news

జనసేన పార్టీ రాబోయే కాలంల్లో, ఆంధ్రప్రదేశ్ లో బలోపేతం దిశగా అడుగులు వేస్తోంది. 2019లో ఎన్నికల ఫలితాల్లో కేవలం ఒక్క సీటులో గెలిచిన తరువాత,పార్టీని ప్రజల్లోకి ఎలా తీసుకు వెళ్ళాలి అని విషయం పై పార్టీ అధినేత పవన్ కళ్యాణ్ కసరత్తు చేస్తున్నారు. ఇందులో భాగంగా పార్టీకు సంబంధించిన వివిధ కమిటీలు ఏర్పాటు చేసి, పార్టీని ప్రజల్లోకి తీసుకువెళ్ళే కసరత్తు ప్రారంభించారు. ఇదే విషయం పై ఈ రోజు పార్టీ కార్యాలయంలో ముఖ్యనేతలతో పవన్ సమావేశం అయ్యారు. దీని పై చర్చించిన తరువాత, పవన్ కళ్యాణ్ విజయవాడలోని జనసేన పార్టీ కార్యాలయంలో నిర్వహించిన మీడియాతో మాట్లడారు. జనసేన పార్టీ ముఖ్యమైన కమిటీల ఏర్పాటు పై ప్రకటన చేసారు. ప్రస్తుతం 18 నుంచి 20 కమిటీలు వేస్తున్నట్లు ప్రకటన చసారు. జనసేన పార్టీ సిద్ధాంతాలను ప్రజల ముందుకు తీసుకు వెళ్లే వారికి అధిక ప్రాధాన్యత ఇస్తామని చెప్పారు. రాబోయే రోజుల్లో అన్ని రకాలుగా పార్టీ కోసం శ్రమించి, పార్టీని ముందుకు తీసుకువెళ్తామని, ప్రజల సమస్యల పై పోరాడతామని చెప్పారు.

ఇక ప్రస్తుతం, రాష్ట్రంలో హాట్ టాపిక్ అయిన ప్రజా వేదిక కూల్చటం పై కూడా పవన్ కళ్యాణ్ స్పందించారు. అక్రమకట్టడాలైతే ప్రజావేదికతో పాటు, కృష్ణా తీరం వెంట ఉన్న అన్ని అక్రమ కట్టడాలు కూల్చేయాలని జనసేన అధినేత అన్నారు. ఎదో ఒక బిల్డింగ్ కూల్చేసి, ఊరుకుంటాం అంటే అది కక్ష సాధింపు అవుతుందని, ఎలాగూ కూల్చటం మొదలు పెడుతున్నారు కాబట్టి, అన్నీ కూల్చేయాలి అని అన్నారు. మరో పక్క పార్టీ ఫిరాయింపుల పై కూడా పవన్ కళ్యాణ్ స్పందించారు. సొంత ప్రయోజనాల కోసమే నేతలు పార్టీలు మారుతున్నారని అన్నారు. జనసేన పార్టీ నుంచి ఎవరూ ఎక్కడికీ వెళ్లడం లేదని పవన్ కళ్యాణ్ అన్నారు. ఫిరాయింపులకు మా పార్టీ వ్యతిరేకమని అన్నారు. మా పార్టీ సిద్ధాంతాలు నచ్చి వచ్చే నేతలను ఆహ్వానిస్తామని అన్నారు. దేశ వ్యాప్తంగా జమిలి ఎన్నికలు వస్తే స్వాగతిస్తామని అన్నారు. వెంటనే జగన్ ప్రభుత్వం పై విమర్శలు చెయ్యమని, వారి విధానాలు ఏమిటో చూస్తామని పవన్ కళ్యాణ్ తెలిపారు.

