news

కేంద్రంలో ఉన్న నరేంద్ర మోడి, అమిత్ షా అంటే చాలు, ఇక్కడ రాష్ట్రంలో అధికారంలో ఉన్న పాలకులు, నోరు తెరవటానికి భయపడతూ ఉంటారు. చివరకు ఆంధ్రప్రదేశ్ర్ రాష్ట్రానికి జీవనాడి లాంటి పోలవరం విషయంలో కూడా , కేంద్రాన్ని ప్రశ్నించలేరు. ఇప్పుడు క-రో-నా కాలంలో కూడా, వివిధ రాష్ట్రాలు కేంద్రాన్ని నిందిస్తుంటే, వ్యాక్సిన్ పై ప్రశ్నిస్తుంటే, మన రాష్ట్రం మాత్రం విమర్శ చేయటానికి వెనకడుతుంది. కేవలం లేఖలతో సరి పెడుతున్నారు. మొన్న లైవ్ లోనే ఢిల్లీ సియం కేజ్రివాల్, మోడీ పై విరుచుకు పడటంతో, తరువాత రోజు కేంద్రం వ్యాక్సిన్ ఫ్రీ అని ప్రకటన చేసింది. ఇలా గట్టిగా అడిగితే కానీ కేంద్రం స్పందించిన పరిస్థితి. ఇలా గట్టిగా అడగ లేకనే, పోలవరం ప్రాజెక్ట్ అంచనాలు 53 వేల కోట్లకు ఆమోదించి కూడా, తరువాత ఇప్పుడు మళ్ళీ 20 వేల కోట్లు అని మాట మార్చారు. రాష్ట్ర భవిషత్తు మొత్తం ఆధారపడి ఉన్న ప్రాజెక్ట్ కు కేంద్రం డబ్బులు ఇవ్వటం, మన హక్కు. మన హక్కుని కూడా రాష్ట్ర ప్రభుత్వం గట్టిగా అడగలేక పోతుంది. ఇది ఒక్కటే అనేక అంశాల్లో కేంద్రాన్ని ప్రశ్నించాలీ అంటేనే వెనుకాడుతున్నారు. ప్రతిపక్షాలు మాత్రం, ఇది జగన్ అసమర్ధతగా, కేసులకు భయపడా తత్వంగా విమర్శలు చేస్తున్నాయి. కేసులు కోసం, రాష్ట్రాన్ని తాకట్టు పెట్టారని ఆరోపిస్తున్నాయి.

జగన్ మోహన్ రెడ్డి ఇలా ఉంటే, ఆమె చెల్లి వైఎస్ షర్మిల మాత్రం, కేంద్రం అంటే డోంట్ కేర్ అంటున్నారు. కేంద్రాన్ని లెక్క చేసే పనే లేదని తేల్చి చెప్తున్నారు. బహిరంగంగా విమర్శలు చేస్తున్నారు. ఈ రోజు షర్మిల క-రో-నా ఇబ్బంది పడుతున్న వారి ఒక వీడియో పోస్ట్ చేసి, ఇటు రాష్ట్ర ప్రభుత్వం, అటు కేంద్ర ప్రభుత్వం పై నిప్పులు చెరిగారు. రాష్ట్ర ప్రభుత్వానికి, కేంద్ర ప్రభుత్వానికి సిగ్గు లేదని అన్నారు. ఒక పక్క టెస్టింగ్ కిట్స్ లేవని, హాస్పిటల్ లో బెడ్స్ లేవని, ఆక్సిజన్ లేదని, వ్యాక్సిన్ లేవని, డాక్టర్లు పట్టించుకోవటం లేదని అన్నారు. క-రో-నా బాధితుల పట్ల కనీసం బాధ్యత అటు కేంద్రానికి, ఇటు రాష్ట్రానికి లేకుండా పోయింది అంటూ షర్మిల వాపోయారు. గవర్నర్ కలుగు చేసుకోవాలని అన్నారు. ఒక పక్క జగన్ మోహన్ రెడ్డి కేంద్రాన్ని విమర్శలు తరువాత, కనీసం హక్కుగా రావాల్సిన వాటి పై కూడా మౌనంగా ఉంటుంటే, మరో పక్క షర్మిల మాత్రం కేంద్రాన్ని లెక్క చేయం అనే విధంగా మాట్లాడటం, ఇద్దరిలోని స్వభావాన్ని తెలియ చేస్తుంది. షర్మిల తెలంగాణాలో పార్టీ పెడుతున్న విషయం తెలిసిందే.

