news

అటు పార్లమెంట్‌, ఇటు రాజ్యసభలో ఉన్న తెలుగుదేశం పార్టీ ఎంపీల పై బీజేపీ టార్గెట్ పెట్టిందని, వారిని తమ పార్టీలోకి చేర్చుకునే అవకాశం ఉందని ఢిల్లీ పొలిటకల్ సర్కిల్స్ లో జోరుగా ప్రచారం జరుగుతోంది. ముఖ్యంగా రాజ్యసభలో బీజేపీ పార్టీ మైనారిటీలో ఉంది. దీంతో, ఈ సభలో టీడీపీకి ఆరుగురు సభ్యులు ఉన్నారని గ్రహించి, వారి పై ఫోకస్ పెట్టారు. వారిని తమ పార్టీలో కలుపుకొని, తమకు తగ్గిన తమ బలాన్ని కొంత మేరకు అయిన భర్తీ చేసుకొనే విధంగా ప్లాన్ వేసారు. ఇందు కోసం టిడిపి రాజ్యసభ సభ్యులైన సుజనాచౌదరి, సీఎం రమేశ్‌, గరికపాటి మోహన్‌రావు, తోటసీతారామలక్ష్మి, టీజీ వెంకటేశ్‌, కనకమేడల పై బీజేపీ నేతలు కన్ను వేసినట్లు ఢిల్లీ నుంచి వస్తున్న విశ్వసనీయవర్గాల సమాచారం. వీరిలో కొంత మందితో, ఇప్పటికే పరోక్షంగా మంతనాలు ప్రారంభించినట్లు తెలుస్తోంది. అలాగే లోక్‌సభకు టీడీపీ నుంచి ముగ్గురు ఎంపీలుగా ఎన్నిక కాగా, వారిలో ఎవరెవరు తమ పార్టీలోకి చేరతారన్న విషయం పై కూడా బీజేపీలో చర్చ జరుగుతున్నట్లు తెలుస్తుంది.

ఇది ఇలా ఉంటే, పార్లమెంట్‌ భవనంలో ఉన్న టీడీపీ పార్లమెంటరీ కార్యాలయాన్ని వేరే పార్టీలకు కేటాయించే విషయం పై అధికారులు ఆరా తీస్తున్నట్లు సమాచారం. పార్లమెంటరీ సెక్రటేరియట్‌ అధికారి ఒకరు టిడిపి నేతలకు ఫోన్‌ చేసి, మీకు అంత పెద్ద గది ఎందుకు ?అని ప్రశ్నించినట్లు సమాచారం. ప్రస్తుతం టీడీపీపీ ఆఫీస్, లైబ్రరీకి వెళ్లే దారిలో నంబర్‌ 5 గది టీడీపీపీ కార్యాలయంగా ఉంది. ఇది వరకు, సుమిత్రా మహాజన్‌ లోక్‌సభ స్పీకర్‌గా ఉన్నప్పుడే ఈ గదిని అన్నాడీఎంకేకి కేటాయించాలని నిర్ణయించారు. అయితే ఈ గదితో తెలుగుదేశం పార్టీకి ఎంతో అవినాభావ సంబంధం ఉందని అప్పట్లో తెలుగుదేశం వాదించడంతో, సుమిత్రా మహాజన్‌ తన నిర్ణయాన్ని ఉపసంహరించుకున్నారు. ఇప్పుడు టిడిపి నుంచి ముగ్గురు ఎంపీలే ఎన్నిక కావడంతో, తిరిగి ఈ అంశం తెర పైకి వచ్చింది.

