news

ఆంధ్రప్రదేశ్ ప్రభుత్వం ఇప్పటికే ఉన్న రాజధాని అమరావతిని, ఇప్పటికే 10 వేల కోట్లు ఖర్చుపెట్టి, సచివాలయం, హైకోర్టు, అసెంబ్లీ ఉన్న రాజధానిని, మూడు ముక్కలు చేస్తూ నిర్ణయం తీసుకున్న విషయం తెలిసిందే. అయితే ఈ నిర్ణయం తీసుకుని దగ్గరి దగ్గర ఏడాది అవుతున్నా, జగన్ మోహన్ రెడ్డి మాత్రం, తాను అనుకున్నది చేయలేక పోతున్నారు. ఒక పక్క అమరావతి మహిళలు, రైతుల పోరాటం ఒక వైపు అయితే, మరో పక్క న్యాయపోరాటంలో, వైసీపీకి చిక్కులు తప్పటం లేదు. కొన్ని పిటీషన్లలో అయితే, ఏమని సమాధానం చెప్పాలో తెలియక తిప్పలు పడుతూ, వాయిదాలు కోరుతున్నారు. ఇక విషయానికి వస్తే, గతంలో చంద్రబాబు హయాంలో, గన్నవరం ఎయిర్ పోర్ట్ అనేది చాలా చిన్నదిగా ఉండటంతో, ఎయిర్ పోర్ట్ విస్తరణ బాధ్యత చంద్రబాబు తీసుకున్నారు. ఇంటర్నేషనల్ ఎయిర్ పోర్ట్ గా కూడా మార్చేసారు. అయితే మరింత భూమి కావాల్సి రావటంతో, గన్నవరం ఎయిర్పోర్ట్ చుట్టు పక్కల భూములు కోసం ప్రయత్నాలు చేసారు. అక్కడ ప్రజలు ముందుగా ఒప్పుకోలేదు. ఎందుకంటే అక్కడ చాలా విలువైన భూమి. ప్రభుత్వం ఇచ్చే పరిహారం తక్కువగా ఉంటుంది. అయితే చంద్రబాబు ప్రభుత్వం, వినూత్నంగా, ఇక్కడ భూములు ఇస్తే, అమరావతి రాజధానిలో భూములు ఇస్తాం అంటూ, ఒప్పందం చేసుకోవటంతో, రైతులు ముందుకు వచ్చారు. మనకంటూ అమరావతిలో భూమి ఉంటుందని ఆశ పడి, ప్రభుత్వంతో అగ్రిమెంట్ చేసుకున్నారు. వీరిలో సినీ నిర్మాత అశ్వినీదత్, అలాగే ప్రముఖ హీరో కృష్ణంరాజు కూడా తమ భూములు ప్రభుత్వానికి ఇచ్చారు.

