news

పండుగ పూట కూడా ప్రభుత్వ కక్ష సాధింపు ధోరణి ఆపటం లేదు అంటుంది టిడిపి. నిన్న నరసరావుపేట వెళ్లేందుకు, నారా లోకేష్ గన్నవరం ఎయిర్ పోర్ట్ లో దిగి, ఆయన విజయవాడ వచ్చే వరకు, దాదాపుగా నాలుగు అయిదు గంటల పాటు హైడ్రామా చోటు చేసుకుంది. ఈ హైడ్రామా సందర్భంగానే, నారా లోకేష్ ని, కనకదుర్గమ్మ వారధికి, విజయవాడ నుంచి వెళ్ళే సమయంలో, ట్రై జంక్షన్ వద్ద, లోకేష్ కాన్వాయ్ ని నిలిపివేశారు. ఈ నిలిపివేసిన సమయంలో, నారా లోకేష్ వాహన శ్రేణి నిలిచిపోవటంతో, ఆ ప్రాంతంలో ట్రాఫిక్ స్థంబించింది. అయితే ట్రాఫిక్ స్థంబించటం, అలాగే శాంతి భద్రతలకు విఘాతం కలిగించారు అని, నారా లోకేష్ తో పాటుగా, తెలుగుదేశం పార్టీ మహిళా విభాగం అధ్యక్షురాలు వంగలపూడి అనిత పైన కూడా విజయవాడ కృష్ణలంక పోలీస్ స్టేషన్ లో కేసు నమోదు అయ్యింది. ఐపీసీలోని సెక్షన్ 34, సెక్షన్ 186, సెక్షన్ 269 సెక్షన్ల కింద, అలాగే మరి కొన్ని సెక్షన్ల కింద కూడా నారా లోకేష్ పై కేసు నమోదు చేసారు. ముఖ్యంగా నారా లోకేష్ హైవే పైన ట్రాఫిక్ కు అంతరాయం కలిగించారని, అలాగే శాంతి భద్రతలకు విఘాతం కలిగించారు అంటూ కృష్ణలంక పోలీస్ స్టేషన్ లో, నిన్న రాత్రి ఈ కేసు నమోదు అయినట్టు తెలుస్తుంది. దీని పై ఈ రోజు మీడియాకు సమాచారం అందించారు.

అయితే నిన్న పోలీసులు, నారా లోకేష్ కు 41ఏ కింద నోటీసులు జారీ చేసారు. ఆ తరువాత అక్కడ నుంచి పోలీసులు ఉండవల్లిలో ఉన్న నివాసానికి తరలించారు. ఆ తరువాత లోకేష్ మీడియా సమావేశం పెడతాం అని చెప్పినా, మొదట మీడియాను కూడా పోలీసులు కరకట్ట వైపుకు అనుమతి ఇవ్వకపోవటంతో, మళ్ళీ టైం మార్చి మీడియా సమావేశం పెట్టారు. మొత్తం మీద నిన్న ఉదయం గన్నవరం ఎయిర్ పోర్ట్ లో ల్యాండ్ అయిన దగ్గర నుంచి, చివరకు ప్రెస్ మీట్ వరకు, పోలీసులు ఈ సంఘటనలు మొత్తం సమీక్ష చేసిన తరువాత, నారా లోకేష్ తో పాటుగా, వంగలపూడి అనిత పైన కేసులు నమోదు చేసారు. అయితే దీని పై టిడిపి నేతలు స్పందిస్తూ, ఇది ఊహించిందే అని అంటున్నారు. లోకేష్ కు ఉండేది మూడు వాహనాలు అని, దానికి పోలీసులు చేసిన హంగామా వాళ్ళ వెహికల్స్ ఇవన్నీ కలిపి, వారే వెహికల్ కు అడ్డు పెట్టి, ఇప్పుడు ఎదురు కేసులు పెట్టటం పై, ఆశ్చర్యం ఏమి లేదని, ఇది మేము ఊహించిందే అని టిడిపి నేతలు అంటున్నారు. ఈ విషయం పై కోర్టులోనే తేల్చుకుంటాం అని అంటున్నారు.

