news

గత ఏడాది కాలంలో, తెలుగుదేశం పార్టీ నేతలు, కార్యకర్తలను టార్గెట్ చేసి, వైఎస్ఆర్ కాంగ్రెస్ పార్టీ ఇబ్బంది పెడుతున్న సంగతి తెలిసిందే. సోషల్ మీడియాలో ప్రశ్నిస్తూ పోస్ట్ పెట్టినా, అరెస్ట్ చేపిస్తున్న సంగతి తెలిసిందే. ఇక టిడిపి నేతలను కూడా ఎక్కడ చిన్న అవకాసం ఉన్నా, అరెస్ట్ చేస్తున్నారు. అయితే ఈ సందర్భంలో, నెల్లూరు జిల్లాకు చెందిన, శ్రీకాంత్ రెడ్డి అనే ఒక కార్యకర్త, ప్రభుత్వానికి వ్యతిరేకంగా పోస్టులు పెడుతున్నారు అంటూ, ఒక హెడ్ కానిస్టేబుల్, శ్రీకాంత్ రెడ్డికి ఫోన్ చేసి, బెదిరించారు. ఈ ఫోన్ సంభాషణ వైరల్ అయ్యింది. నేను బూతులు తిట్టలేదని, ప్రభుత్వాన్ని ప్రశ్నించానని, అదే తప్పు అయితే, కేసు పెట్టి ఆక్షన్ తీసుకోండి, అంటూ శ్రీకాంత్ రెడ్డి, ఆ పోలీస్ కు చెప్పటం, ఇదంతా వైరల్ అయ్యింది. దీంతో ఈ విషయం తెలుసుకున్న తెలుగుదేశం పార్టీ అధినేత చంద్రబాబు గారు, శ్రీకాంత్ రెడ్డికి స్వయంగా ఫోన్ చేసారు. ఏకంగా తమ పార్టీ అధినేత ఫోన్ చెయ్యటంతో, శ్రీకాంత్ రెడ్డి, సంతోషంతో, చంద్రబాబుకి జరిగిన విషయం చెప్పారు.

చంద్రబాబు మాట్లాడుతూ "శ్రీకాంత్ రెడ్డి గారు, మీకు జరిగింది తెలిసింది. చాలా ధైర్యంగా మాట్లాడారు. ఏ మాత్రం, భయపడకుండా, మనకు ఉండే హక్కులు కాపాడటానికి, మీరు మాట్లాడారు. మీ ధైర్యానికి మనస్పూర్తిగా అభినందనలు. ఎందుకంటే, పోలీస్ వ్యవస్థ అంటే, ప్రజలను రక్షించే విధంగా ఉండాలి కాని, ఫోన్లు చేసి బెదిరించటం కరెక్ట్ కాదు. నేను ఉన్నప్పుడు, పోలీసులు బాధ్యతగ గౌరవంగా ప్రవర్తించాలి అని, బాడీ వొర్న్ కెమెరా పెట్టాం. కాని, వీళ్ళు అన్నీ తీసేశారు. నిన్న ఆ పోలీస్ మాట్లాడిన తీరు, లెక్క లేకుండా మాట్లాడారు. మీరు కూడా ధైర్యంగా మాట్లాడారు. నేను ఏమి తప్పు చేసాను, వారెంట్ ఉందా, అసభ్యంగా ఎక్కడ ఉంది, వైఎస్ఆర్ కాంగ్రెస్ పార్టీ నాయకులను ముందు అరెస్ట్ చెయ్యండి అంటూ ఎంతో ధైర్యంగా మాట్లాడారు. మీరు రాష్ట్రంలో ఉండే కార్యకర్తలు అందరికీ ఆదర్శంగా మిగిలారు. మనం తప్పు చెయ్యనప్పుడు ఎందుకు భయపడాలి ? వాళ్ళు ఇష్టం వచ్చినట్టు చేస్తున్నారు. మీకు ఏ సహాయం కావాలి అన్న చెప్పండి, పార్టీ మీకు అన్ని విధాలుగా అండగా ఉంటుంది" అంటూ చంద్రబాబు మాట్లాడారు.

