news

రాజకీయ పార్టీలు బయట వ్యక్తుల నుంచి విరాళాలు తీసుకుని పార్టీలు నడపటం సర్వ సాధారణం. ప్రతి ఏడు ఎంత విరాళాలు వచ్చాయి అనేది కేంద్ర ఎన్నికల సంఘానికి అన్ని రాజకీయ పార్టీలు ఇవ్వాలి. సహజంగా ఈ విరాళాలు బ్లాక్ లో ఎక్కువ ఇస్తారు. అవి ఏ రూపాన ఉంటాయో కూడా సామాన్యులకు అర్ధం కాదు. అయితే దీని పై ఊహాగానాలే కాబట్టి, ఏదో గాల్లో మాటలు చెప్పలేం. ఎవరైనా ఎందుకు విరాళాలు ఇస్తారు ? ఆ పార్టీ సిద్ధాంతాలు నచ్చి, ఆ పార్టీ నాయకుల వైఖరి నచ్చి, ఈ పార్టీ ఉండాలి, తమ వంతు సహాయం చేయాలి అనే విధంగా విరాళాలు వస్తూ ఉంటాయి. అయితే అది ఇది వరకటి మాట. ఇప్పుడు అంతా, నీకెంత, నాకెంత లోకి వెళ్ళిపోయింది అనేది అందరికీ తెలిసిందే. తాజాగా వైఎస్ఆర్ కాంగ్రెస్ పార్టీ, ఎన్నికల కమిషన్ కు ఇచ్చిన విరాళాల వివరాలు చూస్తే ఎవరైనా షాక్ అవ్వాల్సిందే. ఎందుకంటే వైసిపీకి ఈ ఏడు భారిగా విరాళాలు వస్తే, అందులో అందరి కంటే ఎక్కువ ఇచ్చిన వ్యక్తిని, గతంలో వైఎస్ఆర్ కాంగ్రెస్ పార్టీ, వాళ్ళ మీడియా చీల్చి చండాడాయి. ఇంతకీ ఎవరు అనుకుంటున్నారా ? ఆయనే చంద్రబాబు, లోకేష్ బినామీ శేఖర్ రెడ్డి. అవును శేఖర్ రెడ్డి చంద్రబాబు, లోకేష్ బినామీ అని వైఎస్ఆర్ కాంగ్రెస్ పార్టీ గతంలో గోల గోల చేసింది. తన మీడియాలో ప్రతి రోజు ఇవే కధనాలు ప్రసారం చేసింది.

అయితే గతంలో చంద్రబాబు బినామీ అయిన శేఖర్ రెడ్డి, ఇప్పుడు వైసీపీకి అతి భారీ విరాళం ఇచ్చారు. అంతే కాదు ఈయనకు వైసిపీ అధికారంలోకి రాగానే తిరుమల తిరుపతి దేవస్థానం బోర్డు మెంబెర్ ని కూడా చేసారు. అప్పట్లో బినామీ అన్న నోటితోనే, ఆయన ఎంతో గొప్పవారు అంటూ, అదే మీడియాలో కధనాలు వేసారు. తరువాత ఇసుక, నెల్లూరులో ఎదో మైనింగ్ కాంట్రాక్టు ఇస్తున్నారని కూడా ప్రతిపక్షాలు ఆరోపించాయి. అయితే వాటిని ఖండించారు. అలాంటి శేఖర్ రెడ్డి కంపనీ, ఇప్పుడు వైఎస్ఆర్ కాంగ్రెస్ పార్టీకి రూ.2కోట్ల 50లక్షలు విరాళం ఇచ్చింది. మొత్తం 2019-20 సంవత్సరంలో, రూ.8కోట్ల 92 లక్షలు విరాళం రాగా, సింహ భాగం శేఖర్ రెడ్డి కంపెనీ జేఎ్‌సఆర్‌ ఇన్‌ఫ్రా డెవలపర్స్‌ ప్రైవేట్‌ లిమిటెడ్‌ కంపెనీ నుంచి వచ్చింది. అయితే ఇది చాలా చిన్న అమౌంట్ అనుకోవచ్చు. ఇదంతా వైట్ మనీ అనేది గమనించాలి. సహజంగా పార్టీలు బయటకు చూపించే విరాళాలు ఇలాగే ఉంటాయి. అయితే ఎవరు ఎంత ఇచ్చినా, ఎవరికీ ఇబ్బంది లేదు కానీ, గతంలో చంద్రబాబు బినామీ అని, ఇప్పుడు ఆయనకు పదవులు ఇచ్చి, ఏకంగా ఆయన దగ్గర నుంచి విరాళాలు తీసుకుంటే ఏమనాలో, ప్రజలే నిర్ణయం తీసుకోవాలి.