ఈ రోజు నారా లోకేష్ పర్యటన మొత్తం ట్విస్ట్ ల మీద ట్విస్ట్ ల మధ్య సాగింది. చివరకు ఆయనకు నోటీస్ ఇచ్చి, ఇంటి దగ్గరకు తీసుకుని వెళ్లారు. అయితే ఈ రోజు జరిగిన పరిణామాల పై లోకేష్ ప్రెస్ మీట్ పెడదామని అనుకున్నారు. ఈ రోజు నాలుగు గంటలకు ప్రెస్ ని పిలిచారు. నాలుగు గంటలకు ప్రెస్ రావాలని, మీడియా సమావేశం ఉంటుందని, లోకేష్ మాట్లాడతారు అంటూ, లోకేష్ ఆఫీస్ నుంచి మీడియాకు కబురు వచ్చింది. దీంతో మీడియా మొత్తం, ఉండవల్లి బయలు దేరింది. కరకట్ట వద్దకు వచ్చిన మీడియా షాక్ కు గురయ్యింది. అక్కడ మీడియా వారికి పర్మిషన్ లేదు అంటూ, పోలీసులు బ్యారికేడ్ లు పెట్టారు. మీడియా ప్రతినిధులకు అనుమతులు లేవు అంటూ చెప్పటంతో, మీడియా కూడా షాక్ అయ్యింది. దీంతో ఏమి చేయాలో అర్ధం కాక, మీడియా ప్రతినిధులు వెనుదిరిగారు. ఈ విషయం తెలిసిన లోకేష్, మీడియా సమావేశాన్ని 5 గంటలకు వాయిదా వేసారు. మీడియా వారు అయుదు గంటలకు రావాలి అంటూ కబురు పంపించారు. ఇప్పుడే కొద్ది సేపటి క్రితమే మీడియా సమావేశం ప్రారంభం అయ్యింది. అయితే ఏకంగా మీడియాను ఆపటం పై, అందరూ షాక్ అయ్యారు. అసలు లోకేష్ ని ఎందుకు ఆపుతున్నారో తెలియదని అందరూ అనుకుంటున్న సమయంలో, ఇప్పుడు మీడియాను కూడా అడ్డుకున్నారు.

ఏమైనా వాస్తవాలు బయట పడతాయని, ఇలా చేస్తున్నారా అనే అభిప్రాయం వ్యక్తం అవుతుంది. ప్రభుత్వం ఎందుకు భయపడుతుందో అర్ధం కావటం లేదని టిడిపి అంటుంది. లోకేష్ వెళ్తాను అంటే అతన్ని ఆపేసారని, ఇప్పుడు మీడియాను కూడా రానివ్వక పోవటం ఏమిటి అంటూ, టిడిపి కూడా ఆశ్చర్యం వ్యక్తం చేస్తుంది. అసలు ఇది ప్రజాస్వామ్యమేనా అంటూ టిడిపి ప్రశ్నిస్తుంది. గతంలో జగన కి కూడా ఇలాగే చేసి ఉంటే, ఆయన పాదయాత్ర చేసే వారా అని టిడిపి ప్రశ్నిస్తుంది. ఆడ పిల్లలకు అండగా ఉండటానికి వెళ్తుంటే కూడా ఇలా నిర్బంధాలు చేస్తుంటే, ఎవరికి చెప్పుకోవాలి అంటూ, టిడిపి నేతలు వ్యాఖ్యానిస్తున్నారు. మొత్తానికి ఈ రోజు లోకేష్ పర్యటనతో, ప్రభుత్వ డొల్లతనం మరోసారి బయట పడింది. లోకేష్ పర్యటనను అడ్డుకుని, చివరకు ఆయన ట్రాఫిక్ ఆపారు అంటూ, ఆయనకు నోటీస్ ఇచ్చి, పోలీస్ బందోబస్తుతో, ఆయన్ను తీసుకుని వెళ్లి, ఇంటిలో పెట్టి వచ్చారు. ఇప్పుడు మీడియాని కూడా అడ్డుకున్నారు.

