news

ఈ రోజు తెలుగుదేశం పార్టీ, రాష్ట్రంలో జరుగుతున్న మరో స్కాం బయట పెట్టింది. విశాఖపట్నంలో ప్రెస్ మీట్ పెట్టిన మాజీ మంత్రి అయ్యన్నపాత్రుడు, కార్మిక శాఖా మంత్రి గుమ్మనూరు జయరాం కు సంబందించిన కొన్ని వివరాలు బయట పెట్టారు. అసలు ఈఎస్ఐ స్కాం చేసిందే వైఎస్ఆర్ కాంగ్రెస్ పార్టీ మంత్రి అని చెప్పారు. ఇందుకు సంబంధించి వివరాలు చెప్తూ, ఇప్పటికీ ఈఎస్ఐ స్కాంలో అచ్చెంనాయుడు గారిని అక్రమంగా అరెస్ట్ చేసారని, ఆయన పై అనేక ఆరోపణలు చేసి, నాలుగు నెలలు విచారణ చేసి, రూపాయి కూడా అవినీతి ఆరోపణ నిరూపించలేక పోయారని వాపోయారు. అయితే ఇదే సమయంలో, ఈ స్కాంలో ఏ-14గా ఉన్న కార్తిక అనే వ్యక్తీ, విజయవాడలో ఒక చిన్న మెడికల్ ఏజెన్సీ నడుపుతున్నారని, అలాంటి వ్యక్తి, మంత్రి జయరాం కుమారుడు పుట్టిన రోజు నాడు, ఏకంగా ఒక ఖరీదైన బెంజ్ కారు, గిఫ్ట్ గా ఇచ్చారని, ఆ బెంజ్ కారుని, మంత్రి కుమారుడు ఈశ్వర్ డెలివరీ తీసుకున్నారని, తరువాత ఆయనే ఆ కారు వాడుతూ ఉన్నారని చెప్పారు.

ఆ కారు పత్రాలు అన్నీ, ఈఎస్ఐ స్కాంలో ఏ-14 ఉన్న వ్యక్తి పేరు మీద ఉన్నాయని, కానీ కారు డెలివరీ తీసుకుంది, వాడుతుంది మంత్రిగారే కుటుంబం అని చెప్పారు. దీనికి సంబంధించి ఫోటోలు, పత్రాలు కూడా మీడియాకు చూపించారు. అయితే ఒక సామాన్య వ్యక్తి, ఇంత ఖరీదు అయిన కారు, ఒక మంత్రికి ఎలా గిఫ్ట్ గా ఇవ్వగలరని, దీని వెనుక ఈఎస్ఐ కుంభకోణం మేళ్ళు ఉన్నాయని వాపోయారు. అయితే ఈ విషయం పై ముఖ్యమంత్రి గారు చెప్పిన, అవినీతి నిరోధక శాఖ కాల్ సెంటర్ కు ఫోన్ చేస్తున్నాని చెప్పి, మీడియా సమావేశంలోనే వారికి ఫోన్ చేసి, ఇలా ఈఎస్ఐ కుంభకోణంలో ఉన్న వ్యక్తి, మంత్రికి కారుని లంచంగా ఇచ్చారని, వారి పై ముఖ్యమంత్రి చెప్పినట్టు, 24 గంటల్లో చర్యలు తీసుకోవాలని కోరారు. అయితే అటు వైపు నుంచి మాత్రం, ఇలాంటివి మేము తీసుకొం అని, ఏసిబీ కార్యాలయానికి వచ్చి, వివరాలు ఇస్తే, వాళ్ళు చూస్తారని చెప్పటంతో, ఇది ప్రభుత్వ తీరు అంటూ, అయ్యన్నపాత్రుడు మీడియా సమావేశంలోనే ఎండగట్టారు.