ఇప్పటి వరకు ఆంధ్ర రాష్ట్రంలో, ఉమ్మడి ఆంధ్ర రాష్ట్రంలో కాని లేని కొత్త సంస్కృతీ జగన్ మోహన్ రెడ్డి తీసుకు వచ్చారు. తమిళనాడు తరహా కక్ష పురిత రాజకీయాలు మొదటి సారిగా ఆంధ్రప్రదేశ్ రాష్ట్రంలో చూస్తున్నాం. అమరావతి మీద తనకు ఎంత కక్ష ఉందో, ప్రమాణ స్వీకారం రోజే చూపించారు. 40 వేల మంది కార్మికులతో నిత్యం బిజీగా ఉండే అమరావతి, నేడు ఒక్క మనిషి కూడా లేకుండా, ఎక్కడి కట్టడాలు అక్కడ ఆగిపోయాయి. అమరావతి పై ఇప్పటి వరకు జగన్ సమీక్ష చెయ్యలేదు, క్లారిటీ ఇవ్వలేదు. అమరావతి అంటే, అదేదో చంద్రబాబు ఆస్తి అనుకుంటూ, 33 వేల ఎకారాలు ఇచ్చిన రైతులకు క్షోభ మిగిల్చారు. అలాగే ప్రజావేదిక. ఒక ప్రతిపక్ష నేతకు, ప్రభుత్వం నివాసం కల్పించాలి. అందులో భాగంగా, ప్రజా వేదికను తన కార్యకలాపాలకు ఇవ్వాలని చంద్రబాబు కోరారు. అయితే దాని పై సమాధానం ఇవ్వకుండా, సామాను బయట పడేసి, ఏకంగా చంద్రబాబు ఇంటి పక్కన ఉన్న ప్రజా వేదిక వద్దే కల్లెక్టర్స్ కాన్ఫరెన్స్ పేరుతొ, వచ్చి జగన్ కూర్చున్నారు. 

ఇది ఏ తరహా రాజకీయమో ప్రజలే నిర్ణయిస్తారు. అంతటితో ఆగలేదు, ఇప్పుడు ఏకంగా అమరావతిలో కూల్చే మొదటి బిల్డింగ్ ఈ ప్రజా వేదిక అంటూ జగన్ ప్రకటించారు. నిబంధనలకు అనుకూలంగా ఇది కట్టలేదని, అందుకే దీన్ని బుధవారం కూల్చేయాలి అని జగన్ ఆదేశించారు. చంద్రబాబు ఊరిలో లేని సమయంలో, ఆయన వాడుకుంటున్న ఆఫీస్ ని, కనీసం ఆయన వచ్చే దాక అయినా ఉండకుండా, నిబంధనలు పేరు చెప్పి, కూల్చేస్తున్నారు. ఇన్ని నిబంధనలు చెప్పే జగన్ గారు, ఆ పక్కనే ఉన్న గోకరాజు గంగ రాజు గెస్ట్ హౌస్, ఆ పక్కనే ఉన్న మంతెన సత్యన్నారాయణ ఆశ్రమం కూల్చే దమ్ము ఉందా ? గోకరాజు జోలికి వెళ్తే అమిత్ షా ఆఫీస్ నుంచి ఫోన్ వస్తుంది. వాళ్ళు తలుచుకుంటే 24 గంటల్లో సీన్ రివర్స్ అవుతుంది. అందుకే వాళ్ళ జోలికి వెళ్లరు. అధికారం లేదు కాబట్టి చంద్రబాబు జోలికి వెళ్తారు. ఇదే చంద్రబాబు, జగన్ లాగా అలోచించి ఉంటే ? అధికారం బాధ్యతను పెంచాలి, అహంకారం కాదు. కాలమే అన్నిటికీ సమాధనం చెప్తుంది.

