news

వైసీపీ ప్రభుత్వం దిగజారుడుతనంతో ప్రలోభాల ఎరవేస్తూ, టీడీపీనుంచి వలసలను ప్రోత్సహిస్తోందని, అందులో భాగంగానే కీలకనేతలైన డొక్కా మాణిక్యవరప్రసాద్, కదిరి బాబూరావు, సతీశ్ రెడ్డి వంటి వారిని లాగేసుకుందని టీడీపీనేత, ఎమ్మెల్సీ పరుచూరి అశోక్ బాబు తెలిపారు. వలసలను ప్రోత్సహించమంటూ బీరాలు పలికిన జగన్, స్థానిక ఎన్నికల్లో టీడీపీని ఎదుర్కొనే ధైర్యం లేకనే, ప్రతిపక్షపార్టీలోని నేతలకు ఎరవేస్తున్నాడన్నారు. మంగళవారం ఆయన మంగళగిరిలోని పార్టీ రాష్ట్ర కార్యాలయంలో విలేకరులతో మాట్లాడారు. రాష్ట్రంలో ప్రతిపక్ష పార్టీయే లేదని మేకపోతు గాంభీర్యం ప్రదర్శిస్తున్న నేతలు, ఆపార్టీలోని నేతలకోసం ఎందుకు అర్రులు చాస్తున్నారో సమాధానం చెప్పాలన్నారు. ముఖ్యమంత్రి జగన్ కు ధనదాహంతో పాటు, రాజకీయదాహం కూడా ఎక్కువైందని, దాన్ని తీర్చుకోవడానికి, స్థానిక ఎన్నికల్లో విజయం సాధించడానికి దిక్కుమాలిన పనులన్నీ చేస్తున్నాడని అశోక్ బాబు మండిపడ్డారు. తెలుగుదేశం నేతలను తన పార్టీలోకి ఆహ్వానిస్తున్న జగన్, ఏ లెక్కన వారిని చేర్చుకుంటున్నాడో సమాధానం చెప్పాలన్నారు. కడపలో సతీశ్ రెడ్డిని వైసీపీలోకి తీసుకున్న ముఖ్యమంత్రి, గతంలో అదే సతీశ్ రెడ్డి, తన తాతను చం-పా-డ-ని నానాయాగీ చేశాడన్నారు.

తన తాతను చం-పి-న వ్యక్తిని పార్టీలోకి తీసుకోవడం ద్వారా, తానుచేసినవన్నీ తప్పుడు ఆరోపణలేనని, ఇప్పటి తన చర్యలతో జగన్ చెప్పకనే చెప్పాడని, అటువంటి నీతిమాలిన చర్యలకు పాల్పడినందుకు ఆయన తక్షణమే క్షమాపణ చెప్పాలన్నారు. గిట్టనివారిపై తప్పుడు ప్రచారం చేయడం.... అవసరమున్నప్పుడు వారినే అక్కున చేర్చుకోవడమనేది జగన్ కు మాత్రమే తెలిసిన దిక్కుమాలిన విద్య అని ఎమెల్సీ దుయ్యబట్టారు. తన తండ్రిని చం-పిం-చిం-ది రిలయన్స్ వారేనని గతంలో మొసలికన్నీరు కార్చిన జగన్, నేడు వారు చెప్పిన వ్యక్తికే రాజ్యసభ సభ్యత్వం ఇవ్వడానికి సిద్ధపడటం ఎంతటి రాజకీయ వికృత క్రీడో ప్రజలంతా ఆలోచించాలన్నారు. స్థానిక ఎన్నికల్లో ఓటమి తప్పదన్న భయంతోనే వైసీపీ, కడపలో సతీశ్ రెడ్డిని, డొక్కా మాణిక్యవరప్రసాద్, కదిరి బాబూరావు, కృష్ణా, నెల్లూరుజిల్లాల్లోని నేతలు సహా, తదితరులను లాగేసుకుందన్నారు.

