జగన్మోహన్ రెడ్డి రెండేళ్లపాలనలో రాష్ట్రం ఎంత నాశనం అవ్వాలో అంతకు మించే అయిందని, అవినీతి, దోపిడీ, నిరుద్యోగం వంటివి పెరిగిపోయాయని తెలుగుదేశం పార్టీ రాష్ట్ర అధ్యక్షులు, మాజీమంత్రి కింజరాపు అచ్చెన్నాయుడు మండిపడ్డారు. ఆదివారం ఆయన విశాఖపట్నంలో విలేకరులతో మాట్లాడారు. ఆ వివరాలు ఆయన మాటల్లోనే. "రెండేళ్లలో జగన్మోహన్ రెడ్డి రాష్ట్రాన్ని ఏవిధంగా వి-ధ్వం-సం- చేశాడో ప్రతిఒక్కరూ ఆలోచించాలి. తన పాలనలో ముఖ్యమంత్రి రాష్ట్రాన్ని ఏవిధంగా భ్రష్టు పట్టించాడో టీడీపీ విడుదలచేసిన బుక్ లెట్ లో వివరించాము. జగన్ రెండేళ్ల పాలనకు జేసీబీ- ఏసీబీ-పీసీబీ అని టీడీపీ నామకరణం చేసింది. ఎవరైనా మంచి కార్యంతో పని ప్రారంభిస్తారు. జగన్మోహన్ రెడ్డి అధికారంలోకి రాగానే ప్రజావేదిక కూల్చివేతతో తనపాలన ప్రారంభించాడు. రెండేళ్లక్రితం జూన్ 26 సాయంత్రం జేసీబీలతో ప్రజావేదికను కూల్చివేయించాడు. ఆనాటినుంచే ముఖ్యమంత్రి రాష్ట్ర వి-ధ్వం-సా-ని-కి శ్రీకారంచుట్టాడు. అది మొదలుప్రతి శుక్రవారం రాత్రి ప్రతిపక్షనేతల ఇళ్లు, వ్యాపార సంస్థలపైకి జేసీబీలను పంపిస్తూనే ఉన్నాడు. ఆస్తులు ధ్వం-సం చేయడమే పనిగా పెట్టుకున్నాడు కాబట్టే, జేసీబీ అన్నాం. ప్రశ్నించేవారిపై ఏసీబీతో తప్పుడు కేసులు పెట్టిస్తున్నాడుకాబట్టి, ఏసీబీ అన్నాం. అవి రెండూ కుదరనప్పుడు కొత్తగా పీసీబీ (పొల్యూషన్ కంట్రోల్ బోర్డుని) వాడుతున్నాడు. అందుకే జగన్మోహన్ రెడ్డి రెండేళ్లపాలను జేసీబీ- ఏసీబీ- పీసీబీ పాలన అంటున్నాం. ఏసీబీతో ఆగకుండా సీఐడీని కూడా జగన్ తన జేబు సంస్థగా మార్చుకున్నాడు. తాడేపల్లిప్యాలెస్ నుంచి సీఐడీకి ఆదేశాలు అందడమే ఆలస్యం...వెంటనే అరెస్టులు జరిగిపోతాయి. ప్రభుత్వానికి వ్యతిరేకంగా ప్రజలు మాట్లాడినా సరే, వారిపై కేసులు పెట్టి జైళ్లకు పంపుతారు. 94 శాతంహామీలను పరిష్కరించామని ముఖ్యమంత్రి, మంత్రులు డబ్బాలు కొట్టుకుంటున్నారు. రాష్ట్ర ప్రజలంతా ఆనందంగా ఉన్నారని, అదిచూసి ఓర్వలేకనే ప్రతిపక్షాలు ఏదేదో మాట్లాడుతున్నాయని నోటికొచ్చినట్లు మాట్లాడుతున్నారు. అందుకే ప్రభుత్వం చెబుతున్న 94అంశాలకు సంబంధించి బాధ్యతగల ప్రధాన ప్రతిపక్షం ఒక ఛార్జ్ షీట్ విడుదల చేసింది. 94 విధ్వంసాలు చేసిన ముఖ్యమంత్రి, మిగిలిన ఆరింటిని పూర్తిచేసి, రాష్ట్రాన్ని విధ్వంసాలకు నిలయంగా మార్చడం ద్వారా గిన్నిస్ బుక్ లోకి ఎక్కించడానికి సిద్ధంగా ఉన్నాడు. ప్రజావేదికతో కూల్చివేతలు ప్రారంభించిన ముఖ్యమంత్రి, రెండేళ్లలో ఎన్ని అక్రమ కట్టడాలు కూల్చాడో, ఎవరివి కూల్చాడో సమాధానంచెప్పాలి.
