news

జెడ్పీటీసి, ఎంపీటీసి ఎన్నికలకు సంబంధించి, నిన్న సింగల్ బెంచ్ ఇచ్చిన తీర్పుని నిలిపివేస్తూ ఈ రోజు హైకోర్టు డివిజనల్ బెంచ్ కీలక ఆదేశాలు ఇచ్చింది. దీంతో రేపు జరిగే జెడ్పీటీసి, ఎంపీటీసి ఎన్నికలు యధావిధగా జరగనున్నాయి. అయితే ఇక్కడ హైకోర్టు మరో ట్విస్ట్ ఇచ్చింది. ఎన్నికల కౌంటింగ్ మాత్రం, తదుపరి ఉత్తర్వులు వచ్చేంత వరకు నిలిపివేయాలని ఆదేశించింది. ఈ రోజు ఉదయం నుంచి అటు ప్రభుత్వం, రాష్ట్ర ఎన్నికల కమిషన్, అలాగే పిటీషన్ వేసిన వర్ల రామయ్య, పూర్తి స్థాయిలో వాదనలు వినిపించారు. ముఖ్యంగా సుప్రీం కోర్టు చెప్పిన , నాలుగు వారల ఎన్నికల కోడ్ విషయంలో, రెండు వైపుల వాదనలు వినిపించారు. అయితే ప్రభుత్వం, ఈ వాదనను తోసిపుచ్చుతూ, సుప్రీం కోర్టు, కొన్ని ప్రత్యెక పరిస్థితితుల్లో ఆ ఆదేశాలు ఇచ్చిందని, ఇందులో అంతకు మించి ఏమి లేదని అన్నారు. అలాగే వర్ల రామయ్య పిల్ వేయకుండా, రిట్ పిటీషన్ వేసారని వాదించారు. దీనికి విచారణ అర్హత లేదని వాదించారు. దీంతో ప్రభుత్వ వాదనను సమర్ధించిన న్యాయ స్థానం, ఎన్నికలు జరుపుకోవచ్చని, అయితే కౌంటింగ్ మాత్రం తదుపరి ఆదేశాలు వచ్చే వారకు, ఆగాలని ఆదేశాలు ఇచ్చింది. అయితే ఈ తీర్పుతో ప్రభుత్వం, రాష్ట్ర ఎన్నికల కమిషన్ వర్గాలు హర్షం వ్యక్తం చేస్తున్నాయి.

అయితే ఈ కేసు పై సుప్రీం కోర్టుకు వెళ్ళే అవకాసం లేదని తెలుస్తుంది. ఎందుకుంటే, రేపు ఎనిమిది గంటలకు పోలింగ్ మొదలు అవుతుంది. ఈ లోపు హైకోర్ట్ జడ్జిమెంట్ కాపీ వచ్చి, దాన్ని తీసుకుని సుప్రీం కోర్టుకు వెళ్ళటం అనేది అసాధ్యం అని అంటున్నారు. అయితే నిన్న సింగల్ బెంచ్ ఎన్నికలు జరపవద్దు అంటున్నా, ప్రభుత్వం మాత్రం, ఎన్నికలు ఏర్పాట్లు చేసుకోవాలని మోఖిక ఆదేశాలు ఇవ్వటంతో, ఇప్పటికే అన్ని చోట్ల ఎన్నికల ఏర్పాట్లు జరుగుతున్నాయి. ఇప్పుడు హైకోర్టు తీర్పుతో, ఇక ఎన్నికల ఏర్పాట్లు జోరు అందుకోనున్నాయి. అయితే పిటీషనర్, ఈ రాత్రికి సుప్రీం కోర్టుకు వెళ్తారా అనేది కూడా ఆలోచించాల్సి ఉంటుంది. సుప్రీం కోర్టు ఆర్డర్స్ ఉల్లంఘన జరుగుతుంది కాబట్టి, సుప్రీం కోర్టుని కన్విన్స్ చేసి, ఈ రాత్రికి హౌస్ మోషన్ పిటీషన్ దాఖలు చేసే అవకాసం కూడా లేకపోలేదని, న్యాయ నిపుణులు చెప్తున్నారు. అయితే పిటీషనర్ అంత పోరాటం చేస్తారా ? లేకపోతే హైకోర్టు తీర్పుతో సంతృప్తి చెందుతారా అనేది చూడాల్సి ఉంది.

