news

ఆంధ్రప్రదేశ్ - తెలంగాణా మధ్య హోరాహరీగా నీటి పంపకం విషయంలో మాటలు తూటాలు పేలుతున్న వాతావరణం ఒక పక్క ఉంది. కేసీఆర్ ఈజ్ మ్యాగ్ననిమస్ అంటూ గతంలో చెప్పిన జగన్ మోహన్ రెడ్డి, ఇప్పుడు నీళ్ళు సముద్రంలోకి వెళ్తుంటే కానీసం కేసీఆర్ తో మాట్లాడటం లేదు. రాయలసీమను రతనాల సీమ చేస్తా తను, జగన్ నోట్లో స్వీటు పెట్టిన కేసీఆర్ ఇప్పుడు ఆ ముచ్చటే చెప్పటం లేదు. అయితే ఇదంతా నాటకం అని ప్రతిపక్షాలు ఆరోపిస్తున్నాయి. ఇప్పుడు వీళ్ళ మాటకు బలం చేకూరుస్తూ, ఒక ఘటన జరిగింది. తెలంగాణ ప్రభుత్వ అధికారిగా, తెలంగాణ జైళ్ల శాఖ సూపరింటెండెంట్ గా పని చేస్తున్న దశరథ రామిరెడ్డిని రిలీవ్ చేయమని ఏపి ప్రభుత్వం కోరగానే, ఆగమేఘాలపై స్పందించి బదిలీ చేసి ప్రభుత్వ సలహాదారు సజ్జల రామకృష్ణారెడ్డికి ఓఎస్డీగా నియమించారు. ఇది ముఖ్యమంత్రి స్థాయిలో లాబీ చేయకపోతే అయ్యే పని కాదు అనేది అందరికీ తెలిసిందే. ఇప్పుడు ఇదే విషయం ప్రతిపక్షాలు అడుగుతున్నాయి. తమ సలహాదారుడు కోసం, తెలంగాణా నుంచి అధికారిని తెచ్చుకున్న జగన్ మోహన్ రెడ్డి, ఇదే స్పూర్తి జల వివాదాల్లో ఎందుకు చూపడంలేదని, కేంద్రానికి లేఖలు రాసే బదులు, ఇందులో మాట్లాడినట్టె కేసీఆర్ తో ఈ జల వివాదం పై కూడా మాట్లాడవచ్చు కదా అని, టిడిపి నేతలు ప్రశ్నిస్తున్నారు.

నిన్న టిడిపి పొలిట్ బ్యూరోలో కూడా ఇదే అంశం చర్చించారు. పొరుగు రాష్ట్రం కావాలని పెట్టుకుంటున్న నీటి వివాదాలపై, ఇద్దరు ముఖ్యమంత్రుల సఖ్యత దృష్ట్యా వివాదం ఎందుకు పరిష్కారం కావడంలేదనే అంశంపై చర్చించారు. ఉమ్మడి శత్రువును ఓడించినప్పుడు ఇద్దరు ముఖ్యమంత్రులు పొందిన ఆనందం, సఖ్యత, ఇద్దరి మధ్యన ఉన్న సుహృద్భావం ఇప్పుడు ఏమైంది ? అంటూ కాలువ శ్రీనివాసులు ప్రశ్నించారు. ఆయన మాట్లాడుతూ, "ఇరు రాష్ట్రాల ప్రజలకు చెందిన భావోద్వేగ అంశాలపై, ఇరు రాష్ట్రాలకు ప్రతినిధులమని చెప్పుకుంటున్న వారు ఎందుకు చర్చించలేక పోతున్నారు ? చర్చల ద్వారా పరిష్కరించుకోవాల్సిన అంశాలను, కేంద్ర ప్రతినిధుల సమక్షంలో, గతంలో చేసుకున్న ఒప్పందాలు, సెక్షన్ 84లో కేంద్ర ప్రభుత్వ పాత్రపై ఇద్దరు ముఖ్యమంత్రులు ఎందుకు గమనంలోకి తీసుకోవడం లేదు? ఇదంతా ఇద్దరూ ఆడుతున్న రాజకీయ నాటకం మాత్రమే. ఇద్దరి వ్యక్తిగత, స్వార్థ ప్రయోజనాలుతప్ప, రాష్ట్రాల ప్రయోజనాలు, ప్రజలకు సంబంధించిన ప్రయోజనాలు లేవని టీడీపీ అభిప్రాయ పడుతోంది. రాయలసీమ ఎత్తిపోతలైనా, పాలమూరు –రంగారెడ్డి అయినా అపెక్స్ కౌన్సిల్ లో చర్చించి, విభజన చట్టం ప్రకారం చర్చించుకోవచ్చు. భిన్నమైన సిద్ధాంతాలున్న రెండుప్రభుత్వాలు తెలుగు రాష్ట్రాల్లో అధికారంలో ఉన్నప్పుడు ఎలాంటి సమస్యలు తలెత్తలేదు. ఎవరిని మోసగించడానికి ఇద్దరు ముఖ్యమంత్రులు వివాదాలను తెర పైకి తెచ్చారో సమాధానం చెప్పాలని టీడీపీ డిమాండ్ చేస్తోంది. వివాదాలు సృష్టిస్తున్నట్లు నటిస్తున్న ఇరురాష్ట్రాల ముఖ్యమంత్రులు, రాత్రిళ్లు మాట్లాడుకొని తెల్లారాక ప్రకటనలిస్తున్నారని తెలుగు ప్రజలంతా అనుకుంటున్నారు. " అని టిడిపి ఆరోపిస్తుంది.

