news

రాజకీయ పార్టీలకు ప్రచార పిచ్చి సహజం. తాము నిర్మించిన వాటిని, పది కాలాల పాటు ప్రజలు గుర్తుంచుకోవాలనే ఉద్దేశంతో, తమ పార్టీకి చెందిన వారి పేర్లు పెట్టటం, లేకపోతే తమ పార్టీకి సంబందించిన రంగులు వేయటం చూస్తూ ఉంటాం. ఇది కూడా ఎక్కడో ఒక చోట జరుగుతూ ఉంటుంది. గతంలో కూడా అనేక మందిని చూసిన ఈ రాష్ట్ర ప్రజలకు, ఇలాంటివి అప్పుడప్పుడు తగులుతూనే ఉన్నాయి. అయితే, ఇప్పుడు రాష్ట్రంలో ప్రజలు ఓక వింత పరిస్థితిని చూస్తున్నారు. ఈ ప్రచార పిచ్చని, తారా స్థాయికి తీసుకువెళ్ళింది వైసిపీ ప్రభుత్వం. ఎక్కడైనా తాము కట్టిన వాటికి రంగులు వేసుకోవటం చూసాం కాని, ఇప్పుడు రాష్ట్రంలో కనిపిస్తున్న ప్రతి ప్రభుత్వ భవనానికి, రంగులు వేసేస్తున్నారు. ఏది పడితే అది, వైసిపీ రంగులతో మున్చేస్తున్నారు. ముందుగా పంచాయతీ భావనలకు ఈ రంగాలు వేయటం మొదలు పెట్టరు. అన్ని వర్గాల ప్రజలు వచ్చే పంచాయతీ ఆఫీస్ కి, ఇలా ఒక పార్టీ రంగాలు వేయటం చాలా ఎబెట్టుగా ఉంటుంది.

ఎన్ని విమర్శలు వచ్చినా, ఇలా ఏది కనిపిస్తే అది, ఆఫీస్, స్కూల్, స్మశానం, వాటర్ ట్యాంక్, వీధిలో ఉండే కుళాయి, ఇలా ఒకటి కాదు రెండు కాదు, ఏది ప్రభుత్వ ఆస్తి అంటే వాటికి, ఇలా వైసీపీ రంగాలు వేసేస్తున్నారు. అయితే, రేపు పంచాయతీ ఎన్నికలు జరిగితే, ఎలక్షన్ కోడ్ వస్తే, ఏమి చేస్తారు అనే దానికి మాత్రం సమాధానం లేదు. మళ్ళీ వాటికి తెల్ల రంగు పుస్తారా ? అయితే, ఈ రోజు జరిగిన ఒక సంఘటన మాత్రం, దేశం ముందు ప్రతి ఆంధ్రుడు తల దించుకునేలా చేసింది ఈ ప్రభుత్వం. ఏకంగా జాతీయ జెండాను చెరిపేసి, వైసీపీ రంగులు వేస్తూ ఉన్న వీడియో వైరల్ అవ్వటంతో, దేశ వ్యాప్తంగా, అందరూ, మన ప్రభుత్వాన్ని తిడుతున్నారు. ఒక ప్రభుత్వం ఇలా చేయటం తప్పు అని అంటున్నూర్.

అనంతపురం జిల్లా అమరాపురం మండలం తమ్మడేపల్లి గ్రామంలో జాతీయ జెండా రంగు తొలగించి వైసీపీ జెండా రంగుని వేస్తున్న వైసీపీ నాయకులు.. ముఖ్యంగా అధికారులు ముందుండి గ్రామ సచివాలయం ఏర్పాటుకు రంగులు వేయిస్తున్నారు..అని సమాచారం. అయితే ఆ వీడియోలో రికార్డు అయిన మాటలు వింటే "జాతీయ జెండా రంగులు చేరిపేసేవారికి జెండా ఎగురవేసి అర్హత ఉందా" అని అక్కడ ప్రజలు నిలదీస్తున్నారు. చేసిన మంచి చెప్పుకోవటంలో తప్పు లేదు కాని, ఇలా మన దేశ గర్వం అయిన, జాతీయ జెండాకే ఇలా అవమానం జరిగితే ఎలా అని, ప్రశ్నిస్తున్నారు. ఈ వీడియో వైరల్ అవ్వటంతో, దేశంలో అందరూ మన పై విమర్శలు గుప్పిస్తున్నారు. ఒక రాష్ట్ర ప్రభుత్వమే, ఇలా చేస్తే, ప్రతి పౌరుడు ఆ అవమానం భారించాలిగా.... జగన్ మోహన్ రెడ్డి గారు, ఇప్పటికైనా ఈ విపరీత పోకడలు మాని, ఈ ఘటనకు బాధ్యులైన వారిని శిక్షించాలి.

