అక్రమాస్తులు సంపాదించి కేసుల్లో అరెస్టయి బెయిల్ పై విడుదలై ఉన్నారు వైఎస్ జగన్ రెడ్డి. సీబీఐ, ఈడీ, మనీల్యాండరింగ్, ఆర్థిక నేరాల కేసుల్లో ఆరితేరిపోయాడని ఆయనపై కేసులే చెబుతాయి. అయితే ఏ కేసులోనూ విచారణకి హాజరు కాడు జగన్. ఏ కేసు విచారణనీ కొలిక్కి రానివ్వడు. 30కి పైగా కేసుల్లో వైఎస్ జగన్ రెడ్డి తెలివితేటలు చూసి సీనియర్ న్యాయవాదులే నోరెళ్లబెట్టేస్తున్నారు. వ్యవస్థలని, కేంద్రంలో పెద్దల్ని ఇంతగా మేనేజ్ చేయకపోతే ఇన్ని కేసుల్లో, ఇన్నేళ్లు తప్పించుకుని తిరగడం సాధ్యమా? అని విశ్లేషిస్తున్నారు. వ్యవస్థల్ని మేనేజ్ చేయడం, కోర్టుల్లో విచారణని జాప్యం చేయడం ఎలాగే తెలిసిన విశేష అనుభవం ఉన్న వైఎస్ జగన్ రెడ్డి తన తమ్ముడు అవినాశ్ రెడ్డికి ఇందులో శిక్షణ ఇస్తున్నట్టు పరిణామాలు చూస్తే అర్థం అవుతోంది. వైఎస్ వివేకానందరెడ్డిని గుండెపోటు ప్రచారంలోకి తెచ్చింది, ఆ తరువాత గొడ్డలిపోటు థియరీ చెప్పిందీ అవినాష్ రెడ్డే. ఆ తరువాత సీబీఐ విచారణ కావాలని డిమాండ్ చేసిన జగన్ రెడ్డి, సీఎం అయ్యాక సీబీఐ విచారణ వద్దని కోరడంతో అనుమానాలు బలపడడం మొదలు అయ్యాయి. వివేకానందరెడ్డి హ-త్య విషయంలో ఒక్కో నిజం వెల్లడి అవుతుండడంతో దీనిపై ఎవ్వరూ మాట్లాడటానికి వీళ్లేందుకు అంటూ కోర్టుకు వెళ్లి గ్యాగ్ ఆర్డర్తీసుకొచ్చారు. తాజాగా సీబీఐ తనని అరెస్టు చేయకుండా ఆదేశాలు ఇవ్వాలని వైఎస్ అవినాశ్ రెడ్డి హైకోర్టుని ఆశ్రయించారు. ఇది అన్నయ్య వైఎస్ జగన్ రెడ్డి ఆదేశాలతోనే అని ప్రచారం సాగుతోంది. జగన్ రెడ్డిపై మొత్తం 31 కేసులుండగా అందులో సీబీఐ 11, ఈడీ 7 ఉన్నాయి. ఈ కేసులలో కోర్టులకి హాజరు కావడాన్ని తప్పించుకోటానికి జగన్ రెడ్డి ఇప్పటివరకూ వేసిన పిటిషన్లు 320 అని తెలుస్తోంది. అందరినీ స్టేలు తెచ్చుకున్నారు, వ్యవస్థలని మేనేజ్ చేశారని ఎద్దేవ చేసే జగన్ రెడ్డి వేసిన స్టే పిటిషన్లు 158 దాటిపోయాయి. 11 ఏళ్ల నుండి బెయిల్ ఉంటూ, సీఎం అయిపోయి రాజ్యాంగ వ్యవస్థలపై జగన్ రెడ్డి దా-డి చేస్తూనే ఉన్నారు. స్టేలు, డిశ్చార్జి పిటిషన్లు, వ్యవస్థల మేనేజ్ చేయడంలో ఆరితేరిపోయిన జగన్ రెడ్డి తన తమ్ముడు అవినాశ్ రెడ్డి వివేకా కేసులో అరెస్టు కాకుండా ట్రైనింగ్ ఇచ్చారని తెలుస్తోంది.
news
అవినాశ్ అరెస్ట్ తప్పదా? ఏమి జరుగుతుందో అని ఉత్కంఠగా ఎదురు చూస్తున్న వైసీపీ..