గత ఎన్నికల్లో దగ్గర ఉండి చంద్రబాబుని ఓడించి, చేయి పట్టుకుని మరీ జగన్ ని గెలిపించిన బీజేపీ నేతలు, గత ఆరు నెలలుగా, జగన్ పాలన పై విరక్తి చెంది, జగన్ పాలన పై విమర్శలు గుప్పిస్తున్నారు. బీజేపీలో ఉన్న కొంత మంది వైసీపీ బ్యాచ్ మాత్రం, 14 నెలలు అయినా, ఇప్పటికీ చంద్రబాబు పైనే నిందలు వేస్తూ ఉన్నారు అనుకోండి అది వేరే విషయం. అయితే రాష్ట్ర బీజేపీ అధ్యక్షుడు కన్నా లక్ష్మీ నారాయణ, ఎప్పటికప్పుడు, జగన్, విజయసాయి రెడ్డి చేస్తున్న ప్రజా వ్యతిరేక పనులను ప్రశ్నిస్తూ వస్తున్నారు. తాజాగా 108 స్కాం కూడా బయట పెట్టింది కన్నా లక్ష్మీ నారాయణే. దీంతో ట్విట్టర్ లో అందరినీ రెచ్చగొట్టే విజయసాయి రెడ్డి, గత కొన్ని రోజులుగా కన్నా లక్ష్మీ నారాయణను టార్గెట్ చేస్తున్నారు. జగన్ కు అనుకూలంగా ఉంటారు అని ముద్ర ఉండే సోము వీర్రాజు, నిన్న చంద్రబాబు పై విమర్శలు చేసారు. ఆ వ్యాఖ్యలు పట్టుకుని, విజయసాయి రెడ్డి, కన్నాను టార్గెట్ చేస్తూ ట్వీట్ చేసారు. మీ పార్టీ నాయకుడే చంద్రబాబు అవినీతి గురించి ప్రస్తావిస్తుంటే, ఎందుకు సైలెంట్ అయ్యావు కన్నా అంటూ, ట్వీట్ చేసారు.

అయితే విజయసాయి రెడ్డి మాటిమాటికి తనను అనవసరంగా టార్గెట్ చేస్తూ ఉండటం పై, కన్నా, జగన్ కు లేఖ రాసి, విజయసాయి రెడ్డిని బీజేపీ పై కాకుండా, సొంత పార్టీ పై, ప్రజా సమస్యల పై దృష్టి పెట్టే విధంగా చూడండి అంటూ, లేఖ రాసారు. దీని పై మళ్ళీ విజయసాయి ట్వీట్ చేస్తూ, లేస్తే మనిషి కాదు అంటావు, లేఖలు రాస్తావు, ఏపిలో కమలం పువ్వుని కబళించే పనిలో ఉన్న మిడతల దండులో నువ్వు భాగస్వామివా అంటూ, మరో ట్వీట్ చేసారు. ఇక విజయసాయి రెడ్డి అరాచకాలు ఎక్కువ అయిపోతున్నాయి అనుకున్నారో ఏమో కానీ, డైరెక్ట్ గా ఢిల్లీ నేతలు దిగారు. బీజేపీ ఏపీ ఇంచార్జ్ సునీల్ దేవ‌ధ‌ర్ తో పాటు, ఇతర నేతలు మూకుమ్మడిగా దాడి చేసారు. అన్ని రంగులు కాషాయం చేసే బలం మాకు ఉంది, మీ ఎంపీ, ఇప్పటికే మీ రంగును ఫేడ్ చేస్తున్నాడు కాపాడుకో అని ట్వీట్ చెయ్యగా, బీజేపీ జాతీయ కార్యదర్శి సత్యకుమార్ కూడా విరుచుకు పడ్డారు. మా సంగతి మాని, నీ గురించి, మీ ఎంపీలు, ఎమ్మెల్యేలు ఏమి చెప్పుకుంటున్నారో తెలుసుకో, మీ పార్టీలో చేరిన వారి సంగతి ఏమిటి గురివిందా ? తినటం గురించి నువ్వే చెప్పాలి అంటూ తీవ్రంగా స్పందించారు. ఈ వివాదం ఎక్కడి దాకా వెళ్తుందో చూడాలి.

