వైఎస్ కుటుంబానికి పులివెందుల అడ్డా. రాజ‌శేఖ‌ర్ రెడ్డి వ్య‌వ‌హారాల‌తోపాటు పులివెందుల నియోజ‌క‌వ‌ర్గం మొత్తం వైఎస్ వివేకానంద‌రెడ్డి క‌నుస‌న్న‌ల్లో ఉండేది. వైఎస్ పావురాల‌గుట్ట‌లో హెలికాప్ట‌ర్ కూలి దుర్మ‌ర‌ణం పాల‌వ‌డంతో పులివెందుల ఈక్వేష‌న్ష్ మారిపోయాయి. బాబాయ్ వివేకానంద‌రెడ్డి కాంగ్రెస్లో చేర‌డంతో వైఎస్ జ‌గ‌న్ రెడ్డి త‌ర‌ఫున పులివెందుల వ్య‌వ‌హారాలు చూసేందుకు వైఎస్ అవినాష్ రెడ్డి, ఆయ‌న తండ్రి భాస్క‌ర్ రెడ్డి, వీరి చిన్నాన్న మ‌నోహ‌ర్ రెడ్డి దిగారు. అనంత‌రకాలంలో జ‌గ‌న్ బాబాయ్ వివేకానంద‌రెడ్డి కూడా వైసీపీలో చేరారు. కానీ పులివెందుల‌లో ప‌ట్టుజారిపోయింది. ఈ నేప‌థ్యంలో వైఎస్ అవినాష్ రెడ్డి, భాస్క‌ర్ రెడ్డి మ‌రికొంద‌రితో క‌లిసి వివేకానంద‌రెడ్డిని దారుణంగా చంపించేశార‌ని సీబీఐ ఆరోపిస్తోంది. ఏ పులివెందుల‌లో ప‌ట్టు కోసం బాబాయ్‌ని అబ్బాయిలు వేసేశారో.అదే పులివెందుల నుంచి వారు కూడా జైలుబాట ప‌ట్టేలా ఉన్నారు. తండ్రి ఆల్రెడీ జైలుకి చేర‌గా, నేడో రేపో త‌న‌యుడు అవినాష్ రెడ్డి కూడా అరెస్టు అవుతాడ‌ని ప్ర‌చారం జ‌రుగుతోంది. ఈ నేప‌థ్యంలో జ‌గ‌న్ రెడ్డి త‌న త‌ర‌ఫున పులివెందుల బాధ్య‌త‌లు చూడ‌టానికి డాక్ట‌ర్ వైఎస్ అభిషేక్‌రెడ్డిని దింపుతున్నార‌ని స‌మాచారం. అవినాష్ రెడ్డిని కాపాడ‌టానికి చేసిన విశ్వ‌ప్ర‌య‌త్నాలు విఫ‌లం కావ‌డంతో ..బాబాయ్ మ‌ర్డ‌ర్ కేసు త‌న‌వ‌ర‌కూ రాకుండా చూడాలంటే అవినాష్ రెడ్డితో ఆగిపోయేలా చేసుకోగ‌లిగాడ‌ని టాక్ వినిపిస్తోంది. బాబాయ్‌ని చంపేశారు. అబ్బాయిలు జైలుకెళ్లారు. ఇప్పుడు పులివెందుల బాధ్య‌త‌లు చూడ‌టానికి త‌మ మ‌నిషే కావాలి అనే కోణంలో డాక్ట‌ర్‌ వైఎస్ అభిషేక్ రెడ్డిని రంగంలోకి దింపార‌ని తెలుస్తోంది. వైఎస్ ప్ర‌కాశ్‌రెడ్డి మ‌న‌వ‌డైన అభిషేక్ రెడ్డి, ఆయ‌న భార్య డాక్ట‌ర్లు కావ‌డంతో ప్ర‌జ‌ల‌కి ద‌గ్గ‌ర కాగ‌ల‌ర‌ని సీఎం జ‌గ‌న్ రెడ్డి భావిస్తూ..వీరిని రంగంలోకి దింపార‌ని తెలుస్తోంది.

