news

ఆంధ్రప్రదేశ్ పోలీస్ బాస్ పై హైకోర్టు తీవ్ర ఆగ్రహం వ్యక్తం చేసింది. రాష్ట్రంలో రూల్ అఫ్ లా ఉందా ? ఇప్పటికే అనేక సార్లు మిమ్మల్ని హెచ్చరించాం. అయినా మీ తీరు మారలేదు. మీ తీరుతో ప్రభుత్వానికి నష్టం. చేతకాక పొతే రాజీనామా చెయ్యండి అంటూ హైకోర్టు డీజీపీ పై తీవ్ర ఆగ్రహం వ్యక్తం చేసింది. అమలాపురం మండలం ఇందుపల్లిలో వెంకటరాజు అనే వ్యక్తి అదృశ్యం కేసు పై, వెంకటరాజు మేనమామ, హైకోర్టులో హెబియస్ కార్పస్ పిటిషన్ దాఖలు అయ్యింది. అమలాపురంలో అక్రమంగా ఒక వ్యక్తిని నిర్బంధించారు. వైజాగ్ లో కేసుకు సంబంధించి ఆచూకీ చెప్పాలి అంటూ, అమలాపురంలో ఉన్న వ్యక్తిని నిర్బంధించటంతో, వాళ్ళు హైకోర్టులో పిటీషన్ దాఖలు చెయ్యగానే, ఇతన్ని విడుదల చేసారు. అయితే ఈ కేసు విచారణకు వచ్చిన సందర్భంలో, హైకోర్టు తీవ్ర వ్యాఖ్యలు చేసింది. ఈ రాష్ట్రంలో, ఏమి జరుగుతుంది ? గతంలో ఇలాంటి పిటీషన్లలోనే రాష్ట్ర డీజీపీ హైకోర్టు ముందు హాజరు అయ్యి, రాష్ట్రంలో రూల్ ఆఫ్ లా అమలు చేస్తానాని, హామీ ఇచ్చారని, అయితే తరువాత కూడా ఇలాంటి ఘటనలు జరగటం ఏమిటి అంటూ, హైకోర్టు తీవ్ర ఆగహ్రం వ్యక్తం చేసింది. ఇటువంటి పరిస్థితితులు రాష్ట్రంలో సరి కాదని హైకోర్టు వ్యాఖ్యానించింది.

మా దగ్గరకు వచ్చే ప్రతి కేసుని సిబిఐ ఎంక్వయిరీకి ఇచ్చే పరిస్థితి ఉండదని, హైకోర్టు వ్యాఖ్యానించింది. ఇటువంటి పరిస్థీతులు రాష్ట్రంలో ఎందుకు జరుగుతున్నాయి అంటూ, గతంలో జరిగిన అన్ని సంఘటనలు కోర్టు గుర్తుకు చేసింది. ఇటువంటి పరిస్థితి సరైనది కాదని, మీ తీరుతో ప్రభుత్వానికి ఇబ్బందులు వస్తాయని కోర్టు వ్యాఖ్యానించింది. గతంలో విచారణ జరిగిన ప్రతి సారి పోలీసులదే తప్పని తేలిందని, ఆంధ్రప్రదేశ్ రాష్ట్రంలో పోలీస్ వ్యవస్థ గాడి తప్పుతుంది అంటూ, హైకోర్టు కీలక వ్యాఖ్యలు చేసింది. ఏపిలో రూల్ అఫ్ లా అమలు కావటం లేదని, పోలీస్ వ్యవస్థని కంట్రోల్ చేయలేకపొతే, డీజీపీ రాజీనామా చేసి బాధ్యతలు నుంచి తప్పుకోవచ్చని కోర్టు కీలక వ్యాఖ్యలు చేసింది. అయితే ఈ పరిణామం పై పోలీస్ బాస్ ఎలా స్పందిస్తారో చూడాలి. రాజకీయంగా కూడా, ప్రతిపక్షాలను టార్గెట్ చేస్తూ ప్రభుత్వం చెప్పినట్టు చేస్తున్నారని, అనేక ఆరోపణలు గతంలో వచ్చాయి. మరి ఇంత ఘాటుగా స్పందించిన తరువాత అయినా, పోలీస్ వ్యవస్థ మారుతుందో లేదో చూడాలి.

