news

మొన్నా మధ్య, హోంమంత్రి గారి సొంత నియోజకవర్గంలో, టిడిపి సానుభూతిపరులు ఉంటున్న ఇళ్ళకు అడ్డంగా గోడ కట్టి , వారు లోపలకి, బయటకు వెళ్ళకుండా చేస్తూ, వైసిపీ శ్రేణులు చేసిన ఆటవిక చర్య తెలిసిందే. దీని పై స్పందించిన జాతీయ మానవ హక్కుల సంఘం కూడా, వచ్చి, క్షేత్ర స్థాయి పర్యటన చేసి, ఎంక్వయిరీ చేసి వెళ్లారు. తరువాత, ఒక నెల రోజుల క్రితం, అనంతపురం జిల్లాలో, తెలుగుదేశం పార్టీ నాయకుడు ఇంటి చుట్టూ, వైసీపీ శ్రేణులు, బండలు పాతిన విషయం తెలిసిందే. ఇప్పుడు ఇలాంటి మరో ఆటవిక సంఘటన జరిగింది. అది కూడా ఒక ఒంటరి మహిళ ఉంటున్న ఇంటి పై. రాష్ట్రమంతా ఇసుక కొరత ఉంటే, ఇలా ఇళ్ళకు అడ్డంగా గోడలు కట్టటానికి మాత్రం, వీరికి ఇసుక ఎక్కడ నుంచి వస్తుందో మరి. వివరాల్లోకి వెళ్తే, ప్రకాశం జిల్లాలో ఈ తాజా సంఘటన చోటు చేసుకుంది. ఇంట్లో వారు బయటకు రాకుండా, లోపలికి వెళ్ళకుండా గోడ కట్టటమే కాదు, ఆ గోడ ముందు, ఇంటి గేటు ఎదురుగా, ఒక గది కూడా కట్టేసారు.

ప్రకాశం జిల్లా లింగసముద్రం మండలం తిమ్మారెడ్డిపాలెంలో ఈ ఘోర సంఘటనా జరిగింది. ముచ్చుమూరి ఆదిలక్ష్మమ్మ, వెన్నపూస నరసింహం ఎదురు ఎదురుగా ఉత్నున్నారు. అయితే ఆదిలక్ష్మమ్మ ఇంటికి, అక్కడ ఎదురుగా ఉన్న రోడ్డు మధ్యలో కొంత గ్రామకంఠానికి చెందిన ఖాళీస్థలం ఉంది. ఇంటి ఎదురుగా ఉన్న స్థలం కావటంతో, ఈ స్థలాన్ని 30 ఏళ్ల నుంచి ఆదిలక్ష్మమ్మ కుటుంబం ఉపయోగించుకుంటోంది. ఆ మార్గం నుంచి, ఇంట్లోకి రాకపోకలు సాగిస్తున్నారు. ఇలాంటివి పల్లెటూరుల్లో చాలా సహజంగా జరిగే పనులు. అయితే ఆదిలక్ష్మమ్మ తన పాత ఇంటిని తొలగించి కొత్తది నిర్మించుకునే సమయంలో, ఈ స్థలం నాది అని, ఇటు వైపు గేటు పెట్టొద్దని నరసింహం అభ్యంతరం పెట్టాడు.

అంతే కాదు, కొన్ని రోజులు క్రిందట ఈ స్థలం నాది అంటూ, ఇంటి ముందు దౌర్జన్యంగా ఇటుకలతో గోడ కట్టాడు. అయితే ఈ స్థలం తమదని, రోడ్డు అవతల ఉండే నరసింహంకు ఈ స్థలంతో ఎలాంటి సంబంధం లేదంటూ ఆదిలక్ష్మమ్మ కుటుంబ సభ్యులు ఆ గోడను తొలగించారు. అయితే మరోసారి గోడ కట్టి, అక్కడ ఒక గది కూడా ఏర్పాటు చేస్తున్న సమయంలో, ఇది పోలీస్ స్టేషన్ వద్దకు వెళ్ళింది. పామూరు సీఐ శివరామకృష్ణారెడ్డి ఈ నెల 11న తిమ్మారెడ్డిపాలెం వెళ్లి వివాదాస్పద స్థలాన్ని పరిశీలించి, ఈ వివాదం తేలేదాకా ఇక్కడ ఎలాంటి నిర్మాణాలూ చేపట్టవద్దని ఆదేశించారు చెప్పారు. పోలీసులు చెప్పినా వినకుండా, నరసింహం గోడ ఎత్తులేపడంతో పాటు గది పై రేకులు కూడా వేసేయటంతో, ఇప్పుడు ఆ ఇంటికి వెళ్ళటానికి దారి లేకుండా పోయింది. సిఐ హెచ్చరించినా, వీళ్ళు ఇలా రెచ్చిపోతున్నారని, రెవిన్యూ అధికారులు పట్టించుకోవటం లేదని, అధికారులు తనకి సాయం చెయ్యాలని ఆదిలక్ష్మమ్మ దీనంగా ఎదురు చూస్తుంది.