ఆయన ఒక చర్చి ఫాదర్‌... కాని చేసే పనులు మాత్రం, సమాజం తల దించుకునే పనులు. నగ్నంగా పడుకుని బాడీ మసాజ్‌ చేయాలని, బాలికలను బెదిరించటం ఆయన పని. ఈ ఘటన అనంతపురం జిల్లాలో బయట పడి, అనేక మలుపులు తిరుగుతోంది. ఈ కేసు పై సాక్షాత్తూ రాష్ట్ర హోంమంత్రి రంగంలోకి దిగి, అతడిని శిక్షించమని ఆదేశించినా పోలీసులు అతడిని అరెస్ట్‌ చేయలేని దుస్థితి ఉంది. ఆంధ్రప్రదేశ్ రాష్ట్రంలో సంచలనంగా మారిన ఈ ఘటన వివరాలు చూస్తే ఎవరికైనా దిమ్మ తిరుగుతుంది. అనంతపురం జిల్లాలోని తాడిపత్రికి చెందిన ఒక మహిళ కుమార్తె, అక్కడి చర్చి స్కూలులో 8వ క్లాస్ చదువుతోంది. ఆ బాలిక చర్చికి వెళ్లిన సమయంలో, అక్కడి చర్చి ఫాదర్‌ ఎమిలిరాజ్‌, ఆ బాలికతో పాటు, అక్కడ ఉన్న మరి కొంత మంది అమ్మాయిలను తన ఇంటికి పిలిపించుకుని, ఒంటి పై దుస్తులు అన్నీ తీసేసి, నగ్నంగా పడుకుని బాడీ మసాజ్‌ చేయాలని బెదిరించినట్లు ఆ బాలిక తల్లి స్థానిక పోలీసులకు ఫిర్యాదు చేసింది. కానీ అప్పటి సీఐ సురేందర్‌రెడ్డి చర్చి ఫాదర్‌కు మద్దతుగా పలికి, సెటిల్మెంట్‌ తో రాజీకి ప్రయత్నం చేసారు. కాని వాళ్ళు ఒప్పుకోలేదు. దీంతో మహిళా కమిషన్‌ ఆదేశాలతో తాడిపత్రి పోలీసులు 2019 మార్చి 30న చర్చి ఫాదర్‌పై కేసు నమోదు చేశారు.

కానీ, పోలీసులు ఎమిలిరాజ్‌ను అరెస్ట్‌ చేయలేదు. అప్పటికి ఎలక్షన్ హడావిడి ఉండటంతో, పోలీసులు ఇస్తా రాజ్యంగా చేసారు. అయితే కొత్త ప్రభుత్వం రావటంతో, మూడురోజుల క్రితం కొత్తగా బాధ్యతలు చేపట్టిన హోంమంత్రి మేకతోటి సుచరితకు బాధిత బాలిక తల్లి ఫోన్‌ చేసి తన బాధను వివరించింది. దీని పై స్పందించిన హోంమంత్రి, పోలీసులకు ఫోన్‌ చేసి, చర్చి ఫాదర్‌ను వెంటనే అరెస్ట్‌ చేయాలని ఆదేశించారు. మంగళవారం రాత్రి ఎమిలిరాజ్‌ను అరెస్ట్‌ చేయడానికి పోలీసులు అక్కడకు వెళ్లగా చర్చి కమిటీ సభ్యులు, అక్కడ మహిళలు అడ్డుకున్నారు. దీంతో చేసేది లేక పోలీసులు వెనుదిరిగారు. ఈ ఘటన పై హోంమంత్రి అరెస్ట్ చెయ్యమని చెప్పినా, స్థానిక పోలీసుల తీరును ఉన్నతాధికారులు తీవ్రంగా పరిగణిస్తున్నట్లు సమాచారం. ఈ లోపే చర్చి ఫాదర్‌ పరారైనట్లు తెలుస్తోంది. అతడిని మరో చర్చికి బదిలీ చేశారనే ప్రచారమూ జరుగుతోంది. కాగా, పోలీసుల తీరు పై బాధిత బాలిక తల్లి తీవ్ర ఆగ్రహం వ్యక్తం చేస్తున్నారు. అతనిని అరెస్ట్ చెయ్యకపోతే, విజయవాడ వెళ్లి ముఖ్యమంత్రి క్యాంప్‌ ఆఫీసు వద్ద ఆందోళనకు దిగుతానని ఆమె హెచ్చరిస్తున్నారు.

