news

ఆంధ్రప్రదేశ్ రాజకీయాల్లో బీజేపీ అనే పార్టీ వోట్ షేర్, నోటా కంటే తక్కువ. ఇంకా చెప్పాలి అంటే, కాంగ్రెస్ కు ఎక్కువ వోట్ షేర్ ఉంది. అయినా బీజేపీ నేతలు చేసే హడావిడి మాత్రం అంతా ఇంతా కాదు. ఊపేస్తాం, కుమ్మేస్తాం అని హడావిడి చేస్తూ ఉంటారు. కేంద్రంలో అధికారంలో ఉన్నారు కాబట్టి, సహజంగా వీళ్ళ మాటకు కొంత వైటేజి ఉంటుంది. తెలంగాణాలో గెలిచారు అంటే, అక్కడ బీజేపీకి క్యాడర్ ఉంది, నాయకులు ఉన్నారు. అన్నిటికీ మించి అక్కడ, తెలంగాణా రాష్ట్ర ప్రభుత్వం పై, బీజేపీ పోరాడుతుంది. కేసీఆర్ కు చుక్కలు చూపిస్తున్నారు. కాబట్టి, ప్రజలు బీజేపీని ప్రత్యామ్న్యాయం అనుకుంటూ ఉండవచ్చు. మన ఏపిలో మాత్రం, బీజేపీ, వైసీపీకి ఫ్రెండ్లీ పార్టీగా ఉంటుంది. వైసీపీకి ఇబ్బంది కలిగించే పనులు ఏమి చేయరు. వాళ్ళ టార్గెట్ మొత్తం టిడిపినే. అందుకే ఇక్కడ ప్రజలు బీజేపీని విశ్వసించారు. అన్నిటికీ ముంచి బీజేపీ చేసిన మోసం ప్రజలు అంత తేలికగా మర్చిపోరు. విభజన హామీలు గురించి బీజేపీ ప్రస్తావనే లేదు. అవేమీ మాట్లాడకుండా, కేవలం టిడిపిని టార్గెట్ చేయటం, మత పరమైన అజెండా తీసుకోవటంతో, బీజేపీ గత ఎన్నికల్లో ఎక్కడ ఉందో, ఇప్పుడు అక్కడే ఉంది. అయితే వీళ్ళు చేసే హడావిడి మాత్రం అంతా ఇంతా కాదు. బీజేపీ మైండ్ గేమ్ అంటూ, కొత్త రాజకీయ మొదలు పెట్టింది. తెలుగుదేశం పార్టీలో ఉన్న వాళ్ళను తమ వైపుకు తిప్పుకుంటాం అంటూ, హడావిడి చేస్తున్నారు.

ఇందులో భాగంగా నిన్న తెలుగుదేశం పార్టీ ఏపి శాఖ మాజీ అధ్యక్షుడు కళా వెంకట్రావు, అలాగే మరో సీనియర్ నేత పడాల అరుణను, సోము వీర్రాజు కలుస్తున్నారు అంటూ హడావిడి చేసారు. మైండ్ గేమ్ లో భాగంగా, బీజేపీ ఈ ప్లాన్ వేసిందని గ్రహించిన టిడిపి నేతలు వెంటనే రియాక్ట్ అయ్యారు. కళా వెంకట్రావ్ మాట్లాడుతూ, సోము వీర్రాజు వ్యాఖ్యలకు ఖండించారు. తానే కాదు, తన వారసులు కూడా ఎప్పటికీ టిడిపిలోనే ఉంటాం అని తేల్చి చెప్పారు. ఇక పడాల అరుణ కూడా అదే చెప్పుకొచ్చారు. దీంతో సోము వీర్రాజు నాలిక కరుచుకున్నారు. వెంటనే ప్రకటన విడుదల చేసి, నేను ఎవరినీ కలవటం లేదు, అని పత్రికా ప్రకటనలో వచ్చిన తప్పు అని కవర్ చేసేసారు. ఈ రోజు ముద్రగడను కలుస్తున్నానని చెప్పారు. అయితే, ఇంత పచ్చి తప్పులతో ఒక పార్టీ ప్రెస్ నోట్ ఎందుకు విడుదల చేస్తుంది ? ముద్రగడతో భేటీకి హైప్ రావటం కోసం, ఇలా చేసారా ? లేక మైండ్ గేమ్ లో భాగంగా ఇలా చేసారో కానీ, సోము వీర్రాజు ఆత్రంతో, బీజీపీ మరోసారి అభాసుపాలైంది. వెంటనే కళా వెంకట్రావ్, పడాల అరుణ ఖండించటంతో, ఎలా కవర్ చేసుకోవాలో తెలియక, ప్రెస్ నోట్ లో వచ్చిన తప్పు అని కవర్ చేసుకున్నారు.

