ్ ముందుకు వెళ్ళాయి.

అక్కడ అనుకూలంగా తీర్పు ఇవ్వగా, రాష్ట్ర ప్రభుత్వం డివిజినల్ బెంచ్ కు వెళ్ళింది. అక్కడ కొన్ని మార్పులు చేర్పులు చేస్తూ, తీర్పు ఇవ్వటంతో, వాటి పై కాలేజీలు సుప్రీం కోర్టుకు వెళ్ళాయి. ఆదేశించింది. నాణ్యమైన విద్యను అందించలేమని, ఇంజనీరింగ్ కాలేజీలు మూసేయాల్సిన పరిస్థితి అని వాదించారు. అక్కడ విచారణ చేసిన సుప్రీం కోర్టు, ఏదైతే ఆంధ్రప్రదేశ్ హైకోర్టులో ఉండే సింగల్ బెంచ్ తీర్పు ఇచ్చిందో, ఆ తీర్పుని అమలు చెయ్యమని, తీర్పు ఇచ్చింది. ఈ ఆదేశాలకు అనుగుణంగా, గత ఏడాది ఫీజులు ఉంటాయి. దీంతో పాటు మరో ముఖ్యమైన విషయం ఏమిటి అంటే, తమ దగ్గర ఉన్న అకాడమిక్ క్యాలెండర్, వసతులు, ఫ్యాకల్టీ వల్లే, తమకు ఉత్తీర్ణతా శాతం ఎక్కువ అని, సుప్రీం కోర్టుకు చెప్పటంతో, ఇవన్నీ బేరీజు వేసుకున్న సుప్రీం కోర్టు, గతంలో మాదిరిగానే ఫీజులు వసూలు చెయ్యాలని ఆదేశాలు వచ్చాయి. త్రిసభ్య ధర్మాసనం తీర్పు ఇవ్వటంతో, ఇక రాష్ట్ర ప్రభుత్వానికి వేరే ఆప్షన్ లేకుండా పోయింది.

2014లో ఆంధ్రప్రదేశ్ రాష్ట్రం విడిపోయిన తరువాత, నవ్యాంధ్ర నెత్తిన అప్పుల భారం పడింది. రాష్ట్రం మొదలు అవ్వటంతోనే, అప్పులతో మొదలైంది. సహజంగా తీసుకొనే అప్పులతో, అధికారంలోకి వచ్చిన చంద్రబాబు, ముందుకు వెళ్ళారు. దాదపుగా లక్షా ఆరు వేల కోట్లు అప్పు, 2014-2019 మధ్య తీసుకున్నారని, ఇప్పటికే ప్రభుత్వమే చెప్పింది. అంటే సగటున ఏడాదికి 25 వేల కోట్లు. అయితే, అప్పట్లో దీనికే, రాష్ట్రం అప్పుల పాలు అయిపోతుంది అంటూ, అప్పటి ప్రతిపక్షం వైసీపీ గోల గోల చేసింది. చంద్రబాబుని దించి, వీళ్ళు అధికారంలోకి వచ్చారు. అయితే చంద్రబాబు 5 ఏళ్ళలో చేసిన అప్పు, వైసీపీ ప్రభుత్వం, ఒక్క ఏడాదిలోనే చేసింది అనే వార్తలు వచ్చాయి. అయితే అప్పట్లో చంద్రబాబు చేసిన అప్పు తాలూకు ఫలాలు కళ్ళ ముందు కనిపించాయి. పోలవరం కట్టటం కాని, ప్రతి వేధిలో సిమెంట్ రోడ్డు, వివిధ సాగు నీటి ప్రాజెక్టులు, పంచాయతీ బిల్డింగ్స్, స్కూల్స్, నీటి సమస్య పరిష్కారంలో, ఇలా ఖర్చు పెట్టారు. అయితే ఇప్పుడు తీసుకున్న అప్పు మొత్తం, సంక్షేమ పధకాల కింద ఖర్చుకే వెళ్ళిపోతుంది అనే విమర్శలు వచ్చాయి.

అయితే తాజగా ఇచ్చిన ఆర్బిఐ రిపోర్ట్ లో, సంచలన విషయాలు వెలుగులోకి వస్తున్నాయి. అత్యధిక అప్పులు తీసుకున్న రాష్ట్రాల్లో, ఆంధ్రప్రదేశ్ మూడవ స్థానంలో నిలిచింది. జగన్ వచ్చిన ఏడాది 2019-20 కాలానికి, మన రాష్ట్రం అప్పులు తీసుకోవటంలో 6వ స్థానంలో ఉంటే, ఇప్పుడు ఈ ఆర్ధిక ఏడాది, రెండు నెలలకే, మూడవ స్థానంలో ఉంది. ఆర్బిఐ రిపోర్ట్ ప్రకారం, ఆంధ్రప్రదేశ్ అప్పులు, 2018-19 కాలంతో పోలిస్తే, 42.10 శాతం ఎక్కువ. 2020 ఆర్ధిక ఏడాదిలో, ఏప్రిల్, మే నెలలో, ఈ రెండు నెలల్లోనే, రాష్ట్రం 10 వేల కోట్లు అప్పు చేసింది. దీంతో ఆరవ స్థానం నుంచి మూడవ స్థానికి ఎగబాకింది. మొదటి రెండు స్థానాల్లో, ఉత్తర ప్రదేశ్, తమిళనాడు ఉన్నాయి. అయితే ఇక్కడ గమనించాల్సింది. ఆ రెండు అతి పెద్ద రాష్ట్రాలు. మన రాష్ట్రం అందులో సగం కూడా ఉండదు. దీంతో ఈ ఏడాది మన రాష్ట్రం తీసుకునే అప్పుల్లో, అన్ని రాష్ట్రాలను దాటుకుని, మొదటి స్థానానికి వచ్చినా ఆశ్చర్యం లేదు అనే విమర్శలు వస్తున్నాయి. ఇక మరో పక్క, విదేశాల్లో ఉన్న ప్రైవేటు కంపెనీల నుంచి కూడా ఏపి ప్రభుత్వం అప్పుకు ప్రయత్నం చేస్తున్న సంగతి తెలిసిందే.