అయితే ఇప్పుడు అమరావతిని, కొత్తగా వచ్చిన ప్రభుత్వం నిర్వీర్యం చేయటంతో, రేట్లు పడిపోయాయి. అందుకే ఇప్పుడు అశ్వినీదత్ కోర్టుకు వెళ్లారు. తాను 39 ఎకరాలు ఎయిర్ పోర్ట్ కోసం ఇచ్చానని, అగ్రిమెంట్ ప్రకారం అమరావతిలో భూములు ఇస్తాం అన్నారని, అయితే ఇప్పుడు అక్కడ రాజధాని వెళ్ళిపోతుంది కాబట్టి, తమకు పరిహారం ఇప్పించాలని, కోర్టులో కేసు వేసారు. అయితే గతంలో ప్రభుత్వానికి కౌంటర్ దాఖలు చేయటానికి సమయం ఇచ్చింది కోర్టు. నిన్న ఈ కేసు విచారణకు రాగా, తమకు మరింత సమయం కావాలని ప్రభుత్వం కోరింది. అగ్రిమెంట్ కు లోబడి ఉండాలి అంటూ, కోర్టు ఈ పిటీషన్ ని నవంబర్ 17కు వాయిదా వేసింది. అయితే అగ్రిమెంట్ పక్కాగా ఉండటంతో, ప్రభుత్వం కౌంటర్ ఇవ్వటానికి ఇబ్బంది పడుతుందేమో అని విశ్లేషకులు అభిప్రయపడుతున్నారు. పరిహారం ఇవ్వాల్సి వస్తే భారీగా ఇవ్వాల్సి ఉంటుందని, ఇప్పటి వరకు అమరావతి రైతులు ఇక్కడ నుంచి అమరావతి తరలించవద్దు అంటూ న్యాయ పోరాటం చేస్తున్నారని, తమ అగ్రిమెంట్ ప్రకారం పరిహారం కావాలని వారు కూడా కోరితే, 33 వేల ఎకరాలకు పరిహారం ఇవ్వాల్సి వస్తే, ప్రభుత్వానికి ఇబ్బందులు తప్పవు అనే అభిప్రాయం వ్యక్తం అవుతుంది. మరి ఇవన్నీ తెలిసే ప్రభుత్వం అమరావతిని మూడు ముక్కలు చేస్తుందా ? ప్రభుత్వం ఏమని వాదనలు వినిపిస్తుందో చూడాలి.

ఆంధ్రప్రదేశ్ హైకోర్టు మరోసారి నిప్పులు చెరిగింది. మీకు మా తీర్పు ఇష్టం లేకపోతే సుప్రీం కోర్టుకు వెళ్ళండి, అంతే కానీ మా తీర్పుని పాటించం, మా ఇష్టం అంటే కుదరదు, మీ పై కోర్టు ధిక్కరణ చర్యలు తీసుకునే అన్ని అవకాశాలు మాకు ఉన్నాయి, దీని పై సుమోటోగా చర్యలు తీసుకోవటానికి కూడా వెనుకాడం, మేము ఎంత వరకు అయినా వెళ్తాం, హద్దుల్లో ఉండమని మీ అధికారులకు చెప్పండి, రాజకీయ నాయకులకు వత్తాసు పలుకుతాం అంటే కుదరదు, మిమ్మల్ని ఎవరు వచ్చి కాపాడతారో చూస్తాం అంటూ హైకోర్టు తీవ్ర ఆగహ్రం వ్యక్తం చేసింది. చిత్తూరు జిల్లా తిరుమలయప్పపల్లిలో నిబంధనలకు విరుద్ధంగా అక్కడ గ్రామా సచివాలయం కడుతున్నారు అంటూ, ప్రజా ప్రయోజన వాజ్యం గత్మలో హైకోర్టులో దాఖలు అయ్యింది. దీని పై సెప్టెంబర్ నెలలో స్పందించిన హైకోర్టు, స్టేటస్ కో ఉత్తర్వులు ఇచ్చింది. దీంతో అక్కడ ఏ నిర్మాణాలు జరపటానికి వీలు లేదు. అయితే మళ్ళీ అక్కడ అధికరులు గ్రామ సచివాలయం కాకుండా, రైతు భరోసా కేంద్రం నిర్మాణం మొదలు పెట్టారు. అయితే హైకోర్టు ఉత్తర్వులు ఉల్లంఘించి అక్కడ నిర్మాణాలు జరుగుతున్నాయి అంటూ, పిటీషనర్ మళ్ళీ కోర్టుకు వచ్చారు. కోర్టుకు విషయం తెలిపారు. హైకోర్టు ఆదేశాలకు భిన్నంగా అక్కడ మరో నిర్మాణం చేస్తున్నారని, తెలివిగా, ఆన్లైన్ లో , సర్వే నెంబర్ కనిపించకుండా చూసుకున్నారని, కోర్టుకు తెలిపారు. అయితే మేము ఉత్తర్వులు ఇచ్చినా, అక్కడ ఎలా నిర్మాణం చేపడతారు అంటూ హైకోర్టు ఆగ్రహం వ్యక్తం చేసింది.

