news

జగన్ మోహన్ రెడ్డి నివాసం దగ్గర తీవ్ర ఉద్రిక్తత నెలకొంది. హైదరాబాద్ లోని జగన్ నివాసం అయిన లోటస్ పాండ్ ముందు, ఈ రోజు ఉద్రిక్త వాతావరణం నెలకొంది. హిందూ దేవుళ్ళ పై, అలాగే వెంకటేశ్వర స్వామి పై విశ్వాసం ఉందని ఇచ్చే డిక్లరేషన్ అవసరం లేదు అంటూ మంత్రి కొడాలి నాని చేసిన వ్యాఖ్యల పై భజరంగ్‌దళ్‌ఆందోళన చేసింది. నిన్న సాయంత్రమే భజరంగ్‌దళ్‌ జగన్ ఇంటిని ముట్టడిస్తాం అని చెప్పినా, ఈ రోజు వాళ్ళు లోటస్ పాండ్ వద్ద ఆందోళన చెయ్యగలిగారు భజరంగ్‌దళ్‌ కార్యకర్తలు. జగన్ ఇంటిని ముట్టడించటంలో సక్సస్ అయ్యారు. దాదాపుగా 300 మంది పోలీసులు ఉన్నా, భజరంగ్‌దళ్‌ ఆందోళన చేసింది. జగన్ నివాసానికి 200 మీటర్ల దూరంలోనే బ్యారికేడ్ లు ఏర్పాటు చేసినా, భజరంగ్‌దళ్‌ కార్యకర్తలు దూసుకొచ్చారు. దీంతో అక్కడ ఉద్రిక్త వాతావరణం నెలకొంది. మంత్రి నాని రాజీనామా చెయ్యాలని, జగన్ ఆయన పై చర్యలు తీసుకోవాలని డిమాండ్ చేసారు. అలాగే ఈ రోజు తిరుమల వెళ్తున్న జగన్, అక్కడ సంతకం పెట్టే వెళ్ళాలని నినాదాలు చేసారు.

దీంతో పోలీసులకు, భజరంగ్‌దళ్‌ కార్యకర్తలకు మధ్య తోపులాట చోటుచేసుకుంది. పోలీసులు వారిని అరెస్ట్ చెస్ ప్రయత్నం చేస్తున్నారు. అయితే భజరంగ్‌దళ్‌ కార్యకర్తలు ఆంధ్రప్రదేశ్ లో కాకుండా, తెలంగాణాలో చేయటం పై కూడా విమర్శలు వస్తున్నాయి. జరిగిన ఘటన ఆంధ్రప్రదేశ్ లో అయితే, అలాగే జగన్ మోహన్ రెడ్డి తాడేపల్లిలో ఉంటుంటే, వీరు మాత్రం, హైదరాబాద్ లో అందోళన చెయ్యటం పై పలు విమర్శలు వస్తున్నాయి. ఏదైనా ఒత్తిడి తేవాలి అంటే ఇక్కడ చెయ్యాలి కానీ, అక్కడ ఏమిటి అనే సందేహాలు కూడా వస్తున్నాయి. ఏది ఏమైనా, జగన్ మోహన్ రెడ్డి, ఆయన మంత్రి వర్గ సభ్యులు కొంత మంది, లేని వివాదం రేపి, చిన్న విషయంతో పోయే దాన్ని, ఇక్కడ వరకు తెచ్చుకున్నారనే విమర్శలు వస్తున్నాయి. మరో పక్క ఇప్పటి వరకు జగన్ ఖండించటం కానీ, కొడాలి నాని క్షమాపణ చెప్పకుండా, నేను ఇలాగే మాట్లాడతా అని మరోసారి మీడియా ముందుకు రావటం, కావాలనే ఇలా చేస్తున్నారా అనే అభిప్రాయాలు కూడా వ్యక్తం అవుతున్నాయి.

అది 30 ఏళ్ళు రాజశేఖర్ రెడ్డిని మోసిన పార్టీ. రెండు సార్లు రాజశేఖర్ రెడ్డిని సియం చేసిన పార్టీ. జగన్ మోహన్ రెడ్డి రాజకీయ అరంగేట్రం చేసిన పార్టీ. జగన్ ని ఎంపీని చేసిన పార్టీ. రాహుల్ గాంధీకి 42 ఎంపీ సీట్లు గెలిచి, మా నాన్న చివరి కోరిన తీరుస్తా అని జగన్ చెప్పారు. తరువాత జగన్ విబేధించిన బయటకు వచ్చారు అనుకోండి. అలాంటి పార్టీని పట్టుకుని నిండు సభలో విజయసాయి రెడ్డి దళారీ పార్టీ అంటూ కాంగ్రెస్ పార్టీ పై విరుచుకు పడ్డారు. ఆదివారం, రైతు బిల్లులు పై చర్చ సందర్భంలో, వైసీపీ పార్టీ పూర్తిగా బీజేపీకి మద్దతు ప్రకటించింది. విపక్ష పార్టీలు అన్నీ బీజేపీకి వ్యతిరేకంగా మాట్లాడాయి. తెలుగుదేశం పార్టీ కూడా రైతు బిల్లు పై అభ్యంతరం చెప్పింది. అయితే వైసీపీ మాత్రం, ఎలాంటి షరతులు లేకుండా, భేషరతుగా మద్దతు పలికింది. ఈ బిల్లుని పూర్తిగా మద్దతు ఇస్తున్నాం అంటూ విజయసాయి రెడ్డి రాజ్యసభలో ప్రకటించారు. తన ఉపన్యాసం అంతా చెప్పిన తరువాత, చివరలో ఈ బిల్లుని వ్యతిరేకించింది, కేవలం దళారులే అని అన్నారు. అలాంటి దళారులకు మద్దతు తెలుపుతున్న కాంగ్రెస్ పార్టీ కూడా ఒక దళారి పార్టీ అంటూ విరుచుకు పడ్డారు.