వైఎస్ వివేకానందరెడ్డి హ-త్యకేసులో వైసీపీ క్యాంపు ఎత్తుగడలు ఒక్కొక్కటి నేరస్తుల ఆచూకీ చెబుతున్నాయి. గతంలో వివేకా హ-త్యపై ఎవరూ మాట్లాడకూడదని కోర్టుకెళ్లి గాగ్ ఆర్డర్ తీసుకొచ్చారు వైఎస్ జగన్ రెడ్డి మనుషులు. ఇప్పుడు వైఎస్ అవినాశ్ రెడ్డిని అరెస్టు చేయకుండా సిబిఐకి ఆదేశాలు ఇవ్వాలని హైకోర్టులో పిటిషన్ ఆయనతోనే దాఖలు చేయించారు. దీంతో రెండు విషయాలను అవినాశ్ రెడ్డి ఒప్పుకున్నట్టయ్యింది. ఒకటి రేపు సీబీఐ అరెస్ట్ చేయడం తప్పదనేది, రెండోది విచారణ సందర్భంగా వివేకానందరెడ్డి హ-త్యలో తన పాత్రని ఒప్పుకున్న సంగతి అని అనుమానాలు వస్తున్నాయి. విచారణకి మూడోసారి పిలిచినప్పుడు మీటింగ్ల పేరుతో నాన్చుతున్నప్పుడే ఏదో తప్పించుకునే వ్యూహం పన్నుతున్నారని చాలా మంది ఊహించారు. అనుకున్నట్టే విచారణకి ఒక రోజు ముందు తెలంగాణ హైకోర్టులో కడప ఎంపీ వైఎస్ అవినాశ్ రెడ్డి పిటిషన్ దాఖలు చేశారు. రేపు సీబీఐ విచారణకు హాజరుకానున్న కడప ఎంపీ అవినాష్ రెడ్డి, సిబిఐ విచారణలో ఆడియో వీడియో రికార్డ్ చేయాలని, న్యాయవాది సమక్షంలో విచారించాలని కోరారు. అవినాష్ రెడ్డికి సిఆర్పిసి 160 కింద నోటీసు సిబిఐ అందజేయడంతో అరెస్టు తప్పదని నిర్ణయించుకున్న అవినాష్ రెడ్డి చివరి ప్రయత్నంగా హైకోర్టు తలుపు తట్టారు.
పీలేరు తెలుగుదేశానికి సరిలేరు.. వైసీపీ మూకల్ని తరిమారు
పీలేరులో టిడిపి జాతీయ ప్రధాన కార్యదర్శి నారా లోకేష్ పాదయాత్రపై దా-డి-కి యత్నించిన వైసీపీ మూకల్ని టిడిపి కేడర్ తరిమేసింది. నారా లోకేష్ చేపట్టిన యువగళం పాదయాత్రకు పీలేరు నియోజకవర్గంలో జనహోరుతో కదం తొక్కింది. నల్లారి కిశోర్ కుమార్ రెడ్డి తన సత్తా చాటారు. పీలేరు పట్టణంలో అడుగు తీసి అడుగు వేసే ఖాళీ లేనంతగా జనంతో నిండిపోయింది. నారా లోకేష్ని చూసేందుకు రోడ్లవెంట మహిళలు, యువకులు పరుగులు పెట్టారు. పీలేరు పట్టణంలో లోకేష్పై అడుగడుగునా పూలవర్షం కురిపించారు. బాణాసంచా మోతలు, డప్పు శబ్ధాలతో పీలేరు హోరెత్తిపోయింది. పెద్దెత్తున యువత పాదయాత్ర ఆరంభమైన నుంచీ రాత్రివరకూ యువనేత వెంటే ఉన్నారు. బహిరంగ సభ ప్రాంగణం కిక్కిరిసిపోయింది. ప్రసంగానికి ఈలలు, చప్పట్లు మారుమోగాయి. వేదికపై నుంచి మంత్రి