news

అచ్చెన్నాయుడు అరెస్టు పై అవినీతి నిరోధక శాఖ అధికారులు, ప్రెస్ మీట్ పెట్టి, పూర్తి వివరాలు వెల్లడించారు. అచ్చెన్నాయుడు ప్రభుత్వ నిబంధనలను ఉల్లంఘించారని అందుకే అరెస్ట్ చేసినట్టు చెప్పారు. ప్రభుత్వ ధనాన్ని దుర్వినియోగం చేసినట్లు దర్యాప్తులో తేలిందని అన్నారు. మార్కెట్ ధర కంటే సుమారు 50 శాతం నుంచి 130 శాతం ఎక్కువకు మందులు కొనుగోలు చేసినట్టు మా దర్యాప్తులో తేలింది అని అన్నారు. అక్రమాలకు పాల్పడినట్లు దర్యాప్తులో తేలిందని చెప్పారు. మందుల కొనుగోళ్లలో రూ.150 కోట్లు అక్రమాలు జరిగినట్లు తేలిందని అన్నారు. అచ్చెన్నాయుడిని విజయవాడ కోర్టులో హాజరుపరుస్తున్నాం అని అన్నారు. అచ్చెన్నాయుడుతో పాటుగా మరో ఇద్దరిని కూడా అరెస్టు చేశాం అని అన్నారు. అచ్చెన్నాయుడు, రమేష్ కుమార్, విజయ్ కుమార్ ను అరెస్టు చేసినట్టు ఏసిబీ అధికారులు తెలిపారు. విజిలెన్స్ దర్యాప్తు తర్వాత అనిశా విచారణ జరిగిందని, నకిలీ బిల్లులు, ఇన్ వాయిస్, లెటర్ హెడ్స్‌లను గుర్తించాం అని, ఇవన్నీ చేసిన తరువాతే అచ్చెన్నాయుడు గారిని ఉదయం 7:30 గంటలకు అరెస్ట్ చేసాం అని అన్నారు. ఆయన్ను విజయవాడ తరలిస్తున్నట్టు చెప్పారు.

మాజీ మంత్రి అచ్చెన్నాయుడి అరెస్డ్ ను ఖండించిన మాజీ మంత్రి సోమిరెడ్డి చంద్రమోహన్ రెడ్డి ఖండించారు. "టీడీఎల్పీ ఉపనాయకుడు, రాష్ట్రంలో ప్రముఖ బీసీ కుటుంబానికి చెందిన అచ్చెన్నాయుడు అరెస్ట్ దుర్మార్గం. అసెంబ్లీ సమావేశాలకు ముందు ఇలా అరెస్ట్ చేయడం కుట్రే. తెలంగాణ రాష్ట్రంలోనూ ఈఎస్ఐ కొనుగోళ్లకు సంబంధించి ఆరోపణలు వస్తే విచారణ జరిపి బాధ్యులైన అధికారులపై చర్యలు తీసుకున్నారు. ఇక్కడ మాత్రం డిపార్టుమెంట్ విచారణ లేకుండా నేరుగా బీసీ నేతపై కక్ష కట్టి అరెస్ట్ చేయడం బలహీనవర్గాలను వేధించడమే." అని అన్నారు.

చంద్రబాబు ఖండన "ప్రభుత్వం బడుగు బలహీన వర్గాలకు చేస్తున్న మోసం, అన్యాయాలపై అచ్చెన్నాయుడుగారు నిరంతరం పోరాడుతున్నారు. ప్రజలకు వాస్తవాలు తెలియజేస్తున్నారు. ఇది సహించలేని జగన్ ప్రభుత్వం చట్ట విరుద్ధంగా అధికార దుర్వినియోగానికి పాల్పడి రాత్రి 100 మంది పోలీసులు ఆయన ఇంటిపై పడి అక్రమంగా కిడ్నాప్ చేశారు. ఆయనను మందులు వేసుకోవడానికి కూడా అనుమతించలేదు. వారి కుటుంబ సభ్యులు ఫోన్లో కాంటాక్ట్ చేసినా ఫోన్ అందుబాటులో లేకుండా చేశారు. నేను ఫోన్ చేసినా అచ్చెన్నాయుడు ఫోన్ అందుబాటులో లేదు. ఇది జగన్ అరాచకం, ఉన్మాదం తప్ప మరేమీ కాదు... పిచ్చి పరాకాష్టకు చేరినట్లుగా ఉన్నది. ప్రజల్లో జగన్ మోసాలకు, అవినీతికి వ్యతిరేకంగా వస్తున్న అసంతృప్తి ఫ్రస్టేషన్ గా మారి ఈ రకమైన ఉన్మాద చర్యలకు ఒడికడుతున్నారు. ఎక్కడకు తీసుకువెళ్ళారో తెలియదు, ఎందుకు తీసుకెళ్లారో తెలియదు... ముందస్తు నోటీసులు ఇవ్వలేదు.. ఈ దుర్మార్గాన్ని తీవ్రంగా ఖండిస్తున్నాం."

