చేతిలో అధికారం ఉంది. కేంద్రసర్కారు ఆశీస్సులు ఉన్నాయి. ఏపీలో ప్రజాస్వామ్యానికి పాతరేసినా, రాజ్యాంగాన్ని ఖూనీ చేసినా పట్టించుకునే నాథుడే లేడు. ఇంతటి అరాచక వైకాపాలోనూ అభద్రతాభావం ఉందని తేలిపోయింది. విపక్షాలపైనా, అవినీతిని నిలదీసే మీడియాపైనా, ప్రశ్నించే ప్రజలపైనా ఇప్పటివరకూ దాడులు చేస్తూ వచ్చిన వైకాపా...ఇప్పుడు కొత్త ట్రెండ్ ఎటాక్స్ మొదలు పెట్టేసింది. వైకాపా పాలనని, నేతలని ఏమనకపోయినా..చంద్రబాబుని ప్రశంసించారనే ఏకైక కారణంతో సూపర్ స్టార్ రజనీకాంత్ పై ఒంటికాలుమీద లేస్తున్నారు వైకాపా బూతుకేయులు. రజనీకాంత్ ఏపీలో విధ్వంస పాలన ఊసెత్తలేదు. రాష్ట్రం అప్పులు గురించి ప్రస్తావించలేదు. ప్రజలు కష్టాల పడుతున్నారని ప్రభుత్వాన్ని ఎత్తి చూపలేదు. తన మిత్రుడైన చంద్రబాబు ఒక రాజకీయ నేతగా చేసిన కృషిని ప్రశంసించారు. దీనిపై వైకాపా ఎందుకు ఉలికిపడిందో అంతా ఆశ్చర్యపోతున్నారు. తమిళనాడులోనే కాదు, తెలుగు రాష్ట్రాల్లోనూ రజనీకాంత్ ని ద్వేషించే వాళ్లుండరు. ఆయన కూడా ఎప్పుడూ ఏ వివాదాస్పద వ్యాఖ్యలు చేయరు. ఇప్పుడు కూడా ఆయన తన మిత్రుడైన చంద్రబాబు పనితీరుని కొన్ని ఉదాహరణలతో చెప్పారు. ఇందులో వైకాపాకి జరిగిన ఘోరమేంటో తెలియదు, నష్టం ఏమిటో అర్థంకాలేదు. గుట్కాలు నములుతూ నానా చెత్త వాగిపోయాడు గుడివాడ నాని. ఇంకా రోజా, నోరు కూడా తిరగని దేవినేని అవినాష్, మహాసాధ్వి లక్ష్మీపార్వతి కూడా రజనీకాంత్ని తిడుతూ మీడియాకెక్కారు. వీరికితోడు వైకాపా పేటీఎం కార్మికులు ఫేక్ పోస్టులతో చెలరేగిపోతున్నారు. బస్ కండక్టర్గా రజని ఉన్నప్పుడు ప్రయాణికుల చిల్లర నొక్కేశాడని, సిల్క్ స్మిత ఆత్మహత్య చేసుకున్న కేసులో చంద్రబాబు కాపాడారని..అందుకే ఇలా చంద్రబాబుని ప్రశంసిస్తున్నారని విషం చిమ్ముతున్నారు. ఇదంతా చూసిన రాజకీయ పరిశీలకులు రజనీకాంత్ ఏపీ గురించి ఒక్క మాట మాట్లాడకపోయినా, వైకాపా ఊసెత్తకపోయినా..ఇంతలా విరుచుకుపడుతున్నారంటే..ఏ స్థాయిలో పార్టీలో అభద్రతాభావం పెరిగిపోయిందో అర్థం అవుతోందని విశ్లేషిస్తున్నారు. ఇదంతా ఓటమి భయం, జైలు భయం అని విడమరిచి మరీ చెబుతున్నారు.
news
వైకాపా ఓటమి, జగన్ జైలు ఫిక్స్.. బంధువులే చెప్పేస్తున్నారు
న్యాయవ్యవస్థలో అవకాశాలని వాడుకుని ఎన్నిరోజులు తప్పించుకుని తిరుగుతున్నా వివేకానందరెడ్డి హత్యకేసులో సీఎం జగన్ రెడ్డి చెప్పిన మరో కన్ను అయిన అవినాష్ రెడ్డి అరెస్టు తప్పదు. అవినాష్ రెడ్డి బరస్ట్ అయితే అది ఏకంగా ముఖ్య దంపతుల వద్దకే వచ్చే అవకాశం ఉంది. ఈ నేపథ్యంలో అధికారం అండగా నాలుగేళ్లలో చెలరేగిపోయిన సీఎం బంధువులంతా తెలివిగా సైడయిపోతున్నారు. ఇటు టిడిపి తిరుగులేని విజయం వైపు సమీకరణాలు మారుతుండడంతో ఇప్పుడు చేసిన తప్పులే తమని వెంటాడుతాయని భయపడుతూ సైడ్ అయిపోతున్నారు. ముఖ్యనేతకి అన్నీ తామైనటువంటి సాయిరెడ్డి లాంటి వాళ్లే మౌనం దాల్చేశారు. తాజాగా జగన్ రెడ్డికి దగ్గర బంధువు బాలినేని శ్రీనివాసరెడ్డి కూడా తప్పకుంటూ నిర్ణయం తీసుకున్నారు. ఈ నాలుగేళ్ల అధికారంలో సీఎం జగన్ రెడ్డి కంటే ఎక్కువగా అరాచకాలు, కబ్జాలు చేసి సాయిరెడ్డికి ధీటుగా బాలినేని చేశాడు. అటువంటి బాలినేని తమ పార్టీ ఓడిపోబోతోందని, అధినేతకి జైలు వెళ్లేలా ఉన్నాడని తలచి ముందుగానే సేఫ్ జోన్ వెతుక్కునే పనిలో ఉన్నాడని పరిణామాలు స్పష్టం చేస్తున్నాయి.
