news

ఓటు వెయ్యండి.. ఓటు హక్కు.. ఇలా అనేక ప్రకటనలు వారం నుంచి ఈసి చేసింది... ఈ ప్రయత్నం చాలా మంచిది... కాని, ఓటు వెయ్యటానికి వచ్చిన వారికి, ఓటు వేసే అవకాసం కూడా ఇవ్వలి కదా.. అసలకే హైదరాబాద్ లాంటి చోట, ఓటింగ్ కి రావటమే ఎక్కువ... అలాంటిది, వచ్చిన వాళ్లకి ఓటు వేసే అవకాసం లేకుండా, ఈవీఎంలు మొరాయించటం, లైటింగ్ లేకపోటం, ఇవన్నీ చూసి వెళ్ళిపోతున్నారు... హైదరాబాద్ తో పాటు, తెలంగాణాలోని చాలా చోట్ల పోలింగ్‌కు ఆటంకం ఏర్పడింది. ఈవీఎంలు మొరాయించడంతో ఆలస్యంగా పోలింగ్ స్టార్ట్ అయింది, దీంతో అంత సేపు లైన్ లో నుంచేనే ఓర్పు లేక కొంత మంది వెళ్ళిపోయారు. కూకట్‌పల్లి,శేరిలింగంపల్లి, జూబ్లీహిల్స్, ఖైరతాబాద్, పల్లు జిల్లాల్లో చాలా పోలింగ్ కేంద్రాల్లో ఈవీఎంలు మొరాయించడంతో అంతరాయం కలిగింది.

పోలింగ్ కేంద్రాల వద్ద ఈసీ పలు నిషేదాజ్ఞాలు విధించింది. బూత్‌లోకి సెల్‌ ఫోన్స్‌కు అనుమతి నిరాకరించారు. అలాగే మద్య సేవించి పోలింగ్ కేంద్రాలకు వెళ్లడం నిషేదించారు. కోడ్ అతిక్రమిస్తే కఠిన చర్యలు తప్పవని ఈసీ హెచ్చరించింది. దీంతో కొంతమంది తమ మొబైల్ ఫోన్లతో పోలింగ్ కేంద్రాలకు వచ్చి వారిని పోలింగ్ కేంద్రంలోకి అనుమతించక పోవడంతో తిరిగి వెళ్లిపోయారు. పోలింగ్ కేంద్రాల బయట మొబైల్ ఫోన్లను దాచి పెట్టేందుకు సౌకర్యం లేకపోవడంతో పలువురు ఓటర్లు తిరిగి ఇంటికి వెళ్లిపోయారు. పోలింగ్ కేంద్రంలోకి మొబైల్ ఫోన్లను అనుమతించేది లేదని ఎన్నికల అధికారులు ముందుగా ప్రకటించినా, కనీసం పోలింగ్ కేంద్రాల ముందు ఫోన్ల డిపాజిట్ చేసి వెళ్లేందుకు సౌకర్యాలు ఏర్పాటు చేయలేదు. దీంతో ఓటర్లు ఇబ్బందులు పడ్డారు. ఇలా అనేక చిత్ర విచిత్రాల మధ్య ఓటింగ్ జరుగుతుంది.

మరొక గంటలో అన్నీ సెట్ అవుతాయని ఈసీ చెప్తుంది. అయినా, ఒకసారి వచ్చి వెళ్ళిపోయాన వాడు, మళ్ళీ రారు కదా. ఓర్పుగా లైన్ లో నుంచునే ఓపిక మన జనాలకి లేదయ్యె. రాష్ట్రవ్యాప్తంగా 119 అసెంబ్లీ నియోజకవర్గాల పరిధిలో 1821 మంది అభ్యర్థులు తమ అదృష్టాన్ని పరీక్షించుకోబోతుండగా, 2.81 కోట్ల మంది ఓటు హక్కును వినియోగించుకోనున్నారు. వీరిలో 1.41 కోట్ల మంది పురుష ఓటర్లు, 1.40 కోట్ల మంది మహిళా ఓటర్లు ఉన్నారు. అందులో 7.5 లక్షల మంది ఓటర్లు తొలిసారి ఓటు వేయనున్నారు. 106 నియోజకవర్గాల్లో ఉదయం 7 నుంచి సాయంత్రం 5 గంటల వరకు పోలింగ్ జరగనుండగా, మిగిలిన 13 నియోజకవర్గాలను సమస్యాత్మకమైనవిగా గుర్తించారు. అందుకోసం ఈ స్థానాల్లో సాయంత్రం 4 గంటల వరకే పోలింగ్ జరగనుంది.

