news

అమరావతి అంటేనే ఈ ప్రభుత్వానికి చిరాకు అనే విషయం అందరికీ తెలిసిందే. అమరావతిని ఒక విఫల రాజధానిగా చేయటానికి, ప్రస్తుత పాలకులు చేయని ప్రయత్నం లేదు. ఇకా వారి పార్టీ అయితే, అమరావతి పైన, అక్కడ ప్రజల పైన ఎంత విషం చిమ్మాలో అంత విషం చిమ్మారు. ఒకే కులం అన్నారు, రైతులను తిట్టారు, మహిళలను తిట్టారు, చంద్రబాబు బినామీలు అన్నారు, ఇలా ఒకటేమిటి, అన్ని రకాలుగా అమరావతిని నాశనం చేసారు. అయితే ఇప్పుడు ఇన్ని చేసి, ఇదే అమరావతి వారికి దిక్కు అయ్యింది. ప్రస్తుతం ఆంధ్రప్రదేశ్ ప్రభుత్వం ఆర్ధిక ఇబ్బందుల్లో కూరుకుపోయిన సంగతి తెలిసిందే. అప్పు పుడితే కానీ రోజు గడవని పరిస్థితి. అయితే ఈ అప్పులు కూడా ఇప్పుడు ఇచ్చే వారు లేరు. తీసుకున్న అప్పులకు వడ్డీలు కూడా కట్టటం లేదని, అప్పులోళ్ళు రాష్ట్రం మీదకు వస్తున్న సంగతి తెలిసిందే. ఆర్బిఐలో ప్రతి మంగళవారం తీసుకునే అప్పు, పాత అప్పు కింద జమ వేస్తున్నారు అంటే పరిస్థితి అర్ధం చేసుకోవచ్చు. అయితే, ఇలాంటి అనేక ఇబ్బందులు ఎదుర్కుంటున్న రాష్ట్ర ప్రభుత్వం, ప్రస్తుతం, డబ్బులు కోసం, తాను ఏ అమరావతిని అయితే హేళన చేసిందో, ఇప్పుడు అదే అమరావతిని అడ్డం పెట్టుకుని, రూ.3 వేల కోట్లు అప్పు తెచ్చుకుంది. చివరకు అమరావాతే దిక్కు అయ్యింది.

అమరావతి భూములు తాకట్టు పెట్టారని వార్తలు వస్తున్నాయి. గత వారం, రాష్ట్ర ప్రభుత్వ ఉద్యోగులు అందరూ నిరసనలతో హోరెత్తించారు. చలో విజయవాడతో ఉద్యోగుల నిరసనలే, మొత్తం వార్తలు అయ్యాయి. ప్రజలు, ఉద్యోగులు అందరూ అటు వైపు ఉండగా, ఇటు వైపు వారు చేయాల్సింది చేసేసారు. అమరావతి పరిధిలో శనివారం మందడం సబ్ రిజిస్ట్రార్ కార్యాలయంలో, 480 ఎకరాలను తనఖా రిజిస్ట్రేషన్ పెట్టి, రూ.3 వేల కోట్లు తెచ్చుకున్నారు. తాము పెన్ డౌన్ లో ఉన్నామని ఉద్యోగులు చెప్పినా, వారి పైన ఒత్తిడి తెచ్చి, ఈ తంతు పూర్తి చేసారు. అయితే ఈ తనఖా ఏ సంస్థకు పెట్టారు, ఏ అవసరం కోసం పెట్టారు, ఈ డబ్బు ఏమి చేస్తారు, లాంటి వివరాలు అయితే ప్రభుత్వం బయటకు చెప్పటం లేదు. ఈ రోజు ఈ వార్త బయటకు రావటంతో, ప్రభుత్వం ఎలాంటి స్పష్టత ఇస్తుందో చూడాలి. అమరావతి పైన ఇంత విషం చిమ్మి, చివరకు అమరావతి భూములు అన్నీ ఇలా ఒక్కోటి తనఖా పెట్టుకుంటూ పోతే చివరకు అక్కడ రాజధాని నిర్మాణానికి ఏమి మిగులుతుంది ?

