news

ఆంధ్రప్రదేశ్ లో ఉన్న అనేక సమస్యల పై పార్లమెంట్ లో ప్రస్తావించారు, తెలుగుదేశం పార్టీ ఎంపీ గల్లా జయదేవ్. పార్లమెంట్ లో ఈ రోజు మాట్లాడిన గల్లా జయదేవ్ ముఖ్యంగా అమరావతి విషయం ప్రస్తావించారు. ఆంధ్రప్రదేశ్ రాజధానిని అమరావతిగా గత ప్రభుత్వం నిర్ణయం తీసుకుందని, ఆ సమయంలో అందరు ఏకగ్రీవంగా ఆమోదించారని, ప్రధాని కూడా వచ్చి శంకుస్థాపన చేసారని అన్నారు. ఆంధ్రప్రదేశ్ రాజధాని అమరావతిలో చాలా పనులు జరిగాయని, రూ.41 వేల కోట్లతో వివిధ రకాల పనులు జరుగుతున్నాయని, 9 వేల కోట్లు ఖర్చు చేసారని తెలిపారు. అయితే ఇప్పుడు వచ్చిన ప్రభుత్వం, గత ప్రభుత్వం నిర్ణయం తీసుకున్న రాజధాని ప్రాంతాన్ని మార్చేయాలని నిర్ణయం తీసుకుందని, ఆంధ్రప్రదేశ్ రాజధానిని మూడు ముక్కలు చేస్తూ నిర్ణయం తీసుకుందని తెలిపారు. అమరావతిని అంశాన్ని కేంద్రం తన జాబితాలో చేర్చాలని అన్నారు. ఆర్టికల్ 248 ప్రకారం కేంద్రం, రాష్ట్రం పరిధిలో లేని అంశాల పై పార్లమెంట్ లో చట్టం చెయ్యవచ్చని చెప్పారు. అమరావతి అంశంలో కేంద్రం ఇచ్చిన అఫిడవిట్ పై అమరావతి రైతులు ఆవేదనతో ఉన్నారని, కేంద్రం ఈ విషయం పై జోక్యం చేసుకోవాలని అన్నారు.

ఇక అలాగే గల్లా జయదేవ్ రాష్ట్ర ఆర్ధిక పరిస్థితి పై కూడా పార్లమెంట్ లో ఆవేదన వ్యక్తం చేసారు. ఆంధ్రప్రదేశ్ రాష్ట్రానికి జీఎస్టీ బకాయలు రూ.3,600 కోట్ల రావాల్సి ఉందని, అవి వెంటనే విడుదల చెయ్యాలని కోరారు. అలాగే 15వ ఆర్థిక సంఘం నిధులు కూడా పెండింగ్ ఉన్నాయని, అవి కూడా వెంటనే విడుదల చెయ్యాలని, కేంద్ర ఆర్ధిక మంత్రి నిర్మలా సీతారామన్ ను కోరుతునట్టు చెప్పారు. ఆంధ్రప్రదేశ్ ఆర్ధిక లోటు, దారుణంగా పెరిగిపోయిందని, 0.16% ఉండాల్సింది 2.5%కి చేరిందని, ఈ పరిస్థితిలో కేంద్రం రాష్ట్రాన్ని ఆదుకోవాలని గల్లా జయదేవ్ కోరారు. అలాగే విభజన హామీల్లో 29 హామీలు ఇస్తే, ఇప్పటి వరకు ఒక్కటి కూడా పూర్తీ చెయ్యలేదని తెలిపారు. దేనికీ కూడా పూర్తిగా నిధులు ఇవ్వలేదని అన్నారు. అయితే ఇక్కడున్న రాష్ట్ర ప్రభుత్వం, అవేమీ పట్టించుకోకుండా, వేరే విషయాల పై రచ్చ చేస్తున్నారని అన్నారు. మరో పక్క వైసిపీ ఎంపీలు మాత్రం చంద్రబాబు పై సిబిఐ ఎంక్వయిరీ కావాలి అంటూ, మూడు రోజులుగా గొడవ చేస్తున్నారు.