వివేకానంద‌రెడ్డి హ‌త్య‌కేసులో ఏ1 ఎర్ర గంగిరెడ్డి లొంగిపోయాడు. సీబీఐ విడుద‌ల చేసిన కాల్ మ్యాపులో క‌డ‌ప ఎంపీ వైఎస్ అవినాష్ రెడ్డి ఒక్క‌డే మిగిలాడు. హైకోర్టు అరెస్టు చేయ‌కుండా ఇచ్చిన ఉత్త‌ర్వుల‌ను సుప్రీంకోర్టు అట్రాసియ‌స్ అని కొట్టేసింది. మ‌రి అవినాష్ రెడ్డి అరెస్టు ఎందుకు ఆగుతుంద‌నేది అంద‌రినీ తొలిచేసే ప్ర‌శ్న‌. అవినాష్ రెడ్డి అరెస్టునూ ఎవ్వ‌రూ ఆప‌లేర‌ని, అవినాష్ రెడ్డి త‌రువాత పైనున్న వారిని సేఫ్ చేసే ప‌నిలో జాప్యం చేస్తున్నార‌ని న్యాయ‌నిపుణుల విశ్లేష‌ణ‌. మ‌రోవైపు క‌ర్ణాట‌క ఎన్నిక‌లు మ‌రో 5 రోజుల్లో ముగియ‌నున్నాయి. క‌ర్ణాట‌క ఎన్నిక‌ల ఖ‌ర్చు బీజేపీది మొత్తం భ‌రిస్తున్న‌ది వైసీపీయేన‌ని పెద్ద ఎత్తున ప్ర‌చారం సాగుతోంది. అక్క‌డ ఎన్నిక‌లు ముగిసేవ‌ర‌కూ వివేకానంద‌రెడ్డి కేసులోనూ ఎటువంటి అరెస్టులు ఉండ‌క‌పోవ‌చ్చని, అక్క‌డ పోలింగ్ ముగిసిన వెంట‌నే అవినాష్ రెడ్డి అరెస్టుతో మొత్తం మేట‌ర్ క్లోజ్ చేసే ఒప్పందం జ‌రిగింద‌ని పుకార్లు షికార్లు చేస్తున్నాయి. అవినాష్ రెడ్డి వేకువ‌నే వైఎస్ జ‌గ‌న్ రెడ్డి ఓఎస్డీ, భార‌తి పీఏ న‌వీన్ ఫోన్ల‌కి కాల్ చేసిన అంశం చాలా కీల‌మైన‌ది తెర‌మ‌రుగు కావ‌డం వెనుక కేంద్రం ఆశీస్సులున్నాయ‌ని తెలుస్తోంది. ఎలాగూ అడ్డంగా బుక్క‌యిపోయాడు కాబ‌ట్టి అవినాష్ రెడ్డిని అరెస్ట్ చేసి కేసుని క్లోజ్ చేసి ఆ దంపతుల‌ని సేవ్ చేస్తార‌నే టాక్ వినిపిస్తోంది.

