వైకాపా ప్ర‌వ‌ర్త‌న ఎవ‌రికీ అంతుబ‌ట్ట‌కుండా విచిత్రంగా ఉంటోంది. ఏ విష‌యంలో ఎందుకు స్పందిస్తున్నారో కూడా అర్థంకావ‌డంలేదు. ఎన్టీఆర్ శ‌త‌జ‌యంతి ఉత్స‌వంలో పాల్గొని చంద్ర‌బాబు పాల‌నాద‌క్షుడ‌ని త‌మిళ సూప‌ర్ స్టార్ ర‌జ‌నీకాంత్ ప్ర‌శంసించారు. ఇదే పెద్ద నేరం అన్న‌ట్టు వైకాపా మంత్రులు, ఎమ్మెల్యేలు బూతుల‌తో విర‌చుకుప‌డ్డారు. వైసీపీ సోష‌ల్మీడియా అయితే పెద్ద ఎత్తున ర‌జ‌నీకాంత్ పై ఫేక్ మార్పింగ్ పోస్టుల‌తో దాడి చేసింది. అయితే వివేకానంద‌రెడ్డి హ‌త్య అంద‌రి కంటే ముందు జ‌గ‌న్ రెడ్డి దంప‌తుల‌కు తెలుసు అని, సీబీఐ విచార‌ణ చేస్తే వివేకా హ‌త్య రోజు తెల్ల‌వారుజామున జ‌గ‌న్ రెడ్డితో ఉన్న న‌లుగురునీ పిల‌వాల్సి ఉంటుంద‌ని బాంబు పేల్చారు. వాస్త‌వంగా వివేకానంద‌రెడ్డి హ‌త్య బ‌య‌టి ప్ర‌పంచానికి 6.30కి తెలిస్తే, జ‌గ‌న్ రెడ్డి ఆయ‌న భార్య‌కి అంత‌కంటే ముందే తెలుసు అని సెన్సేష‌న్ ఆర్టిక‌ల్ ప్ర‌చురించారు. ఆ రోజు జ‌గ‌న్ తో ఉన్న‌వాళ్ల పేర్లు కూడా రాసి పారేశాడు. దీనిపై వైకాపాలో ఒక్క నోరూ లేవ‌లేదు. వివేకానంద‌రెడ్డి హ‌త్య విష‌యంలో జ‌గ‌న్ రెడ్డి దంపతుల వైపే వేళ్ల‌న్నీ చూపుతున్నాయ‌ని ఏబీఎన్ ఆర్కే పేర్లు, వివ‌రాలు, ఆధారాల‌తో స‌హా రాసి పారేస్తే...వైకాపా ఖండించేందుకు సాహ‌సించ‌లేదంటే..స‌మ్ థింగ్ ఫిషీ..

ఎవ‌రికి లేని ఇంటి పేరు ఎదుగూరి సంధింటి సింపుల్‌గా వైఎస్ జ‌గ‌న్ రెడ్డికి మాత్ర‌మే ఉంది. దేశంలో ఏ రాజకీయ పార్టీ నేత‌ల‌పై లేని కేసులు వైఎస్ జ‌గ‌న్ రెడ్డిపైనే ఉన్నాయి. అక్ర‌మాస్తుల కేసుల్లోనూ, అక్ర‌మ సంపాద‌న‌లోనూ జ‌గ‌న్ రెడ్డే నెంబ‌ర్ వ‌న్. ఇటువంటి ప్ర‌త్యేక‌త‌లు ఉన్న జ‌గ‌న్ రెడ్డి సీబీఐ-ఈడీ కేసుల్లో అరెస్ట‌యి 16 నెల‌లు చంచ‌ల్ గూడ జైలులో ఉన్నాడు. చంచ‌ల్ గూడ పేరు విన‌గానే ఠ‌క్కున షిక్క‌టి షిరున‌వ్వుల జ‌గ‌న్ రెడ్డి గుర్తొస్తారు. అంత‌టి అనుబంధం ఆ జైలుతో జ‌గ‌న్ రెడ్డికి పెన‌వేసుకుపోయింది. చంచ‌ల్ గూడ జైలుతో వైఎస్ ఫ్యామిలీకి ఉన్న అనుబంధాన్ని మ‌రోసారి కొన‌సాగించారు వైఎస్ అవినాష్ రెడ్డి తండ్రి వైఎస్ భాస్క‌ర్ రెడ్డి. వ‌ర‌స‌కి సోద‌రుడ‌య్యే వైఎస్ వివేకానంద‌రెడ్డిని అంత‌మొందించిన కేసులో నిందితుడిగా వైఎస్ భాస్క‌ర్ రెడ్డిని సీబీఐ అరెస్ట్ చేసింది. సీబీఐ కోర్టులో ప్ర‌వేశ‌పెట్ట‌గా రిమాండ్ విధించింది. దీంతో గ‌తంలో అబ్బాయ్ జ‌గ‌న్ రెడ్డి ఉన్న జైలులోనే బాబాయ్ భాస్క‌ర్ రెడ్డిని చంచ‌ల్ గూడ‌కి పంపారు. ఎదుగూరి సంధింటికి బాగా అచ్చి వ‌చ్చిన జైలు చంచ‌ల్ గూడ అనే సెంటిమెంట్ బ‌ల‌ప‌డింది.