బీజేపీ కంటే, ఎక్కువగా వైసీపీ కాంగ్రెస్ ని తిట్టటంతో అందరూ అవాక్కయ్యారు. వీళ్ళు బీజేపీ మిత్రపక్షం కాదు కదా అంటూ ఆశ్చర్యపోయారు. అయితే విజయసాయి రెడ్డి వ్యాఖ్యల పై కాంగ్రెస్ పార్టీ సభలో తీవ్ర వ్యతిరేకత వ్యక్తం చేసింది. కాంగ్రెస్‌ సీనియర్‌ నేత ఆనందశర్మ తీవ్రంగా స్పందించారు. ఆ సభ్యుడి ప్రవర్త, మాట తీవ్ర అభ్యంతరకరం అని, ఆ సభ్యడు క్షమాపణ చెప్పాలని కోరారు. మీ ప్రవర్త, వ్యక్తిత్వం అన్నీ మాటకు తెలుసు, మీరు అవినీతి చేసి జైలుకు వెళ్లి వచ్చి బెయిల్ పై ఉన్నారు, మీరు బెయిల్ కు అర్హులు కాదు అంటూ విరుచుకు పడ్డారు. మరో సీనియర్ నేత గులాంనబీ ఆజాద్‌ మాట్లాడుతూ, మీ చరిత్ర అంతా మాకు తెలుసు, మిమ్మల్ని మళ్ళీ ఆ స్థానానికే పంపుతాం, మీరు బీజేపీకి ఎందుకు మద్దతు పలుకుతున్నారో మాకు తెలుసు, సిగ్గుపడండి అంటూ విజయసాయి రెడ్డి పై విరుచుకు పడ్డారు.

జగన్ మోహన్ రెడ్డి ఈ రోజు అకస్మాత్తుగా ఢిల్లీ పర్యటనకు వెళ్ళిన సంగతి తెలిసిందే. అయితే ఈ రోజు కూడా ముందుగా చెప్పిన సమయాని కంటే, నాలుగు గంటలు ముందుగానే ఢిల్లీ వెళ్లారు. ఢిల్లీ వెళ్ళిన జగన్ మోహన్ రెడ్డిని, ఆ పార్టీ ఎంపీలు స్వాగతం పలికారు. ఈ రోజు సాయంత్రం 6.30 గంటల సమయంలో, కేంద్ర హోం శాఖా మంత్రి అమిత్ షా తో జగన్ భేటీ అయ్యారు. ఈ భేటీ దాదాపుగా 50 నిమిషాల పాటు కొనసాగింది. అయితే ఈ భేటీ అసంపూర్తిగా ముగిసిందని, రేపు మళ్ళీ జగన్ మోహన్ రెడ్డిని, అమిత్ షా రమ్మన్నారని, రేపు ఉదయం 10.30 గంటలకు మళ్ళీ అపాయింట్మెంట్ ఇచ్చినట్టు తెలుస్తుంది. అయితే ఒక ప్రముఖ ఛానల్ ఇచ్చిన రిపోర్ట్ ప్రకారం, ఈ భేటీలో అమిత్ షా, ఆంధ్రప్రదేశ్ ప్రభుత్వ వైఖరి పై అసహనం వ్యక్తం చేసారని తెలుస్తుంది. ముఖ్యంగా న్యాయవ్యవస్థ పై అధికార పార్టీ జరుపుతున్న దాడి విషయంలో, లైన్ దాటుతున్నారని, ఇది మంచిది కాదని చెప్పినట్టు తెలిసింది.

ఇదే సమయంలో జగన్ మోహన్ రెడ్డి కూడా, అమరావతి భూములు విషయం, ఫైబర్ గ్రిడ్ విషయం, అంతర్వేది రధం దగ్ధం విషయంలో సిబిఐ విచారణ కోసం అడిగారని తెలుస్తుంది. అయితే ఈ విషయం పై ప్రధాని కార్యాలయంతో మాట్లాడాలని, ప్రిన్సిపల్ సెక్రటరీ పీకే మిశ్రాతో వీడియో కాన్ఫరెన్స్ తీసుకోవటంతో, జగన్ ఈ విషయాల పై సిబిఐ వెయ్యమని కోరారని తెలుస్తుంది. అయితే ఈ భేటీ ముఖ్యంగా న్యాయ వ్యవస్థ పై జరుగుతున్న దాడి విషయం పైనే జరిగిందని, అందుకే జగన్ వెంట అడ్వకేట్ జెనెరల్ తో పాటుగా, సుప్రీం కోర్టు రిటైర్డ్ జస్టిస్ జాస్తి చలమేశ్వర్ కుమారుడు, భూషణ్ కూడా ఉన్నారని తెలుస్తుంది. భూషణ్ కూడా లయార్ గా చేస్తున్నారు. వీళ్ళను కూడా తీసుకు వెళ్లారు అంటే, ఆలోచించాల్సిన విషయమే. అయితే వైసీపీ పార్టీ మాత్రం, పోలవరం, ప్రత్యెక హోదా, రాష్ట్రానికి రావాల్సిన నిధుల పై, అమిత్ షా తో చర్చించినట్టు చెప్తున్నారు.