ఆ భయం రోజురోజుకీ అధికారపార్టీలో పెరుగుతుండబట్టే, టీడీపీనేతలను లోబరచుకోవడానికి సామ, దాన, బేధ, దండోపాయాలను అధికారపార్టీ ప్రయోగిస్తోందన్నారు. డొక్కా కూతురికి జడ్పీటీసీ పదవి ఇస్తామని ఆశచూపిన వైసీపీ ప్రభుత్వం, ఆయన్ని లొంగదీసుకుందన్నారు. 10నెలల్లో బ్రహ్మండమైన పాలన అందించామని ఇన్నాళ్లు ప్రగల్భాలు పలికిన వైసీపీ ప్రభుత్వ, మాటలకు బీటలు పడ్డాయని నేటితో తేలిపోయిందన్నారు. తెలుగుదేశంలో ఉన్నప్పుడు ఎవరిమీదైతే తప్పుడుఆరోపణలు చేశారో, ఇప్పుడు వారినే తనపార్టీలోకి ఎందుకు చేర్చుకుంటున్నాడో జగన్మోహన్ రెడ్డి స్పష్టంచేయాలన్నారు. కొందరు నేతలు టీడీపీ నుంచి వెళ్లినంత మాత్రానా ఆపార్టీకి వచ్చే నష్టమేమీలేదని, మద్యం, డబ్బు పంచి ఎన్నికల్లో గెలవాలని జగన్ చూస్తున్నాడని, ఆయన ఆటలు ఎట్టిపరిస్థితుల్లోనూ సాగనివ్వమని అశోక్ బాబు తేల్చిచెప్పారు. టీడీపీ నుంచి వైసీపీలోకి వెళ్లే నేతలందరి పరిస్థితి కరివేపాకులా తయారవుతుందనడంలో ఎటువంటి సందేహం లేదని ఆయన తేల్చిచెప్పారు. కష్టమైనా, నష్టమైనా టీడీపీలో ఉండి, ప్రజలపక్షాన నిలిచినవారికే ఉజ్వల భవిష్యత్ ఉంటుందని టీడీపీనేత స్పష్టంచేశారు.

జగన్ మోహన్ రెడ్డి ముఖ్యమంత్రి అయిన మొదటి రోజు, ఏమి చెప్పారో గుర్తుందా ? కేంద్రంలో మోడీకి మన బలం అవసరం లేదు, మన కర్మకు ఆయనకు ఫుల్ మెజారిటీ ఉంది, అందుకే మనం ఏమి కావలి అన్నా, సార్ ప్లీజ్, సార్ ప్లీజ్ అని బ్రతిమిలాడుకోవటమే అంటూ, జగన్ చెప్పిన మాటలు గుర్తుండే ఉంటాయి. అయితే, ఇప్పుడు జగన్ మోహన్ రెడ్డికి, రాజ్యసభ రూపంలో, అదిరిపోయే అవకాసం వచ్చింది. రాజ్యసభలో బీజేపీకి ఎక్కువ మెజారిటీ లేదు అనే విషయం అందరికీ తెలిసిందే. ఈ విషయంలో బీజేపీ తెగ ఇబ్బంది పడుతుంది. అయితే కొత్తగా 55 రాజ్యసభ సీటులు ఖాళీ అవుతున్నాయి. అందులో మన రాష్ట్రం నుంచి నాలుగు సీట్లు ఖాళీ అవుతున్నాయి. ఈ నాలుగు కూడా, వైసీపీనే గెలుచుకుంటుంది. అయితే, ఈ నాలుగు మన రాష్ట్రానికి చెందిన వారికి ఇస్తారని ఎవరైనా అనుకుంటారు. కాని ఇక్కడ అనూహ్యంగా, ఎక్కడో జార్ఖండ్ కు చెందిన వ్యక్తికి, మన రాష్ట్రం నుంచి రాజ్యసభకు పంపిస్తున్నారు జగన్ మోహన్ రెడ్డి. దీని వెనుక అనేక స్టొరీలు నడిచాయి.

మనకు కనిపించేది, ఏకంగా ముఖేష్ అంబానీ, తాడేపల్లి వచ్చి, జగన్ ను కలవటం. అయితే వైసీపీ మాత్రం, వేరేలా ప్రచారం చేసింది. ఇంకేముంది, అంబానీ మన రాష్ట్రలో వేల కోట్ల పెట్టుబడులు పెడుతున్నారు అంటూ ఊదరగొట్టారు. కట్ చేస్తే, అంబానీకి బాగా సన్నిహితుడు అయిన, పరిమల్ నత్వానీకి, ఆంధ్రప్రదేశ్ నుంచి రాజ్యసభ టిక్కెట్ ఇచ్చారు జగన్. రేపు నామినేషన్ కూడా వేస్తున్నారు. దీని వెనుక బీజేపీ ఉందని, అమిత్ షా ఇచ్చిన ఆదేశాల ప్రకారమే, జగన్ తూచ తప్పకుండా అవి పాటించారని తెలుస్తుంది. అయితే, పరిమల్ నత్వానీని, ఏపి నుంచి పంపించటం వల్ల, మన రాష్ట్రానికి ఉపయోగం ఏమిటి ? మన రాష్ట్రానికి కేంద్రం ఏమైనా అదనపు సహాయం చేస్తుందా ? లేక పెండింగ్ లో ఉన్న పనులు చేస్తుందా ?

