news

నిన్న కాకా మొన్న కరెంట్ ఒప్పందాల పై, ఒకటికి రెండు సార్లు పై కేంద్రం , జగన్ కు వార్నింగ్ ఇచ్చిన సంగతి తెలిసిందే. కరెంట్ ఒప్పందాల్లో చంద్రబాబు అక్రమాలు చేసారని, అవన్నీ మళ్ళీ సమీక్ష చేస్తాను అంటూ జగన్ మోహన్ రెడ్డి ప్రకటన చేసారు. అయితే కేంద్రం మాత్రం, ఒకటికి రెండు సార్లు రాష్ట్ర ప్రభుత్వానికి, ఏకంగా జగన్ మోహన్ రెడ్డికే లేఖ రాసి, అవన్నీ పధ్ధతి ప్రక్రమే జరిగాయని, ఎక్కడా అవినీతి లేదని, వాటిని మళ్ళీ సమీక్షలు అంటూ మొదలు పెడితే, పెట్టుబడి దారులు వెళ్లిపోతారని, అలా చెయ్యవద్దు అంటూ జగన్ ని సుతిమెత్తగా హెచ్చరించింది. అయితే, ఇప్పుడు మరో విషయంలో చంద్రబాబుని టార్గెట్ చేద్దాం అనుకున్న జగన్ కి, మళ్ళీ నిరాశే ఎదురైంది. పోలవరం ప్రాజెక్ట్ లో చంద్రబాబు వేల కోట్లు తినేసాడు అంటూ జగన్ అండ్ టీం హడావిడి చెయ్యటం చూసాం. ఈ రోజు ఉదయం కూడా అసెంబ్లీలో ఇదే విషయం పై అధికార పక్షం, చంద్రబాబు పై విమర్శలు గుప్పించింది. చంద్రబాబు వేల కోట్లు పోలవరంలో తినేసారని, నోటికి వచ్చిన లెక్కలు చెప్పారు.

అయితే అది జాతీయ ప్రాజెక్ట్, ప్రతి పైసా కేంద్రం లెక్క చూస్తుంది. అన్నీ సక్రమంగా ఉంటేనే నిధులు విడుదల చేస్తుంది. అలాంటిది, ఇక్కడ చంద్రబాబు నిధులు మింగటం ఏంటో జగనే చెప్పాలి. అయితే వైసిపీ చేస్తున్న ఆరోపణలకు ఈ రోజు రాజ్యసభలో కేంద్రం ఇచ్చిన ప్రకటన షాక్ లాంటిదే అని చెప్పాలి. ఈ రోజు విజయసాయి రెడ్డి రాజ్యసభలో అడిగిన ప్రశ్నకు కేంద్ర మంత్రి సమాధానం చెప్పారు. పోలవరం ప్రాజెక్ట్ కు సంబంధించి, అక్కడ నిర్వాసితులకు చేసే పునరావాసం, పునర్నిర్మాణంలో గత ప్రభుత్వ హయంలో పెద్ద ఎత్తున అవినీతి జరిగిందని, దీని పై సీబీఐ విచారణకు ఆదేశించే ఆలోచన కేంద్రానికి ఏమన్నా ఉందా అని విజయసాయి రెడ్డి ప్రశ్న వేసారు. దీని పై సమాధానం ఇస్తూ, పోలవరం ప్రాజెక్ట్ పై రాజ్యసభలో కీలక ప్రకటన చేసింది కేంద్రం. పోలవరం ప్రాజెక్ట్ లో ఎలాంటి అవకతవకలు జరగలేదని కేంద్రం స్పష్టం చేసింది. పోలవరం ప్రాజెక్ట్ లో ఎదో అవకతవకలు జరిగినట్టు మాకు ఎలాంటి నివేదిక రాలేదని కేంద్రం మంత్రి గజేంద్ర షెకావత్ రాజ్యసభలో స్పష్టం చేసారు. అక్కడ అవినీతి ఏమి జరగనప్పుడు, సిబీఐ విచారణకు ఎలాంటి అవకాసం లేదని కేంద్రం మంత్రి గజేంద్ర షెకావత్ తేల్చి చెప్పారు.

ప్రతి జిల్లాలో ఒక భారీ ప్రాజెక్ట్ ఉండాలనే ఉద్దేశంతో, చంద్రబాబు సియం అయిన వెంటనే ఆ దిశగా ప్రయత్నాలు ప్రారంభించారు. ఆ దశలో చంద్రబాబు కొరియా పర్యటన సందర్భంగా కియా మోటార్స్ తో సమావేశం అయ్యి, వారు భారత దేశంలో పెట్టుబడులు పెట్టటానికి రెడీగా ఉన్నారు కాబట్టి, ఆంధ్రప్రదేశ్ర్ రాష్ట్రంలో పెట్టుబడులు పెట్టాలని కోరారు. ఆంధ్రప్రదేశ్ రాష్ట్రంలోని అనంతపురం జిల్లా అన్ని విధాలుగా అనువుగా ఉంటుందని, అందుకని అక్కడ పరిశ్రమ పెట్టాలని కోరారు. మహారాష్ట్ర ప్రభుత్వం, గుజరాత, తమిళనాడు ప్రభుత్వాలు, కియా కంపెనీ కోసం పోటీ పడగా, చివరకు చంద్రబాబు కియా కంపెనీని ఒప్పించి అనంతపురం జిల్లా పెనుకొండలో పెట్టించారు. కియా తరువాత, అనేక అనుభంద సంస్థలు కూడా అక్కడకు వచ్చాయి. అక్కడ ఏకంగా ఒక కొరియా టౌన్షిప్ తాయారు అయ్యే పరిస్థితి వచ్చింది. మరో నెల రెండు నెలల్లో, అనంతపురం కియా కంపెనీ ప్లాంట్ నుంచి మొదటి కారు బయటకు రానుంది కూడా.