వంగవీటి అంటే బెజవాడలోనే కాదు, కోస్తా జిల్లాల్లో కూడా ఒక బ్రాండ్. దానికి వారసుడిగా ఉన్న వంగవీటి రాధా మాత్రం, రాజకీయంగా ఎదగలేక పోయారు. దానికి ప్రధాన కారణం ఆయన పార్టీలు మారే విధానం అనే చెప్పాలి. ఇప్పటికే నాలుగు పార్టీలు మారిన రాధా ఇప్పుడు మళ్ళీ పార్టీ మారుతున్నారు అంటూ వార్తలు వస్తున్నాయి. దానికి కారణం, ఈ రోజు రాధా, జనసేన అధినేత పవన్‌కల్యాణ్‌తో భేటీ కావడం. ఈ పరిణామం ఇప్పుడు రాజకీయాల్లో చర్చనీయాంశంగా మారింది. దాదాపుగా అరగంట పాటు, రాధా పవన్ కల్యాణ్‌తో వంగవీటి భేటీ అయ్యారు. వంగవీటి రాధా, త్వరలోనే జనసేనలో చేరే అవకాశం ఉన్నట్టు అనుచరులు ప్రచారం చేసారు. జనసేనలో చేరేందుకే రాధా, పవన్‌తో భేటీ జరిపినట్లు తెలుస్తోంది. ఎన్నికల ముందు, జగన్ తనను అవమానించారని చెప్తూ, రాధా వైసీపీని వీడి తెలుగుదేశం పార్టీలో చేరారు. చంద్రబాబు టికెట్ ఇవ్వరని తెలిసినా, ఆయన పార్టీలో చేరి, ప్రచారం చేసారు. అప్పట్లో ఈయనకు ఎమ్మల్సీ ఇస్తారనే ప్రచారం జరిగింది. అయితే, ఇప్పుడు తెలుగుదేశం పార్టీ ఓడిపోవటంతో, ఎమ్మల్సీ ఆశలు గల్లంతు అయ్యాయి.

అయితే తెలుగుదేశం పార్టీలో ఉంటూ ప్రజా సమస్యల పై పోరాడకుండా, మళ్ళీ పార్టీ మరే ఆలోచనలో పడ్డారు. అందరూ బీజేపీలో చేరుతుంటే, రాధా మాత్రం, జనసేన వైపు చూస్తున్నారు. తన సామాజికవర్గం ఎక్కువగా ఆదరించే పార్టీ కావటంతో, అటు వైపు మొగ్గు చూపినట్టు తెలుస్తుంది. అయితే రాధా మాత్రం, ఎప్పుడూ నిలకడగా లేకుండా ఇలా పార్టీలు మారుతూ ఉంటే, చూసే వాళ్ళకు కూడా ఇబ్బందిగ ఉంటుంది. ఇప్పటికే రాధా నాలుగు పార్టీలు, మారి, అయిదవ పార్టీ వైపు చూస్తున్నారు. ముందుగా కాంగ్రెస్ పార్టీ నుంచి రాజకీయ అరంగేట్రం చేసిన రాధా, ఎమ్మల్యే అయ్యారు. తరువాత చిరంజీవి పార్టీ పెట్టటంతో ప్రజారాజ్యం వైపు వెళ్లారు. ప్రజారాజ్యం ఎత్తేయటంతో, కాంగ్రెస్ లో విలీనం అయినా, అటు వెళ్ళకుండా, వైసీపీ వైపు వచ్చారు. ఇక్కడ జగన్ తో విభేదాలు రావటంతో తెలుగుదేశం పార్టీలో చేరారు. ఇప్పుడు తెలుగుదేశం పార్టీ ఓడిపోవటంతో, మరో సారి పార్టీ మారే ఆలోచనలో జనసేన వైపు చూస్తున్నారు. మొత్తానికి, అయుదు సార్లు, అయుదు పార్టీలు మారిన నేతగా రాధా నిలిచిపోతారు. బీజేపీ కూడా రాధా వైపు చూస్తునట్టు తెలుస్తుంది. మరి రాధా జనసేన వైపు వెళ్తారో, బీజేపీ వైపు వెళ్తారో చూడాలి...