లేదు, కేంద్రం ఇవేమీ చెయ్యటం లేదు. పరిమల్ నత్వానీకి టికెట్ ఇచ్చే ముందు, బీజేపీ ముందు జగన ఒక కొండీషన్ పెట్టారని సమాచారం. అదే, తన నిర్ణయానికి వ్యతిరేకంగా వ్యవహరిస్తున్న శాసనమండలి రద్దు తీర్మానం, ఈ సెషన్ లోనే పార్లమెంట్ లో ఆమోదించాలని, జగన్ అడిగారని, దానికి బీజేపీ పెద్దలు కూడా ఒప్పుకున్నట్టు సమాచారం. అయితే, దీని పై కేంద్రం నిజంగా నిర్ణయం తీసుకుంటుందో లేదో చూడాలి. అయితే ఇది ఇలా ఉంటే, రాష్ట్రానికి ఎంతో ముఖ్యమైన సమస్యలు అయిన ప్రత్యెక హోదా, పోలవరం నిధులు, విభజన హామీలు, అధిక నిధులు ఇలా వీటికి డిమాండ్ పెట్టి, కండీషన్ ఇలా పెట్టాలి కాని, తన రాజకీయ ప్రయోజనాల కోసం, ఇలా రాజ్యసభ సీటు తక్కట్టు పెట్టటం ఏమిటి అంటూ తెలుగుదేశం విమర్శిస్తుంది. స్థానిక సంస్థలు ఎన్నికలు అవ్వగానే, వైసీపీ కేంద్రంలో చేరుతుంది అని సమాచారం.

భారతదేశ చరిత్రలో ఏ రాష్ట్ర ప్రభుత్వంకూడా, ఏపీ ప్రభుత్వంలా ఇంతఘోరంగా ఎన్నికల నిర్వహణ చేయలేదని, 10నెలల క్రితం భారీమెజారిటీతో గెలిచిన జగన్ ప్రభుత్వం, నేడు స్థానిక సంస్థల ఎన్నికల్లో గెలవడానికి అడ్డదారులు తొక్కుతూ, దొడ్డిదారిలో వెళుతోందని టీడీపీనేత, ఆపార్టీ ఎమ్మెల్సీ దీపక్ రెడ్డి ఎద్దేవాచేశారు. మంగళవారం ఆయన మంగళగిరిలోని పార్టీ రాష్ట్ర కార్యాలయంలో విలేకరులతో మాట్లాడారు. ఓడిపోతామన్న భయం వైసీపీ ప్రభుత్వానికి పట్టుకోవడంతో, వ్యవస్థలను ప్రలోభపెడుతూ, అధికారులను బెదిరిస్తూ గెలుపుకోసం ప్రయత్నాలు చేస్తోందన్నారు. పక్క రాష్ట్రాలనుంచి మద్యం తీసుకురావడం, మంత్రి పెద్దిరెడ్డి రామచంద్రారెడ్డి నియోజకవర్గంలో టీడీపీ తరుపున నామినేషన్లు వేసేవారిని అడ్డుకోవడం, మంత్రి అనుచరులే ప్రభుత్వ కార్యాలయాల్లోకి చొరబడి, అభ్యర్థులపై దాడిచేయడం వంటి అనేక ఘటనలు చూశామన్నారు. తన నియోజకవర్గంలో ఇష్టానుసారం వ్యవహరిస్తున్న పెద్దిరెడ్డి రామచంద్రారెడ్డి, టీడీపీపై దుష్ర్పచారం చేస్తూ, తన తప్పులను ప్రతిపక్షంపైకి నెట్టడానికి ప్రయత్నించాడన్నారు. అదేవిధంగా డిప్యూటీ సీఎం అంజాద్ బాషా వాలంటీర్లతో సమావేశం నిర్వహించి, మీరంతా జగనన్న రుణం తీర్చుకోవాల్సిన సమయం వచ్చిందని చెప్పడం ఎన్నికల కోడ్ ను ఉల్లంఘించడం కాదా అని దీపక్ రెడ్డి ప్రశ్నించారు.