అయితే కియా దేశంలోనే అతి పెద్ద విదేశీ పెట్టుబడి కావటంతో, దాని క్రెడిట్ చంద్రబాబుకి ఇవ్వటం ఇష్టం లేక, కియా కంపెనీ కేవలం మోడి వల్లే వచ్చింది అంటూ ప్రచారం చేసుకున్నారు. అయితే, కియా మోడీ తెచ్చాడో, చంద్రబాబు తెచ్చాడో అని ప్రజలు ఇప్పటికే కన్ఫ్యూషన్ లో ఉంటే, ఇప్పుడు మరో ఊహించని షాక్ ఇచ్చింది వైసిపీ ప్రభుత్వం. అసెంబ్లీ వేదికగా మాట్లాడుతూ, కియా కంపెనీ వైఎస్ రాజశేఖర్ రెడ్డి వల్ల వచ్చింది అంటూ, అసెంబ్లీలో ప్రకటన చేసింది. దానికి ఒక లెటర్ చూపిస్తూ, కియా కంపెనీ ప్రెసిడెంట్ మాకు లెటర్ రాసారని, 2007లోనే రాజశేఖర్ రెడ్డి కియా కంపెనీని ఆంధ్రప్రదేశ్ లో పెట్టమని కోరారని, దాని ప్రకారమే మేము ఏపిలో పెట్టుబడి పెట్టమని చెప్పనట్టు, బుగ్గన చదివి వినిపించారు. ఎప్పుడో 2007లో వైఎస్ఆర్ కోరితే, ఆయన కోరికే ప్రకారమే, ఈ రోజు కియా కంపెనీ ఏపిలో పెట్టుబడి పెట్టింది అంట. మరి ఏపికి రాక ముందు మహారాష్ట్ర, గుజరాత్ తో ఎందుకు పోటీ పడ్డారో ? మొన్న ఎన్నికల సమయంలో కూడా జగన్ మోహన్ రెడ్డి,కియా కంపెనీ మోడీ వాల్లే వచ్చింది అని ఎందుకు చెప్పారో. పాపం, అప్పటికి జగన్ గారికి, ఈ ఉత్తరం అంది ఉండదు.

రెండు రోజుల విరామం అనంతరం, అసెంబ్లీ బడ్జెట్ సమావేశాలు తిరిగి ప్రారంభం అయ్యాయి. క్వశ్చన్ అవర్ జరుగుతున్న సమయంలో, పెట్టుబడుల విషయం పై, అధికార ప్రతిపక్షానికి గొడవ జరిగింది. చంద్రబాబు పెట్టుబడులు అంటూ, విదేశాలు తిరిగి వచ్చారని, అనవసర ఖర్చులు అయ్యాయని, ఆయన విదేశీ పర్యటనల వల్ల ఒక్కటంటే ఒక్క ప్రాజెక్ట్ కూడా రాష్ట్రానికి రాలేదని బుగ్గన ఆరోపించారు. చివరకు చంద్రబాబు గొప్పగా చెప్పుకుంటున్న కియా పరిశ్రమ కూడా రాజశేఖర్ రెడ్డి 2007లో సియంగా ఉండగా, కియా పరిశ్రమను ఆంధ్రప్రదేశ్ లో పెట్టమని కోరాగా, వైఎస్ఆర్ కోరిక మేరకే చంద్రబాబు సియంగా ఉండగా కియా పరిశ్రమ పెట్టారని చెప్పుకొచ్చారు. అయితే దీని పై చంద్రబాబు స్పందించారు. విభజన ఆంధ్రప్రదేశ్ లో పెట్టుబడులు కోసం రాత్రి, పగలు తేడా లేకుండా పని చేసానని చెప్పారు. పెట్టుబడులు కోసమే విదేశీ పర్యటనలు చేసామని, దాని ఫలితాలు కూడా చూసామని, ఇంకా కొన్ని ఫాలో అప్ అయితే, అవి కూడా వచ్చే అవకాసం ఉందని, ఇప్పటి ప్రభుత్వాన్ని అదే కోరుతున్నా అని చెప్పారు.

విదేశీ పర్యటనల పై గోల చేస్తున్న వారు, మోడీ చేస్తున్న విదేశీ పర్యటనల గురించి ఎందుకు మాట్లాడటం లేదని అన్నారు. రాష్ట్రాన్ని ఈజ్ అఫ్ డూయింగ్ బిజినెస్ లో నెంబర్ వన్ స్థానంలో పెట్టమని, మీరు వీలైతే ఆ స్థానాన్ని నిలబెట్టండి అని వైసిపీని కోరారు. కొత్త రాష్ట్రం ఏర్పడిన తరువాత, 5 లక్షల ఉద్యోగాలు వచ్చాయని, మీరు అంతకంటే ఎక్కువ కంపెనీలు, ఉద్యోగాలు తీసుకురండి అని అన్నారు. అంతే కాని అనవసర విమర్శలు చెయ్యవద్దని కోరారు. నా పై విమర్శలు చేసే ముందు, మీ వెనుక ఉన్నవి చూసుకోండి అంటూ చురకలు అంటించారు. తన పై విమర్శలు కట్టి పెట్టి, ఈ రాష్ట్రం కోసం మీరు ఏమి చేస్తున్నారో చెప్పండి అని కోరారు.