ఆంధ్రప్రదేశ్ రాష్ట్రం, 2012 నుంచి అనేక అటుపోట్లు ఎదుర్కుంటుంది. విభజన సమయంలో ఈ దేశంలో ఉన్న మీడియా మన పక్షాన నిలవలేదు. రాజధాని లేకుండా రోడ్డున పడేస్తున్నా, సానుభూతి చూపించలేదు. ఇక విభజన తరువాత, విభజన హామీలు అమలు పరచకపోయినా, మన వైపు చూడలేదు. కేంద్రంతో, 5 కోట్ల మంది ఎందుకు పోరాడుతున్నారు అనేది ఎవరూ పట్టించుకోలేదు. కానీ, మోడీ చంద్రబాబుని, చంద్రబాబు మోడీని తిట్టినా, అది జాతీయ మీడియాను ఆకర్షించింది. అలాగే ఇప్పుడు కొత్త ప్రభుత్వం ఏర్పడిన తరువాత, మీడియా గొంతు నొక్కేస్తూ, మా అనుకూల వార్తలే రాయాలి, ప్రభుత్వానికి వ్యతిరేకంగా వార్తలు రాస్తే ఊరుకునేది లేదు అంటూ జీవో 2430 ఇస్తే, ఒక్కరు కూడా జాతీయ మీడియా నుంచి మాట్లాడటలేదు. ఇదేమిటి అని ప్రశ్నించలేదు. కానీ కావాలని ఒక వ్యక్తిని, కొంత మంది జడ్జిలను ఇబ్బందులు పెట్టాలని, ఎలాంటి ఆధారాలు లేకుండా కేసులు వేసారని, హైకోర్టు చెప్తూ, ఆధారాలు లేని ఈ ఎఫ్ఐఆర్ ను ప్రచారం చెయ్యవద్దు అంటూ గ్యాగ్ ఆర్డర్ ఇవ్వగానే, ఎవరో స్పందించండి అని చెప్పినట్టే, వరుస పెట్టి జాతీయ మీడియాలోని కొంత మంది స్పందించిన తీరు చూస్తూ, ఆశ్చర్యం వెయ్యక మానదు.

ఈ పని చెయ్యటానికే, నెలకు 4 లక్షలు జీతం ఇచ్చి, జాతీయ మీడియా అడ్వైజర్ ని పెట్టారని, తెలుగుదేశం ఆరోపిస్తుంది కూడా. అయితే అమరావతి విషయంలో స్పందించిన ఈ జర్నలిస్టులు, ఆంధ్రప్రదేశ్ లో జరుగుతున్న వాటి పై ఎందుకు స్పందించలేదు అనే ఆరోపణలు వస్తున్నాయి. జీవో 2430 పై కానీ, హైకోర్టు చీఫ్ జస్టిస్ పై కుట్రలు కానీ, ఫోన్ ట్యాపింగ్ కానీ, ఇలాంటి వాటి పై ఎవరూ స్పందించలేదు. అయితే కోర్టులు గ్యాగ్ ఆర్డర్ ఇవ్వటం అనేది కొత్త కాదు. ఎందుకంటే, గతంలో, గతంలో కాదు, ఏడాది క్రితమే, వైఎస్ వివేక కేసు పై ఎక్కడ ప్రచారం చెయ్యకుడు అని, కోర్టుకు వెళ్లి ఆదేశాలు తెచ్చుకుంది, ఇదే వైసీపీ పార్టీ. ఇదే వైసీపీ పార్టీ ఎమ్మేల్యే అంబటి రాంబాబు పై, ఒక కేసులో, హైకోర్ట్ గ్యాగ్ ఆర్డర్ ఇచ్చింది. అంత ఎందుకు ఈ రోజు ఢిల్లీ హైకోర్టు, అన్ని రాష్ట్రాల ఐ అండ్ పీఆర్ వాళ్లకు ఆదేశాలు ఇస్తూ, నటి రకుల్ ప్రీత్ సింగ్ విషయం మీడియాలో ప్రస్తావించవద్దు అని ఆదేశాలు ఇచ్చాయి. గతంలో అమిత్ షా కొడుకు, జే షా పై కూడా ఇలాంటి గ్యాగ్ ఆర్డర్ వచ్చింది. మరి అప్పుడు లేని బాధ, ఈ సో కాల్డ్ నేషనల్ మీడియా జర్నలిస్టులకు, ఇప్పుడే ఎందుకు వచ్చిందో అనే ప్రశ్న చాలా మంది అడుగుతున్నారు.