వైఎస్ఆర్ కాంగ్రెస్ పార్టీ రాజ్యసభ సభ్యుడు విజయసాయి రెడ్డి, రాష్ట్రంలో ఏమి జరిగినా తన ట్విట్టర్ ద్వారా స్పందిస్తూ ఉంటారు. ఏది జరిగినా చివరకు చంద్రబాబుకు అంటిస్తూ ఉంటారు. ఎక్కడైనా అధికారంలో ఉన్న వాళ్ళు, తాము అధికారంలో ఉంటూ, ప్రజల కోసం ఏమి చేస్తుంది, ప్రజలకు ఉపయోగ పడే సమాచారం చెప్తూ ఉంటారు. కానీ ఇక్కడ మాత్రం తాము అధికారంలో ఉన్నాం అనే సంగతి కూడా మర్చిపోయి, ఆ ట్విట్టర్ ను కేవలం ఆరోపణలకే ఉపయోగిస్తూ ఉంటారు. చంద్రబాబు పలానా స్కాంలో అవినీతి చేసి, వేల కోట్లు దోచేసారని ట్వీట్ చేస్తారు. మరి అధికారంలో ఉంది మీరే కదా, ఆధారలు బయట పెట్టి చంద్రబాబుని అరెస్ట్ చెయ్యండి అంటే మాట్లాడరు. రాష్ట్రంలో ఏ నేరం జరిగినా, అది చంద్రబాబు చేసారు, చేపించారు, దాని వెనుక చంద్రబాబు ఉన్నారు అంటారు. మరి అధికారం మీదే కదా, ఎందుకు అరెస్ట్ చెయ్యరు అంటే, మాట్లాడరు బురద చల్లటం, వాళ్ళే కడుక్కుంటారులే అని వెళ్ళిపోవటం. అయితే ఈ మధ్య పోలీసులు, ప్రతిపక్షంలో ఉన్న చంద్రబాబు ఏమైనా ఆరోపణలు చేస్తే, ఆధారాలు చెప్పండి, అంటూ నోటీసులు ఇస్తూ , లేఖలు రాస్తున్నారు.

సహజంగా ప్రతిపక్షంలో ఉన్నవారు, అధికార పక్షం చేస్తున్న పనుల పై ఆరోపణలు చేస్తూ ఉంటారు. అదే నిజమో కాదో చెప్పాల్సిన బాధ్యత అధికారులది. మన్నా మధ్య ఫోన్ ట్యాపింగ్ జరుగుతుంది అనే అనుమానాలు ఉన్నాయని, చంద్రబాబు ప్రధానికి లేఖ రాస్తే, ఆధారాలు ఇవ్వండి అంటూ డీజీపీ , చంద్రబాబుకి లేఖ రాసారు. ఆరోపణలు ఉండేది పోలీసుల మీద అయితే, వీరికి ఆధారాలు ఎలా ఇస్తారు ? అది నిజమో కాదో చెప్పాల్సిన అవసరం పోలీసులకు ఉంది. అయితే ఇప్పుడు విజయసాయి రెడ్డి, గత వారం రోజులుగా పదే పదే, అంతర్వేది రధం తగలబెట్టించింది చంద్రబాబు అంటూ, ట్వీట్లు చేస్తూ, ప్రకటనలు ఇస్తున్నారు. ఒక పక్క పోలీసులకు ఎవరు చేసారో తెలియటం లేదు, మరో పక్క ప్రభుత్వం సిబిఐకి అప్పచెప్పింది, విజయసాయి రెడ్డి మాత్రం పదే పదే చంద్రబాబు పేరు చెప్తున్నప్పుడు, డీజీపీ గారు విజయసాయి రెడ్డి గారికి నోటీసులు పంపించి, ఆయన వద్ద ఎలాంటి ఆధారాలు ఉన్నాయో తెలిస్తే, అది నిజం అయితే చంద్రబాబు మీద చర్యలు తీసుకోవచ్చు కదా ? లేదు అనుకుంటే ఇలాంటి మతపరమైన సున్నిత అంశాల పై తప్పుడు ఆరోపణలు చేస్తున్నారని, కనీసం వార్నింగ్ అయినా ఇవ్వాలి.

