news

రామ్ గోపాల్ వర్మ ఇయనొక సీరియస్ గా ఉండే కామెడి కారెక్టర్ అని చెప్పుకోవచ్చు.ఈ మధ్య ABN లో జరిగిన OPENHEART WITH RK కార్యక్రమంలో క్రియేటివ్ గా ఫీలయ్యే రాంగోపాల్ వర్మ సమాధానాలు చెప్పలేక తడబడ్డారు. ఈ షో లో రాధాక్రిష్ణ అడిగిన ప్రశ్నలకు RGV సూటిగా సమాధానం చెప్పలేక పోయారు. మీరు వైసిపి ఎంపి రఘు రామ కృష్ణంరాజును పోలీసులు అరెస్ట్ చేసి సెల్ లో కొట్టారు కదా ? అ కధనం పై సినిమా తియ్యొచ్చు కదా అని RK అడిగిన ప్రశ్నకు, ఒక సినిమా తీయడానికి కావలిసినంత డ్రామా ఇందులో లేదని చెప్పుకొచ్చారు. ఏముంది కొట్టారు అంతే కదా, దాంట్లో డ్రామా ఏముందని వర్మ అనగానే, దిశ రే-ప్ అంశం పైనే సినిమా తీసిన మీకు ఒక MP ని పిచ్చ కొట్టుడు కొట్టడం పై ఎటువంటి డ్రామా కనిపిచటం లేదా అంటూ వ్యగ్యంగా ఎదురు ప్రశ్నించారు. దీనికి సమాధానంగా వర్మ మాట్లాడుతూ నేను ఒక 10 సబ్జక్టులు ఎంచుకుంటాను దానిలో నాకు డ్రామా ఎందులో ఎక్కువగా ఉంటె దానినే నేను సినిమా తీస్తానని ఆయన సమర్దించుకోచ్చారు. తనకు రఘు రామ విషయం లో అంత సబ్జెక్టు కనిపించలేదని ఏదో కవర్ చేసారు. దాంతో RK ఒక్క నవ్వు నవ్వి, మీకు MP ని పోలీసులు కొడితే డ్రామా కనిపించలేదు సరే, అంటూ మరో ట్విస్ట్ ఇచ్చారు.

బాత్రూంలో వివేక హ-త్య పైన చాలా డ్రామా ఉంది కదా, దాని మీద సినిమా తియ్యోచ్చు కదా అని ప్రశ్నించి వర్మ ని మరింత ఇరకాటంలో పడేసారు. దానికి సమాధానంగా, తనకు అందులో కూడా పెద్ద డ్రామా కనిపించ లేదని , అసలు అ హ-త్య విషయం పై తనకు సరైన అవగాహన లేదని, దీనిపై సినిమా తీయనని స్పష్టం చేసారు. అయిన RKవదలకుండా మరిన్ని ప్రశ్నలు అడిగి వర్మ ని అడ్డంగా బుక్ చేసారు. మరి ఏం డ్రామా ఉందని కొండా కుటుంబం పై మీరు సినిమా తీసున్నారని RK అడిగిన ప్రశ్నకు, కొండా కుటుంబానికి మా-వో-యి-స్ట్ చరిత్ర ఉందని, పైగా ప్రేమ కధ కూడా తోడవుతుందని , ఆయన సమర్ధించారు. వర్మ ఈ విషయాలపై ఎంత కవర్ చేసినప్పటికీ, RK మాత్రం వదలకుండా ప్రశ్నలు అడుగుతూనే వున్నారు, చివరగా ఆయన లక్ష్మీస్ ఎన్టీఆర్ సినిమాలో అన్న NTRచంద్ర బాబుకు వ్యతిరేఖంగా సినిమా తీసిన మిమ్ముల్ని ,రఘు రామ, వివేక కేసు పై సినిమాలు తీయడానికి ధైర్యం చాలని పిరికి పంద వర్మ గా మేము అనుకోవచ్చా అని అడిగితే, నేను ఎవ్వరిని పట్టించుకోను, మీ ఇష్టం వచ్చినట్లు అనుకొండి అని తెలివిగా తప్పించుకున్నారు.