ఈ రోజు రాజ్యసభలో వైఎస్ఆర్ కాంగ్రెస్ పార్టీ ఎంపీ విజయసాయి రెడ్డికి, చుక్కెదురైంది. రాజ్యసభలో కరోనా వైరస్ పై చర్చ సందర్భంగా, విజయసాయి రెడ్డికి అవకాసం రావటంతో, ఆయన కరోనా సబ్జెక్ట్ పైన కాకుండా, కోర్టులను, జడ్జీలను టార్గెట్ చేస్తూ చేసిన వ్యాఖ్యలు దుమారాన్ని రేపాయి. తమ రాష్ట్ర ప్రభుత్వం తీసుకునే నిర్ణయాల పై అడ్డు చెప్తూ, రాష్ట్ర ప్రగతిని అడ్డుకుంటూ, కోర్టులు తమ ప్రభుత్వ నిర్ణయాల పై స్టే ఇస్తున్నాయని, పక్షపాత ధోరణితో వ్యవహరిస్తున్నాయని తీవ్ర వ్యాఖ్యలు చేసారు. తమ రాష్ట్రంలో శాసన వ్యవహారాలు, కార్యనిర్వాహిక వ్యవహారాలు కోర్టులు నడిపిస్తున్నాయని తీవ్ర వ్యాఖ్యలు చేయటం దుమారం రేగింది. అయితే విజయసాయి రెడ్డి వ్యాఖ్యల పై డిప్యూటీ ఛైర్మన్ హరివంశ్ ప్రసాద్, అభ్యంతరం చెప్పారు. కోర్టుల విషయం ఇక్కడ కాదని, సబ్జెక్టు పై మాట్లాడాలని కోరారు. అయినా విజయసాయి రెడ్డి కోర్టుల పై విమర్శలు చేస్తూనే ఉన్న సమయంలో, తెలుగుదేశం సభ్యుడు కనకమేడల రవీంద్ర కుమార్ అభ్యంతరం చెప్పారు.

కోర్టు పరిధిలో ఉన్న అంశాలు ఇక్కడ మాట్లాడ కూడదు అని, అయినా కోర్టులను బెదిరించే ధోరణిలో మాట్లాడటం సరికాదని, చైర్మెన్ ఇచ్చిన సబ్జెక్ట్ పై మాట్లాడాలని, ఘాటు వ్యాఖ్యలు చేసారు. ఇదే అంశం పై తెలుగుదేశం ఎంపీలు మీడియా సమావేశం నిర్వహించారు. కోర్టులు ఎప్పుడైనా చట్టాల ప్రకరామే నడుచుకుంటాయని, రాష్ట్ర ప్రభుత్వం ఆ చట్టాలను దాటి ప్రవర్తిస్తుంది కాబట్టే, అన్ని కోర్టుల్లో ఎదురు దెబ్బలు తగులుతున్నాయని అన్నారు. విజయసాయి రెడ్డి మాటలు, న్యాయవ్యవస్థను బ్లాక్ మెయిల్ చేసే విధంగానే ఉన్నాయని, ఆయన వ్యాఖ్యలు పై కోర్టుకు వెళ్తామని అన్నారు. నిన్న పార్లమెంట్ లో, ఈ రోజు రాజ్యసభలో, ఓక ప్లాన్ ప్రకారమే ఇలా చేస్తున్నారని, అలాగే సోషల్ మీడియాలో కూడా జడ్జిల పై వైసీపీ తప్పుడు ప్రచారం చేస్తుందని, ఇవన్నీ కోర్టు దృష్టికి తీసుకు వెళ్తామని అన్నారు. ఒక పాక చర్చ కరోనా పైన అయితే, విజయసాయి రెడ్డి మాత్రం, చంద్రబాబు జపం, న్యాయస్థానాల జపం చేస్తున్నారని ఆరోపించారు.