భారత దేశ ప్రజాస్వామ్య విలువలను అపహస్యం చేస్తూ, జరిగిన తిరుపతి ఉప ఎన్నికల తీరు పై, తెలుగుదేశం పార్టీ ఎంపీ అభ్యర్ధి పనబాక లక్ష్మి, అలాగే బీజేపీ ఎంపీ అభ్యర్ధి రత్నప్రభ హైకోర్టులో పిటీషన్ దాఖలు చేసిన సంగతి తెలిసిందే. తిరుపతి ఉప ఎన్నికలలో రీపోలింగ్ పెట్టాలి అంటూ, టిడిపి అభ్యర్ధి పనబాక లక్ష్మి, అలాగే తిరుపతి ఎన్నిక రద్దు చేయాలి అంటూ, బీజేపీ అభ్యర్ధి రత్నప్రభ హైకోర్టులో పిటీషన్ దాఖలు చేసారు. ఇరువురు పిటీషన్లు కలిపి, ఈ రోజు హైకోర్టు విచారణ చేసింది. ఈ రెండు పిటీషన్లు, ముందుగా ఎన్నికల కమిషన్ వద్ద పిటీషన్ కు అవకాసం ఉంది కదా అని హైకోర్టు ప్రశ్నించింది. దొంగ ఓట్లు వేసినట్టు ఆధారాలు ఉన్నప్పుడు, సమయం ఉన్నప్పుడు, ఎలక్షన్ కమిషన్ వద్దే పిటీషన్ వేయవచ్చు కదా అని హైకోర్టు ప్రశ్నించింది. ఎలక్షన్ కమిషన్ వద్దే పిటీషన్ వేసుకునే సమయం ఉన్నప్పుడు, మేము ఈ పిటీషన్ ను విచారణకు తీసుకోలేమని హైకోర్టు తేల్చి చెప్పింది. ప్రసుత్తం ఉన్న స్థితిలో, ఇవి ఎలక్షన్ కమిషన్ వద్దే తేల్చుకోవాలని, మేము ఈ పిటీషన్ల పై జోక్యం చేసుకోలేం అంటూ, పనబాక లక్ష్మి, రత్నప్రభ వేసిన పిటీషన్లను హైకోర్టు కొట్టేసింది. అయితే ఇప్పుడు ఇరువురు ఏమి చేస్తారు అనే అంశం పై ఆసక్తి నెలకొంది. ఎవరైనా ఈ విషయం పై ఎలక్షన్ కమిషన్ కు ఫిర్యాదు చేస్తారా లేదా అనేది చూడాలి.

మరో పక్క మే రెండో తేదీన ఫలితాలు వస్తాయి. అంటే ఇంకా రెండు రోజులు సమయమే ఉంది. ఈ రెండు రోజుల్లో కౌంటింగ్ జరపకుండా ఆపగలరా లేదా అనేది చూడాలి. అయితే ఇప్పటికే ఎన్నికల కమిషన్ వద్ద, ఇరు పార్టీ నేతలు ఫిర్యాదు చేసిన సంగతి తెలిసిందే. మరి తదుపరి అడుగులు ఎలా వేస్తారో చూడాలి. తిరుపతి ఉప ఎన్నికల జరిగే రోజు ఉదయమే, అనేక బస్సుల్లో పక్క ఊరులు నుంచి జనాలను తోలుకుని వచ్చిన వీడియోలు అందరూ చూసారు. వారిని ఒక మంత్రికి సంబంధించి కళ్యాణమండపంలో పెట్టటం, అలాగే అక్కడ నుంచి బస్సుల్లో పోలింగ్ బూత్ లకు తరలించటం, అలాగే పోలింగ్ లైన్లలో కూడా, దొంగ ఓట్లు వేసే వారిని పట్టుకోవటం, వారు కనీసం కార్డ్ మీద ఉన్న తండ్రి పేరు కానీ, భర్త పేరు కానీ చెప్పలేక పోవటం, కొంత మంది మీడియాను చూసి పరిగెత్తటం ఇవన్నీ చూసాం. ఇలా ఒకటి కాదు రెండు కాదు, ఆ రోజు కనీసం వంద వీడియోలు బయటకు వచ్చాయి. అయితే ఈ విషయం పై, ఇప్పటికీ ఎలక్షన్ కమిషన్ ఏమి స్పందించలేదు.