చంద్రబాబు నాయుడు ముఖ్యమంత్రిగా ఉండగా, ఉపాధి హామీ పధకం సమర్ధవంతంగా ఉపయోగించుకుని, అన్ని పనులూ చేసుకుంటూ, రాష్ట్రంలోని ఉపాధి హామీ కూలీలకు పని కల్పిస్తూ, సమర్ధవంతంగా ఈ కార్యక్రమాన్ని ఉపయోగించుకున్నారు. అప్పట్లో దేశంలోనే నెంబర్ వన్ గా, ఈ కార్యక్రమంలో, ఆంధ్రప్రదేశ్ రాష్ట్రం ఘనత సాధించింది. అయితే ఎన్నికల ముందు దాదపుగా రెండు మూడు నెలలు చేసిన పనికి, కేంద్రం నుంచి నిధులు రాలేదు. ఈ నిధులు జగన్ మోహన్ రెడ్డి ప్రభుత్వంలోకి వచ్చిన తరువాత, రెండు నెలలకు వచ్చాయి. దాదపుగా 1845 కోట్లు కేంద్రం, రాష్ట్రానికి విడుదల చేసింది. అయితే కేంద్ర వాటికి తోడుగా, మరో 461 కోట్లు రాష్ట్రం తరుపున విడుదల చేసి, పంచాయతీలకు విడుదల చెయ్యాల్సి ఉంది. అయితే, కేంద్రం ఇచ్చిన 1845 కోట్లు కాని, రాష్ట్ర వాటా కాని, ఇప్పటి వరకు, లబ్దిదారులకు చేరలేదు. అయితే ఆ 1845 కోట్లు ఎందుకు విడుదల చెయ్యటం లేదు అనేది, ప్రభుత్వం నుంచి స్పష్టత రాలేదు.

ఆ మధ్య కాలంలో, ఈ విషయం పై గవర్నర్ కు కూడా ఫిర్యాదు చేసారు. చంద్రబాబు కూడా కేంద్ర మంత్రికి లేఖ రాసారు. కేంద్రం ఇచ్చిన 1845 కోట్లు, వేరే వాటికి మళ్ళించారని, చట్ట ప్రకారం, కేంద్రం విడుదల చేసిన మూడు రోజుల్లో ఆ నిధులు ఇవ్వాలని అన్నారు. అయితే, ఇప్పటి వరకు రాష్ట్ర ప్రభుత్వం, ఈ నిధులు ఇవ్వలేదు. ఈ విషయం పై, ప్రభుత్వ నిర్ణయానికి వ్యతిరేకంగా, కృష్ణా జిల్లా పంచాయతీ సర్పంచుల సంఘం అధ్యక్షుడు రామకృష్ణారెడ్డి హైకోర్టులో పిటీషన్ దాఖలు చేసారు. ఈ పిటీషన్ పై, హైకోర్ట్ లో వాదనలు జరిగాయి. కేంద్రం ఇచ్చిన ఆ 1845 కోట్లు, పంచాయతీలకు ఎందుకు బదిలీ చెయ్యలేదు, కారణం ఏమిట్ చెప్పండి, అంటూ, రాష్ట్ర ప్రభుత్వాన్ని హైకోర్ట్ నిలదీసింది.

దీనికి బాధ్యులు ఎవరో చెప్పాలని, రాష్ట్ర ప్రభుత్వానికి, హైకోర్టు ప్రధాన న్యాయమూర్తి జస్టిస్‌ జేకే మహేశ్వరి, జస్టిస్‌ జి.శ్యాంప్రసాద్‌తో కూడిన ధర్మాసనం ఉత్తర్వులు జారీ చేసింది. 2019-2020 ఆర్థిక సంవత్సరానికిగాను కేంద్రం ఇచ్చిన నిధుల్ని ప్రభుత్వం వేరే అవసరాలకు వినియోగించిందని, పిటీషన్ దారులు, కోర్ట్ కు తెలిపారు. కేంద్ర ప్రభుత్వం ఈ ఏడాది ఏప్రిల్‌, జూలై, ఆగస్టు నెలల్లో రూ.1845 కోట్లను, రాష్ట్రానికి విడుదల చేసిందని, దీనికి రాష్ట్ర ప్రభుత్వం, మరో రూ.461 కోట్లు జత చేసి మూడు రోజుల్లోగా గ్రామ పంచాయతీలకు విడుదల చేయాల్సి ఉండగా, ఇప్పటి వరకు ఇవ్వలేదని కోర్ట్ కు తెలిపారు. ఈ వాదనలు పరిగణలోకి తీసుకున్న కోర్ట్, వివరణ ఇవ్వాలంటూ ప్రభుత్వానికి చెప్పి, రెండు వారాలకు వాయిదా వేసింది.

