news

జగన్ మోహన్ రెడ్డి మాట తప్పను, మడమ తిప్పను అంటూ, ఎన్నికల ప్రచారంలో కానీ, లేక వివిధ సందర్భాల్లో కానీ వాడే మాట ఇది. ప్రతిపక్షంలో ఉండగా, పెన్షన వెయ్యి రూపాయాలు వచ్చే సమయంలో, నేను అధికారంలోకి వస్తే రెండు వేలు చేస్తా అని ప్రకటించారు. అయితే అప్పటికే అప్పటి టిడిపి ప్రభుత్వం, పెన్షన్ రెండు వేలు చేసింది, దీంతో వెంటనే మూడు వేలు అంటూ చెప్పేసారు. ఇదేదో వేలంపాటలాగా ఉన్నా, ప్రజలకు మాత్రం ఇది నచ్చింది. మాట తప్పను, మడమ తిప్పను, ఒక్క ఛాన్స్ అంటున్నాడు కదా అని ఒక్క చాన్స్ ఇచ్చారు. అయితే ప్రమాణస్వీకారం రోజు, పెన్షన్ రెండు వేల నుంచి మూడు వేలు అయిపోతుందని, అవ్వా తాతలు సంతోష పడ్డారు. అయితే అలా కుదరదు అంటూ జగన్ మోహన్ రెడ్డి జర్క్ ఇచ్చారు. రెండు వేలు నుంచి కేవలం 250 పెంచి, 2250 ఇచ్చారు. ప్రతి ఏడు 250 పెంచుకుంటూ పోతానని అన్నారు. నేను మూడు వేలు ఒకేసారి పెంచుతానని చెప్పలేదని, పెంచుకుంటూ పోతానని చెప్పారు. సరి అప్పటికే అధికారంలోకి వచ్చేసారు కాబట్టి, ఇంకా అవ్వా తాతలు చేసేది ఏముంది. ఎదో ఒకటి 250 పెరిగాయి కదా అని సంతోషించారు. వచ్చే ఏడాది మరో 250 పెరుగుతుంది కదా, 2500 అవుతుందని సంతోష పడ్డారు. అయితే ఏడాది దాడి పోయింది, అదిగో ఇదిగో అని పేపర్ లో లీక్ లు ఇస్తున్నారు. అలా మరో ఆరు నెలలు గడిచిపోయాయి.

ఏడాది దాటి ఆరు నెలలు అయినా, పెంచుతాను అన్న 250 పెంచలేదు. అదిగో ఈ నెల, ఇదిగో ఈ నెలా అంటూ తమ అనుకూల మీడియాలో లీకులు ఇచ్చి, అవ్వా తాతలను ఆశ పెడుతూ వచ్చారు. ఈ నవంబర్ నుంచి అయినా పెంచుతారని ఆశగా చూస్తే, ఈ సారి కూడా పెంచలేదు. ఇంతోటి దానికి హామీలు ఇవ్వాటం దేనికి, అంటూ కొంత మంది వాపోతున్నారు. అయితే ఇందులో వాలంటీర్లు నలిగిపోతున్నారు. ప్రతి నెల పెన్షన్ ఇవ్వటానికి వెళ్తుంటే, ఈ నెల అయినా పెంచారా అని అవ్వా తాతలు అడిగే ప్రశ్నలకు, ఈ వాలంటీర్ల దగ్గర సమాధానం లేదు. ఏదో తప్పించుకోవటానికి, వచ్చే నెల ఆ వచ్చే నెల అంటూ, సమాధానం చెప్పి వచ్చేస్తున్నారు. అయితే ప్రభుత్వం తొందరగా పెంచితే, బాగుండు అని, వారికి సమాధానం చెప్పలేక పోతున్నాం అని, వారు ఆశగా అడుగుతుంటే బాధ వేస్తుందని వాపోతున్నారు. అయితే కొంత మంది స్థానికి వైసీపీ నేతలు, ఎప్పుడు పెంచినా, ఈ ఏడాది మొదటి నుంచి పెండింగ్ లో ఉన్న పెంపు, బకాయల రూపంలో వస్తుంది అంటూ, వారిని మభ్య పెడుతున్నారు. ఇప్పటికే ఈ క-రో-నా తీవ్ర ఇబ్బందులు ఎదురు అవుతున్నాయని, ప్రభుత్వం తొందరగా పెన్షన్ పెంచాలని, ఇచ్చిన మాటకు కట్టుబడి, ఈ ఏడాది మొదటి నుంచి బకాయ పడ్డ పెన్షన్ కూడా, ఒకేసారి కలిపి ఇవ్వాలని కోరుతున్నారు.