ఆంధ్రప్రదేశ్ రాష్ట్రంలో గత సార్వత్రిక ఎన్నికలకు నెల రోజులు ముందు, జరిగిన ఒక సంఘటన రాష్ట్ర రాజకీయాలను ఊపేసింది. జగన్ మోహన్ రెడ్డి బాబాయ్ వివేక కేసు కావటంతో, పెద్ద సంచలనం అయ్యింది. అయితే ఇది చేసింది చంద్రబాబు అంటూ జగన్ మోహన్ రెడ్డి ఎన్నికల ప్రచారంలో చెప్పటం మొదలు పెట్టారు. అయితే అప్పట్లో తెలుగుదేశం అధికారంలో ఉండటంతో, అప్పటికే జరిగిన పోలీస్ ఇన్వెస్టిగేషన్ లో దొరికిన కొన్ని ఆధారాలతో, ఇది జగన్ చేపించారు అంటూ తెలుగుదేశం కూడా ఎదురు దాడి చేయటంతో, ఎన్నికల ప్రచారం అయ్యే వరకు వివేక కేసు గురించి మాట్లాడకుండా, జగన్ హైకోర్టుకు వెళ్లి గ్యాగ్ ఆర్డర్ తెచ్చుకున్నారు. అయితే ఆ సమయంలో సిబిఐ విచారణ కోరిన జగన్, తాను ఎన్నికల్లో గెలవగానే, దీంట్లో సిబిఐ విచారణ అవసరం లేదని పిటీషన్ వెనక్కు తీసుకోవటం, మరో సంచలనం. అయితే వివేక కూతురు మాత్రం వదల్లేదు. హైకోర్టుకు వెళ్ళింది. సిబిఐ విచారణ సాధించుకుని వచ్చారు. సిబిఐ అధికారులు రెండు విడతలుగా ఈ కేసు పై విచారణ కూడా చేసారు. కొంత మంది ప్రముఖల పాత్ర పై స్పష్టమైన ఆధారాలు లభించినట్టు కూడా తెలిసింది. అయితే ఎందుకో కానీ సిబిఐ గత రెండు మూడు నెలలుగా ఈ కేసు విషయంలో మళ్ళీ మూడో విడత విచారణ మొదలు పెట్టలేదు.