"దీనికి సీయం జగన్, హెూంమంత్రి, డీజీపీ సమాధానం చెప్పాలి. శాసనసభాపక్ష ఉపనేతగా ఉన్న అచ్చెన్నాయుడుకు ఎలాంటి నోటీసులు ఇవ్వకుండా కిడ్నాప్ చేయడం ఇది చట్టాన్ని ఉల్లంఘించడంకాక మరేమిటి? బలహీనవర్గాలకు స్థానిక సంస్థల్లో రిజర్వేషన్లను 34% నుండి 24% తగ్గించారు... బీసీ సబ్ ప్లాన్ నిధులు డైవర్ట్ చేశారు... ముఖ్యమై నామినేషన్ పదవుల్లో బీసీలకు మొండిచేయి చూపించారు... సంక్షేమ పథకాలలో కోతలు విధించారు. వీటన్నింటినీ శాసనసభా వేదికగాను, ఇతరత్రా ఈ ప్రభుత్వాన్ని ప్రశ్నించడం, ప్రజలకు తెలియజేసినందువల్ల దానిని సహించలేక జగన్ చట్టవ్యతిరేకంగా కిడ్నాప్ చేశారు. ఈ దుర్మార్గానికి, ఉన్మాద చర్యకు, అధికార దుర్వినియోగ చర్యలకు నిరసనగా బడుగుబలహీనవర్గాల ప్రజలు, మేధావులు, ప్రజలు నిరసనలు తెలియజేసి జోతిరావుఫూలే, అంబేద్కర్ విగ్రహాలకు వినతిపత్రాలు సమర్పించి నిరసనలు తెలియజేయవలసినదిగా విజ్ఞప్తి చేస్తున్నాను."

టిడిపి నాయకులతో చంద్రబాబు టెలికాన్ఫరెన్స్, పాల్గొన్న టిడిపి మండల అధ్యక్షులు, ప్రజా ప్రతినిధులు. భార్యాబిడ్డలకు చెప్పకుండా కిడ్నాప్ చేశారు. 300మంది అచ్చెన్న ఇంటిపై దాడి చేశారు. మొన్ననే అచ్చెన్న సర్జరీ చేయించుకున్నారు. సర్జరీ తరువాత ఇంట్లోనే అచ్చెన్నకు వైద్యం. అలాంటి స్థితిలో అర్దరాత్రి కిడ్నాప్ నీచం. మందులు వేసుకోడానికి కూడా అనుమతించలేదు. సీఎం జగన్ శాడిజం పరాకాష్టకు చేరింది. చట్టవిరుద్దంగా అచ్చెన్నాయుడిని అరెస్ట్ చేశారు. అరెస్ట్ చేసి కట్టుకథలు చెబుతున్నారు. జగన్ అవినీతిని ఎండగట్టినందుకే అచ్చెన్నపై కక్ష సాధింపు. అసెంబ్లీని ఎదుర్కొలేకే ఇలాంటి దుర్మార్గాలకు తెగించారు. జగన్ ఏడాది పాలనలో అవినీతి కుంభకోణాలు. ఇసుక, మద్యం, గనులు,భూసేకరణలో స్కామ్ లు. వాటిని నిగ్గదీసినందుకే అచ్చెన్నాయుడిపై దాడి అచ్చెన్నాయుడికి ఏమైనా హాని జరిగితే సీఎం జగన్ దే బాధ్యత. అర్ధరాత్రి వందల మందిని పంపి అరెస్ట్ చేయాల్సిన అవసరం ఏముంది..? అచ్చెన్నాయడు ఏమైనా ఉగ్రవాదా..? అచ్చెన్నాయుడి కంపెనీలకు గనులు 50ఏళ్లకు లీజుకిచ్చారా..? అచ్చెన్నాయుడి కంపెనీకి నీళ్లు తీసుకున్నారా..?

మచ్చలేని కుటుంబం అచ్చెన్నాయుడిది. 38ఏళ్ల చరిత్రగల రాజకీయ కుటుంబం అచ్చెన్నాయుడిది. అన్నఎర్రన్నాయుడు కేంద్రమంత్రిగా పనిచేశారు. ముగ్గురు ప్రజాప్రతినిధులు ఉన్న కుటుంబం. ఇద్దరు ఎమ్మెల్యేలు, ఒక ఎంపి ఉన్న కుటుంబం. శ్రీకాకుళంలోనే కాదు రాష్ర్ంవ్యాప్తంగా అచ్చెన్న కుటుంబానికి ఆదరణ. ఎర్రన్నాయుడి కుటుంబ ప్రతిష్ట దెబ్బతీసేందుకే అసత్య ఆరోపణలు. రాజకీయంగా ఎదుర్కొలేక దొడ్డిదారిన దొంగదెబ్బ తీస్తున్నారు. 3రోజుల్లో అసెంబ్లీ ఉంటే అచ్చెన్న అరెస్ట్ జగన్ కక్షసాధింపు. బిసిలంటే జగన్ కు మొదటినుంచి కక్ష.. బిసిలపై కక్ష సాధింపులో భాగంగానే అచ్చెన్న అరెస్ట్. బిసి నాయకత్వాన్ని అణగదొక్కడానికే జగన్ కుట్రలు. బీసిల రిజర్వేషన్లను సగానికి కోత పెట్టారు. బిసిల ఇళ్లు ధ్వంసం చేశారు, భూములు బలవంతంగా లాక్కున్నారు. బీసిలపై దాడులు అడ్డుకున్నందుకే అచ్చెన్నపై కక్ష కట్టారు. దీనికి తగ్గ మూల్యం చెల్లించక తప్పదు. రాష్ట్ర ప్రజలకు సీఎం జగన్,హోంమంత్రి, డిజిపి జవాబివ్వాలి. అచ్చెన్న కిడ్నాప్ పై రాష్ట్రవ్యాప్తంగా నిరసనలు నిర్వహించాలి. బిసి సంఘాలంతా ఏకం కావాలి. బిసిలపై వైసిపి దౌర్జన్యకాండను అడ్డుకోవాలి. నల్లజెండాలతో ఎక్కడికక్కడ నిరసనలు తెలపాలి. అచ్చెన్నాయుడిని కాపాడుకోవాల్సిన బాధ్యత బీసిలదే. ఈ టెలికాన్ఫరెన్స్ లో మండల పార్టీ అధ్యక్షులు, టిడిపి సీనియర్ నేతలు పాల్గొన్నారు.