news

ఊరందరిది ఒక దారైతే ఉలిపికట్టది మరో దారని, అన్ని రాష్ట్రాలు నిర్ణయాలు ఒక వైపు అయితే మన రాష్ట్ర రూటు సపరేటు అన్నట్లు ఉంది. కరోనా మూడవ దశ ఎక్కువగా ఉన్న దశలో, దేశం అంతటా వ్యాపిస్తున్న నేపధ్యంలో అన్ని రాష్ట్రాలు ఎవరికి వారు జాగ్రత్త పడుతున్నారు. అయితే సంక్రాంతి పండుగ అయిపోవడంతో రాష్ట్రాలలో స్కూల్స్ , కాలేజీలు మళ్ళి మొదలు కాబోతున్నాయి. మన రాష్ట్రంలో కరోనా కేసులు విపరీతంగా పెరుగుతున్న తరుణంలో సంక్రాంతి సెలవులు పెంచడమో లేక మళ్ళి ఆన్లైన్ లోనే క్లాసులు పెడతారని అందరూ భావించారు. అయితే తెలంగాణలో కూడా బాగా కేసులు పెరుగుతుండటంతో ఈ నెల 30 తేది వరకు పాఠశాలలకు సెలవలు పొడిగించారు. అదే విధంగా మన రాష్ట్రం లో కుడా పొడిగిస్తారని అటు విద్యార్ధులు, తల్లితండ్రులు కుడా భావించారు. ఈ విషయం పై విద్యా శాఖా మంత్రి ఆదిమూలపు సురేష్ స్పందిస్తూ మన రాష్ట్రంలో ఎటువంటి సెలవలు పొడిగింపు లేవని ఈ రోజు నుంచి యధావిధిగా స్కూల్స్ కాలేజీలు ప్రారంభమవుతాయని ఆయన స్పష్టం చేసారు. కేసులు తీవ్రత పెరిగితే అప్పుడు ఆలోచిస్తామని ఆయన చెప్పారు. అయితే మంత్రి ప్రకటన పై, భగ్గుమంటున్నారు. కేసులు పెరగకుండా చూడాలి కానీ, పెరిగితే చూస్తాం అని చెప్పటం ఏమిటో అర్ధం కావటమ లేదు.

టీఎన్‌ఎ్‌సఎ్‌ఫ అధ్యక్షుడు ఎంవీ ప్రణవ్‌గోపాల్‌ దీనిని తప్పు పడుతూ ఆదిమూలపు సురేష్ పై విమర్శలు చేసారు. పిల్లల జీవితాలతో ఆటలాడద్దని, అసలు 15 లోపు వయసు వారికి వాక్సిన్ అందుబాటు లోకి రాకుండా, మీరు స్కూల్స్ ఎలా పెడతారని ఆయన ప్రశ్నించారు. అన్ని రాష్ట్రాలలాగా మీరూ కొన్ని రోజులు సెలవలు పొడిగిస్తే నష్టం ఏంటని కూడా ఆయన తప్పుబట్టారు. ఈ విద్యా శాఖా మంత్రికి విద్యా వ్యవస్థని ఎలా నిర్వర్తించాలో కూడా తెలియదని , ఇలనాటి వాళ్ళు ఉండటం మన దురదృష్టకరమని విమర్శించారు. క-రో-నా వ్యాప్తి దృష్ట్యా పరిస్థితులు సద్దుమణిగే వరకు పాఠశాలలకు సెలవులు పొడిగించాలని డిమాండ్ చేసారు. అలా కాకుండా ప్రభుత్వం ఇష్టం వచ్చినట్టు వ్యవహరిస్తే చూస్తూ ఊరుకోం అని, రేపు కరోనా వ్యాప్తి జరిగితే, దానికి ప్రభుత్వమే బాధ్యత వహించాల్సి ఉంటుందని అన్నారు. అయితే ఈ రోజు ముఖ్యమంత్రి జగన్ మోహన్ రెడ్డి అధ్యక్షతన రివ్యూ జరగనుంది. ఈ రివ్యూలో ఏదో ఒక నిర్ణయం తీసుకుంటారనే ప్రచారం జరుగుతుంది.