చంద్రబాబునాయుడికి పేరొస్తుందన్న కుళ్లుతో, కక్షతో ఈ ముఖ్యమంత్రి అమరావతిని చం-పే-శా-డు. అమరావతి వి-ధ్వం-సం-తో, వి-ధ్వం-సా-లను పతాక స్థాయికి చేర్చాడు. రెండేళ్లయింది..ముఖ్యమంత్రి చెప్పిన మూడు రాజధానులు ఎక్కడ? రెండేళ్లయినా రాష్ట్ర రాజధాని ఏది అంటే ఎవరూ సమాధానం చెప్పే పరిస్థితి లేదు. అమరావతి పూర్తైతే రెండులక్షలకోట్ల ఆదాయంవచ్చేది. అప్పుడు ఈ ముఖ్యమంత్రికి అప్పులు చేయాల్సిన దుస్థితి తలెత్తేది కాదు. అమరావతి తర్వాత ఈ ముఖ్యమంత్రి పోలవరంపై పడ్డాడు. తన చేతగానితనం, అసమర్థతతో రూ.54వేలకోట్లకు ఆమోదిపంబడిన పోలవరం ప్రాజెక్ట్ వ్యయాన్ని రూ.22వేలకోట్లకు పరిమితం చేశాడు. రివర్స్ టెండరింగ్ పేరుతో మిగిల్చామంటూ సిగ్గు లేకుండా లేఖలు రాస్తున్నాడు. మిగిల్చామంటూనే పోలవరం పనులు దక్కించుకున్న కాంట్రాక్టర్ కు రూ.5వేలకోట్లు దోచిపెట్టింది నిజంకాదా? ప్రతిదానిలో రివర్స్ టెండరింగ్ పేరుతో, తన సొంత మనుషులకుదోచిపెట్టాడు. ఇదేనా ఈ ముఖ్యమంత్రి రెండేళ్లలో సాధించిన ఘనత? 2021 జూన్ నాటికి పోలవరం పూర్తిచేస్తామని జలవనరులమంత్రి అసెంబ్లీలో బల్లగుద్ది చెప్పాడు.పోలవరంపై ఈముఖ్యమంత్రి, మంత్రి ఇప్పడేం సమాధానం చెబుతారు? చంద్రబాబునాయుడు రాష్ట్రానికి ఆదాయం వస్తుందని భావించి, భవన నిర్మాణ కార్మికులకు చేతినిండా పనిదొరుకుతుందని ఆలోచించి ఉచిత ఇసుక విధానం అమలుచేశారు. ఇప్పుడు ట్రాక్టర్ ఇసుక రూ.5 నుంచి రూ.7వేలకు అమ్ముతున్నారు. ఇసుక దోపిడీని రెండేళ్ల పాటు మంత్రులు, ఎమ్మెల్యేలకు అప్పగించిన జగన్మోహన్ రెడ్డి, ఇప్పుడు వారికి కాదు.. అంతా తనకే చెందాలని భావించి, రాష్ట్రంలోని ఇసుకరీచ్ లన్నింటినీ ఒకే వ్యక్తికి అప్పగించాడు. ప్రతిపక్షంలో ఉన్నప్పుడు చంద్రబాబు నాయుడు రాష్ట్రంలో విచ్చలవిడిగా మద్యం అమ్ముతున్నాడని చెప్పిన జగన్మోహన్ రెడ్డి, ఇప్పుడు అదే మద్యాన్ని తనవ్యక్తిగత ఆదాయవనరుగా మార్చుకున్నది నిజంకాదా? ఇదేనా జగన్మోహన్ రెడ్డి చెప్పిన మద్యపాన నిషేధం. మద్యంపై రూ.20వేలకోట్లవరకు ముఖ్యమంత్రి దోపిడీచేస్తున్నాడు.