ఈ రోజు నుంచి ఢిల్లీలో పార్లమెంట్ సమావేశాలు ప్రారంభం అయిన సంగతి తెలిసిందే. అయితే ఈ సందర్భంలో వైఎస్ఆర్ కాంగ్రెస్ పార్టీ, తన ఎంపీల చేత ఎలాంటి పోరాటం చెయ్యాలి అనే అంశం పై పార్టీ అధ్యక్ష్యుడు జగన్ తో, వీడియో కాన్ఫరెన్స్ ఏర్పాటు చేసారు. అయితే ఈ సమావేశానికి రావాలని మొదట రఘురామకృష్ణం రాజు ని పిలిచిన ఏపి భవన్ అధికారులు, తరువాత రెండు గంటలకు మీరు రానవసరం లేదు అంటూ, రఘురామకృష్ణం రాజుకి షాక్ ఇచ్చారు. అయితే ఈ విషయం పై అదే స్థాయిలో రియాక్ట్ అయిన రఘురామరాజు, మీడియా మందు చాకిరేవు పెట్టి, జరిగిన విషయం స్పీకర్ కు కూడా ఫిర్యాదు చేసారు. ఈ అంశం పై రఘురామ రాజు మాట్లాడుతూ, "రాష్ట్రం కోసం మనం ఢిల్లీలో ఎలా పోరాడాలి, ఎందుకంటే రాష్ట్రం కోసం పోరాడే విషయంలో, పార్టీలకు అతీతంగా కలిసి పోరాడితేనే, ఢిల్లీలో విలువ ఉంటుంది. ఎలా పోరాడాలి అనే విషయంలో, మా ముఖ్యమంత్రి గారు, మా ప్రతి ఎంపీలతో వీడియో కాన్ఫరెన్స్ ఏర్పాటు చేసారు. ఎలా పోరాడాలి ఏమి పోరాడాలి అనేది చెప్తారు. స్పెషల్ స్టేటస్ విషయంలో కూడా చెప్తారు, అందులో ఎలాంటి సందేహం లేదు. అయితే ఈ సమావేశంలో పాల్గునాలని నాకు, ఉదయం 9:10కి ఆంధ్రా భవన్ నుంచి ఒక అధికారి ఫోన్ చేసి, ఇలా ముఖ్యమంత్రి గారు, వీడియో కాన్ఫరెన్స్ లో , పార్లమెంట్ లో ఎలాంటి అంశాల పై పోరాడాలి అనే దాని పై దిశానిర్దేసం చేస్తారు, ఈ వీడియో కాన్ఫరెన్స్ లో మీరు పాల్గునాలి, తరువాత లంచ్ కూడా ఉంటుంది, మీరు లంచ్ చేసి వెళ్ళాలి అని చెప్పారు. "

"అయితే నేను సంతోషించాను. ఆంధ్రభవన్ కాబటి, అందరు ఎంపీలను పిలిచారేమో అనుకుంటే, కేవలం యువజన శ్రామిక రైతు పార్టీ ఎంపీలను మాత్రమే పిలిచారని అనుకున్నారు. అయితే మళ్ళీ ఏమైందో ఏమో, 11 గంటలకు మళ్ళీ అదే అధికారి ఫోన్ చేసి, సార్ మిమ్మల్ని రావద్దు అన్నారని, పై నుంచి కబురు వచ్చింది, మిమ్మల్ని రావద్దు అన్నారని చెప్పారు. అదేంటి నన్ను రమ్మన్నారు, భోజనం కూడా చేసి వెళ్ళమన్నారు, మళ్ళీ ఇప్పుడు రావద్దు అంటారు ఏంటి అని అడిగితే, లేదు అండి పై నుంచి వచ్చిన ఆర్డర్స్ అన్నారు. మరి మీ ద్రుష్టిలో నేను పార్టీలో లేనట్టా అని అడిగితే, లేనట్టే అనుకుంటా అండి అనే సమాధానం వచ్చింది. అయితే మొన్న ప్రజా సమస్యలు చెప్పినప్పుడు, షోకాజ్ నోటీస్ వచ్చింది. అలాగే ఇప్పుడు రఘురామరాజు పిలిచినా రాలేదు అంటారేమో, మళ్ళీ నోటీస్ ఇస్తారేమో అని భయం వేసి, స్పీకర్ గారికి జరిగిన విషయం చెప్పి, మీడియా ముందు కూడా సాక్ష్యం ఉంటుందని చెప్తున్నా. పిలిచారు రావద్దు అన్నారు, పార్టీలో మీరు లేరు అన్నారు. అంటే నన్ను బషిష్కరించారేమో అని అర్ధం అవుతుంది." అని రఘురామరాజు అన్నారు.