news

ఏపి మాజీ అడ్వొకేట్ జనరల్ దమ్మాలపాటి శ్రీనివాస్ అమరావతిలో భూములు అక్రమంగా కొనుగోలు చేసారు అంటూ, ఏపి ప్రభుత్వం దాఖలు చేసిన పిటీషన్ పై, గతంలో హైకోర్టు స్టే విధించింది. అయితే హైకోర్టు విధించిన ఆ స్టే పై, సుప్రీం కోర్టుని ఏపి ప్రభుత్వం ఆశ్రయించింది. ఈ రోజు సుప్రీం కోర్టులో ఏపి ప్రభుత్వం దాఖలు చేసిన పిటీషన్ విచారణకు వచ్చింది. అయితే అనూహ్యంగా ఈ రోజు రాష్ట్ర ప్రభుత్వం ఆ పిటీషన్ ను ఉపసంహరించుకుని అందరినీ ఆశ్చర్య పరిచింది. హైకోర్టులో కౌంటర్ వేయటానికి అనుకూలంగా, ఈ పిటీషన్ ఉపసంహరణ చేస్తున్నాం అని, దీనికి అనుమతి ఇవ్వాలి అంటూ, ఏపి ప్రభుత్వం తరుపున హాజరయిన న్యాయవాది ధర్మాసనాన్ని కోరారు. వినీత్ శరన్, దినేష్ మహేశ్వరిలతో కూడిన ధర్మాసనం ఈ కేసు విచారణ చేసింది. అయితే ఇందులో మరో ట్విస్ట్ ఉంది. ఈ పిటీషన్ వేసి ఏడు నెలలు అయినా, ఇంకా మీరు ఎందుకు కౌంటర్ దాఖలు చేయలేదు అని, ధర్మాసనం ఏపి ప్రభుత్వానికి ప్రశ్నలు వేసింది. అయితే ఈ విషయం కూడా మాకు ఇప్పుడే తెలిసిందని, అందుకే ఇక్కడ కేసు ఉపసంహరించుకుని, హైకోర్టులోనే దీని పై విచారణ కోరబోతున్నాం అని, ఏపి ప్రభుత్వం తరుపు న్యాయవాది చెప్పటంతో, సుప్రీం కోర్టు కూడా ఈ పిటీషన్ ఉపసంహరణకు అనుమతి ఇచ్చింది.

ఈ పిటీషన్ ఉపసంహరణకు ఒప్పుకున్న ధర్మాసనం, నాలుగు వారాల్లో ఈ కేసుని తేల్చాలి అంటూ, సుప్రీం కోర్టు, హైకోర్టుని ఆదేశించింది. అయితే ఈ కేసులో గతంలో, దమ్మాలపాటి, గతంలో హైకోర్టులో పిటీషన్ దాఖలు చేసిన సందర్భంలో, ఏపి ప్రభుత్వం ఎఫ్ఐఆర్ దాఖలు చేయలేదు, దీని పై హైకోర్టు మధ్యంతర ఉత్తర్వులు ఇచ్చిన తరువాత, ఎఫ్ఐఆర్ దాఖలు చేసింది కాబట్టి, దానికి అనుగుణంగా ఒక సవరణ పిటీషన్ దాఖలు చేసేందుకు ఒక సవరణ పిటీషన్ దాఖలు చేసేందుకు అనుమతి ఇవ్వాలని, దమ్మాలపాటి కోరటం జరిగింది. దీనికి కూడా సుప్రీం కోర్టు అనుమతి ఇచ్చింది. దమ్మాలపాటి దాఖలు చేసిన సవరణ పిటీషన్ ను సుప్రీంలో వాదించటానికి, ధర్మాసనం అనుమతి ఇచ్చింది. ఇక నాలుగు వారాల్లో ఈ కేసున తేల్చాలని సుప్రీం ఆదేశించింది. అయితే ఏపి ప్రభుత్వం ఎందుకు మనసు మార్చుకుంది ? ఏడు నెలల పాటు, నాన్చి ఇప్పుడు మళ్ళీ హైకోర్టుకు వెళ్తాం అని చెప్పటం పై, ఏపి ప్రభుత్వం లాయర్లు ఏ వ్యూహంతో ఉన్నారో చూడాల్సి ఉంది.