పెద్దిరెడ్డి, స్థానిక ఎమ్మెల్యే చింతల రామచంద్రారెడ్డిపై అవినీతి ఆరోపణలు గుప్పించారు. ఎక్కడ ఎంత దోచారో లెక్కలు ప్రజల ముందుంచారు. పాపాల పెద్దిరెడ్డి, ఆయన పార్టీని ఓడించకపోతే రాష్ట్రానికి భవిష్యత్తు ఉండదని హెచ్చరించారు. యువగళం పాదయాత్ర పీలేరులో అంచనాలకు మించి దిగ్విజయం కావడం వైసీపీ నేతలు జీర్ణించుకోలేకపోయారు. వైసీపీ నేత, మార్కెట్ యార్డు మాజీ చైర్మన్ గిరిధర్ నాథ్ రెడ్డి తన అనుచరులతో కలిపి దాడి చేసేందుకు ప్రయత్నించారు. వేలాదిగా టిడిపి కార్యకర్తలు ఒక్కసారిగా తిరగబడటంతో పారిపోయి మార్కెట్ యార్డులో దాక్కున్నారు. పాదయాత్ర సాగే ప్రాంతాలలో కరెంటు తీసేశారు. పోలీసులు ఎక్కడికక్కడే అడ్డంకులు కల్పించారు. అయినా యువగళం పీలేరులో గర్జించింది. సవాల్ విసిరింది. వైసీపీ మూకలే తోకముడిచాయి.
జగన్ రెడ్డిపై కిషన్ రెడ్డి ప్రేమే అలా మాట్లాడిస్తోందా?
వైసీపీ అధినేత వైఎస్ జగన్ మోహన్ రెడ్డి అంటే మొదటి నుంచీ బీజేపీ సీనియర్ లీడర్ కిషన్ రెడ్డికి అవ్యాజమైన ప్రేమ. హిందుత్వమే అజెండాగా నడిచే బీజేపీలో కీలకనేత అయిన కిషన్ రెడ్డి, జగన్ రెడ్డితో అనుబంధం కొనసాగించడంలో ఎటువంటి మొహమాటం పడరు. సుప్రీంకోర్టులో ఉన్న రాజధాని అంశంపైనా జగన్ కళ్లలో ఆనందం కోసం కేంద్రమంత్రి అయి ఉండి విశాఖ రాజధాని ప్రకటించి కలకలం రేపారు కిషన్ రెడ్డి. దీంతో తీవ్ర దుమారం రేగటంతో మళ్లీ మాట మార్చారు కిషన్ రెడ్డి. ఏపీ రాజధాని అమరావతి అని దిద్దుబాటు ప్రకటన చేశారు. విశాఖపట్టణం రాజధాని అని తాను అన్న మాట, జిల్లా కేంద్రమైన విశాఖపట్టణాన్ని దృష్టిలో పెట్టుకొని మాట్లాడిన మాటే కానీ, రాష్ట్ర రాజధాని విశాఖపట్టణం అన్నది నా ఉద్దేశం ఎంతమాత్రం కాదని కిషన్ రెడ్డి వివరణ ఇచ్చారు. ఆంధ్రప్రదేశ్ రాష్ట్ర రాజధాని ‘అమరావతి’ అని బీజేపీ ఇదివరకే ప్రకటన ఇచ్చిందని, దీనికే తామంతా కట్టుబడి వున్నామని కేంద్రమంత్రి పేర్కొన్నారు. ఏపీలో బీజేపీ నేతలకు, కిషన్ రెడ్డికి ఇష్టంలేకపోయినా అమరావతే రాజధాని అని కేంద్ర పెద్దలు సంకేతాలు ఇవ్వడంతో అయిష్టంగానే వారు స్పందిస్తున్నారు. జగన్ రెడ్డి కోసం ఏకంగా కోర్టులో ఉన్న అంశంపైనే కిషన్ రెడ్డి మాట్లాడారంటే, ఎంతగా ఆ ప్రేమ ఉందో తేటతెల్లం అవుతుంది.