రాష్ట్ర పోలీస్ ఆఫీసర్స్ అసోసియేషన్ అధ్యక్షులు జనకులశ్రీనివాస రావు చంద్రబాబునాయుడి వ్యాఖ్యలను తప్పుపట్టారని, చంద్రబాబునాయుడి వ్యాఖ్యలు చట్టాలను అతిక్రమించమని ప్రోత్సహించేలా ఉన్నాయని చెప్పడం జరిగిందని, శ్రీనివాసరావు వ్యాఖ్యలు దున్నపోతు ఈనిందంటేదూడను కట్టేయమన్నట్లుగా ఉన్నాయని టీడీపీ జాతీయఅధికారప్రతినిధి వర్లరామయ్య ఎద్దేవాచేశారు. శుక్రవారం ఆయన తననివాసం నుంచి జూమ్ యాప్ ద్వారా విలేకరులతో మాట్లాడారు. డీజీపీ కార్యాలయంలో ఎవరో తయారుచేసిన నోట్ పై సంతకంపెట్టేసే ఏపీ పీస్ అసోసియేషన్ అధ్యక్షులు శ్రీనివాసరావు, తానువిలేకరులకు పంపిన నోట్ లో కొన్ని అభ్యంతరకర వ్యాఖ్యలు కూడా చేశాడన్నా రు. చంద్రబాబు నాయుడు పోలీసులపై తప్పుడుకేసులుపెట్టమని ప్రోత్సహిస్తున్నారని చెబుతున్న శ్రీనివాసరావు, అతను సంతకం పెట్టిన నోట్ తయారుచేసినవ్యక్తి, ప్రతిపక్షనేత ఏసందర్భంలో ఏమిమాట్లాడారో తెలుసుకుంటే మంచిదని రామయ్య సూచించారు. శ్రీనివాసరావు చంద్రబాబుపై చేసిన వ్యాఖ్యలను తక్షణమే వెనక్కు తీసుకోవాలన్నారు. శ్రీనివాసరావు మీడియావారికిపంపిన నోట్ లో చెప్పినట్లుగా, చంద్రబాబు నాయుడు పోలీసులపై తప్పుడుకేసులు పెట్టమని ఎక్కడా చెప్పలేదన్నారు. (చంద్రబాబునాయుడు ఏం మాట్లాడారో తెలియ చేస్తూ, అందుకు సంబంధించిన వీడియోను రామయ్య విలేకరు లకు ప్రదర్శించారు) పోలీస్ అసోసియేషన్ అధ్యక్షులు శ్రీనివాసరా వు వాస్తవాలు తెలుసుకోకుండా, ఎవరో తయారుచేసిన ప్రెస్ నోట్ లపై సంతకాలు పెడితే దానికే అతనే బాధ్యుడవుతాడని రామయ్య తెలిపారు. టీడీపీవారిని వేధించి, బాధిస్తూ, వారుచేసే ఫిర్యాదులను స్వీకరించకుండా, వైసీపీవారి ఫిర్యాదులను తీసుకొని కక్షపూరితం గా వేధించే పోలీసులపై కేసులు పెట్టాలని మాత్రమే చంద్రబాబు చెప్పారన్నారు. పోలీస్ వ్యవస్థలో కొంతమంది అధికారులు ఎలావ్యవహరిస్తున్నారో శ్రీనివాసరావుకి తెలియదా అనిరామయ్య ప్రశ్నించారు. పోలీసులపై దొంగకేసులు పెట్టమని చంద్రబాబు నాయుడు ఎక్కడన్నారో నిరూపించాలని రామయ్య సవాల్ చేశారు.