ఆంధ్రప్రదేశ్ రాష్ట్రంలో వింత వింత పరిస్థితులు చూస్తూ ఉంటాం. అందులో ఒకటి ఏకంగా రైతు పైనే చెప్పు తీసుకుని కొడతాను అంటూ, అధికార పార్టీ ఎమ్మెల్యే చెప్పటం. సంక్రాంతి పండగ ముందు వినుకొండలో, ధాన్యం కొనుగులు విషయం పైన, రైతు నరేంద్ర, ఎమ్మెల్యే బొల్లా బ్రహ్మనాయుడిని ప్రశ్నించారు. అయితే అది కాస్త వివాదానికి దారి తీసింది. దీంతో ఎమ్మెల్యే చెప్పు తీసుకుని రైతుని కొడతాను అనే వరకు వెళ్ళింది. దీంతో రైతు కూడా నువ్వు కొడితే నేను కొడతాను అంటూ ఎదురు తిరిగారు. అయితే ఈ విషయం పెద్దది అయి, చివరకు మీడియాలో కూడా వచ్చింది. ఎమ్మెల్యే బొల్లా రైతు పైన కేసు పెట్టించారు. ఏకంగా రైతుపైన హ-త్యా-య-త్నం కేసు పెట్టించి, లోపల వేయించారు. అయితే ఈ అంశం పెద్దది అయ్యింది. ప్రతిపక్షాలు ఈ అంశం పై ప్రభుత్వాన్ని ప్రశ్నించాయి. రైతు న్యాయం చేయమని అడిగితే, అతని పైన అక్రమ కేసులు పెడతారా అని ఆందోళన చేసారు. అలాగే అక్కడ వైసీపీలో ఉన్న మరో వర్గం అయిన ఎంపీ శ్రీ కృష్ణదేవరాయ వర్గం కూడా, ఆ అంశం పై ఆందోళన చేసారు. చివరకు విషయం పెద్దది కావటంతో, ప్రభుత్వం కూడా స్పందించింది. రైతు అంశం కావటంతో, రైతుల నుంచి వ్యతిరేకత వస్తుందని భావించిన ప్రభుత్వం, ఈ విషయం పై విచారణకు ఆదేశించింది.

అయితే విచారణలో వినుకొండ రూరల్ సీఐ అశోక్ కుమార్ తప్పుడు కేసు పెట్టారని తేలింది. దీంతో వినుకొండ రూరల్ సీఐ అశోక్ కుమార్ ని ప్రభుత్వం సస్పెండ్ చేసింది. దీంతో ఈ వివాదం ముగిసిపోయిందని అందరూ అనుకున్నారు. ఇక్కడ వింత ఏమిటి అంటే, రైతు మాత్రం జైల్లోనే ఉన్నాడు, తప్పుడు కేసు పెట్టిన సిఐ మాత్రం సస్పెండ్ అయ్యాడు. అయితే వినుకొండ ఎమ్మెల్యే జగన్ దగ్గరకు వెళ్లి సిఐ సస్పెన్షన్ ఎత్తి వేయాలని కోరారు. రైతు, మిమ్మల్ని తిట్టాడని, అందుకే అతని పై ఇలా చేయాల్సి వచ్చిందని సమర్ధించారు. దీంతో జగన్ కూడా కరిగిపోయారు. వెంటనే డీజీపీక్కి ఫోన్ చేసారు. సిఐ సస్పెన్షన్ ఎత్తివేయాలని కోరారు. దీంతో వెంటనే సిఐ సస్పెన్షన్ ఎత్తి వేసారు. దీంతో ఇప్పుడు ఈ అంశం ఎమ్మెల్యే బొల్లా vs ఎంపీ శ్రీ కృష్ణదేవరాయగా మారింది. మొత్తానికి మళ్ళీ రైతుదే తప్పు అని తేల్చారు. ఇక్కడ మరోసారి ఎంపీ శ్రీ కృష్ణదేవరాయను సైడ్ చేసేసారు. వైఎస్ఆర్ కాంగ్రెస్ పాలనలో, రోజుల వ్యవధిలో రైతు పైన అక్రమ కేసు పెట్టిన సిఐ సస్పెన్షన్ ఎత్తివేసారు.