మాట తప్పం, మడమ తిప్పం అంటూ, వైసిపీ నేతలు చెప్పే డైలాగులకు, గ్రౌండ్ లో జరుగుతున్న పనులకు పొంతన లేకుండా పోతుంది. ఒక్క విషయంలో కాదు, అన్ని విషయాల్లో పనులు అలాగే చేస్తున్నారు. ప్రత్యేక హోదా నుంచి, సిపీఎస్ వరకు, 45 ఏళ్ళ పెన్షన్ నుంచి వివిధ పధకాల వరకు, చెప్పింది ఒకటి చేసింది ఒకటి. ముఖ్యంగా జగన్ మోహన్ రెడ్డి అధికారంలోకి వచ్చిన తరువాత, చంద్రబాబు ఇసుకలో అవినీతి చేసారని ఇసుక పాలసీ మార్చేసారు. రెండు సార్లు మార్చారు. విచిత్రం ఏమిటి అంటే, చంద్రబాబు టైం కంటే, ఇప్పుడు ఇసుక ధర 5 రెట్లు ఉంది. ఇక మరో పక్క మద్యం కూడా అంతే. మొన్నటి దాకా ధరలు షాక్ కొట్టే విధంగా ఉంటే తాగటం మానేస్తారని, ధరలు పెంచాం అన్నారు. తీరా ఇప్పుడు చుస్తే, ఇప్పటికి ధరలు రెండు సార్లు తగ్గించారు. అంటే తాగమని తగ్గించారా ? వివిధ రకాల చార్జీలు, కరెంటు చార్జీలు అంతే. ఈ రేట్లు అన్నీ పూర్తిగా పూర్తిగా తగ్గిస్తాను అంటూ ప్రమాణస్వీకారం రోజు చెప్పి, ఇప్పుడు రెండింతలు పెంచేసారు. ఇలా మాట తప్పుతూ, మడమ తిప్పుతూ పాలన సాగిస్తున్న జగన్ మోహన్ రెడ్డి, ఇప్పుడు మరో విషయంలో కూడా మాట తప్పి, మడమ తిప్పేసారు. అదే విద్యుత్ ఒప్పందాలు విషయం. ఈ విద్యుత్ ఒప్పందాల విషయం, అంతర్జాతీయ స్థాయిలో గోల గోల అయ్యింది. వివిధ దేశాలు కూడా, మన రాష్ట్ర వైఖరి పై కేంద్రానికి కూడా ఫిర్యాదు చేసాయి.

అధికారంలోకి వచ్చిన మొదటి అసెంబ్లీ సమావేశంలో, అసెంబ్లీలో ఒక ప్రెజెంటేషన్ వేసి, చంద్రబాబు విద్యుత్ ఒప్పందాల్లో దోచుకున్నారు అని, అసలు కంపెనీలకు 25 ఏళ్ళతో ఒప్పందం ఏమిటి, బుర్ర బుద్ధి ఉన్నవాడు ఎవరైనా 25 ఏళ్ళకు ఒప్పందం చేసుకుంటారా, టెక్నాలజీ మారిపోతూ వస్తుంది కదా, ఎందుకు ఇలా అంటూ ఒక రేంజ్ లో చంద్రబాబు పై విరుచుకుని పడ్డారు. ఇదంతా అవినీతి అని తేల్చేసారు. అయితే ఇప్పుడు 18 నెలలు తరువాత మాట తప్పి, మడమ తిప్పేసారు. చంద్రబాబు గతంలో కేంద్రం మార్గదర్శకాలు ప్రకారం 25 ఏళ్ళకు ఒప్పందం కుదుర్చుకుంటే, ఇప్పుడు కొత్త రూల్స్ తెచ్చిన జగన్ ప్రభుత్వం, 30 ఏళ్ళ వరకు ఒప్పందాలు చేసుకునే విధంగా రూల్స్ మార్చేసారు. అప్పట్లో తప్పు అని, బుద్ధి ఉందా అని, అవినీతి చేసేసారు అని చెప్పి, ఇప్పుడు కేంద్రం చెప్పిన దాని కంటే ఎక్కువగా 30 ఏళ్ళకు ఒప్పందం చేసుకోవటం పై అందరూ ఆశ్చర్యపోతున్నారు. అంటే అప్పట్లో చంద్రబాబు పై చేసిన విమర్శలు అన్నీ రాజకీయ విమర్శలేనా ? ప్రజలు మర్చిపోతారని అనుకున్నారా ? రాజకీయంగా వివాదాలు చేసి, ఈ 18 నెలల్లో సోలార్ , విండ్ లో పెట్టుబడులు తగ్గిపోటానికి కారణం అయ్యారా ? ఇలా ఉంటాయి మన రాజకీయాలు...