గన్నవరం తెలుగుదేశం పార్టీ ఎమ్మల్యే వల్లభనేని వంశీ విషయం, ఇంకా ఎటూ తేలలేదు. నాలుగు రోజుల క్రితం వంశీ జగన్ ను కలవటంతో, అందరూ వంశీ వైసీపీలో జాయిన్ అవుతున్నారని అనుకున్నారు. ఈ వార్త తెలియటంతో, గన్నవరం వైసిపీ ఇంచార్జ్ గా ఉన్న యార్లగడ్డ వెంకట్రావ్ కూడా, ఆందోళన వ్యక్తం చేసారు. వంశీని పార్టీలోకి జాయిన్ చేసుకోవద్దు అంటూ సంకేతాలు ఇచ్చారు. ఇక మరోపక్క వంశీ ఎవరూ ఊహించని నిర్ణయం తీసుకున్నారు. దీనికి సంబంధించి, చంద్రబాబుకు వాట్స్ అప్ మెసేజ్ చేస్తూ, తాను రాజకీయాల నుంచి తప్పుకుంటున్నా అని, వైసిపీ దాడుల నుంచి తన కార్యకర్తలను కాపాడుకోవాలంటే, ఇది ఒక్కటే మార్గం అని చంద్రబాబుకు చెప్పారు. దీనికి చంద్రబాబు స్పందిస్తూ, ఇలా వెళ్ళిపోవటం కరెక్ట్ కాదని, ఇలాంటి వారితో పోరాటం చెయ్యాలని, ప్రజలకు వివరించాలని, మీకు పార్టీలో ఏమైనా ఇబ్బంది ఉంటే, కేశినేని నాని, కొనకళ్ళతో చెప్పండి అంటూ, చంద్రబాబు చెప్పుకొచ్చారు.

అయితే దీని తరువాత, వంశీ వైపు నుంచి ఎలాంటి స్పందన లేదు. కేశినేని నాని, వంశీని కలవాలి అనుకున్నా, వంశీ అందుబాటులోకి రాలేదు, ఆయన హైదరాబాద్ లో ఉన్నారని సమాచారం వస్తుంది. అయితే, ఈ అంశం ఇలా కొనసాగుతూ ఉండగానే, చంద్రబాబు ఈ రోజు మరోసారి వంశీ విషయాన్ని ప్రస్తావించారు. ఈ రోజు విజయవాడ ఏ1 కన్వేషణ్ సెంటర్ లో జరిగిన, కృష్ణా జిల్లా విస్తృతస్థాయి సమావేశంలో చంద్రబాబు పాల్గున్నారు. ఈ సందర్భంగా కార్యకర్తలను ఉద్దేశించి మాట్లాడిన చంద్రబాబు, వంశీ విషయాన్నీ ప్రస్తావించారు. మన నాయకుడు వల్లభనేని వంశీని కేసులు పెట్టి, ఇతర బెదిరింపులు చేస్తూ,లొంగదీసుకునే ప్రయత్నం చేస్తున్నారని, వంశీ పై తప్పుడు కేసులు పెట్టి వేధిస్తున్నారని చంద్రబాబు అన్నారు.

వంశీ అసలు ఏ తప్పు చేసారని, కేసు పెట్టారని ? ప్రభుత్వం సమాధానం చెప్పాలని అన్నారు. వంశీ పై కేసు పెట్టటం కాదని, ఎమ్మార్వో, ఎస్సైని కేసులు పెట్టి అరెస్ట్ చెయ్యాలని చంద్రబాబు అన్నారు. వైసీపీ ప్రభుత్వ వేధింపులకు భయపడకుండా, వాటిని ధీటుగా ఎదుర్కుని రాజీలేని పోరాటం చెయ్యాలని చంద్రబాబు అన్నారు. తెలుగుదేశం నేతల ఆర్ధిక మూలాలను దెబ్బతీసే కుట్రకు తెర లేపారని, పంచాయతీ ఎన్నికల్లో, పోటీ చేయకుండా సరెండర్‌ పాలిటిక్స్‌ చేస్తున్నారని చంద్రబాబు అన్నారు. అచ్చెన్న, కూన రవి, సోమిరెడ్డి, యరపతినేనిపై కేసులు పెట్టారని, ఇప్పుడు వంశీ పై కేసులు పెట్టి, పార్టీ మార్పు పై ఒత్తిళ్ళు తెస్తున్నారని చంద్రబాబు అన్నారు. అన్ని విషయాల పై, ఈ ప్రభుత్వంతో పోరాడాలని, నేతలకు, కార్యకర్తలకు పిలుపిచ్చారు.

