news

ఒక పక్క చంద్రబాబు అన్నీ దుబారా ఖర్చులు పెట్టారు, చివరకు తాగే నీళ్ళు కూడా దుబారా, నీను కిన్లీ వాటర్ మాత్రమే తాగుతూ, పొడుపు చేసి, రాష్ట్ర సంపద పెంచుతున్నా అని చెప్తున్న జగన్ గారి మాటలకు, ఆయనతో పాటు, ఆయన మనుషులు చేసే పనులకు చాలా తేడా కనిపిస్తుంది. ఇప్పటికే జగన మోహన్ రెడ్డి తన ఇంటి కోసం ఇస్తున్న జీఓల పై టిడిపి అభ్యంతరం చెప్తుంది. జగన్ ఇంటి దగ్గర 1.5 కిమీ రోడ్డ కోసం 5 కోట్లు, టాయిలెట్ లు కట్టటానికి 30 లక్షలు, బ్యారికేడ్ లు కట్టటానికి 75 లక్షలు, కరెంటు పని చెయ్యటానికి 8.5 లక్షలు, ఇలా అనేక దుబారా ఖర్చులను తెలుగుదేశం ఎత్తి చూపిస్తుంది. అయితే ఇప్పుడు మరో వార్తా సంచలనంగా మారింది. జగన్ బంధువు అయిన వైవీ సుబ్బారెడ్డికి తిరుమల తిరుపతి దేవస్థానం బోర్డు చైర్మెన్ పదవి ఇచ్చిన సంగతి తెలిసిందే. అయితే ఇప్పుడు ఆయన తీసుకున్న నిర్ణయం వివాదాస్పదం అవుతుంది. దీని పై జగన్ ఎలా స్పందిస్తారా అని ప్రజలు ఎదురు చూస్తున్నారు.

సహజంగా టిటిడి చైర్మెన్ కు తిరుమలలో క్యాంప్ కార్యాలయం ఉంటూ వస్తుంది. ఇంతకు ముందు వరకు చైర్మెన్ లు గా చేసిన వారు అందరూ ఇదే సాంప్రదాయం పాటిస్తూ, తిరుమలలోనే క్యాంపు కార్యాలయం ఏర్పాటు చేసుకుంటున్నారు. అయితే దీనికి భిన్నంగా ప్రస్తుత చైర్మెన్ వైవీ సుబ్బారెడ్డి, కొత్త సంప్రదాయం సృష్టించారు. ఆయన తనకు తాడేపల్లిలో ఒక క్యాంపు కార్యాలయం కావాలని, టిటిడి పాలకమండలికి ఉత్తరం రాయటంతో, వారు ఆ పనిలో ఉన్నారు. తిరుమలలో ఉండాల్సిన చైర్మెన్, తాడేపల్లిలో ఏమి చేస్తారో మరి. అంతే కాదు, దీని కోసం, ఆయన నాకు ఆరుగురు సిబ్బంది కూడా కావాలని కోరారు. ఓ సూపరింటెండెంట్‌, ఇద్దరు కంప్యూటర్‌ పరిజ్ఞానం కలిగిన జూనియర్‌ అసిస్టెంట్లు, ఓ అసిస్టెంట్‌ లేదా షరాబు, ఇద్దరు అటెండర్లను తన తాడేపల్లి క్యాంపు కార్యాలయానికి కావాలని కోరారు. ఏకంగా చైర్మెన్ కోరితే, ఇక బోర్డు ఏమి చేస్తుంది. సరే అంది. అయితే ఎవరికీ అర్ధం కాని ప్రశ్న, తిరుమలలో సేవలు చెయ్యాల్సిన చైర్మెన్, తాడేపల్లిలో ఏమి చేస్తారా అని, ఈ నిర్ణయంతో టిటిడి అధికారులు అవాక్కయ్యారు. పొదుపు మంత్రం జపించే జగన్ గారు, ఇప్పుడు ఏమి చేస్తారో మరి.

జగన్ ప్రభుత్వం వచ్చిన దగ్గర నుంచి, ట్విట్టర్ వేదికగా జగన్ పాలనను ఎండగడుతూ, వాళ్ళు చేసే విమర్శలు సోషల్ మీడియా వేదికగా తిప్పి కొడుతున్న లోకేష్, అదే జోరు శాసనమండలిలో కొనసాగించారు. ఈ రోజు వైసీపీ ప్రభుత్వం ప్రవేశపెట్టిన బడ్జెట్ పై, శాసనమండలిలో లోకేష్ మాట్లాడారు. జగన్ ఇచ్చిన హామీలకు, బడ్జెట్ లో కేటాయించిన వాటికి ఏ మాత్రం పొంతన లేదని విమర్శించారు. పాదయాత్ర సందర్భంగా జగన్ మోహన్ రెడ్డి, రైతులు అందరికీ రుణమాఫీ చేస్తామని చెప్పారని, కాని బడ్జెట్ లో ఎక్కడా ఆ ఊసే లేదని చెప్పారు. తెలుగుదేశం ప్రభుత్వంలో ఎన్ని ఇబ్బందులు ఉన్నా, మూడు విడతలు రుణ మాఫీ చేసామని, నాలుగో విడత విడుదల చెయ్యగానే, ఎన్నికల నిబంధనల పేరుతొ, దగ్గరుండి వీరే ఆపించారని అన్నారు. మరో పక్క రైతులకు సున్నా వడ్డీ రుణాలు మేమే ఇస్తున్నాం అని చెప్పి, మమ్మల్ని హేళన చేసిన జగన్ మోహన్ రెడ్డి, సాయంత్రానికి కేవలం 100 కోట్లు ఇచ్చి, చేతులు దులుపుకున్నారని విమర్శించారు.