నిన్నటి వరకు వైఎస్ఆర్ కాంగ్రెస పార్టీ శ్రేణులు, ఉద్యోగులకు వ్యతిరేకంగా ఒక పెద్దా క్యాంపెయిన్ నడిపారు. ఒకరు కాదు , ఇద్దరు కాదు, పార్టీ యంత్రాంగం, తమ బులుగు మీడియా, ఇలా అందరూ నడిపారు. సోషల్ మీడియాలో ఫేక్ ప్రచారాలు ఊదరగొట్టారు. ఉద్యోగులు లంచాలు తీసుకుంటారని, ఉద్యోగులు ఈ రాష్ట్రానికి భారం అని, ఉద్యోగులు పని చేయరని, ఉద్యోగులు ఈ రాష్ట్రానికి చెడ్డ పేరు తెస్తరాని, ఇలా రకరకాలుగా వ్యాఖ్యలు చేస్తూ, క్యాంపెయిన్లు నడిపారు. తమ సొంత ఛానెల్ లో, కామన్ మ్యాన్ వాయిస్ అంటూ, వైసీపీ నాయకులను పెట్టి, ఉద్యోగులు పై విషం చిమ్మారు. ఇక డిప్యూటీ మంత్రి అయితే, ఇంకో అడుగు ముందుకు వేసి, ఉద్యోగులు వెనుక చంద్రబాబు ఉన్నారని, అసలు దీంతో డౌట్ లేదని, ఉద్యోగుల ఉద్యమాన్ని చంద్రబాబు నడిపిస్తున్నారని అన్నారు. ఇక చలో విజయవాడ కార్యక్రమం గురించి, సాక్షిలో , ఆ ఉద్యమంలో పాల్గుంది, మొత్తం తెలుగుదేశం, జనసేన శ్రేణులు అని కధనాలు రాసారు. ఇలా ఒకటి కాదు, రెండు కాదు, ఎన్ని మార్గాల్లో, ఉద్యోగుల పై వ్యతిరేకత తేవాలో, అంత వ్యతిరేకత తెచ్చారు. కానీ ప్రజల్లో మాత్రం, ఉద్యోగుల పై వ్యతిరేకత లేదని, వాళ్ళు మంచి నీళ్ళు, భోజనాలు పెట్టిన తీరుతోనే అర్ధం అయ్యింది. అయితే నిన్న ఉద్యోగ సంఘాల నేతలు చర్చలకు వెళ్ళారు.

ఆ నలుగురు ఉద్యోగ సంఘ నేతలు, ఎవరినీ సంప్రదించకుండా, సమ్మె విరమిస్తున్నట్టు ప్రకటించారు. పీఆర్సి సాధన కమిటీ అని పేరు పెట్టుకుని, పీఆర్సి సాధించకుండానే సమ్మె విరమించారు. సిపీఎస్ రద్దు గురించి లేదు. పీఆర్సి కమిటీ రిపోర్ట్ బయటకు రాలేదు. కేవలం హెచ్ఆర్ఏ 2 శాతం పెంచారు. మిగతాది అంతా ఎలా ఉందో అలాగే ఉంది. మరి ఆ నలుగురు నేతలు ఎందుకు సమ్మె విరమించారో, వారికే తెలియాలి. అయితే ఈ నిర్ణయం పై కింద స్థాయి ఉద్యోగులు, టీచర్లు తీవ్ర స్థాయిలో ఆగ్రహం వ్యక్తం చేసారు. ఇది ఇలా ఉంటే, నిన్నటి వరకు ఉద్యోగులను తిట్టిన వైసీపీ శ్రేణులు, ఈ రోజు నుంచి ఉద్యోగులను పొగడటం మొదలు పెట్టాయి. నిన్నటి వరకు వారి వెనకాల చంద్రబాబు ఉన్నాడు అనే వారు, ఇప్పుడు ఆకాశానికి ఎత్తేస్తున్నారు. వైసీపీ శ్రేణులు 24 గంటల్లో ఇలా మారిపోవటం, నిన్నటి వరుకు రకరకాల కధనాలు అల్లి, ఈ రోజు వారిని పొగుడుతూ కధనాలు అల్లటం చూస్తుంటే, వైసీపీ పార్టీ వైఖరి, వారి సిద్దాంతం ఏమిటో అర్ధమవుతుందని, ప్రజలు అంటున్నారు.