లోకేష్ సెల్ఫీ చాలెంజుల‌తో ఉక్కిరిబిక్కిరి అయిన అధికార వైసీపీ మౌనం దాల్చింది. తాజాగా ద‌ళితుల‌కి ఏం చేశావు జ‌గ‌న్ అంటూ స‌భ‌లో నిల‌దీస్తే, స‌మాధానం లేని వైసీపీ త‌మ‌దైన శైలిలో ఫేక్ చేసి కౌంట‌ర్ వ‌దిలింది. డోన్ నియోజ‌క‌వ‌ర్గం జక్కసానికుంట్లలో ఎస్సీ సామాజికవర్గం ప్రతినిధులతో ముఖాముఖి సమావేశంలో నారా లోకేష్ పాల్గొన్నారు. ఈ సంద‌ర్భంగా వైకాపా పాల‌న‌లో ద‌ళితుల‌పై సాగుతున్న ద‌మ‌న‌కాండ నుంచి ర‌క్షించాల‌ని టిడిపి యువ‌నేత‌ని ద‌ళితులు వేడుకున్నారు. దళితుల ఉన్నత విద్యకు ఉపయోగపడిన అంబేద్క‌ర్ విదేశీ విద్య పథకానికి అంబేద్కర్ గారి పేరు తొలగించి, జ‌గ‌న్ రెడ్డి త‌న పేరు పెట్టుకున్నార‌ని, టిడిపి ప్ర‌భుత్వం అధికారంలోకి వ‌స్తే ద‌ళిత విద్యార్థుల‌కు ఉప‌యోగ‌ప‌డేలా మళ్లీ పథకం ప్రారంభించి అంబేద్కర్ గారి పేరు పెట్టాలని ద‌ళిత నేత కోరారు. ద‌ళితుల‌పై దాడులకి లైసెన్స్ ఇచ్చేసిన జ‌గ‌న్ రెడ్డి పాల‌న‌లో ద‌ళితుల సంక్షేమానికి పీకిందేమీ లేద‌ని, ద‌ళితుల బాగుకి పొడించిందేంట‌ని లోకేష్ ప్ర‌శ్నించారు. విదేశీ విద్య పథకానికి అంబేద్కర్ పేరు తొలగించడం దుర్మార్గమ‌ని, టిడిపి అధికారంలోకి వచ్చిన జగన్ పేరు తొలగించి అంబేద్కర్ గారి పేరు పెట్టి విదేశీ విద్య పథకాన్ని ప‌క‌డ్బందీగా అమ‌లు చేస్తామ‌న్నారు. జ‌గ‌న్ రెడ్డి అక్ర‌మాస్తుల పెట్టుబ‌డుల విష‌పుత్రిక సాక్షి, వైకాపా పేటీఎం సోష‌ల్ మీడియా, వైసీపీ అధికారిక సోష‌ల్ మీడియాలో లోకేష్ మాట్లాడిన ఈ వీడియోని, అందులో ఆడియోని మార్ఫింగ్ చేసి శున‌కానందం పొందుతున్నారు. నా ఎస్సీలు అంటూ ప్ర‌సంగాల‌లో ప్రేమ ఒల‌క‌బోసిన జ‌గ‌న్ రెడ్డి నాలుగేళ్లు ద‌ళితుల‌పై ద‌మ‌న‌కాండ కొన‌సాగిస్తున్నార‌ని లోకేష్ ఆరోపించారు. సీఎంగా ద‌ళితుల‌కు ఏం పీకార‌ని లోకేష్ ప్ర‌శ్నిస్తే దానిని ద‌ళితులు ఏం పీకార‌ని మార్చ‌డం జ‌గ‌న్ రెడ్డి ద‌గ్గ‌ర ఉన్న మార్పింగ్ మాయ‌ల‌ప‌కీర్ల‌కే సాధ్యం. ఇక్క‌డ వీడియోని, ఆడియోని ఫేక్ చేసిన వైసీపీ గ్యాంగ్ ఒక్క విష‌యం మ‌రిచిపోయారు. టిడిపి వ‌స్తే జ‌గ‌న్ పేరు పీకేసి అంబేద్క‌ర్ పేరుపెట్టి విదేశీ విద్యాదీవెన అమ‌లు చేస్తామని ప్ర‌క‌టించేట‌ప్పుడు చ‌ప్ప‌ట్లు మారుమోగాయి. అవి మాత్రం జ‌గ‌న్ రెడ్డి మారీచులు మార్ఫ్ చేసిన వీడియోలో లేవు.అయితే ఇదే విషయం పై డోన్ సభలో, సాక్షి యజమాని వైఎస్ భారతికి లోకేష్ ఛాలెంజ్ చేసి, మీరు రాసిన రాతలకి ఆధారాలు బయట పెట్టాలని ఛాలెంజ్ చేసారు.

