news

గన్నవరం ఎయిర్‌పోర్టులో టీడీపీ అధినేత, మాజీ ముఖ్యమంత్రి చంద్రబాబుకు తనిఖీలు నిర్వహించారు. అంతేకాదు.. చంద్రబాబు వాహనాన్ని ఎయిర్‌పోర్టులోకి భద్రతా సిబ్బంది అనుమతించలేదు. సామాన్య ప్రయాణికుడి తరహాలో చంద్రబాబును తనిఖీ చేయడం గమనార్హం. ఎయిర్‌పోర్టు లాంజ్‌ నుంచి విమానం వరకు ప్రయాణికుల బస్సులోనే బాబు వెళ్లారు. అయితే.. వీఐపీ, జెడ్ ప్లస్ భద్రత ఉన్నా చంద్రబాబుకు అధికారులు ప్రత్యేక వాహనం కేటాయించలేదు. రాష్ట్రంలోనూ చంద్రబాబు కాన్వాయ్‌కి పైలెట్ క్లియరెన్స్ తొలగించారు. ట్రాఫిక్‌లో చంద్రబాబు వాహనం ఆగితే భద్రత పరంగా శ్రేయస్కరం కాదని టీడీపీ వర్గాలు చెబుతున్నాయి. అయితే ఈ వ్యవహారంపై ఇటు రాష్ట్ర ప్రభుత్వం కానీ.. అటు పౌరవిమానయాన శాఖ అధికారులు కానీ ఇంతవరకూ స్పందించలేదు.

చంద్రబాబు కు జరుగుతున్న అవమానం పట్ల తెలుగుదేశం శ్రేణుల్లో ఆందోళన నెలకొంది. 14ఏళ్లు సీఎం గా చేసిన వ్యక్తికి మాజీ ముఖ్యమంత్రి గౌరవం ఇవ్వకపోవటం పట్ల ఆవేదన వ్యక్తం చేస్తున్నారు. ఇదేమని అడిగితే పై నుంచి ఎలాంటి ఆదేశాలు రాలేదంటున్న అధికారులు. అయితే దేశంలో అతి కొద్ది మందికి మాత్రమే ఉండే జెడ్ + భద్రతలో చంద్రబాబు ఉన్నారు. జెడ్ + భద్రత ఉన్న వారికి తనిఖీలు అవసరం లేదని, నిభందనల్లో స్పష్టంగా ఉంది. అయినా చంద్రబాబుని అడుగడుగునా అవమానిస్తున్నారు. రాష్ట్రం కోసం, ప్రజల కోసం, చంద్రబాబు ఇవన్నీ మౌనంగా భరిస్తున్నారు. రేపు చంద్రబాబుకి జరగరాంది ఏమన్నా జరిగితే ఎవరు బాధ్యులో అక్కడ మోడీ, అమిత్ షా, ఇక్కడ జగన్ మోహన్ రెడ్డి గారే చెప్పాలి.

నెల్లూరు పట్టణాభివృద్ధి సంస్థ (నుడా) పాలక వర్గం గురువారం రాజీనామా చేసింది. రాష్ట్రంలో ప్రభుత్వం మారడంతో నామినేటెడ్‌ పదవులన్నీ రద్దు అయ్యే అవకాశం ఉండటంతో మరో నెల గడువు ఉండగానే నుడా పాలక వర్గం తన రాజీనామాను సమర్పించింది. చైర్మన్‌ కోటంరెడ్డి శ్రీనివాసులురెడ్డితోపాటు సభ్యులు ఖాజావలి, రంగారావు, రఘునాథరెడ్డిలు వారి పదవులకు గురువారం రాజీనామా చేశారు. ఈ సందర్భంగా కోటంరెడ్డి శ్రీనివాసులురెడ్డికి సినీ హీరో నందమూరి బాలకృష్ణ గురువారం ఫోన్‌ చేశారు. నుడా చైర్మన్‌ పదవికి రాజీనామా చేస్తున్న సమయంలో ఆయనకు బాలకృష్ణ నుంచి ఫోన్‌ వచ్చింది. అధికారం కోల్పోయామని బాధపడాల్సిన అవసరం లేదని, అన్నగా తాను అండగా ఉంటానని భరోసా ఇచ్చారు. గతంలో లాగే ప్రజా సమస్యలపై పోరాటాలు సాగిస్తూ ప్రజలకు అండగా ఉండాలని సూచించారు. నుడా చైర్మన్‌గా నుడా అభివృద్ధికి ఎనలేని కృషి చేశారని బాలకృష్ణ కొనియాడారు. నగరంలో పార్టీ అభివృద్ధికి కృషి చేస్తూ ప్రజా సమస్యలపై నిరంతరం పోరాటం సాగించి టీడీపీని ప్రజలకు మరింత దగ్గర చేయాలని సూచించారు.

