news

జగన్ మోహన్ రెడ్డికి, వైసీపీ నర్సాపురం ఎంపీ రఘురామకృష్ణం రాజు మరో లేఖ రాసారు. పది రోజుల క్రితం, పెన్షన్ల పెంపు అంశం ఏమైంది అంటూ, జగన్ కు రఘురామరాజు లేఖ రాసిన సంగతి తెలిసిందే. ఈ రోజు మరో లేఖ రాస్తూ, భావన నిర్మాణ కార్మికుల సంక్షేమం పై, లేఖ రసారు. లాక్ డౌన్ ప్రభావం వల్ల ఉపాధి కోల్పోయిన, భవన నిర్మాణ కార్మికలను ఆదుకోవాలని తెలిపారు. రాష్ట్రంలో 20 లక్షల 60 వేల మంది భవన నిర్మాణ కార్మికులు తమ పేరును నమోదు చేసుకున్నారని, వారిలో పది లక్షల 66 వేల మంది కార్మికుల వివరాలు మాత్రమే ఆధార్ తో లింక్ చేసారని, మిగిలిన వారి పేర్లు కూడా లింక్ చెయ్యాలని కోరారు. రాష్ట్ర ప్రభుత్వం 2014 నుంచి 2019 మధ్య కాలంలో, బిల్డర్స్ నుంచి, సంక్షేమ నిధి రూపేణా, 1364 కోట్లు వసూలు చేసారని, అయితే దీనిలో, 330 కోట్లు ఖర్చు చేసారని, మిగిలిన వెయ్యి కోట్ల నుంచి, ఒక్కో కార్మికుడికి, 5 వేలు రూపాయలు ఇవ్వచ్చు అని, అలా ఇవ్వాలని కోరారు.

కేంద్ర హోం సెక్రటేరి అజయ్ బల్లాతో, వైసీపీ నర్సాపురం ఎంపీ రఘురామకృష్ణం రాజు సమావేశం అయ్యారు. గత మూడు రోజులుగా రఘురామ రాజు ఢిల్లీలోనే ఉన్నారు. తాను ఇది వరకు ఇచ్చిన ఫిర్యాదు సంబంధించి, ఆయన అరా తీసారు. తాను, రాష్ట్ర ప్రభుత్వానికి సలహాలు ఇచ్చానని, అప్పటి నుంచి తనను టార్గెట్ చేస్తూ, చంపేస్తాం అని బెదిరించారని ఆ విషయాలు అన్నీ తెలిపారు. ఇప్పటికే స్పీకర్ కు ఇచ్చిన లేఖ, కేంద్ర హోం శాఖకు పంపించిన విషయం తెలిసిందే. కేంద్ర హోం శాఖ ఇప్పటికే, దీనికి సంబంధించి సమాచారం తెప్పించుకుంటుంది. ఈ విషయం పై తగు సమాచారం తెప్పించుకుంటున్న నేపధ్యంలో, కేంద్ర హోం శాఖ కార్యదర్శితో రఘురామ రాజు భేటీ కీలకంగా మారింది. పోలీసులకు ఫిర్యాదు చేసినా, పట్టించుకోక పోవటంతో, ఆయన తాను ఢిల్లీ రావాల్సి వచ్చిందని అన్నారు. అయితే ఇది కేంద్రం ఇవ్వాలా, రాష్ట్రం ఇవ్వాలా అనే విషయం పై, తర్జనబర్జనలు జరుగుతున్నాయని, అవి సెట్ అవ్వగానే, తనకు భద్రత వస్తుందనే నమ్మకం ఉందని రఘురామకృష్ణం రాజు అన్నారు.

ఆంధ్రప్రదేశ్ లో క-రో-నా వైరస్ జనాన్ని వణికిస్తోంది. రోజు రోజుకి తమ రికార్డులు తామే బ్రేక్ చేసుకుంటూ క-రో-నా పాజిటివ్ కేసులు పెరిగి పోతున్నాయి. రాష్ట్రంలో క-రో-నా మరణాల సంఖ్య మొత్తంగా 365కి చేరుకుంది. గడిచిన 24 గంటల వ్యవధిలో రాష్ట్రంలో 1935 క-రో-నా పాజిటివ్ కేసులు నమోదయ్యాయి. రాష్ట్రంలో ఇప్పటి వరకు మొత్తంగా 31,103 మందిలో క-రో-నా పాజిటివ్ కేసులను గుర్తించారు. గడిచిన 24గంటల వ్యవధిలో రాష్ట్రంలో రికార్డుస్థాయిలో 1935 మందిలో పాజిటివ్ కేసులు గుర్తించినట్లు రాష్ట్ర వైద్యఆరోగ్యశాఖ తాజాగా విడుదల చేసిన బులిటిన్ స్పష్టం చేసింది. ఈ బులిటిన్ సమాచారాన్ని అనుసరించి రాష్ట్రంలో స్థానికంగా ఉన్నవారిలో 1919 మంది లోను కరోనా పాజిటివ్ కేసులు గుర్తించారు. పొరుగు రాష్ట్రా లకు చెందిన వారు 13 మందిలోను కరోనా పాజిటివ్ కేసులను గుర్తించారు. విదేశాలనుంచి వచ్చిన వారిలో 3 కరోనా పాజిటివ్ గుర్తించారు. దీంతో రాష్ట్రంలో మొత్తం కేసుల సం ఖ్య 31,103 చేరింది. గడిచిన 24 గంటల్లో రాష్ట్రంలో కొవిడ్ 37 మంది ప్రాణాలు కోల్పోయారు.

