news

చట్టం ముందు అందరూ సమానమే అని ఈ రోజు సిబిఐ కోర్ట్ తీర్పు ఇచ్చింది. ముఖ్యమంత్రి అయినా, సామాన్య ప్రజలు అయినా, ఎవరైనా సరే, చట్టం ముందు అందరూ సమానామే అని సిబిఐ కోర్ట్ చెప్పింది. ప్రతి శుక్రవారం నాకు కోర్ట్ కు రావటం ఇబ్బంది, నేను ఇప్పుడు ముఖ్యమంత్రి అయ్యాను, నేను విజయవాడ నుంచి హైదరాబాద్ రావాలి అంటే, 60 లక్షలు ఖర్చు అవుతుంది, నాతొ పాటే సెక్యూరిటీ రావాలి, మా రాష్ట్రం ఆర్ధిక కష్టాల్లో ఉంది అంటూ జగన్ మోహన్ రెడ్డి సిబిఐ కోర్ట్ లో పిటీషన్ వేసారు. అయితే, ఈ పిటీషన్ పై సిబిఐ తీవ్రంగా స్పందించింది. సియం అయినా, ఎవరైనా చట్టం ముందు సమానమే అని వాదించింది. ఈ కేసుకు జగన్ సియం అవ్వటం, రాష్ట్ర ఆర్ధిక భారానికి సంబంధం లేదని వాదించింది. జగన్ మోహన్ రెడ్డి ఎంపీగా ఉండగానే, సాక్షులను ప్రభావితం చేసారని, ఇప్పుడు ఈయన సియాం అని, సాక్ష్యులను ప్రభావితం చేస్తారని వాదించింది.

అలాగే విజయవాడ నుంచి హైదరాబాద్ రావటానికి పెద్ద ఖర్చు అవ్వదని, ఒక రోజు పొతే, రాష్ట్రం కోసం, మిగతా రోజుల్లో పని చెయ్య వచ్చని సిబిఐ వాదించింది. ఇలా సిబిఐ చాలా ఘాటుగా తమ వాదనలు వినిపించింది. అయితే వాదనలు జరుగుతున్న టైంలో, జగన్ లాయర్ మాట్లాడుతూ, జగన్ ఇప్పుడు సియం అని, గౌరవనీయ జగన్ మోహన్ రెడ్డి గారు అని పిలవాలని సంబంధించిన విషయం కూడా తెలిసిందే. అయితే ఇరువురి వాదనలు, సిబిఐ కోర్ట్ వింది. అక్టోబర్ 18న ఈ వాదనలు విని, తీర్పుని ఈ రోజుకి వాయిదా వేసింది. అయితే దీని పై ఈ రోజు తీర్పు చెప్పిన కోర్ట్, సాక్ష్యాలను ప్రభావితం చేస్తారు అనే సిబిఐ వాదనలనతో అంగీకరించింది. అలాగే సిబిఐ చేసిన ప్రతి వాదనతో కూడా సిబిఐ కోర్ట్ ఏకీభవించింది.

దీంతో జగన్ పిటీషన్ కొట్టేసి, ప్రతి శుక్రవారం జగన్ విచారణకు హాజరు కావాల్సిందే అంటూ, కోర్ట్ తీర్పు ఇచ్చింది. ఈ తీర్పుతో జగన్ క్యాంప్ డీలాలో పడింది. ఇలా అయితే జగన్ పరువు పోతుందని, వైసిపీ నేతలు భావిస్తున్నారు. మోడీ, అమిత్ షా మా వాళ్ళే అని చెప్పిన జగన్, విజయసాయి రెడ్డికి, ఇది నిజంగా షాక్ అనే చెప్తున్నారు. మరో పక్క, తెలుగుదేశం పార్టీ, ఈ తీర్పు పై స్పందిస్తూ, జగన్ పై మండి పడుతుంది. ఇలాంటి వారు సియం అవ్వటం మన ఖర్మ అని, ఇతనికి ఏమైనా నైతిక విలువులు ఉంటే, వెంటనే రాజీనామా చెయ్యాలని టిడిపి అంటుంది. అసలు వ్యక్తిగత మినహాయింపులకు, 60 లక్షలు రాష్ట్రం పై భారం పడటం ఏంటి అంటూ టిడిపి వాదిస్తుంది. ఇప్పటికైనా జగన్ రాజీనామా చేసి, కోర్ట్ వాయిదాలకు వెళ్ళాలని, వేరే వారికి పార్టీ పగ్గాలు ఇవ్వాలని డిమాండ్ చేస్తున్నారు.