తాడేపల్లి రాజ భవనం నుంచి, రెండేళ్లుగా బయటకు వచ్చి, ప్రజల మధ్యలోకి వెళ్ళని జగన్, ఎట్టకేలకు బయటకు వస్తున్నారు. ఈ రెండేళ్ళలో, గట్టిగా ఒక పది సార్లు కూడా జగన్ ప్రజల మధ్యలోకి వెళ్ళలేదు. అది క-రో-నా కాలంలో అయినా, అంతకు ముందు ఏడాది అయినా. అయితే జగన్ మోహన్ రెడ్డి ఇప్పుడు బయటకు రావటం, అది ప్రజల్లోకి వెళ్ళటం, ఆశ్చర్యాన్ని కలిగించే అంశం. ఇంతకీ ఎందుకు అనుకుంటున్నారా ? తిరుపతి ఉప ఎన్నికల్లో ఓటు అడగటానికి, జగన్ తిరుపతి వస్తున్నారు. ఇన్నాళ్ళు 5 లక్షల మెజారిటీతో గెలుస్తాం అంటూ ధీమాలు పోయిన జగన్ రెడ్డి, ఇప్పుడు ఇంటలిజెన్స్ రిపోర్ట్ లో, తేడా కొట్టటంతో, చేసేది లేక, తానే స్వయంగా రంగంలోకి దిగాలని నిర్ణయం తీసుకున్నారు. 5 లక్షల మెజారిటీ సంగతి తరువాత, మొన్న వచ్చిన మెజారిటీ కూడా వచ్చేలా లేదని రిపోర్ట్ రావటంతో జగన్ స్వయంగా రంగంలోకి దిగాల్సిన పరిస్థితి వచ్చింది. ఇంకా పది రోజులు సమయం ఉండటం, ఈ లోపు పరిస్థితి దిగజారి పోతుంది కాబట్టి, ఆ డామేజ్ కంట్రోల్ చేయటానికి, జగన్ స్వయంగా రంగలోకి దిగుతున్నారు. అయితే జగన్ మోహన్ రెడ్డి ఎన్నికల ప్రచారానికి వెళ్ళటం పెద్ద వింత కాకపోయినా, జగన్ లాంటి స్వభావం ఉన్న వ్యక్తి, అలాగే ఇన్నాళ్ళు బయటకు రాని జగన్ మోహన్ రెడ్డి, ఇప్పుడు బయటకు రావటం, ఆలోచించాల్సిన విషయమే.

తిరుపతి ఉప ఎన్నిక పార్లమెంట్ పరిధిలో, ఏడు నియోజకవర్గాలు ఉండగా, ప్రతి నియోజకవర్గం నుంచి 70 వేల మెజారిటీ రావాలని టార్గెట్ పెట్టారు. అయితే వెంకటగిరి నియోజకవర్గం మినహా, ఎక్కడా ఆశించిన స్థాయిలో లేదని రిపోర్ట్ లు వచ్చినట్టు తెలుస్తుంది. కనీసం 2019లో వచ్చిన రెండు లక్షల పైగా వచ్చిన మెజారిటీని నిలుపుకోవాలి అంటే, కచ్చితంగా జగన్ మోహన్ రెడ్డి రావాల్సిందే అని రిపోర్ట్ లు రావటంతో, జగన్ మోహన్ రెడ్డి 14వ తేదీ ఎన్నికల ప్రచారానికి వెళ్లనున్నారు. అక్కడ రోడ్ షో కూడా చేసి, ఎన్నికల సభలో పాల్గునే అవకాసం ఉన్నట్టు తెలుస్తుంది. ఇక మరో పక్క బీజేపీ ఎత్తుకున్న హిందూ వాదం, తెలుగుదేశం పార్టీకి లాభించే అవకాసం ఉన్నట్టు కూడా వైసీపీకి సమాచారం వచ్చింది. బీజేపీ పై ప్రజలకు నమ్మకం లేకపోవటం, వైసీపీ, బీజేపీ ఒకటే అని ప్రజల్లోకి బలంగా వెళ్ళటంతో, ఈ హిందూ అంశం పై కూడా, గట్టిగా సమాధానం చెప్పాలని, జగన్ మోహన్ రెడ్డి నిర్ణయం తీసుకున్నట్టు తెలుస్తుంది. మొత్తానికి జగన్ ఉప ఎన్నికల ప్రచారానికి రావటం చూస్తుంటే, వైసీపీ పరిస్థితి ఎలా ఉందో అర్ధమవుతుంది.