రాష్ట్రంలో విత్తనాల కొరతతో రైతులు అల్లాడిపోతున్నారని లోకేష్ ఆరోపించారు. గత 5 ఏళ్ళలో ఎప్పుడూ లేని విత్తన కష్టాలు మళ్ళీ వచ్చాయని అన్నారు. విత్తనాల కోసం రైతులు పొలాలు వదిలి, రోడ్ల మీదకు వచ్చి ఆందోళన చేసే పరిస్థితి వచ్చిందని, వారిని లైన్లో గంటలు గంటలు నిలబెట్టి చంపుతున్నారని లోకేష్ అన్నారు. విత్తన కష్టాల పై మేము స్పందిస్తుంటే, అంతా చంద్రబాబు వల్లే ఈ కష్టాలని అంటున్నారని అన్నారు. ఏపి విత్తనాలు, తెలంగాణాకు వెళ్ళే పరిస్థితి వచ్చిందని అన్నారు. అలాగే రైతు భరోసా, 12,500, కేవలం 64.05 లక్షల మంది రైతులకే ఇస్తున్నారని, జగన మోహన్ రెడ్డి గార మాత్రం, 85లక్షల మంది రైతులు ఉన్నారని లెక్క చెప్తూ ఉంటారని గుర్తు చేసారు. మోడీ మేడ వంచుతూ అని చెప్పిన జగన్ మోహన్ రెడ్డి, తిరుపతిలో మోడీ కనిపించగానే కాళ్ళ మీద పడబోయరాని, ఎద్దేవా చేసారు. మొన్నటి దాకా పోరాటాలు చేసేస్తాం అని చెప్పిన వాళ్ళు, ప్లీజ్ సార్ ప్లీజ్ అంటున్నారని విమర్శించారు.

నిన్నటి నుంచి రాష్ట్రంలో ఒకే ఒక్క టాపిక్. అదే కియా గురించి. 2007లో వైఎస్ సూచన మేరకే, ఆయన చనిపోయినా, 10 ఏళ్ళ తరువాత, ఇప్పుడు కియాని ఏపిలో పెట్టామని, నిన్న బుగ్గన అసెంబ్లీలో చదివి వినిపించారు. దాని పై రాష్ట్రమంతా అవాక్కయింది. ఈ విషయం పాపం జగన్ మోహన్ రెడ్డికి తెలియక, మొన్నటి దాకా మోడీ తెచ్చారని ప్రచారం చేసారని అనుకుంటున్నారు. అయితే ఈ విషయం పై చంద్రబాబు నాయుడు, ఈ రోజు మీడియాతో చిట్ చాట్ చేస్తూ స్పందించారు. కియా మోటార్స్ కంపెనీ, రాజశేఖర్ రెడ్డి వల్లే వచ్చిందని చెప్పటం, వైసీపీ నేతలు ఆడుతున్న అబద్ధాలకు పరాకాష్ట అని చెప్పుకొచ్చారు. చెప్పే అబద్ధాన్ని అయినా నమ్మసక్యంగా చెప్పాలి కదా అని అన్నారు. రాష్ట్రంలో ప్రాజెక్ట్ లు అన్ని పడకేసాయని, పోలవరం, అమరావతి, బందర్ పోర్ట్, ఇలా అన్ని ప్రాజెక్ట్ లను పక్కన పడేసారని అన్నారు. జగన్ మోహన్ రెడ్డి తనను ఏదో చేద్దామనుకుని, తన చెట్టుని , తానే నరుక్కుంటున్నారని అన్నారు. తన పై అవినీతి ముద్ర వెయ్యటానికి ఎన్ని రకాల ప్రయత్నాలు చేసినా, వారి వల్ల కావటం లేదని చంద్రబాబు అన్నారు.

నిన్నటి నిన్న పోలవరం పై సిబిఐ ఎంక్వయిరీ అడిగారని, అదేమీ అవసరం లేదని కేంద్రం చెప్పిన విషయం గుర్తు చేసారు. పోలవరం డీపీఆర్ - 2 కి ఫైనాన్సు క్లియరెన్స్ రాలేదు, ఆర్అండ్ఆర్ ప్యాకేజి రాష్ట్రానికి సంబంధించింది అని కేంద్రం అంటుంది, ఇలాంటి కీలక విషయాల పై కేంద్రాన్ని ప్రశ్నించి నిధులు తెచ్చుకునే దమ్ము వాళ్ళకు లేదని అన్నారు. వీళ్ళ అసమర్ధత తెలిసే, ఇంకా పోలవరంలో ఏ పని జరగదు అని అర్ధమై, అక్కడ కాంట్రాక్టర్ లు, అక్కడ ఉన్న మెషినరీని మొత్తం తరలించేసరని చంద్రబాబు అన్నారు. నిన్న ఒక మంత్రి మాట్లాడుతూ, పట్టిసీమ నీళ్ళు అసలు ఉపయోగపడలేదని చెప్పారని, ఇది వీళ్ళకు ఉండే తెలివి అని అన్నారు. ఇవన్నీ వదిలేసి, నా పై పడ్డారని, వీళ్ళ నాన్న కూడా 26 ఎంక్వైరీలు నా పై వేస్తె, ఒక్క ఆరోపణ కూడా నిరూపించలేకపోయారని అన్నారు. ఇప్పుడు జగన్ కూడా అదే బాటలో, తన పై అర్ధంలేని అవినీతి ఆరోపణలు చేస్తున్నారని, ఒక్కటి కూడా నిరూపించలేరని అన్నారు.