ఉత్తరాంధ్ర పట్టభద్రుల నియోజకవర్గంలో వైసీపీ మద్దతుతో పోటీచేసిన అభ్యర్థి సీతంరాజు సుధాకర్ని దారుణంగా ఓడించి మాకు వైసీపీ వద్దని నినదించారు. విశాఖ రాజధాని పేరుతో వస్తానంటోన్న సీఎం జగన్ రెడ్డిని కూడా మా వూరు రావొద్దు సారూ అంటూ వేడుకుంటున్నారు. గో బ్యాక్ సీఎం సార్ పేరుతో విశాఖ అంతటా ఫ్లెక్సీలు వెలిశాయి. జన జాగరణ సమితి పేరుతో విశాఖ నగరంలో ముఖ్యమైన ప్రాంతాల్లో అంటించిన ఈ పోస్టర్లు ఎమ్మెల్సీ ఎన్నికల్లో వైసీపీ అభ్యర్థి ఓడిపోయిన రోజే ప్రత్యక్షం కావడం వైసీపీలో కలకలం రేపుతోంది. ఈ పోస్టర్లలో అమరావతి రాజధాని నిర్మించాలనే డిమాండ్ కూడా ఉంది. జగదాంబ జంక్షన్, సిరిపురం, ఏయూ ప్రధాన గేటు, మద్దిలపాలెం, ఇసుకతోట, సీతమ్మ ధార, హెచ్ బీ కాలనీ, శాంతిపురంలో కనిపించిన ఈ పోస్టర్లు అధికార పార్టీలో వణుకు పుట్టించాయి. వైసీపీ నేతలు ఈ పోస్టర్లు తొలగించుకుంటూ వెళ్లారు. మరోవైపు జనజాగరణ సమితి ఎవరిదో తెలుసుకోవాలంటూ పోలీసులపై ఒత్తిడి చేస్తున్నారు. ఎన్నికల్లోనూ, మాములుగానూ విశాఖ వైసీపీని-జగన్ రెడ్డిని వద్దు పొమ్మంటోందని తేటతెల్లం అవుతోంది.
news
మంత్రి అప్పలరాజుకి ఘోర పరాభవం... ఇంతకంటే దారుణం ఉండదేమో..
ఉత్తరాంధ్ర ఓటర్లు వైసీపీపై ఉవ్వెత్తున తమ వ్యతిరేకతని వ్యక్తం చేశారు. ఓట్ల ద్వారా వైసీపీ అభ్యర్థికి దారుణ పరాజయం చవిచూపించారు. మరోవైపు తమ కోపాన్ని అణుచుకోలేక బ్యాలెట్ బాక్సుల్లో వైసీపీ మంత్రిపై స్లిప్పులు జారవిడిచారు. ఉన్నత చదువు చదివి, రౌడీల కంటే ఘోరమైన భాషలో మాట్లాడే మంత్రి చీదిరి అప్పలరాజుని చీదరించుకుంటూ లేఖలు బ్యాలెట్ బాక్సుల్లో పోస్టు చేశారు. ఉత్తరాంధ్ర పట్టభద్రుల ఎన్నికల కౌంటింగ్ సందర్భంగా అధికారులు సీదిరి అప్పలరాజు చీదర పనులు స్లిప్పుల్లో చూసి అవాక్కయ్యారు. బ్యాలెట్ బాక్స్ లో మంత్రి అవినీతిపై పలాస పట్టభద్రులు స్లిప్పులు వేశారు. మంత్రి భూకబ్జాలు, అనుచరుల అరాచకాలపై లెటర్లు రాసిన ఓటర్లు, తమ ఓట్లతోపాటు బ్యాలెట్ బాక్సులో వేశారు. అవినీతి మంత్రి తమకు వద్దంటూ ఆ లేఖల్లో డిమాండ్ చేశారు. నిత్యమూ వార్తల్లో వ్యక్తిగా ఉండే మంత్రి సీదిరి అప్పలరాజు అవినీతి నియోజకవర్గం నుంచి రాష్ట్రస్థాయికి చేరింది.