రాజీనామా అనంతరం, నుడా కార్యాలయంలో ఏర్పాటు చేసిన విలేకరుల సమావేశంలో కోటంరెడ్డి మాట్లాడారు. నుడా కొత్తగా ఏర్పడినప్పటికి అనుకున్న దానికంటే ఎక్కువ స్థాయిలో అభివృద్ధి చేయగలిగామని చెప్పారు. పాలక వర్గానికి రెండేళ్లు మాత్రమే సమయం ఉండగా కార్యాలయం ఏర్పాటు తదితర కారణాలతో 8 నెలలపాటు పాలనకు దూరంగానే ఉండాల్సి వచ్చిందని అన్నారు. అయినప్పటికి గత 13 నెలల్లో రూ.50కోట్ల మేర అభివృద్ధి పనులను చేపట్టి రాష్ట్రంలో నూతనంగా ఏర్పడిన అర్బన్‌ డెవల్‌పమెంట్‌ అథారిటీల్లో నుడాను నెంబర్‌వన్‌గా నిలిపామన్నారు. ఆదాయ వనరులు పెంపొందించేందుకు చర్యలు చేపడుతునే నెల్లూరులో రూ.30కోట్లతో నెక్లె్‌సరోడ్డు, 11 పార్కుల ఏర్పాటుకు పనులు చేపట్టామన్నారు. అలాగే ఎన్నడూ లేనివిధంగా గ్రామీణ ప్రాంతాల్లో సైతం గూడూరు, నాయుడుపేట, కోవూరు, ముత్తుకూరు, వరిగొండ, తదితర ప్రాంతాల్లో మరో పది పార్కుల ఏర్పాటుకు పనులను తమ పాలనలో ప్రారంభించి దాదాపుగా పూర్తి చేశామన్నారు.

నుడా ఆర్థిక వనరులను మరింతగా అభివృద్ధి చేసేందుకు లే అవుట్ల కోసం రెండు ప్రాంతాల్లో స్థలాలను గుర్తించామని చెప్పారు. తెలుగుదేశం ప్రభుత్వంలో అప్పటి ముఖ్యమంత్రి చంద్రబాబునాయుడు, మంత్రులు నారాయణ, సోమిరెడ్డి, పార్టీ జిల్లా అధ్యక్షుడు బీద రవిచంద్రల సహకారంతో నుడా ఆధ్వర్యంలో పెద్ద ఎత్తున అభివృద్ధి చేయగలిగామని చెప్పారు. నగర ట్రాఫిక్‌ సమస్య పరిష్కారానికి రైల్వే ఫ్లై ఓవర్‌ బ్రిడ్జిల నిర్మాణం కోసం ప్రతిపాదనలు చేసినప్పటికి వాటిని సాధించలేకపోయామన్నారు. కొత్త ప్రభుత్వంలోని జిల్లా మంత్రులు నెక్లెస్‌రోడ్డు పనులను పూర్తి చేయించాలని కోరారు. అలాగే రింగురోడ్డు, రైల్వే ఫ్లైఓవర్‌ బ్రిడ్జిలను ఏర్పాటు చేసేలా చర్యలు చేపట్టాలన్నారు. తాము అధికారంలో లేకపోయినా ప్రజా సమస్యలపై నిత్యం పోరాటం చేస్తూ వారికి అండగా ఉంటామన్నారు. ఈ సమావేశంలో నాయకులు ఖాజావలి, రంగారావు, రఘునాథరెడ్డి పాల్గొన్నారు.

వైసీపీ దాడుల్లో హత్యకు గురైన కార్యకర్తలకు టీడీపీ బాసటగా నిలుస్తుందని టీడీపీ అధినేత చంద్రబాబు భరోసా ఇచ్చారు. కార్యకర్తలపై దాడులను ఖండిస్తూ టీడీపీ విస్తృతస్థాయి సమావేశంలో తీర్మానం చేసింది. ఒక్కో కుటుంబానికి రూ.5 లక్షల ఆర్థికసాయాన్ని చంద్రబాబు ప్రకటించారు. గాయపడిన కార్యకర్త సయ్యద్‌ కుటుంబానికి రూ.లక్ష ఆర్థిక సాయం అందజేయనున్నట్లు చెప్పారు. వైసీపీ అధికారంలోకి రాగానే టీడీపీ కార్యకర్తలపై దాడులు పెరిగాయని, మూడు వారాల్లోనే 100కి పైగా దాడులకు పాల్పడ్డారని ఆయన తెలిపారు. అధికారపార్టీ దాడుల్లో ఐదుగురు కార్యకర్తలు మృతి చెందారని, వైసీపీ దాడుల్లో హత్యకు గురైన కార్యకర్తల కుటుంబాలకు అండగా ఉంటామని చెప్పారు. అధికార పార్టీ తక్షణమే దాడులను ఆపాలని డిమాండ్ చేశారు. టీడీపీ కార్యకర్తల మీద దాడులపై డీజీపీకి ఫిర్యాదు చేస్తామని చంద్రబాబు చెప్పారు.

తెదేపా కార్యకర్తలపై ఇప్పటి వరకు వందకు పైగా దాడులు జరిగాయని.. వైకాపా జరిపిన ఈ దాడుల్లో ఐదుగురు తెదేపా కార్యకర్తలు మృతిచెందారని చంద్రబాబు వివరించారు. 72 మందిపై భౌతిక దాడులు, 25 మంది ఆస్తుల ధ్వంసం జరిగిందని చెప్పారు. 2014లో తెదేపా అధికారంలోకి వచ్చినపుడు ఎక్కడా దాడులు జరగలేదన్నారు. దాడులను నియంత్రించాలని ప్రభుత్వాన్ని డిమాండ్‌ చేస్తున్నామన్నారు. గ్రామస్థాయి కార్యకర్తలకు నేతలు అండగా నిలవాలని చంద్రబాబు సూచించారు. తెదేపా ఐదుసార్లు గెలిచినా ఎప్పుడూ ఈరకంగా దాడులు చేయలేదన్నారు. వైకాపా దాడులను ఖండిస్తూ పెట్టిన తీర్మానానికి సమావేశంలో ఆమోదం తెలిపారు. దాడుల విషయమై సోమవారం డీజీపీ గౌతమ్‌ సవాంగ్‌కు ఫిర్యాదు చేస్తామని చంద్రబాబు తెలిపారు.