జూన్ మూడవ వారం వచ్చినా, వరుణ దేవుడు అడ్రెస్ లేడు. ఆంధ్ర‌ప్ర‌దేశ్‌లో ఎండ‌ల తీవ్రత కొన‌సాగుతోంది. ముఖ్యంగా కోస్తా జిల్లాల్లో భానుడు తన ప్ర‌తాపం చూపిస్తున్నాడు. వ‌డగాల్పుల తీవ్ర‌త కూడా అధికంగానే ఉంటోంది. ఈనెల 18వ తేదీ వ‌ర‌కు ఎండ‌ల తీవ్ర‌త ఇలానే కొన‌సాగుతుంద‌ని ఆర్టీజీఎస్‌లోని ఆంధ్ర‌ప్ర‌దేశ్ వెద‌ర్ ఫోర్ క్యాస్టింగ్ అండ్ ఎర్లీ వార్నింగ్ రీసెర్చ్ సెంట‌ర్ (అవేర్‌) నిపుణులు చెబుతున్నారు. వాతావ‌ర‌ణంలో తేమ శాతం గ‌ణ‌నీయంగా ప‌డిపోతున్నందునఉష్ణోగ్ర‌త‌లుపెరుగుతాయని, వ‌డ‌గాల్పుల తీవ్ర‌త పెరుగుతుంద‌ని తెలిపారు. ఈ స‌మ‌యాల్లో ప్ర‌జ‌లు అప్ర‌మ‌త్తంగా ఉండాల‌ని, ఎండ‌ల్లో తిర‌గకుండానీడ‌ప‌ట్టున ఉండాల‌ని, ముఖ్యంగా చిన్నారులు, వృద్దుల విష‌యంలో త‌గిన ముంద‌స్తు జాగ్ర‌త్త‌లు పాటించాల‌ని ఆర్టీజీఎస్ నిపుణులు హెచ్చరించారు. శ‌నివారం రోజు కూడా ఎండ‌ల తీవ్ర‌త కొన‌సాగింది. ముఖ్యంగా కోస్తా జిల్లాల్లో 45 డిగ్రీలకు పైగా ఉష్ణోగ్ర‌త‌లు న‌మోదైతే, రాష్ట్ర వ్యాప్తంగా అన్ని జిల్లాల్లోనూ 41 డిగ్రీల‌కు పైగా ఉష్ణోగ్ర‌త‌లు న‌మోద‌య్యాయి. విజ‌య‌న‌గ‌రం జిల్లా బొండాప‌ల్లె మండ‌లం క‌నిమెర‌క‌లో అత్య‌ధికంగా 46.20 డిగ్రీల ఉష్ణోగ్ర‌త న‌మోదైంది.

విశాఖ‌జిల్లా దేవ‌రాప‌ల్లె మండ‌లం వేచ‌లంలో 46 డిగ్రీలు న‌మోద‌య్యాయి. ప్ర‌కాశం, తూర్పు, ప‌శ్చిమ గోదావ‌రి జిల్లాల‌తో పాటు, గుంటూరు జిల్లాలోనూ 45 డిగ్రీలకు పైగా ఉష్ణోగ్ర‌త‌లు న‌మోద‌య్యాయి. ప్ర‌కాశం జిల్లా టంగుటూరులో 45.79 డిగ్రీలు న‌మోదైతే, విజ‌య‌న‌గ‌రం జిల్లా పెద‌మెరంగిలో 45.37, తెనుబొడ్డ‌వ‌ర‌లో 45.19 డిగ్రీలు, విశాఖ జిల్లా భ‌లి గ‌ట్టంలో 45.08, గాదిరాయిలో 45.02 డిగ్రీలు, ప‌శ్చిమ‌గోదావ‌రి జిల్లా పొదురులో 45.31, చిన్న‌య‌గూడెం 45.18, చిట్యాల 45.07లో డిగ్రీలు, తూర్పు గోదావ‌రి జిల్లా తొండంగి మండ‌లం కృష్ణా పురంలో 45.30, రాజోలు మండ‌లం శివ‌కోడు 45.17 డిగ్రీలు, గుంటూరు జిల్లా బాప‌ట్ల‌లో 45.12 డిగ్రీల ఉష్ణోగ్ర‌త‌లు న‌మోద‌య్యాయి. ఈ నెల 19న రుతుప‌వ‌నాలు రాష్ట్రాన్ని తాకుతాయ‌ని అంచ‌నా వేస్తున్నారు. రాష్ట్రంలోని అనంత‌పురం, చిత్తూరు జిల్లాల‌ను రుతుప‌వ‌నాలు తాకుతాయ‌ని భావిస్తున్నారు. వీటి ప్ర‌భావం కార‌ణంగా ఈనెల 19 నుంచి 24 వ తేదీ లోపు రాష్ట్ర వ్యాప్తంగా మోస్త‌రు నుంచి భారీ వ‌ర్షాలు ప‌డే అవ‌కాశం ఉంద‌ని అంచ‌నా వేస్తున్నారు..