ఆంధ్రప్రదేశ్ రాష్ట్రం అంటే గతంలో పెట్టుబడులు పోటీ, నదులు అనుసంధానం చేసిన చరిత్ర, ఎక్కడ చూసినా సిమెంట్ రోడ్డుల నిర్మాణం, పెట్టుబడులు, ఇలా అభివృద్ధిలో దూసుకుపోయేది. చంద్రబాబు దిగిపోయి, జగన్ మోహన్ రెడ్డి రాగానే, సీన్ మారిపోయింది. ఆంధ్రప్రదేశ్ రాష్ట్రంలో అభివృద్ధి అనే మాట లేకుండా పోయింది. కేవలం అప్పులతో నెట్టుకుని వస్తున్నారు. అభివృద్ధి అనే మాట లేకుండా పోయింది. దీంతో పక్క రాష్ట్రం వారికి కూడా మనం అంటే కామెడీ అయిపొయింది. ఈ రోజు కేసీఆర్ మాట్లాడారు. పక్క రాష్ట్రం ఆంధ్రాలో అంతా గల్లంతు అయితే, మనం అభివృద్దిలో దూసుకుపోతున్నాం అన్నారు. పంట పండించటంలో వాళ్ళు ఎక్కడ ఉన్నారు, మనం ఎక్కడ ఉన్నాం అంటూ పోల్చి చూపించారు. దీంతో ఏపి ప్రజు బాధపడటం మినహా చేసేది ఏమి లేదు. షర్మిల అన్నట్టు, తెలంగాణా ఇలా దూసుకుపోటానికే, జగన్, కేసిఆర్ కలిసి, ఉమ్మడి శత్రువు అయిన చంద్రబాబుని ఓడించారు ఏమో అని టిడిపి నేతలు అంటున్నారు. ఇప్పటికే ఇరిగేషన్ రంగంలో, నీళ్ళు వాడుకుంటూ ఏపికి నష్టం చేస్తున్న ఏమి చేయలేని పరిస్థితిలో జగన్ ఉన్నారని, అలాగే ఇక్కడ కంపెనీలు అన్నీ తెలంగాణా వెళ్ళిపోయి అక్కడ అభివృద్ధి చెందుతుందని వాపోతున్నారు. చంద్రబాబు అనే వ్యక్తి లేకపోతే, అందరికీ అలుసే అంటూ వ్యాఖ్యానిస్తున్నారు.

కేసీఆర్ మాటల్లో, "ఇక్కడున్న ఆంధ్రా వాళ్ళు ఉన్నారు. వాళ్ళకు కూడా చెప్పా, పద్దాక ఏమి ఆంధ్రా అంటావ్ అయ్యా, ఎప్పుడో వచ్చావ్ 40 ఏళ్ళ క్రిందట హైదరాబాద్ కు, ఐ యాం ఏ హైదరాబాదీ అని చెప్పుకో అని చెప్పా. అంతే కదా. ఇక్కడ బ్రతికి ఉండి, పద్దాక ఏమి ఆంధ్రా దుకాణం అయ్యా నాకు అర్ధం కాదు. వాళ్ళలో కూడా ఇప్పుడు మార్పు వచ్చింది. మొన్నటి దాకా వారికి కొంత అనుమానం ఉంది. ఇప్పుడు వాళ్ళు కూడా చెప్తున్నారు. ఏమైంది ఇప్పుడు పరిస్థితి, ఆంధ్రాలో గల్లంతు అయ్యింది, మనకు ఇక్కడ తెలంగాణాలో దూసుకుపోతున్నాం. వాళ్ళు మొన్నటి దాకా మనలని ఎక్కిరించారు. మీకు వండుకోవటం రాదు, మీకు తినటం రాదు, పంటలు పండించటం రాదు అని గతంలో హేళన చేసారు. ఇప్పుడు ఏమైంది ? ఇప్పుడు ఆంధ్రాలో పండిన పంట ఎంత, ఇప్పుడు మన దగ్గర పండిన పంట ఎంత ? ఇది ఒక్కటే మనకు వారికి గీటు రాయి. ఇంకా ఏమి అవసరం లేదు మనకు, వాళ్లతో పోల్చుకోవటానికి, ఎఫ్సీఐ వాళ్ళు ఆంధ్రా నుంచి కొంటుంది ఎంత, మన దగ్గర నుంచి కొంటుంది ఎంత ? అధికారిక లెక్కలు చెప్తున్నాయి, ఇద్దరి మధ్య తేడా" అంటూ కేసీఆర్ మాట్లాడారు.