2015 సమయంలో, ముద్రగడ పద్మనాభం, బాగా ఆక్టివ్ గా ఉండే వారు. ఆయన సహజంగా చంద్రబాబు అధికారంలో ఉంటేనే ఆక్టివ్ గా ఉంటారనే పేరు ఉంది. గతంలో కూడా చంద్రబాబు సియంగా ఉంటే ఉద్యమం చేయటం, వైఎస్ఆర్ సియం అవ్వగానే లోపలకు వెళ్ళిపోవటం, మళ్ళీ చంద్రబాబు సియం అవ్వగానే బయటకు రావటం, ఇప్పుడు జగన్ సియం అవ్వగానే లోపలకు వెళ్ళిపోవటం చూస్తున్నాం. అయితే గత ప్రభుత్వ హయాంలో, కాపు కార్పోరేషన్ పెట్టి రుణాలు ఇచ్చినా, కాపులకు రిజర్వేషన్ ఇచ్చినా, కాపులకు ఎంతో న్యాయం చేసినా, చంద్రబాబు పైన ముద్రగడ ఒంటి కాలు మీద వెళ్ళే వారు. ఇప్పుడు జగన్ మోహన్ రెడ్డి, కాపు రిజర్వేషన్ ఎత్తేసినా, కాపు కార్పోరేషన్ మూలన పడేసినా, ఏమి చేయలేని పరిస్థితి. అయితే చంద్రబాబు హయాంలో, కాపు రిజర్వేషన్ కోసం అని, తునిలో మీటింగ్ పెట్టారు ముద్రగడ. ఆ మీటింగ్ లో కొంత మంది సంఘ విద్రోహ శక్తులు వచ్చి చేరాయి. ఏకంగా రత్నాచల్ ఎక్ష్ప్రెస్ తగలబెట్టారు. మొఖానికి మాస్కులు వేసుకుని, పెట్రోల్ డబ్బాలు తెచ్చి ట్రైన్ తగలబెట్టారు. ఇంతటి ఘోరం చేసిన వారి పైన, ఆ రోజు మీటింగ్ పెట్టిన నిర్వాహకుల పైన కేసులు పెట్టింది అప్పటి ప్రభుత్వం. ఏ ప్రభుత్వం అయినా , ఇది చేసి తీరుతుంది. అది కనీస బాధ్యత.

అక్కడ రైల్వే కేసులు కూడా ఉన్నాయి. అయితే ఇప్పుడు జగన్ మోహన్ రెడ్డి ప్రభుత్వం భేషరతుగా ఆ కేసులు ఉపసంహరించుకుంది. అంటే, ఈ దేశంలో ఒక ట్రైన్ తగలబెట్టినా, ప్రభుత్వ ఆస్తులకు నిప్పు పెట్టినా, ఎవరి మీద చర్యలు ఉండవు, మీ వెనుక మేము ఉన్నాం అనే సంకేతాలు ఇచ్చినట్టు అయ్యింది. అయితే జగన్ మోహన్ రెడ్డి కేసులు ఉపసంహరణ పై ముద్రగడ పద్మనాభం ఉబ్బితబ్బిబ్బు అవుతున్నారు. ఈ సంతోషంలో జగన్ మోహన్ రెడ్డికి ఒక లేఖ రాసారు. మంత్రి కన్నబాబు తనకు ఫోన్ చేసి, తమ పైన పెట్టిన కేసులు ఉపసంహరించుకుంటున్నట్టు చెప్పారని, చాలా సంతోషం అని అన్నారు. చేయని నేరానికి తమ పై కేసులు పెట్టారని, తమ జాతి తనను ఉద్యమం నుంచి తపించినా, భగవంతుడు మీ రూపంలో వచ్చి కేసులును తీసేయించటం సంతోషంగా ఉందని అన్నారు. అయితే ఈ సందర్భంగా మిమ్మాల్ని స్వయంగా కలిసి ధన్యవాదాలు చెప్పాలని ఉందని, అయితే మిమ్మల్ని కలిస్తే, డబ్బులు కోసం వెళ్ళాడు, పదవులు కోసం వెళ్ళాడు అని అంటారని, అందుకే కలవలేక పోతున్నా అని ముద్రగడ ఆవేదన వ్యక్తం చేసారు.