య‌థా రాజా త‌థా అధికారి అన్న మాదిరిగా ఉంది ఏపీలో పాల‌న‌. రాజ్యాంగ‌సంస్థ‌లు, కోర్టులు అంటే ప్ర‌భుత్వం ప్ర‌ద‌ర్శిస్తున్న లెక్క‌లేనిత‌నాన్ని బ్యూరోక్రాట్లూ ప్ర‌ద‌ర్శిస్తున్నారు. ఈ నిర్ల‌క్ష్య ఫ‌లితం త‌ర‌చూ కోర్టుల‌లో దోషులుగా అధికారుల‌ను నిల‌బెడుతోంది. దేశంలోనే అతి ఎక్కువ కోర్టు ధిక్క‌ర‌ణ కేసుల్లో ఏపీ టాప్ అని ఇటీవ‌ల గ‌ణాంకాలు వెల్ల‌డించాయి. తాజాగా మ‌రో కోర్టు ధిక్క‌ర‌ణ కేసులో ఏకంగా ఐదుగురు ఉన్న‌తాధికారులు జైలుశిక్ష ప‌డింది.  ఆర్టీసీ ఫీల్డ్‌మెన్లను క్రమబద్ధీకరించాలని గతంలో తాము ఇచ్చిన ఆదేశాలు అమలు చేయకపోవడంపై హైకోర్టు ఆగ్రహం వ్య‌క్తం చేసింది.  హైకోర్టు ఆదేశాలను పట్టించుకోలేదని ఫీల్డ్‌మెన్లు కోర్టు ధిక్కరణ పిటిషన్  దాఖ‌లు చేయ‌డంతో విచార‌ణ జ‌రిగింది.  కోర్టు ధిక్కరణ కేసులో ఐదుగురు అధికారులకు జైలు శిక్ష విధిస్తూ హైకోర్టు తీర్పు చెబుతూ  ఈ నెల 2వ తేదీన హైకోర్టు ఆదేశాలు జారీ చేసింది. రవాణాశాఖ ముఖ్య కార్యదర్శి కృష్ణబాబుకు నెల రోజులు,  ఆర్టీసీ ఎండీ ద్వారకా తిరుమలరావుకు నెల రోజులు, మరో ముగ్గురు అధికారులకు కూడా నెల రోజుల జైలు శిక్ష చొప్పున విధించారు.  ఐదుగురు అధికారులకు రూ.వెయ్యి చొప్పున జరిమానా కూడా విధించారు.  ఈ నెల 16లోపు రిజిస్ట్రార్ జనరల్ వద్ద లొంగిపోవాలని కోర్టు ఆదేశించింది.

పందికేమి తెలుసు ప‌న్నీరు వాస‌న అన్న‌ట్టుంది వైసీపీ నేత‌ల తీరు. త‌లైవా ర‌జ‌నీకాంత్ గురించి గుడివాడ ఎమ్మెల్యే కొడాలి నాని కూసిన కూత‌ల‌పై స‌భ్య‌స‌మాజం ఛీద‌రించుకుంది. కేవ‌లం చంద్ర‌బాబుని ప్ర‌శంసించార‌నే కార‌ణంతో వైకాపా నేత‌లు బూతుల‌తోనూ, మార్పింగ్ పోస్టుల‌తోనూ ర‌జ‌నీకాంత్ పై విరుచుకుప‌డుతున్నారు. ఈ నేప‌థ్యంలో సినిమా ఇండ‌స్ట్రీ నుంచి ఇటు టిడిపి మ‌ద్ద‌తు నేత‌లు కానీ, అటు ర‌జ‌నీకాంత్ స్నేహితులు కానీ ఎవ‌రూ స్పందించి ఖండించ‌లేదు. అయితే అనూహ్యంగా జ‌గ‌ప‌తిబాబు ర‌జ‌నీకాంత్ కి మ‌ద్ద‌తుగా నిలిచారు. రజనీకాంత్ మాట్లాడేవన్నీ నిజాలేన‌ని హీరో జగపతిబాబు సంచలన వ్యాఖ్యలు చేశారు. రజనీకాంత్ 100 శాతం రైట్ మాట్లాడారు. ఆయన మాట్లాడే విధానం, ఆయన అనే మాటలు పర్ఫెక్ట్ గా ఉంటాయంటా జ‌గ్గూ భాయ్ కితాబిచ్చారు. ర‌జ‌నీకాంత్ చక్కగా మాట్లాడతాడు.. నిజాయితీగా మాట్లాడతాడు.. నిజాలు మాట్లాడతాడు అంటూ జ‌గ‌ప‌తిబాబు వెన‌కేసుకురావ‌డం రాజ‌కీయాల్లోనూ, ఇండ‌స్ట్రీలోనూ సెన్సేష‌న్ అయ్యింది.

Advertisements

Latest Articles

Most Read