ఇది ఇప్పటి వరకు అతి పెద్ద మరణాల సంఖ్య. మరణించిన వారిలో కర్నూలులో నలుగురు, అనంతపురంలో నలుగురు, శ్రీకాకుళంలో ఒక్కరు, కృష్ణాలో ముగ్గురు, విశాఖపట్టణంలో ఒక్కరు, చిత్తూరులో ముగ్గురు, నెల్లూరులో ఇద్దరు, అనంతపురంలో ఆరుగురు, పశ్చిమగోదావరిలో నలుగురు, తూర్పు గోదావరిలో నలుగురు మరణించారు. దీంతో రాష్ట్రంలో మొత్తం క-రో-నా మరణాల 365 కి చేరుకొంది. ప్రస్తుతం రాష్ట్రంలో క-రో-నా నుంచి కోలు కొని ఆస్పత్రుల నుంచి డిశ్చార్జి అయిన వారి సంఖ్య 16464గా ఉంది. అయితే మరణాలు సంఖ్య రోజు రోజుకీ ఎక్కువ అవ్వటం కలవర పెడుతున్న అంశం. ప్రతి రోజు, రెండు వేలకు దగ్గరగా కేసులు వస్తున్నాయి. మిగతా రాష్ట్రాల్లో కేవలం ఒక్క సిటీకే ఎక్కువ కేసులు పరిమితం అయితే, మనకు మాత్రం, రాష్ట్రం అంతా విస్తరించటం, కలవర పెడుతున్న అంశం.

ఆర్టీసీ ఏండీగా ఉన్నా తనను, బదిలీ చెయ్యటం పై, మాదిరెడ్డి ప్రతాప్ సంచలన వ్యాఖ్యలు చేసారు. తన ట్రాన్స్ఫర్ ని స్వాగిస్తున్నా అంటూనే, ఆ నిర్ణయాన్ని, జగన్ ప్రభుత్వ విజ్ఞతకే వదిలేస్తున్నా అని అన్నారు. వైఎస్ రాజశేఖర్ రెడ్డి సియంగా ఉన్నప్పుడు, తానూ ౫ ఏళ్ళ పాటు ఐటి శాఖ కార్యదర్శిగా పని చేసానని గుర్తు చేసారు. అప్పట్లో కొందరు అధికారులు పంపిన ఫైల్స్ పై విచారణ జరిగినా, తన పై మాత్రం ఎలాంటి అభియోగాలు రాలేదని, అది తన నిజాయతీ అని అన్నారు. ఆయన మాట్లాడుతూ "కొంత మంది నా ఇంటెగ్రిటీ మీద కూడా డౌట్స్ వ్యక్తం చేసారు. అది చాలా బధాకారం. నా ఇంటెగ్రిటీ అనేది తెరిచిన పుస్తకం. రాజశేఖర్ రెడ్డి దగ్గర, 5 సంవత్సరాలు ముఖ్యమంత్రి సెక్రటరీగా, ఇంచార్జ్ ఇండస్ట్రీ, ఐటి సబ్జెక్ట్ లు చూస్తూ ఉన్నాను. అకస్మాత్తుగా, ఆయన చనిపోవటంతో, రాష్ట్రం రెండు ముక్కలు అయిపొయిందనే విషయం అందరికీ తెలుసు. ఆయన ఉంటే విభజన జరిగేది కాదు. ప్రస్తుత ముఖ్యమంత్రి పై, అప్పట్లో సిబిఐ ఎంక్వయిరీ వేసారు. ఆ నాటి ముఖ్యమంత్రి ఆఫీస్ లో పని చేసిన ఆఫీసర్లను, సిబిఐ వారం రోజుల పాటు, ఎంక్వయిరీ చేసింది. "

"వాళ్ళు డిస్పోజ్ చేసిన ప్రతి ఫైల్ ని ఇంటరాగెట్ చేసారు. వాళ్ళు ఇంటరాగేట్ చేసిన వారిలో కానీ, సిబిఐ అనుమానించిన వారిలో కానీ, ఒక్కరు మాత్రం లేరు. ఆ వ్యక్తి మాదిరెడ్డి ప్రతాప్ అని సగర్వంగా చెప్తున్నా. అందరూ ఫైల్ పై నోట్ అప్రోవ్డ్, నాట్ అప్రోవ్ అని రాస్తారు. నేను మాత్రం, మొత్తం కారణం రాస్తాను. స్పీకింగ్ నోట్స్ రాస్తాను. 26 ఏళ్ళ కెరీర్ లో అనేక ఉన్నత పదవులు అదిరోహించాను. ఎన్నో ప్రాజెక్ట్ లు తెచ్చాను. ఈ రోజుకి కూడా, హైదరాబాద్ లో కానీ, ఎక్కడా కాని, ఒక్క అపార్ట్ మెంట్ కూడా నాకు లేదు. అది నా ఇంటెగ్రిటీ. అలాంటిది ఒక్క రూపాయి కూడా అవినీతి లేని చోట, నా పై విమర్శలు చేసారు. నేను కూడా ముఖ్యమంత్రి ఆఫీస్ లో పని చేసాను, నా బదిలీ అనేది ప్రభుత్వ విజ్ఞతకే వదిలేస్తున్నా, వాళ్ళ ఆర్డర్స్ ఫాలో అవ్వటమే, నేను చెయ్యగలిగింది. నేను నా బదిలినీ ప్రశ్నించలేదు కదా" అంటూ మాదిరెడ్డి ప్రతాప్ తెలిపారు. ఐఏఎస్ వర్గాల్లో, ఇది సంచలనంగా మారింది.