తాడిప‌త్రి మున్సిప‌ల్ చైర్మ‌న్ జేసీ ప్ర‌భాక‌ర్ రెడ్డి ఎప్పుడూ కోపంగా మ‌న‌కి క‌నిపిస్తారు. మాట్లాడితే ఆగ్ర‌హంగా ఊగిపోతూ ఉంటారు. బేల మాట‌లుండ‌వు. నీ ప్ర‌తాప‌మో, నా ప్ర‌తాప‌మో తేల్చుకుందాం రా అనే టైపు. వంద‌ల కోట్ల వ్యాపారాల‌పై దాడులు చేయించి మూసేయించినా బెద‌ర‌లేదు. అక్ర‌మ‌కేసుల‌తో అరెస్టు చేసి జైలులో వేసినా లొంగ‌లేదు. ఏనాడూ ఒక్క క‌న్నీటి చుక్క కార్చ‌లేదు. తొలిసారిగా మీడియాతో మాట్లాడుతూ తీవ్ర భావోద్వేగానికి గుర‌య్యారు. తాడిప‌త్రిలో నారా లోకేష్ పాద‌యాత్ర విజ‌య‌వంతంగా ముగిసిన అనంత‌రం జెసి ప్రభాకర్ రెడ్డి మీడియాతో మాట్లాడారు. పాదయాత్ర తరువాత లోకేష్ నీ చూస్తే బాధేసిందన్నారు. లోకేష్ పుట్టుకతోనే వజ్ర.. వైఢూర్యాలు చూసిన వ్యక్తి అని, అన్ని ఆస్తులు సంపాదించిన తాత పెంపకంలో పెరిగిన వ్యక్తి లోకేష్ అని కొనియాడారు. చిన్నప్పటి నుంచి లోకేష్ పెరిగిన విధానం దగ్గరుండి చూసిన వ్యక్తిగా లోకేష్ పాదయాత్ర లో పడుతున్న అవస్థలు చూసి బాధ పడుతున్నాన‌ని ఆవేద‌న వ్య‌క్తం చేశారు. లోకేష్ చేస్తున్న త్యాగం ప్రజల కోసమేన‌ని లోకేష్ ఒక కర్మజీవి అంటూ ప్ర‌శంసించారు. బంగారు స్పూనుతో పుట్టిన లోకేష్ ఎండ అంటే ఏంటో తెలియ‌కుండా పెరిగార‌ని, ఉన్న‌త చ‌దువులు చ‌దివార‌ని, అన్నీ వ‌దులుకుని ప్ర‌జ‌ల కోసం మండుటెండ‌ల్లో న‌డుస్తుండ‌డం చూస్తే హృద‌యం ద్ర‌వించిపోతోంద‌ని జేసీ క‌న్నీటి ప‌ర్యంత‌మ‌య్యారు. ఆంధ్ర ప్రదేశ్ రాష్ట్రాన్ని రక్షించేందుకు లోకేష్ చేస్తున్న పాదయాత్ర విజయవంతం అవుతోంద‌న్నారు. యావత్తు ఆంధ్ర ప్రదేశ్ పిల్లల భవిష్యత్ కోసం అని లోకేష్ చెప్పిన మాటలు ఉత్తేజ‌పూరితంగా ఉన్నాయ‌ని, లోకేష్ పిరికివాడు కాదు..తాత ఎన్టీఆర్ ఆశయాలను పుణికిపుచ్చుకున్నాడ‌ని కొనియాడారు. ఎన్ని ఇబ్బందులైనా ఓర్చుకుని ఇచ్ఛాపురం వరకు లోకేష్ నవ్వుతూనే పాదయాత్ర పూర్తి చేస్తాడ‌ని ధీమా వ్య‌క్తం చేశారు. కార్యకర్తలు పార్టీ కోసం కష్టపడుతున్నారు.....నాయకులు మాత్రం భయంతో బతుకుతున్నార‌ని, త‌మ‌కి చెందిన అన్ని వ్యాపారాలు మూసేసినప్పటికి మేము భయపడటం లేద‌ని జేసీ చెప్పుకొచ్చారు. ప్రజల మద్దతు లోకేష్ కి వుందని,  టిడిపి నుంచి ఎవరు గెలవాలన్న చంద్రబాబు పోటో వుండాల్సిందేన‌ని ప్ర‌భాక‌ర్ రెడ్డి కుండ‌బ‌ద్ద‌లు కొట్టారు. జగన్ చేస్తున్న తప్పులు....లోకేష్ పాదయాత్ర తెలుగుదేశం అభ్య‌ర్థుల్ని  గెలిపిస్తుంద‌న్నారు. కార్యకర్తల కష్టాన్ని మర్చిపోవద్దు అంటూ నేతలకు హితవు చెప్పారు.

Advertisements

Latest Articles

Most Read