తమ సొంత పార్టీ ఎంపీ, రాష్ట్రంలో ప్రభుత్వం పై జరుగుతున్న అవినీతి విషయాలు, మీడియా ముందుకు తెచ్చారరే కారణంతో, ఆయన్ను అనర్హుడిగా ప్రకటించాలి అంటూ, ఇప్పటికే వైసిపీ ప్రయత్నాలు మొదలు పెట్టింది. అయితే రఘురామరాజు మాత్రం, ఎక్కడా పార్టీని, నాయకుడిని నేను తిట్టలేదు అని, నేను ప్రభుత్వంలో జరుగుతున్న విషయాలు సియంకు చెప్దాం అనకుంటే, ఆయన నాకు అపాయింట్మెంట్ ఇవ్వని కారణంగా, మీడియాలో చెప్పి, ఆయన దృష్టికి తెవాల్సి వచ్చిందని చెప్పారు. ఈ వివాదం ఇలా కొనసాగుతూ ఉండగానే, ఇప్పుడు వైసీపీ వ్యూహం మార్చి, రఘురామాకృష్ణం రాజు పై పోలీసు కేసులు పెట్టిస్తుంది. నిన్నటి నుంచి ఈ ప్రక్రియ మొదలైంది. ఆయనకు వ్యతిరేకంగా, జిల్లాలో ఉన్న మంత్రులు, ఎమ్మెల్యేలు ఒక్కటి అయ్యారు. నిన్న రఘురామకృష్ణం రాజు పై, మంత్రి శ్రీరంగనాథ రాజు తన పీఏ చేత పోలీస్ కంప్లైంట్ ఇప్పించారు. తమను ఆయన దూషించారని, తమ పై అసత్య వార్తలు చెప్తూ, ప్రజల్లో గందరగోళం సృష్టించారు అంటూ కంప్లైంట్ ఇచ్చారు.

నిన్న మంత్రి ఫిర్యాదు చేస్తే, ఈ రోజు ఎమ్మెల్యే గ్రంధి శ్రీనివాస్‌, మరో ఎమ్మెల్యే రామకృష్ణ రాజు, తమ పార్టీ ఎంపీ పై, అదే రకమైన ఫిర్యాదు చేసారు. వేరు వేరు పోలీస్ స్టేషన్లలో ఈ కేసులు పెట్టారు. తమను తిడుతూ, అవమానించేలా, ఉద్రిక్తతలు రెచ్చగొట్టే విధంగా చేస్తున్నారని తెలిపారు. ఆయన పై సరైన చర్యలు తీసుకోవాలని ఫిర్యాదులో కోరారు. అలాగే జిల్లా ఎస్పీకి కూడా ఈ ఫిర్యాదు చేసారు. ఇవన్నీ చూస్తుంటే, రఘురామకృష్ణం రాజుని వదిలించుకోవాలనే అధిష్టానం నిర్ణయంతో, ఈ గేం ఆడిస్తున్నారని తెలుస్తుంది. అయితే ఈ పరిణామం పై రఘురామ కృష్ణం రాజు కార్యాలయం ఒక ప్రెస్ నోట్ విడుదల చేసింది, ఇవన్నీ కావాలని చేస్తున్నారని, ఆ ప్రెస్ నోట్ సారంశం. ఈ విషయం పై రఘురామ రాజు, ఇంకా నేరుగా స్పందించలేదు. ఒక ఎంపీ మీద పోలీస్ కంప్లైంట్ అంటే, పై నుంచి వచ్చిన ఆదేశాలు ప్రకారం ఇలా చేసారని, దీని పై ఏ వ్యూహం ఉందో, దీని పై రాజు గారు ఎలాంటి పంచ్ ఇస్తారో చూడాలి.