జగన్ మోహన్ రెడ్డి అక్రమాస్తుల కేసు 2012 నుంచి నడుస్తూనే ఉంది. మరో పక్క రేపు జగన్ మొహన్ రెడ్డి కోర్ట్ పిటీషన్ పై, తీర్పు రానుంది. ప్రతి శుక్రవారం కోర్ట్ కు రావటం ఇబ్బంది అని, తాను వస్తే రాష్ట్ర ఖజానాకు 60 లక్షలు అవుతాయని, అందుకే ప్రతి శుక్రవారం కోర్ట్ హాజరు నుంచి మినహాయింపు ఇవ్వాలని జగన్ పిటీషన్ వేసారు. దీని పై స్పందించిన సిబిఐ, చాలా ఘాటుగా వాదనలు వినిపించింది. ఇరువురి వాదనలు విన్న సిబిఐ కోర్ట్, నవంబర్ 1 అంటే, రేపు తీర్పు చెప్పనుంది.అయితే ఇది ఇలా ఉండగానే, ఇప్పుడు జగన్ మోహన్ రెడ్డి కేసులో మరో ట్విస్ట్ వచ్చింది. జగన్ అక్రమాస్తుల కేసులో మాజీ ఐఏఎస్ అధికారి సీవీఎస్కే శర్మ కూడా ఉన్నారు. అయితే ఇప్పుడు జగన్ కేసు విషయమై, ఇప్పుడు సీవీఎస్కే శర్మ పైన, అలాగే, మరో ఇద్దరు ఐఏఎస్ ఆఫీసర్లు అయిన, మాజీ సీఎస్ పీకే మహంతి, మాజీ రెవెన్యూ కార్యదర్శి పీవీ రమేశ్ పైన కూడా మరో కేసు తాజాగా నమోదు అవ్వటం, సంచలనంగా మారింది.

జగన్ కేసులో ఆరోపణలు ఎదుర్కుంటున్న, మాజీ ఐఏఎస్ అధికారి సీవీఎస్కే శర్మ పై, కోర్ట్ లో వదానల విషమై, ప్రభుత్వం నుంచి న్యాయసహాయం పొందారు. దీనికి గాను, ప్రభుత్వమే ఆ డబ్బులు చెల్లించింది. అయితే సీవీఎస్కే శర్మ తప్పుడు బిల్లులతో లక్షలాది రూపాయలు పొందారంటూ, పీవీ రమణ అనే వ్యక్తి హైదరాబాద్ లోని, సైఫాబాద్ పోలీసులకు ఫిర్యాదు చేశారు. లీగల్ ఒపీనియన్ బిల్లుల విడుదలలో శర్మకు మాజీ సీఎస్ పీకే మహంతి, మాజీ రెవెన్యూ కార్యదర్శి పీవీ రమేశ్ సహకరించారని, అందరూ కలిసి కుట్ర పన్ని, ప్రభుత్వ సొమ్ముకు గండి కొట్టారని, ఫిర్యాదులో పేర్కొన్నారు. పీవీ రమేశ్‌ ఇప్పుడు కూడా, జగన్ ప్రభుత్వంలో, సీఎంవో ప్రత్యేక ప్రధాన కార్యదర్శిగా కొనసాగుతున్నారు.

ఇక ఈ కేసు వివరాల్లోకి వెళితే, జగన్ అక్రమాస్తుల కేసుల్లో ఆరోపణలు ఎదుర్కొన్న ఏడుగురు ఐఏఎస్‌ ఆఫీసర్లకు, ప్రభుత్వం అప్పట్లో న్యాయ సహాయానికి గాను నిధులు విడుదల చేసింది. అయితే అప్పటి నీటిపారుదల శాఖ కార్యదర్శి ఉన్న, సీవీఎస్కే శర్మ, ప్రభుత్వానికి న్యాయసహయ బిల్లులు అందచేయడంలో చేతివాటం ప్రదర్శించారని ఆరోపణ. శర్మ తప్పుడు బిల్లులు చూపించి, లక్షల రూపాయల నిధులు విత్ డ్రా చేసారనేది ఆరోపణ. మొత్తం రూ.7,56,460లను శర్మ లీగల్ ఛార్జీలుగా ప్రభుత్వం నుంచి పొందారు. శర్మ పెట్టిన బిల్స్‌ను సరిగా పరిశీలించకుండానే అప్పటి, సీఎస్ పీకే మహంతి బిల్లుపై సంతకం చేశారని, అప్పటి రెవిన్యూ ముఖ్య కార్యదర్శి పీవి రమేష్ నిధులు విడుదల చేశారని ఫిర్యాదులో పేర్కొన్నారు. ఈ వ్యవహరంపై కేసు నమోదు చేయాలని కోర్టును పీవీ రమణ ఆశ్రయించారు. కోర్టు ఆదేశాల మేరకు సైఫాబాద్ పోలీసులు కేసు నమోదు చేశారు.

