news

ఒక పార్టీ విధానాలు నచ్చక, వేరే పార్టీలో చేరటం, మనం చూసే రాజకీయాల్లో సర్వ సాధారణం. ఎమ్మెల్యే పదవుల్లో ఉన్న వాళ్ళే, పదవులకు రాజీనామా చేయకుండా పార్టీ మారుతున్న రోజులు ఇవి. రాజీనామా చేయకుండా వస్తే కుదరదు అని చెప్పిన వాళ్ళే రెడ్ కార్పెట్ వేసి స్వాగతం పలుకుతున్నారు. అయితే పదవుల్లో లేని వాళ్ళు, ఆ పార్టీ సిద్ధాంతాలు నచ్చక వేరే పార్టీలో చేరటం సర్వ సాధారణం. అయితే మన రాష్ట్రంలో దానికి కూడా అవకాసం లేనట్టు ఉంది. మా పార్టీని కాదని వేరే పార్టీలోకి వెళ్తావా అంటూ, ఆ నాయకుడుని కిడ్నాప్ చేసిన షాకింగ్ ఘటన, ఇప్పుడు ఏపి రాజకీయాల్లో హాట్ టాపిక్ అయ్యింది. ఎన్నికల్లో పోటీ చేయకుండా కిడ్నాప్ లు చేయటం, మొన్న స్థానిక సంస్థల ఎన్నికల నామినేషన్ సమయంలో చూసాం. అయితే ఇప్పుడు వెరైటీగా, పార్టీ మారతాను అంటే కిడ్నాప్ చేసేస్తున్నారు. ఇక వివరాల్లోకి వెళితే ఆయన గుంటూరు జిల్లా పెదకూరపాడు నియోజకవర్గంలోని చండ్రాజుపాలెంకు చెందిన, వైసీపీ మండల స్థాయి నాయకుడు. ఆయన పేరు గాదె వెంకటరెడ్డి. వైసీపీలో క్రియాశీలకంగా పని చేసిన నాయకుడు. మొన్న ఆరు నెలల క్రితం జరిగిన స్థానిక సంస్థల నామినేషన్ లో కూడా, బెల్లంకొండ జడ్పీటీసీ అభ్యర్ధిగా వైసీపీ తరుపున నామినేషన్ వేసారు. మొన్నటి దాకా వైసిపీ గెలుపు కోసం అన్ని విధాలుగా పని చేసారు. అయితే ఎందుకో కానీ ఆయనకు పార్టీకి గ్యాప్ వచ్చింది.

ఆయన్ను పార్టీ పట్టించుకోవటం మానేసింది. కొద్ది రోజులు క్రితం స్థానిక ఎమ్మెల్యే, ఎంపీ వచ్చిన సమావేశానికి వెళ్ళినా, అక్కడ ఎవరూ పట్టించుకోలేదు. దీంతో కావాలనే తనను పక్కన పెడుతున్నారని, ఇది అవమానంగా భావించి, పార్టీ మారాలని నిర్ణయం తీసుకున్నారు. తెలుగుదేశం పార్టీలో చేరాలని నిర్ణయం తీసుకున్నారు. స్థానిక తెలుగుదేశం నేతలతో మాట్లాడారు. అధిష్టానం నుంచి గ్రీన్ సిగ్నల్ రావటం, జీవీ ఆంజనేయులు, కొమ్మాలపాటి శ్రీధర్‌ హైదరాబాద్ లో ఉండటంతో, వారి సమక్షంలో పార్టీలో చేరాలని, తన అనుచరులతో కలిసి బయలు దేరారు. అయితే ముందుగా ఆయన నలుగురుతో కలిసి కార్ లో హైదరాబాద్ బయలు దేరి వెళ్ళగా, కొద్ది సేపటి తరువాత, ఒక వంద మంది అనుచరులు కూడా హైదరాబాద్ వెళ్లారు. అయితే, హైదరాబాద్‌ అవుటర్‌ రింగ్‌రోడ్డు వద్ద ఆయన కారు ఆపిన కొంత మంది గుర్తు తెలియని వ్యక్తులు, కారు తాళాలు లాక్కుని, ఆయన్ను తీసుకుని వెళ్లారు. ఆయన ఆచూకీ కోసం వెతుకుతూ ఉండగా, తాను హైదరాబాద్ లో ఉన్నానని చెప్పటంతో ఊపిరి పీల్చుకున్నారు. అయతే ఆయన తనని ఎవరూ కిడ్నాప్ చేసినట్టు చెప్పలేదు. అయితే ఇదంతా వైసీపీ చేసిన పని అంటూ తెలుగుదేశం పార్టీ ఆరోపిస్తుంది. చివరకు పార్టీ మారతాం అంటే కూడా, ఇలా వేదిస్తారా అంటూ తెలుగుదేశం ప్రశ్నిస్తుంది. అయితే ఇది కిడ్నాప్ ఆ, లేదా బెదిరించారా అనేది మిస్టరీ గానే మిగిలిపోయింది.