ఏలూరులో టెన్షన్ వాతావరణం నెలకొంది. తెలుగుదేశం పార్టీ సీనియర్ నేత, దెందులూరు మాజీ ఎమ్మెల్యే చింతమనేని ప్రభాకర్ కు అన్ని కేసుల్లో బెయిల్ రావటంతో, ఆయన ఈ రోజు విడుదల కానున్నారు. ఈ నేపధ్యంలో, 66 రోజులు తరువాత వస్తున్న తమ నేతకు, భారీ స్వాగతం పలకటానికి, తెలుగుదేశం కార్యకర్తలు, చింతమనేని అభిమానులు సిద్ధం అయ్యారు. వైసీపీ పెట్టిన అక్రమ కేసులు తట్టుకుని, వైసిపీ పై పోరాటానికి సిద్ధం అవుతున్న, తమ నేతకు భారీ ఎత్తున స్వాగతం పలికేందుకు శ్రేణులు సిద్ధం అయ్యాయి. అయితే, పోలీసులు మాత్రం, వీరి ఆశల పై నీళ్ళు చల్లారు. తెలుగుదేశం శ్రేణులు పెద్ద ఎత్తున ర్యాలీ చేస్తున్నారని తెలుసుకున్న పోలీసులు అప్రమత్తం అయ్యారు. పశ్చిమ గోదావరి జిల్లా అంతటా, శనివారం నుంచి నవంబర్ 30 వరకు, పోలీస్ ఆక్ట్ 30 అమల్లో ఉంటుందని చెప్పారు. ఈ ఆక్ట్ అమల్లో ఉంటే, సభలు కాని, ర్యాలీలు కాని, బహిరంగ నినాదాలు కాని నిషిద్దం అని, పశ్చిమ గోదావరి జిల్లా ఎస్పీ తెలిపారు.

ఈ ఆక్ట్ అమలులో ఉండగా ఎవరైనా, అవి ఉల్లంఘిస్తే, వారి పై చట్ట పరమైన చర్యలు తప్పవని హెచ్చరించారు. అయితే, దీని పై తెలుగుదేశం శ్రేణులు భగ్గు మంటున్నాయి. మేము ఏమి ఆందోళనలు, అల్లర్లు చెయ్యటానికి రావటం లేదని, అన్యాయంగా ఇరికించి, రెండు నెలలు జైల్లో ఉంచిన మా నేత పోరాట పటిమకు, అండదండలు ఇవ్వటానికి వస్తున్నామని, పోలీసులు ఎన్ని ఆంక్షలు పెట్టినా, చింతమనేనికి ఘన స్వాగతం పలుకుతామని అంటున్నాయి. గతంలో జగన్ మోహన్ రెడ్డి, అవినీతి చేసిన కేసులో జైలుకు వెళ్లి, బెయిల్ పై వస్తేనే, అంత హడావిడి చేసారని, ఇక్కడ చిన్న చిన్న కేసులు పెట్టి, జైల్లో ఉంచిన విషయాన్ని గుర్తు చేస్తున్నాయి. అయితే పోలీసులు మాత్రం, ఇవేమీ కుదరవని, ఆక్ట్ ప్రకారం నడవాల్సిందే అని అంటున్నారు. మరి, టిడిపి శ్రేణులు వెనక్కు తగ్గుతాయో లేదో చూడాలి.

మరో పక్క శనివారం చింతమనేని ప్రభాకర్‌ పై పలు పోలీస్‌ స్టేషన్లలో నమోదైన నాలుగు కేసులలో ఏలూరు కోర్ట్ బెయిల్ మంజూరు చేసింది. దీంతో ఇప్పటి వరకు 18 కేసుల్లో చింతమనేనికి బెయిల్ మంజూరు అయ్యింది. 66 రోజుల తరువాత, ఆయన బయటకు రానున్నారు. ఆయన పై దాడి కేసు, ఎస్సీ, ఎస్టీ కేసులు లాంటివి పెట్టి, 66 రోజులు జిలో ఉంచారు. ఈ క్రమంలో శనివారం, నాలుగు కేసుల్లో, ఏలూరు న్యాయస్థానం జిల్లా న్యాయమూర్తి కె.సునీత బైలు ఇస్తూ, శుక్రవారం చింతమనేనికి షరతులతో కూడిన బెయిల్‌ను మంజూరు చేశారు. రూ. 50 వేల పూచీకత్తు చొప్పున ఇద్దరు షురిటీ దారులు శనివారం సమర్పించాక ఆయన విడుదలకు కానున్నారు. శనివారం మూడు గంటల ప్రాంతంలో చింతమనేని విడుదల కానున్నారు.