చంద్రబాబునాయుడి వ్యాఖ్యల్లో ఏమినేరపూరితం ఉందో, ఆయనేం తప్పుమాట్లాడారో శ్రీనివాసరావు చెప్పాలన్నారు. పోలీసులు ఫిర్యాదులు తీసుకోకుంటే, కోర్టుల్లో ప్రైవేటు కేసులువేయాలని చెప్పడ నేరమెలా అవుతుందన్నారు. టీడీపీ అధినేత ఏంమాట్లాడారో శ్రీనివాసరావు చెబితే, చంద్రబాబు వ్యాఖ్యల్లో తప్పులేదని నిరూపించడానికి తానుసిద్ధంగా ఉన్నానని రామయ్య తెలిపారు. పోలీస్ వ్యవస్థలో చాలాకాలంపనిచేసిన శ్రీనివాసరావుకి రాష్ట్రంలో పోలీసులు ఎలా పనిచేస్తున్నారో తెలియదా అని టీడీపీనేత నిలదీశారు. పై అధికారులుచెప్పింది విని ఎక్కడపడితే అక్కడ సంతకం పెట్టే, శ్రీనివాసరావు పోలీస్ అసోసియేషన్ అధ్యక్షుడిగా ఉండి, ఉపయోగం ఏముంటుందని రామయ్య మండిపడ్డారు. తూర్పుగోదావరి జిల్లాలోని రాజానగరంలో శిరోముండనం కేసులో వైసీపీనేతల మాటలునమ్మి, అన్యాయంగా బలైన ఎస్సైని శ్రీనివాసరావు ఏనాడైనా పరామర్శించాడా అని రామయ్య ప్రశ్నిం చారు. ఆళ్లగడ్డలో ఒక సీఐ,హెడ్ కానిస్టేబుల్ జైలుపాలైతే, పోలీస్ అసోసియేషన్ వారివద్దకు వెళ్లిందా అన్నారు. పోలీస్ వ్యవస్థ గురించి తెలిసిన శ్రీనివాసరావు తన పైఅధికారులు ఏదిచెబితే అది వింటే, ప్రభుత్వచర్యలకు బలవుతున్న పోలీసులకు ఆయనేం న్యాయంచేస్తాడన్నారు? ఏపీ పోలీస్ అధికారుల అసోసియేషన్ నిన్నటికి నిన్న ఇచ్చిన ప్రెస్ నోట్ ని తీవ్రంగా ఖండిస్తున్నానని, చంద్రబాబుని కించపరిచేలా ఎవరైనా ముందుముందు మాట్లాడితే, వారిపై కోర్టులకువెళ్లి చర్యలు తీసుకుంటామని రామయ్య తేల్చిచెప్పారు. పనిచేయని అధికారులపై, పోలీసులపై చట్టరీత్యా చర్యలు తీసుకోవడమనేది రాజ్యాంగం కల్పించిన హక్కని, దాన్ని ఉపయోగించుకోవాలని చంద్రబాబు చెబితే, అదితప్పెలా అవుతుందని రామయ్య ప్రశ్నించారు. పోలీస్ అసోసియేషన్ అధ్యక్షులు తన అసోసియేషన్ కు చేయాల్సిన పనులు చాలాఉన్నాయని, అవన్నీ ఆయన సక్రమంగాచేస్తే, తానే ఆయన్ని అభినందించి సన్మానిస్తానని రామయ్య స్పష్టంచేశారు.

