news

66 రోజులు పాటు జైలులో ఉండి, గత శనివారం, 18 కేసుల్లో బెయిల్ తెచ్చుకుని, దెందులూరు మాజీ ఎమ్మెల్యే చింతమనేని ప్రభాకర్ విడుదల అయిన సంగాతి తెలిసిందే. అయితే చింతమనేని వచ్చిన రెండు రోజులకే మరో కేసు నమోదు అయ్యింది. అయితే ఇది ఎవరో ప్రైవేటు వ్యక్తులు పెట్టిన కేసు కాదు. నిబంధనలు ఉల్లంఘించారు అంటూ పోలీసులు పెట్టిన కేసు. చింతమనేని విడుదల తరువాత, పెద్ద ర్యాలీ తీస్తారని తెలిసి, దీంతో శాంతిభద్రతలకు విఘాతం కలుగుతుందని, పోలీసులు జిల్లా అంతటా సెక్షన్ 30 అమలు చేసారు. ఈ నిబంధన ప్రకారం, ఎలాంటి ర్యాలీలు, బహిరంగ సభలు పెట్ట కూడదు. అయితే, చింతమనేని విడుదల అవుతున్నారని తెలుసుకుని, పెద్ద ఎత్తున ఆయన అభిమానులు, టిడిపి కార్యకర్తలు, నియోజకవర్గ ప్రజలు స్వాగతం పలికారు. దారి పొడవునా చింతమనేనికి ఘన స్వాగతం పలికారు. అయితే జిల్లాలో పోలీసు యాక్టు-30 అమలులో ఉండగా, చింతమనేని ర్యాలీ తీసారని, పోలీసులు అభియోగం మోపారు.

చింతమనేని ర్యాలీ వస్తున్న సమయంలో, అక్కడ త్రీటౌన్‌ సీఐ ఎంఆర్‌ఎల్‌ఎ్‌సఎస్‌ మూర్తి తన సిబ్బందితో శనివారపుపేటలో గస్తీ నిర్వహిస్తున్నారు. చింతమనేని ర్యాలీతో, శాంతిభద్రతలకు విఘాతం కలిగించి, పోలీసు విధులకు ఆటంకం కలిగించారని, అలాగే, పోలీసు మోటారు వాహన చట్టాన్ని కూడా ఉల్లంఘించారని, లూరు త్రీటౌన్‌ పోలీసు స్టేషన్‌లో చింతమనేని పై కేసు నమోదు చేసారు. చింతమనేనితో పాటుగా, తెలుగుదేశం నేతలు, రవి, చలమోల అశోక్‌గౌడ్‌, దాసరి ఆంజనేయులు, వేంపాటి ప్రసాద్‌, సహా మరి కొందరి పై, కేసు నమోదు చేసారు. అయితే ఈ కేసు పై చింతమనేని అనుచరులు మాత్రం, వేరేగా స్పందిస్తున్నారు. పెద్ద ఎత్తున, ప్రజలు, కార్యకర్తలు వస్తే, వారికి అభివాదం తెలపటం కూడా తప్పా అని ప్రశ్నిస్తున్నారు.

ఇక మరో పక్క, ఈ రోజు తెలుగుదేశం పార్టీ అధినేత చంద్రబాబు, చింతమనేని నివాసానికి రానున్నారు. నేటి నుంచి మూడు రోజల పాటు, పశ్చిమగోదావరి జిల్లాలో చంద్రబాబు పర్యటించనున్నారు. జిల్లాలో పార్టీ పరిస్థితి పై సమీక్ష చెయ్యనున్నారు. ఈ సమీక్ష తణుకులోని భోగవల్లి బాపయ్య, అన్నపూర్ణమ్మ కల్యాణ మండపంలో జరగనుంది. ఈ పర్యటనలో భాగంగా, చంద్రబాబు ఈ రోజు ఉదయం 12 గంటలకు, ఏలూరు సమీపంలోని దుగ్గిరాల గ్రామంలో, చింతమనేని ఇంటికి చంద్రబాబు రానున్నారు. అయితే చంద్రబాబు పర్యటన పై పోలీసులు ఆంక్షలు విధిస్తూ, కొంత మండి టిడిపి వారిని అదుపులోకి తీసుకున్నారని, ముందు జాగ్రత్త చర్యల్లో భాగంగా 20 మందిని అరెస్ట్ చేసారని, వారిని వెంటనే విడుదల చెయ్యాలని టిడిపి అంటుంది.