నిన్న బీహార్ ఎన్నికలు, వివిధ రాష్ట్రాల్లో జరిగిన ఉప ఎన్నికల ఫలితాలు వచ్చాయి. అన్నిట్లో బీజేపీ ముందంజులో ఉండి విజయం సాధించింది. ముఖ్యంగా తెలంగాణాలో జరిగిన దుబ్బాక ఉప ఎన్నికలో బీజేపీ అనూహ్య విజయం సాధించింది. మెజారిటీ పెద్దగా ఎక్కువ లేకపోయినా, టీఆర్ఎస్ పై విజయం సాధించింది. ముఖ్యంగా దుబ్బాకలో గత మూడు సార్లుగా బీజేపీ నుంచి రఘునందన్ రావు పోటీ చేస్తూ వస్తున్నారు. ఆయన పై సానుభూతి ఉంది. ఇక సహజంగానే అక్కడ కాంగ్రెస్ వీక్, గతంలో వచ్చిన ఓట్లే ఇప్పుడు కాంగ్రస్ కు వచ్చాయి. అయితే ఇక్కడ బీజేపీ విజయం కన్నా, రఘునందన్ రావు ఎక్కువ పని చేసిందని భావిస్తున్నారు. ఇక మరో పక్క తెలంగాణాలో బీజేపీ మొదటి నుంచి ఒక శక్తిగానే ఉంది. గట్టి పోటీ ఇస్తూనే ఉంది. ఎంపీలుగా కూడా ఉన్నారు. తెలంగాణాలో అలాంటి చోట బీజేపీ గెలిచింది అంటే అర్ధం ఉంది. అయితే ఈ వెయ్యి ఓట్ల మెజారిటీ విజయం చూసి, ఆంధ్రప్రదేశ్ లో బీజేపీ నేతలు ఉత్సాహ పడుతున్నారు. ఇక మా అడుగులు ఆంధ్రప్రదేశ్ వైపే అంటూ, ప్రగల్భాలు పలుకుతున్నారు. ఎంతో కొంత క్యాడర్ ఉండి, బలం ఉన్న తెలంగాణాలోనే వాళ్లకు ఉంది ఇద్దరు ఎమ్మేల్యేలు. టీఆర్ఎస్, కాంగ్రెస్ ని దాటుకుని రావాలి అంటే, ఈ స్థాయిలో పని చేస్తే, మరో రెండు టర్మ్ లకు, అక్కడ అధికారానికి దగ్గర కావచ్చు. అయితే అలాంటి చోటే, బీజేపీకి అధికారం అందని ద్రాక్ష అంటుంటే, ఇక్కడ బీజేపీ నేతలు మాత్రం, మేమే కాబోయే కింగ్ అంటున్నారు. విష్ణువర్ధన్ రెడ్డి లాంటి వాళ్ళు ట్విట్టర్ లో ప్రాసలతో ట్వీట్లు వేస్తుంటే, సోము వీర్రాజు లాంటి వాళ్ళు, ప్రెస్ మీట్లు పెట్టి మాదే అధికారం అంటున్నారు. అయితే ఏ పార్టీ అయినా అధికారం కోసమే పని చేస్తుంది. ఇందులో రెండో ఆలోచన లేదు. ఎంత చిన్న పార్టీ అయినా గెలుస్తుందని, ఇదే బీజేపీ, రెండు సీట్లు నుంచి దేశాన్ని ఏలే స్థాయికి వచ్చింది.