రెండు తెలుగు రాష్ట్రాలకు కేంద్రం షాక్ ఇచ్చింది. రెండు రాష్ట్రాలు నీళ్ళ కోసం కొట్టుకుంటూ ఉండటంతో, కేంద్రం ఎంటర్ అయ్యింది. మొత్తం ఎగరేసుకుని పోయింది. కృష్ణా నది ఒక్కటే కాదు, గోదావరి నది మీద ఉండే ప్రాజెక్ట్ లు కూడా ఇక నుంచి కేంద్రం పరిధిలోకి వెళ్ళిపోతాయి. చుక్కు నీరు వదాలాలి అన్నా, విద్యుత్ ఉత్పత్తి చేయాలి అన్నా, ఇక నుంచి కేంద్రం అనుమతి తీసుకోవాలి. అలాగే అక్కడ కేంద్రం బలగాలతో భద్రత ఇస్తారు. ఇరు రాష్ట్రాల ముఖ్యమంత్రులు సఖ్యతతో పాడిన ప్రేమ గీతాలు, ఇరువురు కలిసి ఆడిన డ్రామాకు, ఈ దెబ్బతో ఫుల్ స్టాప్ పడినట్టే చెప్పాలి. ఇరువురూ తేల్చుకోవాల్సింది, ఇప్పుడు కేంద్రం పరిధిలోకి వెళ్ళిపోయింది. కృష్ణా, గోదావారి ప్రాజెక్ట్ అజమయషీ మొత్తం కేంద్రం పరిధిలోకి వీళ్లిపోనుంది. అయితే ఇది ఏడేళ్ళ నుంచి పెండింగ్ లో ఉందని, ఇది విభజన చట్టంలో ఉన్న హామీ అని, మేము నేరవేర్చాం అని బీజేపీ నేతలు కూడా చెప్తున్నారు. కేసీఆర్ దూకుడుకి చెక్ పెట్టాల్సిన జగన్, కేంద్రానికి లేఖలు రాసి, ప్రాజెక్ట్ ల బాధ్యత మొత్తం తీసుకోమని లేఖలు కూడా రాసారు. నిజానికి ఈ పరిణామంతో, కృష్ణా డెల్టాకు ఎక్కువ మేలు ఉంటుంది. రాయలసీమకు మాత్రం ఈ పరిణామం తీవ్ర అన్యాయం కానుంది. మరో పక్క తెలంగాణా కూడా ఇది దెబ్బే అని చెప్పాలి.

మరో పక్క ఈ బోర్డు నిర్వహణ కోసం, 200 కోట్ల రూపాయలు అవసరం అని, ఇరు రాష్ట్రాలు కూడా మొత్తం 400 కోట్లు రూపాయలు జమ చేయాల్సి ఉంటుందని తెలిపారు. అంతే కాకుండా అనుమతి లేని ప్రాజెక్ట్ లు వెంటనే నిలిపి వేయాల్సి ఉంటుంది. కొత్త ప్రాజెక్ట్ లకు ఏమైనా ఆరు నెలల్లో అనుమతి తీసుకోవాలని ఉత్తర్వుల్లో పేర్కొంది. అయితే తెలంగాణా మాత్రం, పూర్తి స్థాయిలో నీటి కేటాయింపులు చేయకుండా, బోర్డుని ఎలా నోటిఫై చేస్తారు అంటూ తెలంగాణా అభ్యంతరం చెప్తుంది. కేంద్రం మాత్రం, గత ఏడాది జరిగిన అపెక్స్ కౌన్సిల్ లో నిర్ణయం ప్రకారమే ఇది చేసాం అని చెప్తున్నారు. ఈ నోటిఫికేషన్ ఈ ఏడాది అక్టోబర్ 14 నుంచి అమలులోకి రానుంది. అయితే ఇప్పుడు ఈ నిర్ణయంతో, రాయలసీమకు నీరు ఎలా విడుదల చేస్తారో చూడాల్సి ఉంటుంది. మరో పక్క ఇంత గోల చేసిన రాయలసీమ ఎత్తిపోతలని కూడా ఆపేయాల్సి ఉంటుంది. దానికి మొత్తం అనుమతులు వచ్చిన తరువాతే చేపట్టాల్సి ఉంటుంది. ఈ పరిణామంతో, మరి జల వివాదాలు తొలగిపోతాయో లేదో చూడాలి.