విశాఖ ఏజెన్సీ గిరిజనులను వింతవ్యాధి వట్టిపీడిస్తోంది. ఒక్కసారిగా జ్వరం రావడంతోపాటు శరీరమంతా పట్టు వదిలేసినట్టు అయి కుప్పకూలిపోతున్నారు. స్థానిక పీ హెచ్ సీలకు వెళితే, వారు ఇచ్చిన మందులకు జ్వరం తగ్గక గిరిజనులు తీవ్ర ఇబ్బందులు వడుతున్నారు. వ్యాధి తీవ్ర పెరగడంతో పలువురిని విశాఖ కేజీహెచ్ కు తరలించి చికిత్స అందిస్తున్నారు. ఇప్పటికే కో-వి-డ్ మహమ్మారి విశాఖ ఏజెన్సీలో విస్తృతంగా వ్యాపిస్తుండగా మరోవైపు వింత వ్యాధితో గిరిజనులు తీవ్ర ఇబ్బందులు ఎదుర్కొంటున్నారు. ప్రతి ఏడాది ఆగస్టు, సెప్టెంబరు నెలల్లో ఏజెన్సీలో ఎక్కువగా మలేరియా వ్యాధి ప్రబలడం జరిగేవి. కానీ ఈ ఏడాది అందుకు భిన్నంగా వ్యాధి ఏమిటో అన్నది తెలియకుండా గిరిజనులు మంచాన పడుతున్నారు. విశాఖ ఏజెన్సీ అనంతగిరి పంచాయతీ కరకవలస, చినరాభ గ్రామాల్లో మూడు వారాల వ్యవధిలో పదుల సంఖ్యలో గిరిజనులు మంచాన పడ్డారు. వారిని విశాఖ కేజీహెచ్ కు తరలించి చికిత్స అందిస్తున్నారు. జ ్వరం, కడుపునొప్పితో పాటు కాళ్లు చేతులు విపరీతంగా వావులు వచ్చి అనారోగ్యం బారిన పడుతున్నారు.

ఐటీడీఏ పీవో ఆదేశాల మేరకు ఏడీఎంపావో ఏజెన్సీ గ్రామాలకు చేరుకుని వింతవ్యాధికి గల కారణాలను పరిశీలిస్తున్నారు. జ్వరంతోపాటు కాళ్లు, చేతులు వాపులు, అంతేకాదు అనారోగ్యం బారిన పడిన కరకవలస, తట్టుకోలేని కడుపునొప్పి వస్తుండటంతో అసలు సొట్టడివలస, చినరాభ గ్రామాలకు చెందిన ఏమి జరుగుతుందో తెలియని పరిస్థితిలో, 18మంది గిరిజనులను గజపతినగరానికి తరలించి ఏర్పడ్డాయి. విశాఖ ఏజెన్సీలో మారుమూల కోవిడ్ పరీక్షలు నిర్వహించారు. వారందరికీ కోవిడ్ గ్రామాలు ఎక్కువగా వున్నాయి. వారికి నెగేటివ్ వచ్చింది. అయినప్పటికీ విశాఖ ఆసుపత్రులు అందనంత దూరంగా వుండటంతో కేజీహెచ్ కు తరలించి చికిత్స అందిస్తున్నారు. జ్వరం, కడుపునొప్పి, కాళ్లు, చేతులు వాపు రావడం వంటి లక్షణాలతో విశాఖ కేజీ హెచ్ లో గిరిజనులు చికిత్స పొందుతున ఇప్పటికీ ఈ వ్యాధి ఏమిటో అన్నది ఇంకా వైద్యులు నిర్ధారించుకోలేకపోతున్నారు. పేడ పురుగు కుట్టినా ఇదే తరహాలో జ్వరం వచ్చి శరీరం వట్టువదిలేసే వరిస్థితులు ఏర్పడతాయని పలువురు చెబుతుండగా మరోవైపు అటువంటిదేమి లేదని మరో వాదన వినిపిస్తోంది. పేడ పురుగు కుడితే శరీరంపై ఎరుపురంగు మచ్చలు ఏర్పడతాయన్న వాదన కూడా లేకపోలేదు. ఏదేమైనప్పటికీ విశాఖ ఏజెన్సీ అనంతగిరి మండలంలో గిరిజనులు విచిత్రమైన లక్షణాలతో మంచానపడి సతమతమవుతున్నారు. వెంటనే అధికారులు స్పందించి ముందుజాగ్రత్త చర్యలు తీసుకోకపోతే పరిస్తితి చెయ్యి దాటిపోయే ప్రమాదం వుందని స్థానికులు ఆందోళన చెందుతున్నారు.