గత అయుదు నెలలుగా, ఈ రాష్ట్రంలో విచ్చలవిడిగా జరుగుతున్న దాడులు పై తెలుగుదేశం పార్టీ అన్ని స్థాయిల్లో పోరాటాలు మొదలు పెట్టింది ఇందులో భాగంగానే, ఇప్పటికే జాతీయ మానవ హక్కుల సంఘానికి, ఫిర్యాదు చేసారు. రాష్ట్రంలో వైసీపీ ప్రభుత్వం వచ్చిన తరువాత, తమ పార్టీ సానుభూతిపరులు, కార్యకర్తలు ఎదుర్కుంటున్న ఇబ్బందులను, వారు మానవ హక్కుల సంఘం ముందు పెట్టారు. అన్ని ఆధారాలతో, తెలుగుదేశం పార్టీ, దాడుల వివరాలను సమర్పించింది. అయితే, ఫిర్యాదులో ఉన్న వేడి గమించిన మానవ హక్కుల సంఘం వెంటనే రియాక్ట్ అయ్యింది. ఆంధ్రప్రదేశ్ చీఫ్ సెక్రటరీకి, డీజీపీకి, ఆ వివరాలు అన్నీ పంపించి, ఆరు వారాల్లోగా రిపోర్ట్ ఇవ్వాలని, తెలిపింది. అయితే ఆ విచారణ జరుగుతూ ఉండగానే, అసలు అక్కడ జరుగుతున్న విషయాలు క్షేత్ర స్థాయిలో తెలుసుకుంటానికి, ఏకంగా జాతీయ మానవ హక్కుల సంఘం సభ్యులే ఇక్కడకు వచ్చారు.

గుంటూరు జిల్లాలోని పరిస్థితులను తమ కళ్ళారా చూడటానికి, జాతీయ మానవ హక్కుల సంఘం వచ్చింది. అయితే ఈ విషయం తెలుసుకున్న స్థానిక వైసీపీ నేతలు అలెర్ట్ అయ్యారు. చీఫ్ సెక్రటరీ, డీజీపీ విచారణ మాత్రమే అనుకున్న వీరు, ఏకంగా మానవ హక్కుల సంఘం రంగంలోకి దిగటంతో, అవాక్కయ్యారు. నిన్న రాత్రి సమాచారం రావటంతో, ఒక వైసిపీ ఎమ్మెల్యే అర్ధరాత్రి సమావేశం ఏర్పాటు చేసారు. త రాత్రి 2 గంటల వరకు ఈ వ్యవహారంపై కార్యకర్తలతో ఓ వైసీపీ ఎమ్మెల్యే సమావేశం నిర్వహించారని తెలుస్తోంది. కమిషన్ సభ్యులకు ఏం చెప్పాలి ? ఎలా చెప్పాలి ? అనే అంశాల పై అక్కడ వారికి చెప్పినట్టు, ఎలా ఈ విచారణ నుంచి బయట పడాలి అనే వ్యూహాలు పన్నినట్టు, ఒక వార్తా ఛానెల్ లో వార్తలు వచ్చాయి.

ఇక మరో పక్క, జాతీయ మానవ హక్కుల కమిషన్‌కు టీడీపీ నేతలు గల్లా జయదేవ్, నక్కా ఆనంద బాబు, అశోక్ బాబు, మద్దాలి గిరి, డొక్కా తదితరులు కలిసి, వివరించారు. వైసీపీ దాడులకు సంబందించి కొన్ని ఆధారాలను టీడీపీ నేతలు కమిషన్‌కు ఇచ్చారు. పొనుగోడులో ఇప్పటికీ అక్కడ ఇళ్ళకు అడ్డుగా ఉన్న గోడ, ఒక ఉదాహరణ అని చెప్పుకొచ్చారు. జాతీయ మానవ హక్కుల సంఘంతో సమావేశం తరువాత, గల్లా జయదేవ్ మీడియాతో మాట్లాడారు. రాష్ట్రంలో ఇప్పటి వరకు 800 మంది తెలుగుదేశం సానుభూతిపరుల పై వైసీపీ నేతలు దాడులు చేసారని గల్లా జయదేవ్ విమర్శించారు. ఇప్పటివరకు ఎనిమిది మంది టీడీపీ కార్యకర్తలు హత్యకు గురయ్యారన్నారు. ప్రజాస్వామ్యాన్ని కాపాడాల్సిన అవసరం ఉందని గల్లా జయదేవ్ వ్యాఖ్యానించారు.