ఒంగోలు దివ్యాంగురాలు భువనేశ్వరి సజీవ ద-హ-నంపై చంద్రబాబు దిగ్భ్రాంతి. ఈ దుర్ఘటనపై సమగ్ర దర్యాప్తు జరపాలని చంద్రబాబు డిమాండ్. ఒంగోలులో దివ్యాంగురాలు భువనేశ్వరి సజీవ ద-హ-నంపై మాజీ ముఖ్యమంత్రి నారా చంద్రబాబు నాయుడు తీవ్ర దిగ్భ్రాంతి వ్యక్తం చేశారు. వార్డు వాలంటీర్ గా పనిచేస్తున్న భువనేశ్వరి అనుమానాస్పద పరిస్థితుల్లో సజీవ ద-హ-నం కావడంపై తీవ్ర ఆవేదన వ్యక్తం చేశారు. ‘‘రాష్ట్రంలో ఇప్పటిదాకా దళితులు, గిరిజనులు, ముస్లింలు, బిసిల మాన ప్రాణాలకు భద్రత లేకపోవడం చూశాం. ఇప్పుడు దివ్యాంగుల మాన, ప్రాణాలకు కూడా రక్షణ లేదనేది ఈ దుర్ఘటనతో వెల్లడైంది. రాష్ట్రవ్యాప్తంగా ఎక్కడ చూసినా అనుమానాస్పద మ-ర-ణా-లు, హ-త్య-లు, హ-త్యా-చా-రా-లు, అమానుష చర్యలు పెరిగిపోవడం ఆందోళనకరం. చిత్తూరు జిల్లా పుంగనూరులో ఓం ప్రతాప్ అనుమానాస్పద మృ-తి తెలిసిందే. అతని కాల్ లిస్ట్ బైటపెట్టాలని కోరినా చర్యలు లేవు. గుంటూరు జిల్లా గురజాలలో దళిత యువకుడు దోమతోటి విక్రమ్ ను హ-త-మా-ర్చా-రు. అతని కాల్ లిస్ట్ బైటపెట్టాలని కోరినా ఫలితం లేదు. ఇప్పుడు ప్రకాశం జిల్లా ఒంగోలులో భువనేశ్వరి సజీవ ద-హ-న-మైం-ది. ఆమె కాల్ లిస్ట్ ను బహిర్గతం చేస్తే నిజానిజాలన్నీ బైటకు వస్తాయి. ఇలాంటి దుర్ఘటనలపై మొదట్లోనే కఠినంగా వ్యవహరించి వుంటే రాష్ట్రంలో శాంతిభద్రతలు ఇంత దారుణంగా క్షీణించే దుస్థితి వచ్చేది కాదు. దోషులను పట్టుకోలేక పోవడం, ఆధారాలు సేకరించలేక పోవడం, ప్రభుత్వ వైఫల్యాలే..

రాష్ట్ర ప్రభుత్వ నిర్లక్ష్య వైఖరి వల్లే ప్రజల ప్రాణాలు గాలిలో దీపాలుగా మారాయి. బైటకెళ్లిన మహిళలు క్షేమంగా తిరిగివచ్చే పరిస్థితి లేకపోవడం బాధాకరం. రాజమండ్రిలో దళిత మైనర్ బాలికపై గ్యాంగ్ రే-ప్, తాడిపత్రిలో, ఉదయగిరిలో,చంద్రగిరిలో అ-త్యా-చా-రా-లు..18నెలల్లో వందలాది మహిళలపై అ-ఘా-యి-త్యా-లు చోటుచేసుకోవడం రాష్ట్రంలో భయానక పరిస్థితులకు నిదర్శనం. భువనేశ్వరి సజీవ ద-హ-నం వెనుక ఏం జరిగింది..? ఇది హ-త్యా, హ-త్యా-చా-ర-మా అనుమానాలను నిగ్గుతేల్చాలి. రాత్రి 8.30గంకు దుర్ఘటన జరిగితే మరుసటి రోజు సాయంత్రం దాకా పోస్ట్ మా-ర్ట-మ్ ఎందుకని జరపలేదు..? 20గంటల జాప్యం పోస్ట్ మా-ర్ట-మ్ లో ఎందుకు జరిగింది..? కుమార్తె మృ-త-దే-హం కోసం కుటుంబ సభ్యులు 20గంటలు ఆసుపత్రి వద్ద పడిగాపులు పడాల్సిన పరిస్థితి ఎందుకు వచ్చింది..? ఈ దుర్ఘటనపై పూర్తిస్థాయిలో అత్యున్నత దర్యాప్తు జరపాలి, నిజానిజాలను బైటపెట్టాలి, దీనికి కారకులను కఠినంగా శిక్షించాలని’’ చంద్రబాబు డిమాండ్ చేశారు.