రాజధాని అమరావతి భూములు కొనుగోలుకు సంబంధించి, అప్పటి చంద్రబాబు ప్రభుత్వంలో ఇన్సైడర్ ట్రేడింగ్ జరిగింది అంటూ, జగన్ మోహన్ రెడ్డి ప్రభుత్వం గతంలో ఎఫ్ఐఆర్ దాఖలు చేయటం, దాన్ని హైకోర్టు కొట్టివేయటం జరిగింది. రాజధానిలో అసలు రహస్యం ఏముంది ? ఇదంతా ఓపెన్ సీక్రెట్ కదా, అందరికీ అక్కడ రాజధాని వస్తుందని తెలిసిందే కదా, మీరు ఆరోపణలు చేస్తున్న కొనుగోళ్ళు రాజధాని ప్రకటన తరువాతే భూములు కోనోగుళ్ళు జరిగాయి కదా, ఇంకా దీంట్లో ఇన్సైడర్ ట్రేడింగ్ ఎక్కడ ఉంది అంటూ హైకోర్టు ఇచ్చిన తీర్పు పై, ఏపి ప్రభుత్వం ఆ తీర్పుని సవాల్ చేస్తూ, సుప్రీం కోర్టులో పిటీషన్ దాఖలు చేసింది. ఈ పిటీషన్ పై, ఈ రోజు న్యాయమూర్తులు వినీత్ శరన్, అదే విధంగా దినేష్ లతో కూడిన ధర్మాసనం విచారణ జరిపింది. ఈ విచారణ సందర్భంగా వాడీ వేడిగా వాదనలు జరిగాయి. ప్రభుత్వం తరుపున, దుష్యంత్ దవే వాదనలు వినిపించారు. అప్పట్లో ప్రభుత్వ పెద్దలు, ప్రైవేటు పార్టీలు కలిసి దోచుకున్నాయని అన్నారు. ముందుగానే కుమ్మక్కు అయ్యి, అక్కడ ఆస్తులు కొనుగోలు చేసారని, దీని వల్ల లబ్ది పొందారని, అందుకే ఏపి ప్రభుత్వం దీంట్లో స్కాం జరిగిందని భావించే విచరణ చేసిందని, ఇందులో తప్పు ఉందనే తమ ప్రభుత్వం విచారణకు ఆదేశించిందని తెలిపారు.

అయితే హైకోర్ట్ మాత్రం ప్రాధమిక విచారణలోనే దీని పై క్లీన్ చిట్ ఇచ్చి, అక్కడ ఇన్సైడర్ ట్రేడింగ్ జరగలేదని చెప్పారు. ఏప్రిల్ 2015లో ఏపి ప్రభుత్వం నోటిఫికేషన్ ఇచ్చిందని, అయితే 2014లోనే భూములు కొనుగోళ్ళు జరిగాయని వాదించారు. అయితే సుప్రీం కోర్టు ధర్మాసనం మాత్రం దీంతో ఏకీభవించలేదు. హైకోర్టు చెప్పిన దాంట్లో తప్పు ఏముంది ? హైకోర్టు అన్ని విషయాలు చెప్పింది కదా ? అన్నీ పరిశీలించిన తరువాతే తీర్పు ఇచ్చినట్టు అర్ధం అవుతుందని సుప్రీం కోర్టు వ్యాఖ్యానించింది. రాజధాని అనేది బహిరంగ రహస్యం కదా, అసలు మీకు హైకోర్టు ఇచ్చిన తీర్పులో, ఎక్కడ తప్పు అనిపించింది ? ప్రైవేటు వ్యక్తులతో కుమ్మక్కు అయ్యారని, రాజధాని అక్కడ అని లీక్ చేసారని ఆధారాలు ఏమున్నాయి ? ఇన్సైడర్ ట్రేడింగ్ జరిగింది నిజమే అనుకుంటే, ఏ సెక్షన్ కింద కేసు పెట్టాలి అంటూ, సుప్రీం ప్రశ్నల వర్షం కురిపించింది. దీనికి ప్రభుత్వ న్యాయవాది సరైన సమాధానం చెప్పలేక పోయారు. అమరావతి పై మరో కేసు కూడా ఉందని, ఈ కేసుని దాంతో జత పరిచి విచారణ చేయాలని కోరగా, సుప్రీం కోర్టు ఒప్పుకోలేదు. ఇది వేరు అది వేరని సుప్రీం కోర్టు చెప్పింది. తదుపరి విచారణను సోమవారానికి వాయిదా వేసారు.