news

విశాఖపట్నంలో జనసేన అధ్వర్యంలో, భవన నిర్మాణ కార్మికులకు మద్దతుగా పవన్ కళ్యాణ్ చేపట్టిన, లాంగ్‌మార్చ్‌ కార్యక్రమంలో, కలకలం చోటు చేసుకుంది. ఈ కార్యక్రమానికి తెలుగుదేశం పార్టీ తరుపున, మాజీ మంత్రులు, అయ్యన్నపాత్రురు, అచ్చెంనాయుడు పాల్గుతున్నారు. మాజీ మంత్రి అయ్యన్నపాత్రుడు మాట్లాడుతున్న సమయంలో, చిన్న కలకలం రేగింది. అయ్యన్నపాత్రుడు మాట్లాడుతున్న సమయంలో, బ్యారికేడ్లకు ఆనుకున్న ఉన్న వారికి కరెంటు షాక్ కొట్టింది. దీంతో అయ్యన్నపాత్రుడు వెంటనే తన ప్రసంగం ఆపేసి, అక్కడ నుంచి తప్పుకోవాలని కోరారు. వెంటనే జెనరెటర్ ఆపేయాలని కోరారు. దీంతో సభలో కరెంటు ఆగిపోయింది. వెంటనే అంబులెన్స్ ను పిలిచి, కరెంటు షాక్ కొట్టిన వారిని, హాస్పిటల్ కు తీసుకువెళ్ళారు. ప్రాధమిక సమాచారం ప్రకారం, కరెంటు షాక్ సర్క్యూట్ కారణంగా, కరెంటు షాక్ తగిలింది అని, వెంటనే జెనరేటర్ ఆపేయటంతో, ప్రమాదమ తప్పింది.

ఇద్దురు నుంచి నలుగురికి, కరెంటు షాక్ కొట్టిందని, ప్రాధమికంగా తెలుస్తుంది. దాదపుగా 15 నిమిషాల పాటు, సభ ఆగిపోయింది. వెంటనే అక్కడ కరెంటు సరి చేసి, సభలో కరెంటు ఇచ్చారు. అయితే ఎలాంటి సంఘటనలు జరగకుండా, సభ స్టేజ్ పై మాత్రమే కరెంటు ఇచ్చారు. ఈ ఘటనతో సభలో ఒక్కసారిగా కలకలం రేగింది. స్వల్ప తొక్కిసలాట జరిగింది. తరువాత సభ సజావుగా సాగటం మొదలు పెట్టింది. మాజీ మంత్రి అయ్యన్నపాత్రుడు, జగన్ పై ఘాటు వ్యాఖ్యలు చేసారు. జగన్ కంటే, విశాఖ పిచ్చి ఆసుపత్రిలో ఉండే వ్యక్తిని ఆ కుర్చీలో కూర్చోపెట్టినా, బాగా పని చేస్తారని అన్నారు. ఇసుక కొరతతో, ప్రజలు అల్లాడిపోతుంటే, జగన్ ఏ మాత్రం పట్టించుకోకుండా మొద్దు నిద్ర పోతున్నారని అన్నారు.

విజయసాయి రెడ్డి లాంటి వారు, పవన్ కళ్యాణ్, చంద్రబాబు దత్త పుత్రుడు అంటున్నారని, 15 నెలలు జైలు జీవితం గడిపివచ్చిన వారు, ఇంతకంటే ఎలా మాట్లాడతారని అన్నారు. సమస్యను పరిష్కారం చెయ్యటమంటే, రాజకీయం చేస్తున్నారని అన్నారు. రాష్టంలో ఇసుక కొరత, భవన నిర్మాణ కార్మికుల పడుతున్న ఇబ్బందులకు నిరసనగా విశాఖలో ఈ కార్యక్రమాన్ని చేస్తుంది జనసేన. మద్దిలపాలెంలోని తెలుగుతల్లి విగ్రహానికి పూలమాల వేసి నివాళులర్పించిన అనంతరం, అక్కడ నుంచి పవన్‌ లాంగ్‌మార్చ్‌ను ప్రారంభించారు. ఈ లాంగ్‌మార్చ్‌ రామాటాకీస్‌, ఆశీల్‌మెట్ట జంక్షన్‌ మీదుగా ఆర్టీసీ కాంప్లెక్స్‌ ఎదురుగా ఉన్న జీవీఎంసీ గాంధీ విగ్రహం వరకు కొనసాగింది. ఈ ర్యాలీకి తెలుగుదేశం పార్టీ, లోక్ సత్తా, బీజేపీ మద్దతు ప్రకటించాయి. అయితే బీజేపీ నేతలు ఎవరూ, ఈ సభలో మాత్రం పాల్గునలేదు.