ఏడుకొండలస్వామి కొలవైన తిరుపతి పార్లమెంటు ఉప ఎన్నిక ప్రచారానికి ఏడు జాతిరత్నాలు దిగబడ్డాయి. పేకాడితే ఎవడమ్మ మొగుడు వచ్చి పీకుతాడు అనే మంత్రి, క్రికెట్ బెట్టింగ్ లో ఆరితేరిన ఒక నీటిపారుదల శాఖ మంత్రి , ఎర్ర చందనం స్మగ్లింగ్ -అక్రమ నోట్ల దొంగ రవాణాలో అడ్డంగా దొరికిపోయిన మంత్రి, రబీకి-ఖరీఫ్ కి తేడా తెలీని మంత్రి , అతనికి శ్రమ లేదు రాష్ట్రానికి ఒక పరిశ్రమ లేదు, పరిశ్రమ తీసుకొచ్చే పరిస్థితి లేని మంత్రి , మధ్యాహ్న భోజనంలో గుడ్లు ఏమయ్యాయి అని ప్రతిపక్షం ప్రశ్నిస్తే గుడ్లు తెలేసే మంత్రి, స్మగ్లర్ల ను పట్టుకోకుండా కొయ్యబొమ్మలా చూస్తున్న మంత్రి...ఇలా ఒక్కోరు ఒక్కో నియోజకవర్గానికి ఇన్ చార్జ్ మినిస్టర్లుగా వ్యవహరించడానికి దందారాయుళ్లు బయలుదేరారు. ఈ జాతిరత్నాలు ఒక చోట చేరి కులం, మతం పేరుతో ప్రజలను ఓట్లు అడుగుతున్నారు. వెంకటేశ్వర స్వామి కొలువుండే చోట ఎలాంటి దౌర్బాగ్యం పట్టిందో చూడండి. ప్రకాశం జిల్లాలో మైనింగ్ హస్తగతం చేసుకుని తన కొడుకును అడ్డం పెట్టుకుని కోట్లు కొల్లగొడుతున్న అటవీశాఖ మంత్రి ఓట్లు అడిగేందుకు వెంకట గిరి వెళ్లారా? అదేమంటే ముఖ్యమంత్రి బంధువునంటున్నారు. మీకు ఓటు అడిగే హక్కు ఉందా? కరోనా బారిన పడి పిల్లలు విలవిలలాడుతుంటే పాఠశాలల్లో ఒక్క సారైనా సమీక్ష చేయని విద్యాశాఖమంత్రి సర్వేపల్లిలో ప్రచారం చేయడమేంటి? నాడు-నేడులో అవినీతిపై స్పందించారా? విద్యాశాఖలో ఓ అధికారిని ప్రకాశం జిల్లా కలెక్టర్ తొలగిస్తే అతన్ని డైరెక్టరుగా పెట్టుకోవడమా మీ చిత్తశుద్ధి. సత్యదూరమైన వ్యక్తి , బూతులు మాట్లాడే వ్యక్తి, పేకాట క్లబ్బులు నడిపే మంత్రి సత్యవేడు ఎందుకు వెళ్లినట్టు? చంద్రబాబు నాయుడు గారు తెచ్చిన పరిశ్రమలను తరిమికొట్టిన పరిశ్రమల మంత్రి వెంకటగిరిలో ప్రచారం చేయడం సిగ్గుచేటు.

కియా మోటార్స్ లో సంబంధిత మంత్రి, బంధువులు స్క్రాప్ అమ్ముకుని రోజూ లక్షలు దోచుకుంటుంటే ఆపే ప్రయత్నం చేశారా? రిలయన్స్ చెప్పిన వారికి రాజ్యసబ సభ్యత్వం ఇచ్చారే ..మరి దానికి బదులుగా తిరుపతిలో ఒక పరిశ్రమనైనా పెట్టమని అడగ్గలిగారా? తూర్పుగోదావరి జిల్లా శివారు ప్రాంతంలో నీళ్లు లేక రైతులు ఏడుస్తుంటే ఆ విషయంలో పట్టించుకోని వ్యవసాయమంత్రి ఎన్నికల్లో ప్రచారానికి వెళ్లారా? చంద్రబాబు గారు అసెంబ్లీలో పోరాడితేనే పంట నష్టం బీమా కట్టిన వ్యవసాయ మంత్రి నేడు స్వామి భక్తి ప్రదర్శిస్తున్నారు.
టీడీపీ హయాంలో 71 శాతం పోలవరం పూర్తి చేశాం. దాన్ని రెండేళ్లలో ఒక్క శాతం ముందుకు తీసుకెళ్లని నీటిపారుదల శాఖ మంత్రి గూడూరులో ఏం ప్రచారం చేస్తారు? పోలవరం మట్టిని కూడా అమ్ముకుంటున్నారు. టీడీపీ ప్రభుత్వం క్రికెట్ బెట్టింగ్ లో పట్టుబడ్డ మంత్రి గూడూరును ఉద్దరించడానికి వెళ్లారా? సాక్షికి కోట్లు రూపాయిల యాడ్లు ఇవ్వడంపై ప్రత్యిక్షంగా మేము ప్రశ్నిస్తే మంత్రి పేర్లి నాని సమాధానం చెప్పలేకపోయారు. పింక్ డైమండ్ పోయిందని సాక్షిలో తప్పుడు రాతలు రాశారు. కోర్టులు మొట్టికాయలు వేసినా సిగ్గురాలేదు. ఒక మంత్రిగా స్పందించని పేర్ని నాని తిరుపతిలో ఏ మొహం పెట్టుకుని ఓట్లు అడుగుతున్నారు? మంత్రి పెద్దిరెడ్డి అరాచకాలకు అంతే లేదు. బెదిరింపులు, దౌర్జన్యాలతో దందాలు చేస్తున్నారు. చిత్తూరులో గ్రానైట్ వ్యాపారులను బెదిరించి వసూళ్లు చేస్తున్నారు. వైసీపీ మంత్రుల బెదిరింపులకు తిరుపతి పార్లమెంటు నియోజకవర్గ ప్రజలు భయపడొద్దు. వైసీపీ కార్యకర్తలకు భయపడొద్దు. తెలుగుదేశానికి ఓటేసి నిజాన్ని బతికించండి. వైసీపీని ఓడించి బుద్ది చెప్పడి.