అయితే ఇక్కడ బీజేపీకి ఆ అవకాశమే లేదు. ఎందుకుంటే ఆంధ్రప్రదేశ్ రాష్ట్ర ప్రజలకు అన్యాయం చేసారు, చేస్తూనే ఉన్నారు అనే భావన ప్రజల్లో ఉంది. అందుకే 2019లో, వీళ్ళు ఆంధ్రప్రదేశ్ రాష్ట్రానికి చేసిన అన్యాయానికి, నోటా కంటే, ఇంకా చెప్పాలి అంటే రాష్ట్రాన్ని విడగొట్టిన కాంగ్రెస్ కంటే, బీజేపీకి తక్కువ సీట్లు ఇచ్చారు. 2019లో బీజేపీకి 0.84 శాతం ఓట్లు వస్తే, కాంగ్రెస్ కు 1.17 శాతం, నోటా కి 1.2 8 శాతం ఓట్లు వచ్చాయి. ఇది ఏపిలో బీజేపీ పరిస్థితి. ఈ 18 నెలల్లో ఏమైనా బలపదిండా అంటే, చంద్రబాబు నామస్మరణ ఎక్కువగా, జగన్ ని టార్గెట్ చేయటం అతి తక్కువగా కనిపిస్తుంది. మరి అధికార పార్టీకి తోక పార్టీ అనే అభిప్రాయంతో, కేంద్రం నుంచి విభజన హామీలు ఏమి పూర్తి కాకుండా, అమరావతిని ఆపేస్తే నోరు ఎత్తకుండా, పోలవరం ప్రాజెక్ట్ ని గాల్లో పెట్టి, ప్రత్యెక హోదాని పడుకోబెట్టిన బీజేపీ, ఇవేమీ ఏపి ప్రజలకు చేయకుండా ఎలా అధికారంలోకి వస్తుంది ? కోడి గుడ్లు ఇచ్చాం, అది ఇచ్చాం ఇది ఇచ్చాం అంటారు, ఇవన్నీ అన్ని రాష్ట్రాలకు ఇస్తారు, రాష్ట్రాల డబ్బులు తీసుకునే ఇస్తారు, కానీ ఏపికి మాత్రం ప్రత్యేకంగా విభజన చట్టం ఉంది. అది నెరవేర్చకుండా అన్యాయం చేస్తూ ఉంటే, ఈ సారి కూడా నోటా దాటలేరు. ప్రజలకు మేలు చేసే పనులు చేస్తేనే, బీజేపీ నేతలు కంటున్న కలలు సాకారం అయ్యేది. వైసిపీ, తెలుగుదేశం పార్టీలను ఓడించేది.