ఆంధ్రప్రదేశ్ లో క-రో-నా కి అంతం లేకుండా పోయింది. రోజు రోజుకీ కేసులు పెరుగుతూ వెళ్తున్నాయి. ఒక్కసారిగా కేసులు సంఖ్య అధికారికంగానే భారిగా పెరిగింది. పోయిన వారం పది వేలు ఉన్న కేసులు, ఈ వారం 14 వేలకు చేరుకున్నాయి. అయితే ఈ రోజు వచ్చిన కేసులు కొత్తగా 17,354. ఇప్పటి వరకు ఆంధ్రప్రదేశ్ రాష్ట్రంలో ఇన్ని కేసులు రావటం ఒక రికార్డుగా చెప్పవచ్చు. ఇన్ని ఎక్కువ కేసులు ఇప్పటి వరకు మనకు రాలేదు. 24 గంటల్లో 17,354 కేసులు రావటం చూస్తుంటే పరిస్థితి ఎంత ఘోరంగా ఉందో అర్ధం అవుతుంది. ఈ మహమ్మారి ఇప్పుడప్పుడే మనల్ని వదిలి వెళ్ళేలా లేదు. ప్రభుత్వం అన్ని చర్యలు తీసుకున్నాం అని చెప్తున్నా, వ్యాప్తి విపరీతంగా జరుగుతుంది. మరో పక్క ఆంక్షలు పెద్దగా లేకపోవటంతో, ప్రజలు బయట తిరుగుతూ ఉండటంతో, కేసులు సంఖ్య విపరీతంగా పెరిగిపోయింది. అలాగే మరణాలు కూడా 24 గంటల్లో 64 వచ్చాయి. ఇప్పటి వరకు ఆంధ్రప్రదేశ్ రాష్ట్రంలో మొత్తం 11,01,690 పాజిటివ్ కేసులు వచ్చాయి. మొత్తం 7,992 మంది మరణించారు. ప్రస్తుతం మన రాష్ట్రంలో 1,22,980 పాజిటివ్ కేసులు ఉన్నాయి. అన్నిటికంటే ఆందోళన కలిగించే అంశం పాజిటివిటీ రేటు. ఆంధ్రప్రదేశ్ రాష్ట్రంలో పాజిటివిటీ రేటు 20 శాతం పైగా ఉండటం ఆందోళన కలిగించే అంశం లా ఉంది.

ఈ రోజు అత్యధికంగా చిత్తూరు జిల్లాలో , 2764 కేసులు వచ్చాయి. తరువాత స్థానంలో గుంటూరు, అనంతపురం, తూర్పు గోదావారి, శ్రీకాకుళం, విశాఖ ఉన్నాయి. అన్నిటికంటే తక్కువగా ప్రకాశం ఉంది. ఇది ఇలా ఉంటే, ఈ కేసులు ఇంకా పెరిగే సూచనలు కనిపిస్తున్నాయి. ఇప్పటికే చాలా టెస్టింగ్ ఫలితాలు పెండింగ్ లో ఉన్నాయి. అవన్నీ వస్తే కేసులు మరింతగా పెరుగుతాయి. అలాగే అందరూ అంచనా వేస్తున్నాట్టు, మే నెలలో, కేసులు విపరీతంగా పెరిగే సూచనలు కనిపిస్తున్నాయి. ఇప్పటికే వైద్యం కోసం అనేక ఇబ్బందులు పడుతున్న ప్రజలు, రాను రాను ఎలాంటి ఇబ్బందులు ఎదుర్కుంటారో, ప్రభుత్వం ఎలా ఇబ్బందులు లేకుండా చూస్తుందో చూడాలి. అన్నిటికంటే కలవర పెట్టే అంశం పరీక్షలు. మే 5 నుంచి ఇంటర్ పరీక్షలు అంటూ, ప్రభుత్వం మొండి పట్టుదలకు వెళ్తుంది. దీంతో ఇప్పుడున్న పరిస్థితిలో పరీక్షలు ఎలా రాయాలి అనే టెన్షన్ లో పిల్లలు ఉన్నారు. ఈ పరిస్థితి ప్రభుత్వం ఎలా హ్యండిల్ చేస్తుందో, ఏంటో చూడాలి.