ఇది ఇలా ఉంటే, ఇప్పుడు వివేక కేసు విషయంలో మరో సంచలనం బయటకు వచ్చే అవకాసం కనిపిస్తుంది. వివేక కేసులో అతి పెద్ద కుట్ర కోణం దాగి ఉందని, తన వద్ద దీనికి సంబంధించి స్పష్టమైన సమాచారం ఉందని, దీని పై త్వరలోనే ప్రెస్ మీట్ పెట్టి, అన్ని విషయాలు ప్రజలకు తెలిసేలా చెప్తానని, కేరళకు చెందిన ప్రముఖ హక్కుల కార్యకర్త జోమున్‌ పుతెన్‌ పురక్కల్‌ మీడియాతో మాట్లాడుతూ చెప్పటం, ఇప్పుడు సంచలనంగా మారింది. ఇప్పటికే వివేక కూతురు, సునితా రెడ్డితో కూడా ఈయన భేటీ అయ్యారు. ఆయనే ఈ విషయం మీడియాకు చెప్పారు. మూడు రోజులు క్రితం ఆమెతో కలిసి, ఈ కేసు విషయం పై ఆమెతో చర్చించినట్టు, సిబిఐ విచారణలో వారికి ఎలా సహకరించాలి, ఎలాంటి ఆధారాలు వారికి ఇవ్వాలి అనే విషయం పై ఆమెతో చర్చించినట్టు చెప్పారు. ఈయన కేరళలో జరిగిన సిస్టర్‌ అభయ కేసులో పోరాడి సిబిఐకి అనేక సాక్ష్యాలు ఇవ్వటంతో సక్సెస్ అయ్యారనే పేరు ఉంది. చివరకు ఈయన చెప్పిన విషయాలనే సిబిఐ కోర్టు నిర్ధారించింది. మరి వివేక కేసులో ఎలాంటి సంచలనాలు బయటకు వస్తాయో చూడాలి.

స్థానిక సంస్థల ఎన్నికల విషయంలో అధికార పార్టీ వేస్తున్న పిల్లి మొగ్గలు, ఎన్నికల కమీషనర్ నిమ్మగడ్డ రమేష్ కుమార్ అంటే భయమో, లేక ఎన్నికలు అంటే భయమో కానీ, మొన్నటి దాక ఒక మాట, ఇప్పుడు ఒక మాట మాట్లాడుతూ, మాట మార్చి, మడం తిప్పేస్తున్నారు అంటూ, తెలుగుదేశం పార్టీ, మాట మార్చిన తెలుగుదేశం పార్టీ నేతల లిస్టు విడుదల చేసింది. గతంలో వాళ్ళు మాట్లాడిన మాటలు, ఇప్పుడు వాళ్ళు మాట్లాడిన మాటలు లిస్టుని విడుదల చేసారు. జగన్ మోహన్ రెడ్డి (నాడు) :క-రో-నా ప్రాణాంతకం కాదు. (15.03.2020) క-రో-నాకు పారాసిటమల్, బ్లీచింగ్ పౌడర్ చాలు. స్థానిక సంస్థల ద్వారానే క-రో-నా నియంత్రణ సాధ్యం (15.03.2020) ముఖ్యమంత్రి నేనా? నువ్వా? ఆదేశాలన్నీ ఆయనే ఇస్తే నేనెందుకు? క-రో-నా వైరస్ ఓ సాకు. చంద్రబాబు సామాజిక వర్గం కాబట్టే ఎన్నికలు వాయిదా వేశారు. వైకాపా ఘన విజయమని తెలిసే వాయిదా వేశారు. క-రో-నా ఎక్కడుందని (16.03.2020). జగన్ మోహన్ రెడ్డి (నేడు) : ప్రతిపక్ష నాయకుడు, ఆయన కుమారుడు క-రో-నా కు భయపడి హైదరాబాద్ లో వాళ్ల ఇంట్లోనే దాక్కుంటే, ఆయన కోవర్టులు మాత్రం సామన్య ప్రజలు బతికితే ఎంత, చస్తే ఎంత అని ఎన్నికలకు నోటిఫికేషన్లు ఇస్తున్నారు. (11.01.2021). విజయసాయిరెడ్డి (నాడు) : క-రో-నా వైరస్ కన్నా రాష్ట్ర ఎన్నికల కమిషనర్ (ఎస్.ఈ.సి) రమేష్ కుమార్ అంత్యంత ప్రమాదకారి. ఇటలీ నుంచి వచ్చిన వ్యక్తికి కరోనా వచ్చిందని ఎన్నికలు వాయిదా వేయటం హేయమైన చర్య (15.03.2020). విజయసాయిరెడ్డి (నేడు) : స్థానిక ఎన్నికలు ప్రభుత్వం అనుకున్న విధంగానే న్యాయపరమైన చిక్కులు తొలగిన తర్వాతనే నిర్వహిస్తాం. 19.12.2020. బొత్స సత్యనారాయణ(నాడు) : ఎన్నికలు ఆపడం నిబంధనలకు విరుద్ధం. జగన్ మహానాయకుడు. విచక్షణారహితంగా ఎన్నికల నిర్వహణను వాయిదా వేశారు. (16.03.2020). బొత్స సత్యనారాయణ (నేడు) : ఎస్.ఈ.సి. రమేష్ కుమార్ ఎన్నికలకు ఎందుకు ఆత్రుత పడుతున్నారో అర్ధం కావడం లేదు. ఎస్.ఈ.సి తీరు రాజ్యాంగ స్పూర్తిని దెబ్బతీసేలా ఉంది.