వైసీపీ నాయకురాలు లక్ష్మీ పార్వతి, ఎమ్మెల్యే అంబటి రాంబాబు మధ్య ఉన్న వైరం బయట పడిన సంఘటన ఇది. వైసీపీ నేత అయిన లక్ష్మీ పార్వతికి గుంటూరు జిల్లాలో ఒక పొలం ఉంది. గుంటూరు జిల్లా సత్తెనపల్లి మండలం దూళిపాళ్లలో లక్ష్మీపార్వతిని దాదాపుగా రెండున్నర ఎకరాల పొలం ఒకటి ఉంది. అయితే ఇప్పుడు ఈ పొలం వివాదంలో ఉండటంతో, ఇది రచ్చకు ఎక్కింది. ఇక వివరాల్లోకి వెళ్తే, గుంటూరు జిల్లా సత్తెనపల్లిలో ఉన్న ఈ లక్ష్మీపార్వతికి చెందిన పొలాన్ని, సత్తెనపల్లి బీజేపీ మండల అధ్యక్షుడు కోటేశ్వరరావు చూసుకుంటూ ఉంటారు. లక్ష్మీపార్వతి హైదరాబాద్ లో ఉంటారు కాబట్టి, ఆవిడకు చెందిన పొలం బాధ్యత మొత్తం ఈయన చూస్తారు. మరి ఆమె వైసీపీ, ఈయన బీజేపీ కదా అనే అనుమానం రావచ్చు. ఆంధ్రప్రదేశ్ రాష్ట్రంలో బీజేపీ, వైసీపీ మధ్య ఉన్న బంధం అందరికీ తెలిసిందే కదా, అందుకే వైసీపీ నేత అయినా సరే, సత్తెనపల్లిలో వైసీపీ వాళ్ళు ఎవరూ లేనట్టు, ఈ పొలం తీసుకుని వెళ్లి బీజేపీ వాళ్ళ చేతిలో పెట్టారు. అయితే అక్కడ సత్తెనపల్లి ఎమ్మెల్యే మాత్రం, వైసీపీలో ప్రముఖ నాయకుడు అయిన అంబటి రాంబాబు గారు. మరి అక్కడ అంత ఫేమస్ పర్సనాలిటీ ఉన్నా, లక్ష్మీపార్వతి గారు, ఆవిడ పొలం బాధ్యతలు బీజేపీ నేత చేతిలో పెట్టారు అంటే, వైసీపీ మీద ఎంత నమ్మకోమో అర్ధమవుతుంది కదా.

అయితే ఈ పొలంలో ప్రభుత్వ పధకం అయిన, జలకళ ద్వారా బోరు వేయించాలని లక్ష్మీపార్వతి, కోటేశ్వరరావుకు చెప్పారు. మరి పేదలకు చెందాల్సిన ఇలాంటి పధకాలు కూడా నేతలు వేసుకోవటం మరో హైలైట్. అయితే జలకళ పధకం ద్వారా బోరు వేయాలి అంటే స్థానిక ఎమ్మెల్యే అనుమతి కావాలి కాబట్టి, అంబటిని కలవమని లక్ష్మీపార్వతి, కోటేశ్వరరావుకు చెప్పారు. అయితే స్థానిక వైసీపీ నేతలు అడ్డుపడుతున్నారు అంటూ, కోటేశ్వరరావు అనే వ్యక్తి అంబటికి ఫోన్ చేసి చెప్పారు. దీనికి స్పందించిన అంబటి, లక్ష్మీ పార్వతి పొలం విషయం గురించి తనతో మాట్లాడవద్దని చెప్పగా, ఇలా స్పందించటం కరెక్ట్ కాదని, మీ పై జగన్ గారికి, గవర్నర్ గారికి ఫిర్యాదు చేస్తానని, కోటేశ్వరరావు చెప్పగా, జగన్ కు గవర్నర్ కు కాకపొతే, ప్రధానమంత్రికి, రాష్ట్రపతికి చెప్పుకో అని అంబటి బదులు ఇచ్చారు. అయితే ఆ బీజేపీ నేత, ఈ ఫోన్ సంభాషణను సోషల్ మీడియాలో పెట్టటంతో ఇది వైరల్ అయ్యింది. అయితే ఈ విషయం పై ఇంకా లక్ష్మీ పార్వతి అయితే స్పందించలేదు. బీజేపీ నేత కోటేశ్వరరావు మాత్రం, అంబటి నన్ను బెదిరిస్తున్నాడు అంటూ మీడియాకు ఎక్కారు.