news

ఆంధ్రప్రదేశ్ అసెంబ్లీ సమావేశాలు చివరి రోజు అయిన మంగళవారం, వాడీవేడిగా జరిగాయి. ఆంధ్రప్రదేశ్ రాష్ట్రానికి ప్రత్యేక హోదా ఇవ్వాలని కేంద్రాన్ని కోరుతూ వైఎస్ జగన్‌ సభలో తీర్మానాన్ని ప్రవేశపెట్టారు. దీని పై మాట్లాడుతూ మాజీ ముఖ్యమంత్రి, ప్రతిపక్ష నేత చంద్రబాబు పై వెటకారంగా స్పందించారు వైసీపీ నేతలు. మరీ దిగజారి, చంద్రబాబు ఢిల్లీ పర్యటనలో మోడీకి మర్యాదపూర్వకంగా ఇచ్చిన శాలువాలు, తిరుపతి ప్రసాదం పై స్పందిస్తూ, మోడీని కలిసిన ప్రతి సారి చంద్రబాబు ఇచ్చిన శాలువాలు, వీణలు, బొకేలు ఒక బీరువా మొత్తం సరిపోతాయి అంటూ చంద్రబాబుని విమర్శించారు. దీని పై మాట్లాడిన చంద్రబాబు, గట్టి కౌంటర్ ఇచ్చారు. నేను ఏమి చేసినా రాష్ట్రం కోసమే చేశాను, నేను ఇచ్చింది బీరువా అంత అయితే, మీరు ఇచ్చేది ఏమిటి అన్నారు ? మీరు కూడా ఇప్పటికే చాలా శాలువాలు ఇచ్చారని, ఈ 5 ఏళ్ళలో మీరు ఇచ్చేవి బీరువా కాదు, గదుల్లో సర్దుకోవాలి, ఇలాంటి ఆపి, రాష్ట్రానికి రావాల్సినవి చూడండి అంటూ చంద్రబాబు అన్నారు.

మోడీని కలవటం ఎందుకు, ప్రణాళికా సంఘం దగ్గరకు వెళ్ళండి అంటూ జగన్ చేసిన వ్యాఖ్యల పై చంద్రబాబు స్పందిస్తూ, రాష్ట్రానికి ప్రత్యేకహోదా ఇచ్చేందుకు ప్రధాని మోదీ అంగీకరించలేదని, ఆయన ఒప్పుకోనప్పుడు ప్రణాళికా సంఘం ఎలా ఇస్తుందని ప్రశ్నించారు. తాను ప్రత్యేక హోదా విషయంలో మాట మార్చాను అంటున్నారు అని, కాని అప్పుడు జరిగిన విషయం ఇది అంటూ చంద్రబాబు చెప్పారు. తాము ప్రత్యేకహోదా సాధించలేదని ఇప్పుడు వైసీపీ నేతలు అంటున్నారు, హోదా తెస్తారనే ప్రజలు ఓట్లేసి మిమ్మిల్ని గెలిపించారు, హోదా తీసుకు రండి, మేము కూడా మీకు సహకరిస్తాం అంటూ చంద్రబాబు వ్యాఖ్యానించారు. వైకాపాకు 151 మంది ఎమ్మెల్యేలు, 22 మంది ఎంపీలను ప్రజలు గెలిపించారని,హోదా సాధించమనే అధికార పార్టీకి చెబుతున్నామన్నారు. తన పట్టుదల వల్లే తెలంగాణలోని ముంపు మండలాలను ఏపీలో విలీనం చేశారని, ఇప్పుడు పోలవరం ఇలా ఉంది అంటే, అదే కారణం అని చంద్రబాబు గుర్తు చేశారు. ప్రత్యేకహోదా కోసం ఎంతో నిబద్ధతతో ప్రయత్నం చేశామని, ఎన్డీయేలో మిత్రపక్షంగా ఉంటూనే, వారితో విభేదించామని అన్నారు. దీని వల్లే రాజకీయంగా నష్టపోయాం అని, అయినా రాష్ట్రం కోసం భరించామని అన్నారు.

ప్రస్తుతం రాష్ట్రంలో కక్ష సాధింపు ధోరణి నడుస్తుంది. కొత్తగా అధికారంలోకి రావటంతో, వైసీపీ నేతలు, రాజకీయ కక్ష సాధింపు మొదలు పెట్టారు. ఇదంతా ప్రభుత్వం మారినప్పుడు సహజమే అయినా, ఏకంగా నేతల భద్రత విషయంలో కూడా, ఈ కక్ష సాధింపు కొనసాగటం, కొద్దిగా ఇబ్బందికర పరిణామం. పెద్ద స్థాయి నేతలు, నక్సల్స్ త్రెట్ ఉన్న వారికి కూడా భద్రత తగ్గింపు, ఇప్పుడు సమస్యగా ఉంది. మాజీల వరకు భద్రత తగ్గింపు ఒక ఎత్తు అయితే, ఇప్పుడు పదవిలో ఉన్న వారికి కూడా భద్రత తగ్గింపు రాజకీయ కక్షకు పరాకాష్ట. సాక్షాత్తు జెడ్ + ఉన్న చంద్రబాబుకే చుక్కలు చూపిస్తున్నారు. అయినా కేంద్రం నుంచి ఒక్క మాట లేదు. చంద్రబాబు పరిస్థితే ఇలా ఉంటే, ఇక మామూలు నాయకుల పరిస్థితి మరీ దారుణం. విజయవాడ లాంటి చోట, రాజకీయ విమర్శలు అధికంగా చేసే నాయకులకు కూడా భద్రత తగ్గిస్తున్నారు.