అంబటి రాంబాబు (నాడు) : రాష్ట్రంలో ఎన్నికలు వాయిదా పడింది క-రో-నా వైరస్ వల్ల కాదు. క్యాస్టు వైరస్ వల్లే. క-రో-నా 2 వ దశలోకి వెళ్లేలోపు ఎన్నికలు నిర్వహించాలి. (16.03.2020). అంబటి రాంబాబు (నేడు) : ఎవరి మేలు కోసం ఎన్నికల నోటిఫికేషన్ ఇచ్చారు. మొండిగా రాష్ట్ర ఎన్నికల కమిషనర్ నిమ్మగడ్డ రమేష్ కుమార్ పంచాయతీ ఎన్నికల షెడ్యూల్ ప్రకటించడం ప్రజాస్వామ్యంలో అన్యాయమైన ప్రక్రియ. పెద్దిరెడ్డి రామచంద్రారెడ్డి (నాడు) : ఎన్నికలు నిర్వహించాలి. సచివాలయం వ్యవస్థ ద్వారా క-రో-నాను నియంత్రించవచ్చు. పెద్దిరెడ్డి రామచంద్రారెడ్డి (నేడు) : ఒక వ్యక్తి మెప్పుకోసం ప్రజల ప్రాణాలను పణంగా పెట్టి తన ఆధిక్యతను చూపేందుకు ఇచ్చిన ఈ నోటిఫికేషన్ తో ప్రభుత్వం ఎన్నికలు నిర్వహించడం జరగదు. పేర్ని నాని (నాడు) : ఎన్నికల సంఘానికి బాబు వైరస్. కుట్రలో భాగమే స్థానిక ఎన్నికల వాయిదా. పేర్ని నాని (నేడు): టీకా ప్రక్రియ పూర్తయితేనే ఎన్నికలు. ఎన్నికలు వాయిదా వేయడానికి అవసరమైన అన్ని మార్గాలు ఎంచుకుంటాం. ఎస్.ఈ.సి వ్యవహార శైలి ప్రజాస్వామ్య చరిత్రలో దుర్మార్గమైన చర్య. ఆదిమూలపు సురేష్ (నాడు) : క-రో-నా సాకుతో స్థానిక ఎన్నికలు వాయిదా వేశారు. దీనిపై పున:సమీక్షించాలి. ఆదిమూలపు సురేష్ (నేడు): ప్రభుత్వం ప్రతిష్టాత్మకంగా చేపట్టిన అమ్మఒడి కార్యక్రమం యదావిధిగా జరుగుతుంది. అనిల్ కుమార్ యాదవ్ (నాడు) : క-రో-నా సాకుతో ఎన్నికల నిలుపుదల పెద్ద కుట్ర. అనిల్ కుమార్ యాదవ్ (నేడు) : ఎన్నికల పేరుతో సంక్షేమ పథకాలను అడ్డుకుంటున్నారు. కొడాలి నాని (నాడు) : రమేష్ కుమార్ బొచ్చు కూడా పీకలేడు. (13.04.2020). కొడాలి నాని (నేడు) : స్థానిక సంస్థల ఎన్నికల షెడ్యూల్ ను హైకోర్టు రద్దు చేసింది. నైతిక భాద్యత వహిస్తూ రమేష్ కుమార్ తన పదవికి రాజీనామా చేయాలి.