జగన్ మోహన్ రెడ్డికి చెందిన సాక్షి మీడియాకి, నాంపల్లి సిబిఐ కేసులో షాక్ తగిలింది. తీర్పులు ముందే చెప్పేస్తూ, అత్యుత్సాహం ప్రదర్శించటంతో సాక్షి మీడియాకు షాక్ తగిలింది. ఇక విషయానికి వస్తే, జగన్ మోహన్ రెడ్డి బెయిల్ రద్దు చేస్తూ వేసిన పిటీషన్ పై, ఆగష్టు 25వ తేదీన సిబిఐ కోర్టు తీర్పు చెప్తాం అని చెప్పింది. దీంతో ఆంధ్రప్రదేశ్ రాష్ట్రం మొత్తం, ఆ తీర్పు ఏమి వస్తుందా అనే టెన్షన్ తో ఉదయం నుంచి టీవీలకు అతుక్కు పోయి కూర్చున్నారు. జగన్ బెయిల్ రద్దు అయ్యే అవకాశాలు ఎక్కువగా ఉన్నాయి అంటూ, పెద్ద ఎత్తున ప్రచారం జరిగింది. దీంతో ప్రజలు కూడా టెన్షన్ తో టీవీల ముందు కూర్చున్నారు. అయితే వెంటనే సాక్షి టీవీ చేసిన ట్వీట్ తో అందరూ షాక్ అయ్యారు. జగన్ బెయిల్ రద్దు చేస్తూ రఘురామకృష్ణం రాజు వేసిన పిటీషన్ ను కోర్టు కొట్టివేసింది అంటూ, సాక్షి ట్వీట్ చేసింది. కొద్ది నిమిషాల్లోనే అది వైరల్ అయ్యింది. అయితే ఎంత సేపటికి మిగతా టీవీ చానల్స్ లో మాత్రం ఆ వార్త రావాటం లేదు. పైగా విజయసాయి రెడ్డి పిటీషన్ పైనే విచారణ జరుగుతుంది అంటూ వార్తలు వచ్చాయి. చివరకు మరి కొద్ది సేపటికి ఆ ట్వీట్ ని సాక్షి డిలీట్ చేసింది. అంతే కాదు, ఇంకో ట్వీట్ చేసి, పొరపాటున జరిగిన విషయంగా చెప్తూ, ట్వీట్ చేసింది. అప్పుడు కానీ సాక్షి తప్పుడు ట్వీట్ చేసింది అనే విషయం అర్ధం కాలేదు.

అయితే ఈ విషయం పై రఘురామరాజు సీరియస్ అయ్యారు. అసలు కోర్టులో జడ్జిమెంట్ రాకుండా, మీరు ఎలా ముందే చెప్తారు అంటూ అనుమానం వ్యక్తం చేసారు. దీని వెనుక కుట్ర ఉందని అన్నారు. దీని పై కేసు వేస్తున్నట్టు చెప్పారు. చెపినట్టుగానే, సాక్షి మీడియా పై రఘురామకృష్ణం రాజు సిబిఐ కోర్టులో, కోర్టు దిక్కరాణ పిటీషన్ దాఖలు చేసారు. ఈ పిటీషన్ పై ఈ రోజు నాంపల్లి సిబిఐ కోర్టు విచారణ చేసింది. ఒక పక్క కేసు ఇంకా కోర్టు పరిధిలో పెండింగ్ లో ఉండగానే, పిటీషన్ కొట్టి వేసారు అంటూ, సాక్షి మీడియాలో కధనం వచ్చిందని, కోర్టు ధిక్కరణ కింద చర్యలు తీసుకోవాలని కోరారు. దీంతో కోర్టు సాక్షి ఎడిటర్ మురళి, సీఈఓ వినయ్ మహేశ్వరికి నోటీసులు జారీ చేసింది. అయితే ఈ రోజు విచారణకు రాగా, కౌంటర్ దాఖలు చేయటానికి 15 రోజులు టైం అడిగారు. కోర్టు మాత్రం అదేమీ కుదరదు అని, సోమవారం లోగా కౌంటర్ దాఖలు చేయాలి అంటూ షాక్ ఇచ్చింది. దీంతో తదుపరి విచారణను సోమవారానికి వాయిదా వేసింది.