తాజగా టీడీపీ ఎమ్మెల్సీ బుద్దా వెంకన్నకు, ఈ అనుభవం ఎదురైంది. తన సెక్యూరిటీని తగ్గించడంలో , దానికి నిరసనగా టీడీపీ ఎమ్మెల్సీ బుద్దా వెంకన్న, ఉన్న భద్రతా సిబ్బందిని కూడా వెనక్కు పంపించారు. ఇప్పటికే పలువురు మాజీలకు భద్రతను తగ్గించిన ప్రభుత్వం, ప్రజా ప్రతినిధుల విషయంలోనూ సమీక్షలు చేసి, కొంత మందికి భద్రతను తగ్గిస్తుంది. ఈ క్రమంలో బుద్ధా వెంకన్నకు ఉన్న 2 ప్లస్ 2 సెక్యూరిటీని 1 ప్లస్ 1కు తగ్గించింది. దీని పై తీవ్ర అసంతృప్తిని వ్యక్తం చేసిన వెంకన్న, ఆ ఇద్దరూ కూడా వద్దని వారిని వెనక్కు వెళ్లిపోవాలని ఆదేశించారు. అసలు అయితే విజయవాడలో నివాసం ఉంటున్న ప్రజా ప్రతినిధులు, మంత్రులకు సిటి సెక్యూరిటి వింగ్‌ నుంచి గన్‌ మెన్‌ లను భద్రతగా కేటాయిస్తారు. కృష్ణా జిల్లాలోని మిగతా ప్రజా ప్రతినిధులకు ఆర్మ్ డ్ రిజర్వ్‌ నుంచి గన్‌ మెన్‌ లను కేటాయిస్తారు. అయితే గన్‌ మెన్‌ ల ఉపసంహరణ తమ చేతుల్లో లేదని, స్థానిక విజయావాడ సిటీ పోలీసు అధికారులు అంటున్నారు. పోలీసు హెడ్‌ క్వార్టర్స్‌ లో ఈ నిర్ణయాలు తీసుకుంటారని అంటున్నారు.

హేళన చేసారు.. పప్పు అన్నారు.. అనని మాటను అంటూ, మంగళగిరిని మందలగిరి అన్నారని తప్పుడు ప్రచారం చేసారు... ఎంత చేసిన కుటుంబం నేర్పిన సంస్కారంతో, ప్రత్యర్ధి ఎదురు పడినా, గౌరవంగా అభివాదం చేసారు, తెలుగుదేశం పార్టీ నేత, మాజీ మంత్రి నారా లోకేష్. ఈ రోజు ఆంధ్రప్రదేశ్‌ శాసనసభ లాబీల్లో ఈ ఆసక్తికర సన్నివేశం చోటుచేసుకుంది. మంగళగిరి అసెంబ్లీ స్థానం నుంచి గత ఎన్నికల్లో పోటీచేసిన నారా లోకేశ్‌, ఆళ్ల రామకృష్ణారెడ్డి ఒకరికి ఒకరు ఎదురుపడి కరచాలనం చేసుకున్నారు. తెలుగుదేశం ఎమ్మెల్సీ లోకేశ్‌ టీడీఎల్పీ కార్యాలయం వైపు వెళ్తుండగా, ఎదురుపడిన ఎమ్మెల్యే ఆళ్ల రామకృష్ణారెడ్డిని పలకరించారు., అభివాదం చేసారు, గెలిచినందుకు విషెస్ చెప్పారు. ఈ సందర్భంగా లోకేశ్‌కు ఆళ్ల రామకృష్ణారెడ్డి ధన్యవాదాలు తెలిపారు. ఇటీవల జరిగిన సార్వత్రిక ఎన్నికల్లో మంగళగిరి నియోజకవర్గం నుంచి లోకేశ్‌ పై ఆళ్ల రామకృష్ణారెడ్డి గెలుపొందిన విషయం తెలిసిందే. అయితే ఇంత మంచి వాతావరణం లోకేష్ సృష్టించినా, ఆళ్ల రామకృష్ణారెడ్డి బయటకు వచ్చి వార్నింగ్ ఇచ్చారు.

కృష్ణానది కరకట్ట పక్కన ఉన్న నివాసం నుంచి తెలుగుదేశం అధినేత చంద్రబాబు నాయడుని ఖాళీ చేయిస్తామని ఎమ్మెల్యే ఆళ్ల రామకృష్ణారెడ్డి అన్నారు. వెంటనే ఇళ్ళు ఖాళీ చెయ్యటానికి రెడీగా ఉండాలని అన్నారు. అలాగే, అమరావతి పనులు ఆగిపోయిన విషయం మీడియా ప్రస్తావించగా, రాజధాని పనులు ఆగిన విషయం తనకు తెలియదని చెప్పారు. పనులు ఎందుకు ఆపేశారో అక్కడ పని చేస్తున్న కాంట్రాక్టర్లు సమాధానం చెప్పాలన్నారు. కాంట్రాక్టర్లుకు అనుమానాలు ఉంటే ప్రభుత్వాన్ని సంప్రదించాలని అన్నారు. సీఆర్డీఏ ఛైర్మన్‌గా సీఎం ఉంటారని, ఆ పదవి తనకు ఇస్తారన్న విషయం తనకు ఇంకా తెలియదని ఆళ్ల రామకృష్ణారెడ్డి అన్నారు.