రాష్ట్రంలో ఇసుక కొరతతో, ప్రజలు అల్లాడుతున్నారు. భవన నిర్మాణ కార్మికులు పనులు లేక, అయుదు నెలలుగా తీవ్ర ఇబ్బందులు పడుతున్నారు. దాదపుగా 40 లక్షల మంది కార్మికులు పనులు లేక, ఇబ్బంది పడుతున్నారు. ఈ అయుదు నెలల్లో అప్పులతో నెట్టుకొచ్చిన వారు, ఇప్పుడు ఆ అప్పులు కూడా పుట్టక, బలవన్మరణాలు చేసుకునే పరిస్తితి వచ్చింది. ఈ రోజు కూడా ఒక కార్మికుడు చనిపోయారు. ఇప్పటి వరకు ఆరుగురు చనిపోయారు. అయినా ప్రభుత్వంలో కదలిక లేదు. ఒక పక్క ప్రతిపక్షాలు అన్నీ పోరాడుతున్నాయి. అయినా ప్రభుత్వం లెక్క చెయ్యటం లేదు. ఇసుక వారోత్సవాలు అని జగన్ మోహన్ రెడ్డి చెప్పినా, అది ఎంత వరకు ఉపసమనం కలుగుతుందో చెప్పలేని పరిస్థితి. ప్రజలకు భరోసా ఇవ్వటంలో ప్రభుత్వం పూర్తిగా వైఫల్యం చెందింది. ఒక పక్క ప్రభుత్వం వైఫల్యం చెందితే, మరో పక్క, మంత్రులు, భవన నిర్మాణ కార్మికులు మరణాన్ని హేళన చేస్తున్నారు.

నిన్న మంత్రులు పెద్దిరెడ్డి రామచంద్రారెడ్డి, బొత్సా సత్యన్నారయణ ప్రెస్ మీట్ పెట్టరు. ఈ ప్రెస్ మీట్ లో, భవన నిర్మాణ కార్మికుల మరణాలను హేళన చేస్తూ మాట్లాడిన వీడియోను, నారా లోకేష్ ట్విట్టర్ లో పోస్ట్ చేసారు. రాష్ట్రంలో భవన నిర్మాణ కార్మికులెవరూ చనిపోలేదని మంత్రి పెద్దిరెడ్డి రామచంద్రారెడ్డి చెప్తూ, వర్షాకాలంలో భవన నిర్మాణ కార్మికులకు పనులు దొరకవని, ఇది వారికి అన్‌సీజన్‌ అని, అన్‌సీజన్‌లో ఎవరైనా చనిపోతారా అని చెప్తూ, ఎవరో ఎక్కడో ఎందుకో ఏదో చేసుకుంటే అదేదో భవన నిర్మాణ కార్మికులే బలవన్మరణానికి పాల్పడితే, రాజకీయాల కోసం చెప్పి, ప్రభుత్వాన్ని నిందిస్తున్నారని, భవన నిర్మాణ కార్మికుల పై వ్యాఖ్యలు చేసారు. ఇప్పుడు ఇవే రాజకీయ దుమారాన్ని రేపాయి.

దీని పై నారా లోకేష్ ట్వీట్ చేసారు "ఆకలి బాధతో కుటుంబాలను పోషించుకోలేని పరిస్థితుల్లో భవన నిర్మాణ కార్మికులు చనిపోతుంటే, వైకాపా మంత్రులు ఒళ్లు కొవ్వెక్కి వారి చావులను ఎగతాళి చేస్తారా? బాధ్యతలేదా? దీనికంతటికీ మీ తుగ్లక్ తీసుకున్న నిర్ణయాలు, మీ నేతల అక్రమ ఇసుకదందా కారణం కాదా? ఇసుక సమస్య పరిష్కరించి కార్మికులను ఆదుకోవాల్సిన వారు పుండు మీద కారం జల్లే విధంగా మాట్లాడటం సబబు కాదు. మాటలు తూలిన మంత్రి వెంటనే ప్రజలకు క్షమాపణ చెప్పాలి. బలవన్మరణాలు చేసుకున్న కుటుంబాలను వెంటనే ప్రభుత్వం ఆదుకోవాలి. " అంటూ ట్వీట్ చేసారు. మరో పక్క చంద్రబాబు కూడా మంత్రుల వ్యాఖ్యలను తప్పుబట్టారు. అలాగే చనిపోయిన భవన నిర్మాణ కార్మికుల కుటుంబాలకు లక్ష రూపాయలు ఇచ్చారు.