ఆంధ్రప్రదేశ్ రాష్ట్ర చరిత్రలో మిస్టరీగా మారిన హైప్రొఫైల్ కేసు అయిన, వైఎస్ వి-వే-క హ-త్య కేసు, హైకోర్టు ఆదేశాలు ప్రకారం సిబిఐకి విచారణ చేయమని ఇచ్చిన సంగతి తెలిసిందే. ఈ రోజు వైఎస్ వి-వే-క కేసు హైకోర్టులో విచారణకు వచ్చింది. ఈ రోజు ఈ కేసు పై, హైకోర్టు కీలక ఆదేశాలు జారీ చేసింది. వైఎస్ వి-వే-క కేసుకు సంబంధించి, తమకు మొత్తం రికార్డులు అన్నీ ఇవ్వాలని చెప్పి, సిబిఐ అధికారుల బృందం, పులివెందుల మాజిస్త్రేట్ కోర్టులో పిటీషన్ దాఖలు చేసింది. అయితే తమకు పై నుంచి, ఎటువంటి ఆదేశాలు లేవని, అందుకనే ఈ కేసుకు సంబంధించి ఎటువంటి రికార్డులు ఇవ్వటం కుదరదని, పులివెందుల మేజిస్ట్రేట్, సిబిఐ అధికారులకు తెలియ చేసారు. దీంతో సిబిఐ బృందం ఈ కేసు విషయమై మొత్తం హైకోర్టు చూస్తుంది కాబట్టి, హైకోర్టులో పిటీషన్ దాఖలు చేసారు. దాదాపుగా 15 రోజులు క్రితం, తమకు పులివెందుల కోర్టు నుంచి, ఈ కేసుకు సంబంధించి పూర్తి రికార్డులు కావాలని, హైకోర్టులో పిటీషన్ దాఖలు చేసారు. ఈ పిటీషన్ కు సంబంధించి విచారణ చేపట్టిన హైకోర్టు, ఈ రోజు ఆదేశాలు జరీ చేసింది. వైఎస్ వి-వే-క కేసుకు సంబధించి ఏమైతే రికార్డులు ఉన్నాయో, ఆ రికార్డులు అన్నీ కూడా సిబిఐకు వెంటనే ఇవ్వాలని, పులివెందుల మేజిస్ట్రేట్ ను ఆదేశిస్తూ, ఆంధ్రప్రదేశ్ హైకోర్టు, ఆదేశాలు జారీ చేసింది.

దీనికి సంబంధించి, అన్ని వివరాలు, రికార్డులు, ఏమైతే సిబిఐ అధికారులు , పులివెందుల మేజిస్ట్రేట్ కోర్టులో కోరారో ఆ వివిరాలు, అదే విధంగా హైకోర్టుని కోరారో, దానికి సంబధించిన అన్ని రికార్డులు వెంటనే సిబిఐ అధికారులకు అప్పగించాలని, ఇవి దర్యాప్తులో ఎంతో కీలకం అని, అందుకే ఈ రికార్డులు అన్నీ కూడా ఈ దర్యాప్తులో పూర్తి స్థాయిలో అవసరం అవుతాయి కాబట్టి, తమకు ఆ రికార్డులు ఇవ్వాలని సిబిఐ కోరటంతో, హైకోర్టు, ఆ రికార్డు లు ఇవ్వటానికి ఒప్పుకొంది. దీంతో ఈ విచారణ ముగిసింది. హైకోర్టు ఆర్డర్ కాపీ అందగానే, పులివెందుల కోర్టు నుంచి, ఈ కేసుకు సంబదించిన అన్ని రికార్డులు తీసుకోనున్నారు. ఇందులో ముఖ్యంగా పో-స్ట్ మా-ర్టం రిపోర్ట్ తో పాటు, అనేక రికార్డులు, పోలీస్ దర్యాప్తు, సిట్ దర్యాప్తు, ఇవన్నీ రికార్డులు సిబిఐ అధికారులు తీసుకునే అవకాసం ఉంది. ఇప్పటికే ఈ కేసు పై రెండు దఫాలుగా సిబిఐ విచారణ చేసింది. పులివెందుల, కడప వేదికగా విచారణ జరిగింది. సిబిఐ అధికారులకు క-రో-నా రావటంతో, దర్యాప్తు నెమ్మదించింది. తన తండ్రి కేసు దర్యాప్తు పై, ఏపి పోలీసుల పై నమ్మకం లేదని, తమకు సిబిఐ కావాలని వి-వే-క కూతురు కోరటంతో, హైకోర్టు ఇందుకు ఒప్పుకున్న సంగతి తెలిసిందే.