ఇప్పడు ఈ రైతు భరోసా కేంద్రం పై స్టేటస్ కో ఇస్తే, రేపు మరో బిల్డింగ్ కడతారా అని ప్రశ్నించింది. అయితే దీని పై స్పందించిన ప్రభుత్వ న్యాయవాది, గతంలో గ్రామ సచివాలయం పైనే కోర్టు ఉత్తర్వులు ఉన్నాయని, ఆ స్థలం పెద్దదని, దాని పక్కన ప్రజలకు ప్రయోజనం చేకూర్చేలా, రైతు భరోసా కేంద్రం ఏర్పాటు చేస్తున్నామని కోర్టుకు తెలిపారు. దీని పై కోర్టు భగ్గు మంది, ఏది ప్రజా ప్రయోజనమో మాకు తెలుసు, అని విషయాల గురించి మాకు తెలిసు. ఒకసారి మేము ఉత్తర్వులు ఇచ్చిన తరువాత కూడా అక్కడ వేరే నిర్మాణం ఎలా చేపడతారు, ఇది కోర్టు ధిక్కారం కాదా ? మేము ఇచ్చిన తీర్పులో ప్రతి అక్షరం పాటించాల్సిందే, మీకు అభ్యంతరాలు ఉంటే సుప్రీం కోర్టుకు వెళ్ళండి. అంతే కానీ కోర్టు ఉత్తర్వులు ధిక్కరించే హక్కు మీకు లేదు అంటూ కోర్టు వ్యాఖ్యానించింది. గతంలో పాట్నాలో ఒక జిల్లా మేజిస్ట్రేట్‌ కోర్టు ధిక్కారానికి పాల్పడితే, కోర్టుకు పిలిపించి, అటు నుంచి అటే జైలుకు పంపించిన విషయాన్ని గుర్తు చేసింది. దీని పై కోర్టు ధిక్కారం కింద పిటీషన్ దాఖలు చేయాలనీ, పిటీషనర్ ను కోరింది. రాజకీయ నాయకులకు వత్తాసుగా అధికారులు ఉంటాం అంటే కుదరదు అని, మేము ఆక్షన్ తీసుకుంటే ఎవరు వస్తారో చూస్తాం అంటూ ఘాటుగా వ్యాఖ్యానించింది. ఆ స్థలంలో ఎలాంటి నిర్మాణాలు చేపట్టవద్దని ఉత్తర్వులు ఇచ్చి, కేసుని డిసెంబర్ నెలకు వాయిదా వేసింది, హైకోర్టు.

ప్రజాస్వామ్యంలో, ప్రజలే నిర్ణేతలు. ఎప్పుడు ఎత్తుతారో, ఎప్పుడు పడేస్తారో తెలియదు. ప్రతిక్షణం వారికి సేవ చేస్తూనే ఉండాలి. వారి మన్ననలు పొందుతూనే ఉండాలి. మనలో ఎంత గర్వం ఉన్నా, ఎంత అహంకారం ఉన్నా, అది బయట పడిన రోజు, ఏమి మిగలదు. ఇది చరిత్ర చెప్పిన సత్యం. మహా మహులు అయిన ఇందిరా గాంధీ, అన్న ఎన్టీఆర్ లాంటి వాళ్ళు కూడా ప్రజాగ్రహానికి గురికాక తప్పలేదు. రెండు సీట్లు ఉన్న బీజేపీ, ఇప్పుడు దేశంలో అన్ని రాష్ట్రాల్లో పాగా వేస్తుంది అంటే, ప్రజాస్వామ్యం గొప్పదనం. ఎంత తొందరగా పైకి ఎగబాకుతారో, అహంకారం తలకు ఎక్కితే అంతే తొందరగా కింద పడిన సందర్భాలు ఎన్నో. అధికారం