నరసాపురం ఎంపి రఘురామ కృష్ణం రాజు ఈ రోజు విచారణకు రావలిసిందిగా ఏపి సిఐడి హైదరాబాద్ లో ఆయనకు నోటీసులు జారీ చేసిన సంగతి తెలిసిందే. గతంలో రాజద్రోహం కేసుకి సంబంధించి ఆయనను గతంలో అరెస్ట్ చేయడం, థర్డ్ డిగ్రీ ప్రయోగించడం, దానిపై మిలిటరీ హాస్పటల్ లో ట్రీట్మెంట్, తరువాత సుప్రీం కోర్టులో ఈ కేసుకి సంభందించి తదుపరి చర్యలు ఏమి తీసుకోవద్దని సుప్రీం కోర్టు ఆదేశాలు జారి చేయటం, ఇవన్నీ తెలిసిందే. అయితే ఈ FIR ను స్క్వాష్ చేయాలనీ కూడా రఘురామరాజు పిటీషన్ కూడా దాఖలు చేసారు. దీని పై కూడా విచారణ పెండింగ్ లో ఉంది. ఈ నేపద్యంలో ఈ కేసు పై విచారణకు ఈ రోజు రావలిసిందిగా ఆదేశాలు జారి చేస్తూ నోటీసులు ఇచ్చింది సిఐడి. అయితే ఈ రోజు విచారణకు హాజరు కావాల్సి ఉండగా, నోటీసులపై రఘురామ కృష్ణం రాజు సిఐడి కి లేఖ రాసారు. తాను ఢిల్లీకి అత్యవసర పని పై వెళ్ళాల్సి వచిందని అక్కడకు వెళ్ళిన తరువాత అనారోగ్య కారణాల వల్ల డాక్టర్ ను సంప్రదించాల్సిన పరిస్తితి వచ్చిందని ఆయన పెర్కొన్నారు. అదే విధంగా నోటీసుల్లో ఏదైతే సెక్షన్లు పేర్కొన్నారో ఆ FIR పై ఇప్పటికే ఆంధ్రప్రదేశ్ హైకోర్టులో ఛాలెంజ్ చేసామని, ఆ కేసు ఇప్పుడు విచారణలో ఉందని తెలిపారు రఘురామరాజు.

కోర్టులో ఉండగా, దీనికి సంబంధించి ఇప్పుడు నోటీసులు ఇవ్వడం, ఆ పిటీషన్ విచారణలో ఉండగా ,ఇప్పుడు నోటీసులు ఇవ్వడం కోర్ట్ పరిధిలోని అంశం కిందకు వస్తుందని అని కూడా పేర్కొన్నారు. అందుకని ఈ కేసు విచారణకు హాజరు అయ్యేందుకు తనకు 4 వారాలు సమయం కావాలని కూడా AP CID దర్యాప్తు అధికారికి రాసిన లేఖలో పేర్కొన్నారు. ఈ లేఖ కాపీని CID ADG కూడా ఆయన పంపారు. కొద్ది సేపటి క్రితం ఈ లేఖ CID కార్యాలయానికి పంపినట్టు ఇందులో పేర్కొన్నారు. ఇదే విషయం పై రఘురామరాజు మీడియా సమావేశం పెట్టి కూడా వివరించారు. అయితే దీని పైన సిఐది ఎలా రియాక్ట్ అవుతుందో చూడాలి. సిఐడి అధికారులు, రఘురామరాజు లేఖను ఒప్పుకుంటారా లేదా అనేది చూడాల్సి ఉంది. లేకపోతే ఏదైనా రూల్ చూపించి, ఢిల్లీకి వెళ్లి మరీ, ఆయన్ను అరెస్ట్ చేసి, మళ్ళీ గుంటూరు తీసుకుని వస్తారా అనేది చూడాల్సి ఉంది. దీని పైన సిఐడి ఎలా స్పందిస్తుంది, దానికి రఘురామరాజు ఎలా రియాక్ట్ అవుతారో చూడాలి మరి.