జగన్ మోహన్ రెడ్డి చెల్లెల్లు వైఎస్ షర్మిల, ఆంధ్రప్రదేశ్ లో పార్టీ పెడుతుంది అంటూ ఈ మధ్య వార్తలు వచ్చిన సంగతి తెలిసిందే. షర్మిల కూడా స్పందిస్తూ, ఏ పార్టీ పెట్టకూడదని ఏమైనా రాజ్యాంగంలో ఉందా అంటూ కౌంటర్ ఇవ్వటంతో, షర్మిల ఏ క్షణమైనా ఏపిలో ఎంట్రీ ఇస్తుందనే ప్రచారం మొదలైంది. అయితే షర్మిల పార్టీ పేరు వైఎస్ఆర్టీపి, అందులో తెలంగాణా పదం ఉంది. ఈ పేరు పెట్టుకుని షర్మిల ఏపిలో పార్టీ పెట్టటం కష్టం అని అందరూ అనుకున్నారు. అయితే ఇప్పుడు షర్మిలకు ఆ బాధ కూడా తప్పింది. ప్రసుత్తం జరిగిన ఒక పరిణామంతో, షర్మిల తన పార్టీ పేరు మార్చుకోవాల్సిన పరిస్థితి రావటంతో, ఏపిలో కూడా పార్టీ ఉండేలా, కొత్త పేరుతో షర్మిల వస్తున్నాట్టు తెలుస్తుంది. అసలు ఏమైంది అంటే, ఇప్పటికే షర్మిల వైఎస్ఆర్టిపి పేరుతో తన పార్టీ పేరు ఎన్నికల కమిషన్ దగ్గర రిజిస్టర్ చేసుకోవటానికి ధరఖాస్తు చేసారు. అయితే షర్మిల పార్టిని ఎన్నికల కమిషన్ రిజిస్టర్ చేయకుండా, పార్టీ పేరు మార్చుకోవాలని తిప్పి పంపించింది. అప్పటి వరకు పార్టీ పేరుని రిజిస్టర్ చేయమని చెప్పింది.

దీనికి కారణం అన్న వైఎస్ఆర్ కాంగ్రెస్ పార్టీ చేసిన అభ్యంతరం. ఇప్పటికే అన్న వైఎస్ఆర్ కాంగ్రెస్ పార్టీ అధ్యకుడు మహబూబ్ బాషా, షర్మిల పార్టీ పేరు పై ఎలక్షన్ కమిషన్ వద్ద అభ్యంతరం తెలిపారు. దీంతో ఆయనకు ఎలక్షన్ కమిషన్ స్పందిస్తూ, షర్మిల పార్టీ పేరుని రిజిస్టర్ చేయలేదని, కొత్త పేరుతో రమ్మని చెప్పినట్టు తెలిపారు. అన్న వైఎస్ఆర్ కాంగ్రెస్ పార్టీ, ఇప్పటికే జగన్ మోహన్ రెడ్డి పార్టీ పేరు పైన కూడా అభ్యంతరం తెలిపింది. అది కూడా కోర్టులో ఉంది. ఇప్పుడు తాజాగా షర్మిల పార్టీ విషయంలో కూడా అభ్యంతరం తెలపటంతో, షర్మిల పార్టీ పేరు రిజిస్టర్ చేయలేదు. ఇప్పుడు షర్మిల కొత్త పేరు పైన కసరత్తు చేస్తున్నట్టు తెలిసింది. ఎలాగూ షర్మిల ఏపిలో కూడా అడుగు పెడుతున్నారు కాబట్టి, ఏపిలో కూడా పార్టీ ఉండేలా ఆమె, కొత్త పేరుతో రానున్నారని తెలుస్తుంది. మొత్తానికి షర్మిల పార్టీకి పేరు రిజిస్ట్రేషన్ లోనే అవాంతరాలు ఎదురైనా, ఆమె దీన్ని తనకు ఎలా అనుకూలంగా మలుచుకుంటారో చూడాలి.