ఇలాంటి అనేక సంఘటనలు జరుగుతున్నా ఎన్నికల కమిషన్ నిమ్మకు నీరెత్తినట్లుగా వ్యవహరించడం సరికాదన్నారు. పుంగనూరు నియోజకవర్గంలో జరిగిన దానికి కొనసాగింపుగా చిత్తూరుజిల్లాలో మరికొన్ని ఘటను జరిగాయని, అదేవిధంగా మచిలీపట్నం, జగ్గయ్యపేట, శ్రీకాళహస్తి ప్రాంతాల్లో కూడా టీడీపీతరుపున పోటీచేసేవారికి ధృవీకరణ పత్రాలు ఇవ్వకుండా, ఇంటి, ఆస్తి, కొళాయి పన్నులు చెల్లింపులు చేసుకోకుండా, నామినేషన్లు వేయనీయకుండా కావాలనే అడ్డుకోవడం జరిగిందన్నారు. తంబళ్లపల్లె నియోజకవర్గంలో ధృవీకరణ పత్రాలు కోసం వెళ్లిన ప్రతిపక్షపార్టీ సభ్యులకు, అధికారులు అనేక కుంటిసాకులు చెప్పారని, తాము ఇవ్వడం కుదరదని, ఇచ్చే అధికారం తమకు లేదని, తాము విధుల్లో లేమని, తమస్థానంలో కొత్తవారు వచ్చారని, సర్టిఫికెట్లు ఆఫ్ లైన్ లో ఇవ్వకూడదు.. ఆన్ లైన్ లో దరఖాస్తు చేసుకోండి అంటూ తమపని తాము చేయకుండా తప్పించుకోవడం ఎంతవరకు సబబని దీపక్ రెడ్డి నిలదీశారు. ప్రభుత్వ ఆదేశాలతోనే అధికారులు ఆ విధంగా వ్యవహరిస్తున్నారని, వారిని అడ్డంపెట్టుకొని ఎన్నికల్లో గెలవాలని జగన్ సర్కారు చూస్తోందన్నారు. నిజంగా ప్రభుత్వానికి ప్రజాబలం, వారి ఆమోదం ఉంటే, ఇన్నితప్పుడు పనులు చేయాల్సిన అవసరం లేదన్నారు. ఎన్నికల నిబంధనలకు విరుద్ధంగా, రాష్ట్రవ్యాప్తంగా ఇన్ని సంఘటనలు జరుగుతుంటే, ఎన్నికల సంఘం ఏం చేస్తోందని దీపక్ రెడ్డి ప్రశ్నించారు.

రాష్ట్రవ్యాప్తంగా ఫిర్యాదుల స్వీకరణకు ఒక టోల్ ఫ్రీ నంబర్ ఏర్పాటుచేసి, తద్వారా వచ్చే ఫిర్యాదులు.. విజ్ఞప్తులపై ఈసీ తక్షణమే చర్యలు తీసుకోవాలని టీడీపీనేత డిమాండ్ చేశారు. ఎన్నికల కమిషన్ కు ఇప్పటికే 8-9సార్లు ఫిర్యాదుచేశామని, వాటిపై ఇప్పటివరకు స్పందించలేదన్నారు. నిబంధనలను అతిక్రమిస్తున్న అధికారపార్టీ నేతలు, మంత్రులపై చట్టపరంగా క్రిమినల్ కేసులు మోపి చర్యలు తీసుకోవాలని దీపక్ రెడ్డి డిమాండ్ చేశారు. ఎన్నికల దృష్ట్యా వేగంగా కుల, ఆదాయ, ఇతరేతర సర్టిఫికెట్లు అభ్యర్థులకు అందేలా చర్యలు తీసుకోవాలన్నారు. ప్రభుత్వం రిజర్వేషన్ల అమలునుకూడా అడ్డగోలుగా అమలు చేస్తోందని, బీసీల స్థానాలు వారికి దక్కకుండా చేయడం, గ్రామాలను తీసుకెళ్లి పట్టణాల్లో కలపడం వంటి చర్యలకు పాల్పడుతోందన్నారు. ప్రజలందరూ ప్రభుత్వ చర్యలను గమనించాలని, వారి దృష్టికి వచ్చే సమస్యలను టీడీపీ హాట్ లైన్ కు పంపాలన్నారు. (విలేకరుల సమావేశంలో తంబళ్లపల్లె నియోజకవర్గంలోని కొత్తకోట, తంబళ్లపల్లి మండలాల అధికారులు, వీఆర్వోలు ప్రతిపక్ష పార్టీల అభ్యర్థులతో మాట్లాడుతూ, మీరు కోరే సర్టిఫికెట్లు మేము ఇవ్వలేమంటూ చెప్పిన ఆడియోను దీపక్ రెడ్డి విలేకరులకు వినిపించారు.)