సోమవారం నుంచి పార్లమెంట్ సమావేశాలు ప్రారంభం అవుతూ ఉండటంతో, తమ పార్టీ ఎంపీలకు దిశానిర్దేశం చెయ్యటానికి, సమావేశాల్లో అనుసరించాల్సిన వ్యూహం పై, తాడేపల్లిలోని తన నివాసంలో శుక్రవారం వైసీపీ ఎంపీలతో జగన్‌ భేటీ అయ్యారు. ఈ సమావేశంలో, ఎంపీలకు జగన్ చెప్పిన విషయం పై, పలు వార్తా పత్రికల్లో కద్నాలు వచ్చాయి. ఎవరూ పార్టీ లైన్ దాటటానికి వీలు లేదని, అందరూ పార్టీకి లోబడే ఉండాలని, కొన్ని టీవీ చర్చల్లో, సొంత అభిప్రాయం చెప్తూ ఉన్న విషయం తన ద్రుష్టికి వచ్చిందని జగన్ అన్నారు. అలాగే ఢిల్లీలో, ఎవరి ఇష్టం వచ్చినట్టు వారు, ప్రధాని మోడీని, కేంద్ర మంత్రులను కలుస్తున్నారని తెలిసిందని, ఏ సమస్య పైన కలిసినా, విజయసాయి రెడ్డి అభిప్రాయం తీసుకుని, ఆయనతో కలిసే వెళ్లి వారిని కలవాలి అని చెప్పినట్టు, ఆ కధనాల్లో వచ్చింది. విజయసాయి రెడ్డితో లేక ఎంపీ మిథున్‌ రెడ్డిని కలిసి, వారి అభిప్రాయాలూ, వారి సూచనలు తీసుకున్న తరువాతే, వెళ్ళాలని చెప్పినట్టు ఆ కధనాల్లో వచ్చాయి.

ఇలా కాకుండా, మీ ఇష్టం వచ్చినట్టు వెళ్తే, ఇక నుంచి షోకాజ్‌ నోటీసు జారీ చేసేందుకూ వెనుకాడను అంటూ ఎంపీలను జగన్‌ హెచ్చరించారని, వార్తలు వచ్చాయి. అయితే, జగన్ ఈ వ్యాఖ్యలు ఎందుకు చేసారు, ఎవరిని ఉద్దేశించి చేసారు అనే చర్చ మొదలైంది. సహజంగా, జగన్ ను దాటి, వెళ్ళే సాహసం ఎవరూ చెయ్యరని, వైసిపీలో చెప్తూ ఉంటారు, మరి అలా కాకుండా, డైరెక్ట్ గా బీజేపీతో సన్నిహితంగా ఉంటున్న ఎంపీలు ఎవరూ అనే చర్చ మొదలైంది. ఇటీవలే ఓ లోక్‌సభ కమిటీ చైర్మన్‌ పదవి పొందిన ఒక ఎంపీ గురించి అంటూ వార్తలు వస్తున్నా, ఆ విషయం పై, వైసీపీ వర్గాలు మాత్రం నోరు ఎత్తటం లేదు. అయితే, ఇప్పుడు జగన్ హెచ్చరికలు గట్టిగా చెయ్యటంతో, ఆ ఎంపీలు అందరూ ఇప్పుడు జగన్ చెప్పినట్టు వినాల్సిన పరిస్థితి.

అయితే మరో పక్క తెలుగుదేశం పార్టీ నేతలు, ఏడుగురు ఎంపీలు బీజేపీతో టచ్ లో ఉన్నారని, సగానికి పైగా ఎంపీలను తీసుకుని, పార్లమెంటరీ పార్టీని విలీనం చేసుకునే వ్యూహంలో బీజేపీ ఉందని, అందుకే ఆ వార్తలు చర్చలోకి లేకుండా ఉండేదుకే, ఇలా ప్రెస్ మీట్ లుపెట్టి, బూతులు తిట్టిస్తూ, అటెన్షన్ మొత్తం, అటు తిప్పుతున్నారని, టిడిపి నేతలు ఆరోపిస్తున్నారు. అయితే, ఈ ప్రచారంలో వాస్తవం ఉందొ లేదో తెలియదు కాని, ఇప్పుడు జగన్ హెచ్చరిక వార్తలు, పత్రికల్లో రావటంతో, ఏదో జరుగుతుంది అనే చర్చ మాత్రం జరుగుతుంది. ఇప్పటికిప్పుడు జగన్ మోహన్ రెడ్డి పై, ఎవరూ ధిక్కారం చూపించకపోయినా, సమీప భవిష్యత్తులో బీజేపీ మాత్రం, ఏదో ఒక వ్యూహం పన్నుతుంది అని రాజకీయ విశ్లేషకులు భావిస్తున్నారు.