ఎన్నికల్లో వైసీపీ మద్దతు కాంగ్రెస్‌కే ఉంటుందని ఆ పార్టీ తెలంగాణ యూనిట్ జనరల్ సెక్రటరీ, వైసీపీ వ్యవస్థాపక అధ్యక్షుడు కొలిశెట్టి శివకుమార్ పత్రికా ప్రకటన ఇవ్వడం, తన ఆకాంక్షలకు విరుద్ధంగా ఈ ప్రకటన ఉండటంతో ఆయన్ని పార్టీ నుంచి జగన్ బహిష్కరించిన విషయం తెలిసిందే. ఈ వ్యవహారం పై స్పందించిన శివకుమార్, దేశ చరిత్రలో ఓ పార్టీ వ్యవస్థాపకుడిని బహిష్కరించిన ఘనత వైసీపీ అధినేత జగన్మోహన్‌రెడ్డికే దక్కుతుందని వ్యాఖ్యానించారు. బుధవారం ఆయన హైదరాబాద్‌ సోమాజిగూడ ప్రెస్‌క్లబ్‌లో ఏర్పాటు చేసిన విలేకరుల సమావేశంలో మాట్లాడుతూ.. దివంగత నేత వైఎస్‌ రాజశేఖర్‌రెడ్డిపై అభిమానంతో ఆయన పేరున ఏర్పాటు చేసిన పార్టీని తెలంగాణలో బతికించుకోవాలనేదే తన తాపత్రయమని పేర్కొన్నారు.

ఇటీవల వనపర్తి సభలో సీఎం కేసీఆర్‌ మాట్లాడుతూ వైఎస్‌ను దుర్భాషలాడారాని, దాన్ని జీర్ణించుకోలేక ఈ ఎన్నికల్లో కాంగ్రెస్‌ పార్టీకి ఓటేయాలని తాను పిలుపునిస్తే తనను శాశ్వతంగా పార్టీ నుంచి బహిష్కరించారని వాపోయారు. 2014 ఎన్నికల్లో వైసీపీ తెలంగాణలో పోటీ చేస్తే మొత్తంగా 15 లక్షల ఓట్లు వచ్చాయని, ఈ ఓటర్లందూ ఇప్పుడు ప్రశ్నిస్తే సమాధానం చెప్పలేకపోతున్నామని ఆవేదన వ్యక్తం చేశారు. అంతేకాదు, ఇప్పటికీ ఎన్నికల కమిషన్‌ వద్ద తన పేరునే వైసీపీ నమోదై ఉందని అన్నారు. ‘వనపర్తి ప్రజా ఆశీర్వాద సభలో ముఖ్యమంత్రి కేసీఆర్ మాట్లాడుతూ.. వైఎస్ రాజశేఖర రెడ్డిని దుర్మార్గుడు అన్నారు. ఈ మాటలను ఖండిస్తున్నా, టీఆర్ఎస్‌కు ఓటేయొద్దని కోరుతున్నా. ఈ ఎన్నికల్లో వైఎస్ఆర్సీపీ పోటీ చేయడం లేదు. వైఎస్ తుది శ్వాస వరకు కాంగ్రెస్ పార్టీలోనే ఉన్నారు. కాబట్టి వైఎస్ఆర్ అభిమానుల పూర్తి మద్దతు కాంగ్రెస్ పార్టీకి ప్రకటిస్తున్నాం’ అని శివకుమార్ ఓ పత్రికా ప్రకటన విడుదల చేశారు.

దీంతో జగన్ ఆయనను పార్టీ నుంచి బహిష్కరించారు. వైఎస్ఆర్ ను తిట్టిన వాళ్ళకు ఓటు వెయ్యద్దు అన్నందుకు, దేశ చరిత్రలో పార్టీ వ్యవస్థాపకుడినే సస్పెండ్‌ చేసిన ఘనత వైసీపీ అధ్యక్షుడు వైఎస్‌ జగన్‌కే దక్కుతుందన్నారు. వైఎస్ఆర్ చివరి కోరిక కూడా 42 ఎంపీ సీట్లు గెలిపించి రాహుల్ గాంధిని ప్రధానిని చెయ్యటమే అని, ఆయన ఎన్నో సార్లు ఇది మీడియా ముఖ్యంగానే చెప్పారని, వైఎస్ఆర్ వారసుడు అయిన జగన్ మాత్రం అందుకు విరుద్దుంగా వెళ్తున్నారని అన్నారు. వైఎస్‌ జగన్‌ కోరిక మేరకు పార్టీ అధ్యక్ష పదవికి రాజీనామా చేసి, అతనిని అధ్యక్షుడిగా ఎన్నుకుంటే తనను సస్పెండ్‌ చేశారని తెలిపారు. జగన్‌ 16 నెలలు జైలుకెళ్లినా కూడా పార్టీని ఇక్కడ బతికించుకున్నామని చెప్పారు. పార్టీ నుంచి బహిష్కరించే ముందు కనీసం తన వివరణ కూడా అడగలేదన్నారు. త్వరలోనే కార్యకర్తలతో సమావేశం ఏర్పాటు చేసి నిర్ణయం తీసుకుంటానన్నారు.

