news

ఎవరు, ఎవరి పక్షమో, ఎన్నికల ముందు తెలవదు కాని, ఎన్నికల తరువాత మాత్రం, ఇట్టే అర్ధమై పోతుంది. ఎన్నికల ముందు వరకు, జనసేన, తెలుగుదేశం ఒకటే అని జగన్ ప్రచారం చేసారు. ఎన్నికలు ముగిసిన తరువాత, తన పార్టీ సమీక్షల్లో, పవన్ మాట్లాడుతూ, మనం ఓడిపోతే ఓడిపోయాం, చంద్రబాబుని ఓడించేలా మన పాత్ర కూడా మనం ప్లే చేసాం అని చెప్పి, ఆయన అభిప్రాయం ఏంటో చెప్పకనే చెప్పారు. ఈ రోజు అసెంబ్లీలో జనసేన పార్టీకి ఉన్న ఏకైక ఎమ్మెల్యే, జగన్ ను కోర్కెలు తీర్చే దేవుడిగా అభివర్ణించారు. అందుకే ఎన్నికల తరువాత, ఎవరు ఏంటో తెలిసిపోతుంది అని చెప్పింది. ఈ రోజు బడ్జెట్ పై ప్రసంగంలో, జనసేన పార్టీ తరుపున, పవన్ కళ్యాణ్ తరుపున మాట్లాడుతున్నా అంటూ స్పీచ్ మొదలు పెట్టిన, రాజోలు ఎమ్మెల్యే రాపాక వరప్రసాద్, వైసిపీ పార్టీ నేతల కంటే ఎక్కువ జగన్ భజన చేసారు. దేవుడు, సూరుడు అంటూ జగన్ ను ములగ చెట్టు ఎక్కించారు.

ఒక పక్క బడ్జెట్ కేటాయింపుల్లో అన్నీ కోతలు ఉంటే, ఇది ఒక అద్భుతమైన బడ్జెట్ అని, జగన మంచి పనులు చేస్తున్నారని, పవన్ కళ్యాణ్ చెప్పమన్నారని, రాపాక చెప్పారు. పవన్ కళ్యాణ్ ను అభిమానించే యువతకు, నిరుద్యోగ బృతి కోసం సున్నా కేటాయించినా, అద్భుతం అని పొగుడుతున్నారు. అమ్మ ఒడి పధకంలో సగం మందికి కోత పెట్టినా సూపర్ అంటున్నారు. రైతులకు విత్తనాలు ఇవ్వకపోయినా, ఇంత వరకు రైతులకు ఇలాంటి బడ్జెట్ పెట్టలేదు అన్నారు. అప్పట్లో వైఎస్ తరువాత, ఇప్పుడు జగన్ మోహన్ రెడ్డి మాత్రమె, రైతులును ఆదుకున్నారని, జనసేన తరుపున అభినందనలు తెలుపుతున్నా అని అన్నారు. దేవుడు మనం ఏదైనా కోరిక అడిగితె తీర్చుతారని, అయితే కోరని కోర్కెలు కూడా తీర్చే దేవుడు జగనన్న అని జనసేన పార్టీ తరుపున చెప్తున్నా అంటూ, రాపాక చెప్పుకొచ్చారు. ఇది జగన్ పార్టీ పై, జనసేనకు ఉన్న అభిప్రాయం.

గుంటూరు జిల్లా తెలుగుదేశం నేత, మాజీ ఎంపీ రాయపాటి సాంబశివరావును బీజేపీ టార్గెట్ చేసింది. ఏకంగా బీజేపీ పార్టీ నేత, రాంమాధవ్, రాయపాటి నివాసానికి వచ్చి, పార్టీలోకి తమదైన శైలిలో ఆహ్వానించారు. రెండు రోజుల క్రిందట ఈ విషయం జరగగా, ఈ రోజు వెలుగులోకి వచ్చింది. రాం మాధవ్, రాయపాటి భేటీ చాలా సీక్రెట్ గా జరిగింది, అయితే నిన్న రాయపాటి వచ్చి చంద్రబాబుని కలవటంతో విషయం బయటకు వచ్చింది. రాయపాటి, రాం మాధవ్ మధ్య చర్చలు సానుకూలంగా జరిగాయని సమాచారం. మరో రెండు రోజుల్లో తాను ఢిల్లీ వస్తానని, అక్కడ అన్ని విషయాలు మాట్లాడుకుని, ఒక నిర్ణయం తీసుకుందామని, రాయపాటి చెప్పినట్టు సమాచారం. ఈ విషయం పై రాయపాటి నిన్న చంద్రబాబుని కలిసి, జరిగిన విషయం చెప్పారు. తనకు ఉన్న ఇబ్బందులు దృష్టిలో పెట్టుకుని, బీజేపీలో చేరాల్సిన పరిస్థితిని చంద్రబాబుకు చెప్పినట్టు సమాచారం. రాం మాధవ్ తో జరిగిన భేటీ విషయాలు, చంద్రబాబుకు చెప్పి, పార్టీ మారక తప్పని పరిస్థితి వచ్చిందని చెప్పినట్టు తెలుస్తుంది.