గత అయుదు నెలలుగా, ఆంధ్రప్రదేశ్ రాష్ట్రంలో, తెలుగుదేశం పార్టీ నేతలను టార్గెట్ చేసుకుని, కక్ష సాధింపులకు పాల్పడుతున్నారు అంటూ, ప్రతి రోజు ఏదో ఒక వార్త వినిపిస్తూనే ఉంది. తెలుగుదేశం నేతలు, కార్యకర్తలే కాదు, తెలుగుదేశం పార్టీ సానుభూతి పరులను కూడా టార్గెట్ చేస్తున్నారు. అలాగే ప్రభుత్వం పై ఎవరైనా వ్యతిరేకంగా ఉంటే చాలు, వారి పని కూడా పడుతున్నారు. అలాగే రాష్ట్రంలో అనేక సమస్యలతో ప్రజలు కూడా ఇబ్బంది పడుతున్నారు. ఇసుక కొరత నుంచి, దాడులు దాకా, అన్నీ ఇబ్బందులే. ఈ సమస్యల పై, ఇటీవల తెలుగుదేశం పార్టీ నేతలు, రాజ్‌భవన్ కు వెళ్లి, గవర్నర్ బిశ్వభూషణ్ హరిచందన్‌ను కలిసారు. రాష్ట్రంలో జరుగుతున్న పరిస్థితుల పై, విజయవాడ టీడీపీ ఎంపీ కేశినేని నాని సారథ్యంలో, తెలుగుదేశం పార్టీ ఎమ్మెల్యేలు, ఎమ్మెల్సీలు, గవర్నర్ బిశ్వభూషణ్ హరిచందన్‌ ను కలిసి, ఫిర్యాదు చేసారు. ఈ సందర్భంలో, గవర్నర్ చేసిన వ్యాఖ్యలతో, టిడిపి నేతలు అవాక్కయ్యారు.

గవర్నర్ ని కలిసిన సందర్భంలో, ఆచార్య ఎన్‌జీ రంగా వ్యవసాయ విశ్వవిద్యాలయం వైస్ ఛాన్సలర్ దామోదర్ నాయుడు పై ఎస్సీ, ఎస్టీ కేసు పెట్టి, ఆయన్ను అరెస్ట్ చెయ్యటం పై, తెలుగుదేశం నేతలు గవర్నర్ ద్రుష్టికి తీసుకువెళ్ళారు. మా పైనే కాదని, చివరకు యూనివర్సిటీ వైస్ చాన్సెలర్ ను కూడా లోపల వేయటం ఏంటి అంటూ, ఆందోళన వ్యక్తం చేసారు. రాష్ట్రంలో విశ్వవిద్యాలయాలకు ఛాన్సలర్‌గా ఉండే వారు, ఏమైనా చేస్తే, ముందుగా గవర్నర్ కు చెప్పకుండా, గవర్నర్ అనుమతి లేకుండా, కేసు పెట్టి, అరెస్ట్ చెయ్యటం ఏమిటి అంటూ ప్రశ్నించారు. యూనివర్సిటీ వైస్ చాన్సెలర్ ను అరెస్ట్ చెయ్యటం పై, తక్షణం చర్యలు తీసుకోవాలంటూ, తెలుగుదేశం పార్టీ నేతలు, గవర్నర్ ను కోరారు.

అయితే ఈ సందర్భంలో, గవర్నర్ చేసిన వ్యాఖ్యలతో టిడిపి నేతలు కూడా అవాక్కయ్యారు. వైస్‌ ఛాన్సలర్‌ అరెస్టు వార్తను తాను కూడా పత్రికల్లో చూశానని గవర్నర్ చెప్పడంతో తెలుగుదేశం నేతలు అవాక్కయ్యారు. ఈ విషయాన్ని తెలుగుదేశం నేతలు, మీడియాతో పంచుకున్నారు. గవర్నర్ కు తెలియకుండా, ఆయన పరిధిలో ఉన్న అంశాలు కూడా, ఆయనకు చెప్పకుండా జరుగుతున్నాయని అన్నారు. గవర్నర్ అపాయింట్ చేసే, వైస్ చాన్సలర్, ఏమైనా తప్పు చేస్తే, ముందుగా గవర్నర్ కు చెప్పి, ఆయన అనుమతి తీసుకోవాలని అన్నారు. అలాగే గవర్నర్ అనుమతి లేకుండా, చీఫ్ సెక్రటరీకి కూడా చెప్పకుండా, బిజినెస్ రూల్స్ మార్చటం పై కూడా, తెలుగుదేశం నేతలు అభ్యంతరం చెప్తున్నారు. మొత్తానికి, గవర్నర్ కు కూడా తెలియకుండా, ఈ రాష్ట్రంలో చాలా జరుగుతున్నాయనే అభిప్రాయం కలుగుతుంది.