తెలుగుదేశం పార్టీ నేత, విజయవాడ సెంట్రల్ మాజీ ఎమ్మెల్యే బొండా ఉమా, ఈ రోజు తన అఫిషియల్ ఫేస్బుక్ పేజ్ లో పెట్టిన ఒక పోస్ట్, ఇప్పుడు ఆసక్తిగా మారింది. ఇదే జరిగితే, రాష్ట్ర రాజకీయాలను కుదిపే అంశం అవుతుంది. ఇది ఆయన పెట్టిన పోస్ట్. "బిగ్ బ్రేకింగ్ ఢిల్లీ..... జగన్ కు బెయిల్ రద్దు చేసే యోచనలో CBI...??? విజయ సాయి రెడ్డి లేవనెత్తిన విషయాన్ని సున్నితంగా తిరస్కరించిన కేంద్రం...!" అంటూ బొండా ఉమా పోస్ట్ చేసారు. ఇప్పటికే జగన్ మోహన్ రెడ్డి, శుక్రవారం మినహయింపు పిటీషన్ పై, సిబిఐ ఇచ్చిన గట్టి కౌంటర్ చూసి, త్వరలోనే ఏదో జరగబోతుంది అంటూ, ప్రచారం జరుగుతుంది. సిబిఐ అంత స్ట్రాంగ్ గా కౌంటర్ ఇవ్వటం వెనుక, కేంద్ర హోం శాఖ ఉందని ప్రచారం కూడా జరిగిన సంగతి తెలిసిందే. శుక్రవారం కోర్ట్ కి రావాలని, అడిగినందుకే, ఇంత గట్టిగా సిబిఐ వాదించటం పై, చర్చ జరిగింది. ఆయన ఇప్పుడు సియంగా ఉన్నారని, సాక్షులని ప్రభావితం చేస్తారని సిబిఐ కోర్ట్ కు చెప్పటంతో, కోర్ట్ సిబిఐ వాదనతో ఏకీభవించింది.

అయితే, త్వరలొనే సిబిఐ బెయిల్ రద్దు పిటీషన్ కూడా వేస్తుందని, దీనికి సంబంధించి బలమైన ఆధారాలు కూడా సేకరించింది అంటూ, వార్తలు వస్తున్నాయి. అయితే, ఇవన్నీ రాజకీయ ఆరోపణలు అని, ఇప్పటికిప్పుడు జగన్ మోహన్ రెడ్డికి, ఎలాంటి ఇబ్బంది ఉండదు అంటూ, వైసిపీ నేతలు అంటున్నారు. జగన్ ను ఎదుర్కోలేక ఇలాంటి ఆరోపణలు చేస్తున్నారని, అంటున్నారు. ఈ ప్రచారం ఇలా కొనసాగుతూ ఉండగానే, ఈ రోజు బొండా ఉమా, ఢిల్లీ బిగ్ బ్రేకింగ్ అంటూ, జగన్ కు బెయిల్ రద్దు యోచనలో సిబిఐ ఉందని పోస్ట్ చేసారు. అయితే, ఇది రాజకీయంగా, ప్రచారం కోసం పెట్టిన పోస్టింగా, లేక నిజంగానే ఏదైనా జరుగుతుందా అనే చర్చ జరుగుతంది. సహజంగా బొండా ఉమా పేజ్ నుంచి ఇలాంటివి పోస్ట్ చెయ్యరు.

ఇవి ఎందుకు చేసారు ? బొండా ఉమాకు ఏమైనా సమాచారం ఉందా అనే విషయం పై చర్చ జరుగుతంది. మరో పక్క, నిన్న ఒక ప్రముఖ న్యూస్ ఛానెల్ లో, ఎక్కువ కాలంగా, సిబిఐ, ఈడీ కేసుల్లో బెయిల్ ఉన్న వారికి, రద్దు చెయ్యాలని కేంద్ర హోం శాఖ ఆదేశించినట్టు వార్త ప్రసారం చేసారు. బొండా ఉమా, ఆ వార్త ఆధారంగా, ఇలా పోస్ట్ చేసారా అనే చర్చ కూడా జరుగుతుంది. మరో పక్క, ఈ రోజు ఢిల్లీలో జరిగిన అఖిలపక్ష సమావేశంలో, కాంగ్రెస్ పార్టీ చిదంబరానికి బెయిల్ ఇచ్చి, పార్లమెంట్ సమావేశాలకు హాజరు అయ్యేలా అవకాసం ఇవ్వాలని కోరిన సమయంలో, విజయసాయి రెడ్డి కల్పించుకుని, జగన్ కు ఆనాడు జరిగిన అన్యాయం అంటూ చెప్తుంటే, అమిత్ షా ఆ విషయం మీకు ఎందుకు, వాళ్ళు చెప్పారు, మేము నోట్ చేసుకున్నాం అని చెప్పినట్టు వార్తలు వచ్చాయి.