జగన్ మోహన్ రెడ్డి అక్రమాస్తుల కేసు, రోజు వారీ విచారణ మొదలైన సంగతి తెలిసిందే. హైదరాబాద్ లోని నాంపల్లి సిబిఐ కోర్టులో రోజు వారీ విచారణ జరుగుతుంది. అయితే ఇప్పటి వరకు, కేసుల పై విచారణ ఇంకా ప్రారంభం కాలేదు. ఆ పిటీషన్లలో తమ పేరు తీసేయాలని, డిశ్చార్జ్ పిటీషన్లు వేసారు. అలాగే సిబిఐ, ఈడీ కేసులు కలిసి విచారణ జరపాలి అని కూడా పిటీషన్ లు వేసారు. గత రెండు వారాలుగా వీటి పైనే విచారణ జరుగుతుంది. జగన్ తరుపున పిటీషన్ వేసిన న్యాయవాదులు, సిబిఐ , ఈడీ పెట్టిన కేసులు రెండూ ఒకటే అని, సిబిఐ కేసులు విడిగా, ఈడీ కేసులు విడిగా విచారణ చెయ్యాల్సిన అవసరం లేదు అంటూ, ఒక పిటీషన్ దాఖలు చేసారు. దీని పై జగన్ తరుపు న్యాయవాదులు వదనాలు వినిపించారు. ఇక మరో పక్క ఈడీ తరుపున కూడా కోర్టుకు వాదనలు వినిపిస్తూ, జగన్ విజ్ఞప్తిని తోసి పుచ్చారు. సిబిఐ అభియోగాలతోనే తాము ఈడీ కేసు పెట్టినా, తాము పెట్టిన కేసు వేరని చెప్పారు. సిబిఐ కేసులు వేరే సెక్షన్ తో, ఈడీ కేసులు వేరే సెక్షన్ తో నమోదు అయ్యాయని, ఇది ప్రత్యేక చట్టం కింద నమోదు చేసామని కోర్టుకు తెలిపారు. అందుకే సిబిఐ కేసులను విడిగా, ఈడీ కేసులను విడిగా విచారణ జరపాలని కోర్టుకు ఈడీ తరపు న్యాయవాది తెలిపారు. అయితే మనీలాండరింగ్‌ నిరోధక ఆక్ట్ , సెక్షన్ 44 ప్రకారం, సిబిఐ కేసులు కానీ, ఈడీ కేసులు కానీ ఒకే కోర్టులో విచారణ జరపాలని ఉందని కోర్టుకు తెలిపారు.

అయితే దీని పై వాదనలు కొనసాగిస్తామని, తమకు మరింత సమయం కావాలని కోరటంతో, కోర్టు ఈ కేసుని సోమవారానికి వాయిదా వేసింది. ఇక అలాగే జగన్ మోహన్ రెడ్డి పేరు, ఈ కేసుల నుంచి తీసి వేయాలని కోరుతూ, వేసిన డిశ్చార్జ్ పిటీషన్ల పై కూడా వాదనలు జరిగాయి. జగన్ మోహన్ రెడ్డి ఈ నేరం చేసారు అని చెప్పటానికి, ఇప్పటి వరకు ఎలాంటి ఆధారాలు సిబిఐ ఇవ్వలేకపోయిందని, అందుకే ఈ కేసు నుంచి జగన్ పేరు తప్పించాలని కోరారు. సిబిఐ ఇప్పటికే ఎంతో లోతైన విచారణ జరిపిందని, అయినా ఎలాంటి ఆధారాలు చూపలేకపోయిందని కోర్టు కు తెలిపారు. జగన్ మోహన్ రెడ్డి నేరం చేసినట్టు, ఏ ఒక్కరు ఫిర్యాదు చేయలేదు కదా అని ప్రశ్నించారు. కంపెనీ చట్టాల పై అవగాహన లేక, ఈ కేసులు పెట్టారని కోర్టుకు వాదనలు వినిపించారు. డిశ్చార్జ్ పిటీషన్ పై ఏ అంశాలు పరిగణలోకి తీసుకోవాలి అనే అంశం పై, సుప్రీం కోర్టు ఇచ్చిన ఆదేశాలు వినిపించారు. అయితే దీని పై ఇంకా వాదనలు కొనాగుతున్నాయి. ఇంకా సిబిఐ తరుపు వాదనలు ఈ పిటీషన్ లో జరగలేదు. ఈ కేసు కూడా సోమవారం నుంచి, మళ్ళీ వాదనలు ప్రారంభం అవుతాయి.