పట్టభద్రులు టిడిపికే పట్టం కడతారని "అమరావతి వాయిస్" చెప్పిందే నిజమైంది
అమరావతి వాయిస్ రాసిందే నిజమైంది. అమరావతి వెబ్ సైటు విశ్లేషణే అక్షరాలా వాస్తవమైంది. ఉత్తరాంధ్రలో పట్టభద్రులు ప్రభుత్వంపై ఉవ్వెత్తున విరుచుకుపడుతున్నారు. ఆంధ్రాలో అరాచక పాలనపై ఆక్రోశం వెల్లగక్కుతున్నారు. రాయలసీమ రాజకీయాలు ఒక్కసారిగా టిడిపి వైపు చూస్తున్నాయి. పట్టభద్రులు ఎమ్మెల్సీ ఎన్నికల ఓటింగ్ సరళి చూస్తుంటే ప్రభుత్వంపై ప్రజావ్యతిరేకత ఏ రేంజులో ఉందో అర్థం అవుతోంది. విశాఖ రాజధాని అని ఊరిస్తున్నా ఉత్తరాంధ్రులు నమ్మడంలేదు. కర్నూలు న్యాయరాజధాని అని ఆశ పెట్టినా సీమవాసులు కరుణించలేదు. అమరావతి ఆగ్రహజ్వాలలు సరేసరి. లక్షలాది మంది నిరక్షరాస్యులని పట్టభద్ర ఓటర్లుగా చేర్పించామని, కోట్లు ఖర్చు చేశామని, ఎన్నికల వ్యవస్థని మేనేజ్ చేశామని సంబరపడుతోన్న అధికార వైసీపీకి ప్రజలు షాకిచ్చారు. మూడు స్థానాల్లోనూ టిడిపి అభ్యర్థులకి మద్దతుగా నిలిచారు. ఎన్నికలకి ముందు అమరావతి వాయిస్ పట్టభద్రులు తెలుగుదేశానికి పట్టం కట్టబోతున్నారని రాసిన కథనం లింక్ ఇది.. https://www.amaravativoice.com/avnews/news/mlc-elections-tdp-edge
ఏపీలో వైసీపీ ధీమా సడలుతోందా? వైనాట్ 175 మేకపోతు గాంభీర్య నినాదమేనా? పట్టభద్రులు, టీచర్ ఎమ్మెల్సీ స్థానాలకి జరిగిన ఎన్నికల్లో ప్రభుత్వ వ్యతిరేకత కొట్టొచ్చినట్టు కనపడటంతో వైసీపీ పెద్దల్లో ఆందోళన నెలకొంది. దింపుడు కల్లం ఆశలు దొంగ ఓట్లపై పెట్టుకోవడం వైసీపీ తిరోగమనానికి సంకేతం అని అంటున్నారు. ఉద్యోగ, ఉపాధ్యాయ సంఘాలన్నీ కూడబలుక్కుని మరీ వైసీపీని ఓడించాలని తమ గ్రూపులలో నేరుగానే సందేశాలు పంపేశాయి. ఉద్యోగాల భర్తీ లేకపోవడంతో పట్టభద్రులలో తీవ్ర నిరాశానిస్పృహలు అలుముకున్నాయి. దీంతో గతంలో ఎన్నడూ లేనంతగా పట్టభద్రులు, ఉపాధ్యాయ స్థానాల ఎమ్మెల్సీ ఎన్నికల్లో పోలింగ్ నమోదైంది. విద్యార్థులు, నిరుద్యోగులు, ఉద్యోగులు, ఉపాద్యాయులు ఇంత వ్యతిరేకంగా ఉన్న ఎన్నికల్లో ఎట్టి పరిస్థితుల్లో గెలిచే అవకాశంలేదు. కానీ వైసీపీ ఇటువంటి ప్రజావ్యతిరేకతని ఊహించే భారీగా దొంగ ఓట్లు చేర్పించింది. ఇప్పుడు గెలుపు ధీమా అంత ఆ దొంగ ఓట్లపైనే