ఒక పక్క నందమూరి వంశం అంటే మాకు గౌరవం, హరికృష్ణ అంటే ప్రాణం అంటూ, కేసీఆర్ చెప్పిన చిలక పలుకులు తెలిసినవే. సెటిలర్ల ఓట్లు కోసం, అప్పట్లో అలా చేసారు. కాని అదే నందమూరి వంశం నుంచి, హరికృష్ణ కూతురు పోటీలో ఉంటే, ఆమె పై దండ యాత్ర చేస్తున్నారు. ఒక పక్క టీఆర్ఎస్ చేస్తున్న రచ్చకు తోడు, మా సామాజిక వర్గం ఎక్కువ ఉంది అంటూ, అటు జనసేన, ఇటు జగన్ పార్టీ కూడా ఆమె ఓటమికి కలిసి పని చేస్తున్నారు. ఇన్ని చేస్తున్న సుహాసిని మాత్రం, ఎక్కడా ఓపెన్ అవ్వలేదు. సెంటిమెంట్ ప్రయోగించలేదు. ఆమె పని ఆమె చేసుకుంటూ వెళ్తుంది. కాని టీఆర్ఎస్, వైసీపీ మాత్రం, ఎన్నికలు సమీపిస్తున్న వేళ, తమ పైత్యం చూపిస్తున్నారు. అక్కడ ప్రజలని భయబ్రాంతులకి గురి చేస్తున్నారు. దీంతో, కూకట్‌‌పల్లి నియోజకవర్గంలో ఉద్రిక్త వాతావరణం నెలకొంది.

సెటిలర్స్‌‌ను కొందరు టీఆర్ఎస్ నాయకులు భయభ్రాంతులకు గురి చేస్తున్నట్లు టీడీపీ నేతలు, కార్యకర్తలు పక్కా ఆధారాలతో సహా బయటపెట్టారు. వివరాల్లోకెళితే.. కూకట్‌పల్లిలోని సీబీఎన్ ఆర్మీ నాయకుడు బొల్లిన నాగేంద్ర ఇంట్లో ఉండగా టీఆర్ఎస్ నాయకులు దాడి చేసి గాయపరిచారు. సుమారు 25 మంది నాగేంద్ర ఇంట్లోకి చొరబడి, మందు బాటిల్స్ తీసుకువచ్చి రూమ్‌‌లో పెట్టి అనంతరం పోలీసులను తీసుకువచ్చి అరెస్ట్ చేయించారని టీడీపీ కార్యకర్తలు చెబుతున్నారు. కాగా.. ఈ వ్యవహారం మొత్తం కూకట్‌‌పల్లి టీఆర్ఎస్ అభ్యర్థి మాధవరం కృష్ణారావు తోడల్లుడు వాటర్ రవి (రవీంద్రారెడ్డి) ఆధ్వర్యంలో జరిగిందని టీడీపీ కార్యకర్తలు చెబుతున్నారు.

ఈ దాడికి పాల్పడిన వారిలో కాంచనపల్లి నాగరాజు దుర్గరాజు (వివేక్‌నగర్) నక్కా జశ్వంత్ ఆరోగ్యా రెడ్డి, కరుణాకర్‌రెడ్డిగా గుర్తించినట్లుగా సీబీఎన్ ఆర్మీ చెబుతోంది. మరోవైపు.. తమపై కుట్ర పన్ని దాడికి పాల్పడటమే కాకుండా టీఆర్ఎస్ నాయకులు అక్రమ కేసులు బనాయిస్తున్నారని.. తక్షణమే వారిపై పోలీసులు చర్యలు తీసుకోవాలని సీబీఎన్ ఆర్మీ డిమాండ్ చేస్తోంది. కాగా ఈ ఘటనకు సంబంధించి మరింత సమాచారం తెలియాల్సి ఉంది. మరో పక్క నిన్న జూపూడి ప్రభాకర్ ఇంటి పై కూడా ఇలాగే దాడి చేసారు. మూడు సార్లు ఎన్నికలు కమిషన్, రెండు సార్లు పోలీసులు కలిసి దాడులు చేసి, చివరకు ఏమి దొరక్క వెళ్ళిపోతే, అక్కడ డబ్బులు దొరికాయంటూ, మీడియాలో తెరాస నాయకులు రచ్చ చేసారు. మొత్తానికి, ఓటమి తధ్యం అని తెలుసుకుని, ఇలాంటి వికృత చేష్టలకు పాల్పడుతున్నారు.