తిరుమల తిరుపతి దేవస్థానం విషయంలో, అన్యమతస్తుల వ్యవహారం మళ్ళీ వార్తల్లోకి ఎక్కింది. హిందువులు కాకుండా, వేరే మతం ఆచరించే వారు, కలియుగ దైవం వెంకన్నను దర్శించుకోవాలి అనుకుంటే, గతంలో ఉన్న చట్టాలు ప్రకారం, అన్యమతస్తులు, తమకు స్వామి వారి మీద నమ్మకం, విశ్వాసం ఉంది అని డిక్లరేషన్ ఇచ్చి తిరుమల దర్శనం చేసుకోవాలి. అయితే జగన్ మోహన్ రెడ్డి తిరుమల వెళ్ళిన ప్రతి సారి డిక్లరేషన్ ఇవ్వకుండా, స్వామి వారిని దర్శించుకోవటం చర్చకు దారి తీస్తుంది. గతంలో రాష్ట్రపతిగా పని చేసిన అబ్దుల్ కలాం కానీ, ఏఐసిసి ప్రెసిడెంట్ గా ఉన్న సమయంలో సోనియా గాంధీ కానీ, ఇలా అనేక మంది స్వామి వారి పట్ల తమకు విశ్వాసం ఉందని, డిక్లరేషన్ ఇచ్చే వారు. అయితే జగన్ మోహన్ రెడ్డికి, స్వామి వారి పట్ల నమ్మకం ఉంది అని డిక్లరేషన్ ఇవ్వటానికి బాధ ఏమిటి అంటూ, ప్రతిపక్షాలు ప్రశ్నిస్తున్నాయి. జగన్ మోహన్ రెడ్డి మళ్ళీ తిరుమల వెళ్లి, శ్రీవారికి పట్టు వస్త్రాలు ఇవ్వటానికి వెళ్తున్నారు. దీంతో ఇప్పుడు ఈ చర్చ మళ్ళీ మొదలైంది. రెండు రోజుల క్రితం చంద్రబాబు కూడా ఈ విషయం ప్రస్తావించారు.

దీంతో అందరూ ఇదే మాట్లాడుకోవటం, అసలు ఒక డిక్లరేషన్ ఇవ్వటానికి ఇబ్బంది ఏమిటి అనే చర్చ జరుగుతూ ఉండటంతో, దీని పై తిరుమల తిరుపతి దేవస్థానం చైర్మెన్ వైవీ సుబ్బారెడ్డి స్పందించారు. అన్యమతస్తులు డిక్లరేషన్ ఇవ్వాల్సిన పని లేదు అంటూ, గతంలో ఉన్న రూల్స్ ని మార్చేస్తూ, ప్రకటన చేసారు. మనసులో విశ్వాసం ఉంటే చాలని, డిక్లరేషన్ అవసరం లేదని తేల్చి చెప్పారు. దీంతో ఆయన వ్యాఖ్యలు ఇప్పుడు పెద్ద దుమారాన్ని రేపాయి. అనాదిగా వస్తున్న ఆచారాన్ని ఎలా మార్చేస్తారు, అందులోను ఇది చట్టం అని వ్యాఖ్యలు వినిపిస్తున్నాయి. ఐవైఆర్ కృష్ణారావు కూడా ఈ నిర్ణయాన్ని తప్పు పట్టారు. ఇక ఇదే విషయం పై చంద్రబాబు స్పందించారు. జగన్ కోసం సంప్రదాయాలు మార్చేస్తారా ? పాలకులు మారిన ప్రతిసారి సంప్రదాయాలు మార్చేస్తారా అంటూ సంచలన వ్యాఖ్యలు చేసారు. స్వామి వారి పట్ల అన్యమస్తులకు నమ్మకం ఉంది అని చెప్పటానికి డిక్లరేషన్ ఇస్తారు, దాన్ని ఈ నమ్మకం లేని వ్యక్తి కోసం మార్చేస్తారా, ఇది సమాజానికి అరిష్టం అంటూ సంచలన వ్యాఖ్యలు చేసారు.