ఏపీలో సీబీఐ గెలుస్తుందా? సీఐడీ నిలుస్తుందా ? ఇంటరెస్టింగ్ అనాలసిస్...
ఆంధ్రప్రదేశ్లో కొన్నాళ్లుగా సీబీఐ వార్తలే పతాకశీర్షికలకి ఎక్కుతున్నాయి. వివేకానందరెడ్డి హత్యకేసులో డెవలప్మెంట్స్పై వార్తలు వైసీపీకి బాగా డ్యామేజ్ చేస్తున్నాయి. ఇలా సీబీఐ అరెస్టులు, లీకులు, అఫిడవిట్లతో సెన్సేషన్ అయ్యే ప్రతీసారి వైసీపీ సర్కారు సీఐడీని దింపుతోంది. మొన్నటివరకూ సీబీఐ బాబాయ్ మర్డర్ డొంక కదిలించిన ప్రతీసారి సీఐడీ ఏదో ఒక కేసుతో వచ్చేది. మాజీ మంత్రి నారాయణ, స్కిల్ డెవలప్మెంట్ స్కాం, రాజధాని ల్యాండ్ స్కామ్, రింగ్ రోడ్డు అలైన్ మెంట్ మార్పు, మార్గదర్శి వ్యవహారం ఇలా ఏదో ఒక వార్తని సీఐడీ ద్వారా కౌంటర్ గా ఎంచుకునేది. వివేకానందరెడ్డి కేసు చివరి దశకి చేరింది. అవినాష్ రెడ్డి అరెస్టు వార్తలు ఎండమావులు సీరియల్ని తలపిస్తున్నాయి. సీబీఐ యాక్షన్కి కౌంటర్ రియాక్షన్ సీఐడీ ఈసారి కొత్త టార్గెట్ పట్టింది. టిడిపి నేత ఆదిరెడ్డి వాసు, ఆయన తండ్రి ఆదిరెడ్డి అప్పారావులని చిట్స్ కేసులో సీఐడీ అరెస్టు చేసింది. ప్రస్తుతం సీబీఐ అవినాస్ రెడ్డిని అరెస్టు చేయని పక్షంలో తమదే పైచేయి అయిందని సీఐడీ సంబరపడుతోంది. రేపటికి ఎవరిది పై చేయి అవుతుందో మరి?
చంద్రబాబు మార్క్ మాస్టర్ స్ట్రోక్స్... గిల గిలా కొట్టుకుంటున్న వైసీపీ
ముందస్తుకి వెళ్లాలనుకుంటోన్న జగన్ రెడ్డి ఎన్నో ప్రణాళికలు వేసుకున్నాడు. కానీ ఏ బాబాయ్ హత్యతో లబ్ధి పొంది సీఎం అయ్యాడో అదే హత్య కేసు వచ్చే ఎన్నికల వ్యూహంలో అడుగులు ముందుకు వేయకుండా ముందరి కాళ్లకి బంధం వేసి పడేసింది. మరోవైపు టిడిపి అధినేత చంద్రబాబు తనదైన రాజకీయ చతురత మొదలు పెట్టారు. దత్తపుత్రుడు అంటూ రోజూ అరుస్తోన్న పవన్ కల్యాణ్ తో భేటీ అయి స్పష్టమైన సంకేతాలు ఇచ్చారు. గుడివాడలో ఇటీవల ఇదేం ఖర్మ మన రాష్ట్రానికి కార్యక్రమం నిర్వహించి వైకాపా తురుపుముక్కగా భావించే కొడాలి నానికి అన్యాపదేశంగా హెచ్చరికలు పంపింది. మళ్లీ ఎన్టీఆర్ శతజయంతి ఉత్సవాలకి గుడివాడ అడ్డా చేసుకుని చంద్రబాబు మార్క్ మాస్టర్ స్ట్రోక్ ఇచ్చారు. ఓ వైపు నందమూరి బాలకృష్ణ, మరోవైపు తమిళ్ సూపర్ స్టార్ రజనీకాంత్లు సభకి హాజరై తెలుగుదేశం విజయబావుటాని ముందస్తుగానే ఎగురవేశారు. పవన్ కల్యాణ్ని బెదిరించడానికే రజనీకాంత్ని తీసుకొచ్చారని కొడాలి నాని ఆరోపించిన మరుసటి రోజే పవన్ కళ్యాన్ నేరుగా చంద్రబాబు ఇంటికి వెళ్లి చర్చలు జరిపి రావడంతో వైకాపా క్యాంపులో గందరగోళం మొదలైంది. వైసీపీ ప్రయోగించే బూతులకు కౌంటర్లు ఇచ్చే పద్దతి మానేసిన తెలుగుదేశం.. కొత్త టాస్క్ ఇస్తూ, దాని చుట్టే వైకాపా తురుపుముక్కలని తిప్పుతూ డిఫరెంట్ పాలిటిక్స్ ప్లే చేస్తూ..ఆటని రక్తి కట్టిస్తోంది.