నరసరావుపేట పేట టీడీపీ ఇంచార్జ్ చదలవాడ అరవింద్‍బాబు పై, రెండు రోజుల క్రితం, పోలీసులు వ్యవహరించిన తీరు అందిరకీ తెలిసిందే. ఒక కేసు విషయంలో, తెలుగుదేశం పార్టీకి చెందిన యువకులను అక్రమంగా అరెస్ట్ చేసారని తెలుగుదేశం పార్టీ నిరసనకు పిలుపు ఇచ్చింది. అక్రమంగా అరెస్ట్ చేసిన వారిని వదిలిపెట్టాలని డిమాండ్ చేసింది. అయితే తెలుగుదేశం పార్టీ చేస్తున్న నిరసన కార్యక్రమాన్ని పోలీసులు అడ్డుకున్నారు. ఈ క్రమంలో అరవింద్ బాబు పైన పోలీసులు గుండెల మీద తన్నటంతో, ఆయన అక్కడికక్కడే కుప్పకూలిపోయారు. హుటాహుటిన హాస్పిటల్ కు తీసుకుని వెళ్లి చికిత్స అందించారు. అరవింద్ బాబు పైన దౌర్జన్యం చేసిన పోలీసులను అరెస్ట్ చేయాలని టిడిపి ఆందోళన చేస్తుంటే, తెలుగుదేశం పార్టీకే షాక్ ఇచ్చారు పోలీసులు. కొట్టి, హాస్పిటల్ లో చేరితే, ఆయనకు న్యాయం చేయకుండా, ఎదురు చదలవాడ అరవింద్‍బాబుపైనే కేసు నమోదు చేసారు పోలీసులు. జొన్నలగడ్డలో రోడ్డు మీద ఆందోళన చేపట్టి, అక్కడ ప్రజలకు ఇబ్బంది కలిగించారని, అందుకే కేసు నమోదు చేస్తున్నట్టు చెప్పారు. ఈ పరిణామంతో తెలుగుదేశం పార్టీ కూడా షాక్ కు గురయ్యింది. ఇదేమి తీరు అంటూ, తెలుగుదేశం పార్టీ నేతలు, పోలీసుల పై మండి పడుతున్నారు.

స్థానిక వైఎస్ఆర్ కాంగ్రెస్ పార్టీ ఎమ్మెల్యే ఒత్తిడితోనే, పోలీసులు ఇలా వ్యవహరిస్తున్నారని, ఇది మంచి పద్దతి కాదని వార్నింగ్ ఇస్తున్నారు. అక్రమంగా తెలుగుదేశం కార్యకర్తలను అరెస్ట్ చేసారని, దాని పై ప్రశ్నిస్తే, ఎదురు కేసులు పెట్టటం పై వారు అభ్యంతరం వ్యక్తం చేస్తున్నారు. మరో పక్క నరసరావుపేట పేట టీడీపీ ఇంచార్జ్ అరవింద్ బాబును, చంద్రబాబు ఫోన్ చేసి పరామర్శించారు. ఆయన ఆరోగ్య పరిస్థితి అడిగి తెలుసుకున్నారు. అవసరం అయితే, హాస్పిటల్ మార్చాలని సూచించారు. నిరసన సమయంలో పోలీసులు వ్యవహరించిన తీరు పై చంద్రబాబు ఆగ్రహం వ్యక్తం చేసారు. ఆరోగ్యం జాగ్రత్తగా చూసుకోవాలని, చంద్రబాబు సూచించారు. అలాగే అంబులెన్స్ లో హాస్పిటల్ కు తీసుకుని వస్తున్న సమయంలో, వైసీపీ కార్యకర్తలు అడ్డుకుని, అంబులెన్స్ ధ్వంసం చేయటం పై చంద్రబాబు ఆగ్రహం వ్యక్తం చేసారు. ఇంత జరుగుతున్నా పోలీసులు పట్టించుకోక పోవటం పై చంద్రబాబు ఆగ్రహం వ్యక్తం చేసారు.