వారు మన రాష్ట్రానికి వచ్చిన అతిధులు. రాష్ట్ర క్రీడారంగం ఎదగాలి అంటే, ప్రతి చిన్న అవకాశాన్ని, వాడుకోవాలి. గతంలో చంద్రబాబు క్రీడలకు ఎంత ప్రాధాన్యత ఇచ్చేవారో చూసాం. రాష్ట్రంలో జాతీయ స్థాయి క్రీడా పోటీలు పెట్టి, మౌలిక వసతలు పెంచే ఏర్పాట్లు చేసేవారు. అయితే ఇప్పుడు వచ్చిన జగన్ ప్రభుత్వం, అంత కంటే, ఎక్కువగా చెయ్యాలని, క్రీడలకు అధిక ప్రాధాన్యత ఇవ్వాలని అందరూ కోరుకుంటున్న వేళ, వస్తున్న వార్తలు చూస్తే, మన రాష్ట్రం పరువు పోతుంది అనే బాధ కలగక మానదు. గుంటూరులోని నాగార్జున యూనివర్సిటీలో, 35వ జాతీయ స్థాయి జూనియర్ నేషనల్ అథ్లెటిక్స్ చాంపిఒన్ షిప్ పోటీలు నిన్న ప్రారంభం అయ్యాయి. దేశం నలు మూలల నుంచి, అన్ని రాష్ట్రాల నుంచి, వివిధ రాష్ట్రాల చెందిన క్రీడాకారులు, గుంటూరు నాగార్జున యూనివర్సిటీ చేరుకున్నారు. నిన్న రాష్ట్ర క్రీడా మంత్రి అవంతి శ్రీనివాస్, ఈ పోటీలను ప్రారంభించారు. అయితే, అక్కడ రాష్ట్ర ప్రభుత్వ ఏర్పాట్లు పై మాత్రం విమర్శలు వస్తున్నాయి.

నాగార్జున యూనివర్సిటీలో వచ్చిన దగ్గర నుంచి, క్రీడాకారులు, ఇబ్బందులు ఎదుర్కుంటునే ఉన్నారు. కేవలం రిజిస్ట్రేషన్ చెయ్యటానికే, ఉదయం 10 గంటల నుంచి, రాత్రి 8 గంటల వరకు పట్టిందని, వాపోతున్నారు. అంత సేపు లైన్ లో నుంచోటానికి, క్రీడాకారులు ఇబ్బంది పడ్డారు. సరైన ఏర్పాట్లు చేయలేదని ఆవేదన వ్యక్తం చేసారు. కర్ణాటక టీం మాట్లాడుతూ, 60 మంది పడుకోవటానికి, రెండు షీట్లు వేసి పడుకోమన్నారని, భోజనం చెయ్యటానికి ఇబ్బంది పడ్డామని వాపోతున్నారు. అలాగే, గ్రౌండ్ లో ఏర్పాట్లు పై కూడా, క్రీడాకారులు అసంతృప్తి వ్యక్తం చేస్తున్నారు. ఎక్కడ చూసినా బురద మాత్రమే ఉందని, సింథటిక్ ట్రాక్ వద్ద మాత్రమే బాగుందని, కానీసం కూర్చోవటానికి కూడా వసతులు లేవని వాపోతున్నారు.

అయితే, కొంత మంది ఈ పరిణామాల పై విసుగెత్తిపోయి, కేంద్ర క్రీడా మంత్రికి, ప్రధాని మోడీకి, ట్విట్టర్ ద్వారా తాము పడుతున్న ఇబ్బందులు వివరించారు. ఇక్కడ ఏర్పాట్లు అధ్వానంగా ఉన్నాయని, మీరే కలుగచేసుకోవాలని కోరారు. ఇవి కొన్ని ట్వీట్స్... "@KirenRijiju sir, here is how a future of Indian athletes u are trying to create r treated. It’s the scene at #Juniornationalathleticchampionship at Guntur. Athletes are standing here frm 10 am till now to get their registration done. 5 hrs n still gng @PMOIndia" @KirenRijiju sir, ashamed by the way a national athletic event is organised without amenities. Girls don’t even hve washrooms! There is a track & rest of d area is filled wid slush! U must make ur senior most team go to d ground if u want change sports in India" "Junior athletics games are going on in guntur ( andhra parades). There is no meal provide to haryana players . Players are having own food . The accommodation facility is also worst. "