ఉన్నది ప్రజలకు సేవ చేయటానికి కానీ, ప్రతిపక్షాల పై కక్ష తీర్చుకోవటానికి కాదు. రాజకీయం అనేది, ఏదైనా ఒక లిమిట్ వరకు ప్రజలు ఒప్పుకుంటారు కానీ, శ్రుతిమించితే కత్తిరిస్తారు. ప్రస్తుతం ఆంధ్రప్రదేశ్ రాష్ట్రంలో అధికార పక్షానికి, అహంకారం అనేది తారా స్థాయిలో ఉంది. 151 సీట్లు ఉన్నాయి, మాకేంటి అనే ధీమాలో ఉన్నారు. ప్రజలకు వివిధ సంక్షేమ పధకాలతో ఆకట్టుకుంటున్నాం, మాకేంటి అనే ధీమాలో ఉన్నారు. కానీ గత ప్రభుత్వం ఇంతకంటే ఎక్కువే సంక్షేమం చేసింది, కానీ ఎందుకు ఓడిపోయింది. ప్రస్తుత అధికార పక్షం ఇది గుర్తిస్తున్నట్టు లేదు. నిన్న గుడివాడలో, జగన్ మోహన్ రెడ్డి పాదయాత్ర మొదలై మూడేళ్ళు అయిన సందర్భంగా ర్యాలీ చేసారు.

ఇందులో మంత్రి కొడాలి నాని పల్గుని, తెలుగుదేశం పార్టీ పై ఘాటు వ్యాఖ్యలు చేసారు. తెలుగుదేశం నాయకులు నా ఇల్లు నా సొంతం అంటూ రోడ్డు ఎక్కి షో చేస్తున్నారని, ఇళ్ళ పట్టాలను కోర్టుకు వెళ్లి చంద్రబాబు ఆపారని, జగన్నాధ రధ చక్రాల కింద, తెలుగుదేశం పార్టీని నల్లిని నలిపినట్టు నలిపెస్తాం అంటూ, ఎంతో అహంకారంగా మాట్లాడారు. అయితే తెలుగుదేశం వాళ్ళు నచ్చకపోతే, ప్రజలే నలిపెస్తారు. ఇక్కడ జగన్ నలిపేది ఏమి ఉండదు. ప్రజలు తలుచుకుంటే, ఎవరిని అయినా నలిపేస్తారు. అహంకారం ఉన్న వాళ్ళని, ప్రజాస్వామ్యంలో ప్రజలు అసలు హర్షించారు. గత రెండు రోజులుగా అమెరికా నుంచి, నేటి దుబ్బాక దాకా ప్రజలు చెప్పింది అదే. 2008 నుంచి, ఉప ఎన్నికల్లో ఓటమి ఎరుగని టీఆర్ఎస్, నేడు ఎందుకు ఓడిపోయింది ? గెలుస్తానని ధీమాగా చెప్పిన ట్రంప్ ఎందుకు ఓడిపోయారు ? వీళ్ళు కూడా ప్రజలకు అనేక సంక్షేమ కార్యక్రమాలు చేసిన వారే. కానీ వీరి ఓటమికి అహంకారం, నిర్లక్ష్యపు వైఖరి అనేవి ప్రధాన కారణాలుగా విశ్లేషకులు చెప్తున్నారు. రాజకీయం అంటే బూతులు తిట్టటం, అహంకారం ప్రదర్శించటం కాదు. ఒకరికి మించి మరొకరు ప్రజలకు సేవ చేసి, వారి అభిమానాన్ని పొందటం. ఇవి కాకుండా అహంకారంతో ముందుకు పొతే, ప్రజలే చూసుకుంటారు. కొంచెం లేట్ అవ్వొచ్చు ఏమో కానీ, ప్రజాస్వామ్యం తప్పకుండ వర్ధిల్లుతుంది.