దీంతో చంద్రబాబు కూడా మీ ఇష్టం అని చెప్పినట్టు సమాచారం. అయితే రాయపాటి బీజేపీలో చేరతారా లేదా అన్న విషయం, మరో రెండు మూడు రోజుల్లో తెలిసిపోనుంది. రాయపాటి 2014 దాకా కాంగ్రెస్ పార్టీలో ఉన్నారు, నాలుగు సార్లు ఎంపీ కూడా అయ్యారు. తరువాత తెలుగుదేశం పార్టీల చేరి, ఇక్కడ కూడా ఎంపీ అయ్యారు. 2019 ఎన్నికల్లో ఓడిపోయారు. అప్పటి నుంచి ఆయన పార్టీలో ఉంటారా లేదా అనే చర్చ జరుగుతూ వస్తుంది. తాజాగా బీజేపీ పార్టీ ఆంధ్రప్రదేశ్ రాష్ట్రంలో పాగా వెయ్యాలని డిసైడ్ అవ్వటం, బలంగా ఉన్న నేతలను తమ వైపు తిప్పుకుని ప్లాన్ వేసింది. ఇందులో భాగంగా, ముందుగా తెలుగుదేశం పార్టీకి అండగా ఉన్న సామాజివర్గాన్ని టార్గెట్ చేసింది. తెలుగుదేశం పార్టీకి ఎవరు అయితే ఫైనాన్సు చేస్తున్నారో, వారిని తమ వైపు తిప్పుకుంటుంది. అయితే తెలుగుదేశం పార్టీ నాయకత్వం, ఈ విషయం పై స్పందించక పోయినా, కార్యకర్తలు మాత్రం, ఇలాంటి ఎక్స్ట్రా బ్యాగేజ్ అంతా పోగేస్తున్న బీజేపీకి ధన్యవాదాలు చెప్తున్నారు.

అసెంబ్లీ వేదికగా అబద్ధాలు ఆడటానికి కుదరదు. బయట ఎన్ని అయినా చెప్పచ్చు కాని, సభలో మాత్రం , నీ శత్రువు మంచి చేసినా, నిజాలే చెప్పాలి. లేకపోతే అబద్ధాలు ఆడినందుకు ప్రివిలేజ్ మోషన్ ఇస్తారు. అందుకే బుగ్గన గారు వైట్ పేపర్ రిలీజ్ చేస్తూ 3.7 లక్షల కోట్లు అప్పు అని చెప్పి, అసెంబ్లీలో ప్రశ్న అడిగితె మాత్రం, 2.61 కోట్లు అని వేరే ఫిగర్ చెప్పారు. ఇప్పుడు అసెంబ్లీ వేదికగా, మరో విషయం బయట పడింది. చంద్రబాబు వల్ల అసలు ఉద్యోగాలే రాలేదు, చంద్రబాబు మొఖం చూసి ఒక్క కంపెనీ కూడా రాలేదు, చంద్రబాబు విదేశీ పర్యటనలు ఎంజాయ్ చెయ్యటానికి వెళ్లారు అని ఆరోపణలు చేసిన వైఎస్ఆర్ కాంగ్రెస్ పార్టీ, ఈ రోజు శాసనమండలి వేదికగా నిజాలు చెప్పాల్సి పరిస్థితి వచ్చింది. చంద్రబాబు చేసిన కష్టం, ఎంత దాచాలి అన్నా, దాగని పరిస్థితి. వాళ్ళ నోటితో, వాళ్ళే నిజం ఒప్పుకున్నారు.

ముఖ్యమంత్రి అయిన తరువాత అసెంబ్లీ సాక్షిగా చంద్రబాబుగారి హయాంలో 39,450 పరిశ్రమలు ఏర్పాటు చేసి 5,13,351 మందికి ఉద్యోగాలు కల్పించారు అని చెప్పారు. ఐటీలో వెయ్యి కోట్ల పెట్టుబడులతో 175 కంపెనీల ద్వారా 30,428 మందికి ఉద్యోగాలు ఇచ్చారని చెప్పారు. ఇవన్నీ సభ్యులు అడిగిన ప్రశ్నకు, జగన్ ప్రభుత్వం ఇచ్చిన సమాధానం. ఇదే విషయం పై ఎమ్మెల్సీ నారా లోకేష్ సోషల్ మీడియా వేదికగా, ఆ ప్రశ్నకు ఇచ్చిన సమాధానం కాపీని పెట్టి, వివరాలు అన్నీ పెట్టారు. పాదయాత్రలో మీరు ఆడిన అబద్ధాలు, ఒక్కొక్కటీ అబద్ధం అని తేలుతున్నాయని, మరిన్ని వివరాలు బయట పెట్టి, మీ అవినీతి పత్రిక సాక్షి కధనాలు అన్నీ అబద్ధం అని తెలిసేలా చెయ్యాలని, జగన్ ను కోరుతున్నాని లోకేష్ అన్నారు.