ఇకఅప్పుల విషయానికొస్తే, ఈముఖ్యమంత్రి చేసిన అప్పులదెబ్బకు, ఎవ్వరైనా సరే నోరువెళ్లబెట్టాల్సిందే. అప్పులుచేయడం, ప్రభుత్వ ఆస్తులు అమ్మడం తప్ప ఈ ముఖ్యమంత్రికి సంపద సృష్టించి పేదలకు పంచడం తెలియ దు. అప్పులు తెచ్చి, భూములు అమ్మేసి పథకాలపేరుతో అరకొరా ప్రజలకు ఇచ్చి, మిగిలింది తనజేబులో వేసుకోవడా నికి ఈ ముఖ్యమంత్రేకావాలా? ఆపని ఎవరైనా చేస్తారు? రెండేళ్లలోనే రాష్ట్రంలోని ఒక్కోకుటుంబంపై రూ.2.50లక్షల అప్పువేశాడు ఈముఖ్యమంత్రి. అదీ ఈయన రెండేళ్ల తనపాలనలో సాధించినఘనత. రాష్ట్రానికి వచ్చే ఆదాయం రూ.84వేలకోట్లయితే, అప్పులేమో రూ.87వేలకోట్లు. వచ్చే ఆదాయం మొత్తం అప్పులకువడ్డీ కట్టడానికే సరిపోతుంది? ఇక అభివృద్ధికి నిధులెక్కడున్నాయి? ఈముఖ్యమంత్రి ఏ నిధులతో పోలవరం పూర్తిచేస్తాడు..ఏడబ్బుతో రోడ్లు వేస్తాడు ? జగన్మోహన్ రెడ్డి ఏలుబడిలో రాష్ట్రం మొత్తం ఆర్థికంగా పతనమైంది. బీసీలకు డమ్మీ కార్పొరేషన్లు ఏర్పాటుచేసిన ముఖ్యమంత్రి, ఆఖరికి వారి రిజర్వేషన్లను 24శాతం వరకు తగ్గించేశాడు. బీసీల రిజర్వేషన్లకు కోతపెట్టిందిచాలక, పనికిరాని కార్పొరేషన్ల తోతమకు ఏం ఒరగబెట్టావని బడుగు, బలహీనవర్గాలవారంతా ఈ ముఖ్యమంత్రిని కాలర్ పట్టుకొని నిలదీయాలి. ఇలాఅనేకవిధాలుగా, రాష్ట్రంలోని ప్రతి వర్గాన్ని మోసగిస్తునేఉన్నాడు. వాటిని గమనించి ఎవరైనా మాట్లాడితే వారిపై తప్పుడుకేసులు పెట్టి, జైళ్లకు పంపించడమే పనిగాపెట్టుకున్నాడు. మేథావులు, ప్రజాస్వామ్యవాదుల మౌనం రాష్ట్రానికి చేటు చేస్తుంది. ప్రజలను మోసగిస్తూ, అబద్ధపు మాటలతో, మోసపు వాగ్ధానాలతో జనం నెత్తిన టోపీ పెట్టాలని చూస్తున్న ముఖ్యమంత్రి చర్యలపై పార్టీలు, కులాలు, వర్గాలకు అతీతంగా ప్రతిఒక్కరూ గళమెత్తాలని కోరుతున్నాం.