పెట్టుకుంది. తూర్పు రాయలసీమ ఉపాధ్యాయ, పట్టభద్రుల స్థానాలకు సోమవారం పోలింగ్ జరగ్గా ఉపాధ్యాయ ఓటర్లు 91.40శాతం మంది ఓటింగ్లో పాల్గొన్నారు. అయితే ఉపాధ్యాయులు కానివారిని, ప్రైవేటు స్కూళ్లలో పనిచేసిన వారిని వైసీపీ తమ వాలంటీర్ల ద్వారా ఓటర్లుగా చేర్చిందని ఉపాధ్యాయసంఘాలు ఆధారాలతో సహా ఫిర్యాదులు చేసినా పట్టించుకునే అధికారే లేడు. ఈ దొంగ ఓట్లపైనే వైసీపీ గెలుపు ఆశలు పెట్టుకుంది. పట్టభద్రులు కూడా గతంలో ఎన్నడూ లేనంతగా 69.23 శాతం మంది, ఎండలో గంటల తరబడి నిలుచుని మరీ తమ ఓటుహక్కుని వినియోగించుకున్నారు. ఓటింగ్ శాతం పెరగడం, అందులోనూ యువత, ఉద్యోగులు పోటెత్తడంతో ప్రభుత్వంపై కోపంతోనే ఓటింగ్కి వచ్చారని, ఇది కచ్చితంగా వైసీపీకి ఓటమి ఎదురు కావొచ్చని రాజకీయ పరిశీలకులు వ్యాఖ్యానిస్తున్నాయి. అయితే తిరుపతి, రాయలసీమలో దొంగ ఓట్లని, ఉత్తరాంధ్రలో తాము పంచిన తాయిలాలు, డబ్బులనే నమ్ముకుని వైసీపీ గెలుపు అంచనాల్లో ఉంది.
బయట పడిన బీజేపీ-వైసీపీ బంధం... స్వయంగా ఒప్పుకున్న బీజేపీ సీనియర్ నేత...
రాష్ట్రంలో పట్టభద్రుల ఎమ్మెల్సీ స్థానాల ఫలితాలు వివిధ రాజకీయ పార్టీలలో ప్రకంపనలు సృష్టిస్తున్నాయి. వైసీపీ నేతల్లో ఆందోళన నెలకొనగా, బీజేపీ నేతలు నైరాశ్యంలో ఉన్నారు. ఈ ఫలితాలపై బీజేపీ రాష్ట్ర ఉపాధ్యక్షుడు విష్ణుకుమార్ రాజు సంచలన వ్యాఖ్యలు చేశారు. వైసీపీ, బీజేపీ దొందూ దొందే అని ప్రజలు భావిస్తున్నారని చెప్పుకొచ్చారు. ప్రధాని మోదీ, హోం మంత్రి అమిత్ షాలతో జగన్ ఫొటోలు తీసుకోవడం చూసి వైసీపీ, బీజేపీ ఒకటే అనుకుంటున్నారని చెప్పుకొచ్చారు. విశాఖను పాలన రాజధాని అని వైసీపీ ప్రకటించడం స్థానిక ప్రజలకు ఇష్టం లేదని, అందుకే వైసీపీని ఓడించారని చెప్పుకొచ్చారు. ఎమ్మెల్సీ ఎన్నికల్లో వైసీపీ ఓటమి శుభపరిణామం అని వ్యాఖ్యానించారు. టీడీపీ, జనసేన, బీజేపీ కలిసి పోటీ చేయాలి అని విష్ణుకుమార్ రాజు ఆకాంక్షించారు. బీజేపీ నేత వ్యాఖ్యలతో నేడో రేపో టిడిపిలో చేరడం ఖాయం అని ప్రచారం సాగుతోంది. మరోవైపు ఇప్పటివరకూ వైసీపీ పాలనలో ఎన్ని ఘోరాలు జరిగినా, నేరాలు చేస్తున్నా కాపాడుకుంటూ వస్తోంది బీజేపీ పెద్దలేనని..విష్ణుకుమార్ రాజు చెప్పకనే చెప్పేశారు.