news

“విజిలెన్స్ కార్యాలయం లేకుండా సచివాలయం ఎలా పనిచేస్తుంది ? ఆ శాఖలో ఎంత మంది పనిచేస్తున్నారు ? వారి హోదాలు ఏమిటి ? వారి విధులు, వేతనాలకు సంబంధించి పూర్తి వివరాలు ఇవ్వండి " అని హైకోర్టు ధర్మాసనం ఆదేశించింది. దానిపై ప్రిన్సిపల్ సెక్రెటరీ స్థాయి అధికారితో అఫిడవిట్ సమర్పించాలని అడ్వకేట్ జనరల్ కు ధర్మాసనం సూచించింది. రాష్ట్ర సచివాలయం నుంచి విజిలెన్స కార్యాలయాన్నితరలిస్తూ జారీ చేసిన జీవో వ్యవహరం రోజుకో మలుపు తిరుగుతోంది. దీనిపై రాష్ట్ర హైకోర్టులో - దాఖ లైన ప్రజాప్రయోజన వ్యాజ్యంపై హైకోర్టు ప్రధాన న్యాయ మూర్తి జస్టిస్ జితేంద్రకుమార్ మహేశ్వరి, జస్టిస్ శేషసాయి, జసిస్ట్ సత్యనారాయణమూర్తిలతో కూడిన ధర్మాసనం బుధ వారం విచారణ జరిపింది. ధర్మాసనం కోరిన వివరాలు సమర్పించేందుకు అడ్వకేట్ జనరల్ గడువు కోరటంతో విచారణను 18వ తేదీకి వాయిదా వేశారు. ప్రభుత్వం జారీ చేసిన జీవో నంబరు 13ను సవాల్ చేస్తూ కొండేపాటి గిరిధర్, మరికొంత మంది వేర్వేరుగా ప్రజాప్రయోజన వ్యాజ్యాలు దాఖలు చేశారు.

హైకోర్టులో విచారణ సందర్భంగా బుధవారం పిటీషనర్లు కోరిన పలు అభ్యంతరాలను ధర్మాసనం తోసిపుచ్చింది. గిరిధర్ తరపు న్యాయవాది కారుమంచి ఇంద్రనీల్ బాబు వాదిస్తూ సచివాలయం లో అంతర్భాగంగా ఉన్న విజిలెన్స్ కార్యాలయాన్ని తరలించకుండా చూడాలని కోరారు. ధర్మాసనం ప్రధానంగా దానిపైనే దృష్టిసారించింది. కార్యాలయం తరలింపుకు సంబంధించి అడ్వకేట్ జనరల్ శ్రీరాం వివరణ ఇచ్చారు. “గత ప్రభుత్వం హయాంలో సలహదారులు తొమ్మిదిమంది ఉన్నారు. ప్రస్తుతం వారి సంఖ్య 40కి చేరుకుంది. అందరికి కేబినెట్ హోదా ఇవ్వటంతో నిబంధనల ప్రకారం వారందరికి పేషీలు ఇవ్వాల్సి వచ్చింది. దీంతో సచివాలయంలో జాగా సరిపోవటం లేదు " అని అడ్వకేట్ జనరల్ వివరించారు.

జాగా సరిపోని పక్షంలో పక్కనే వేరొకటి నిర్మించుకోవచ్చు కదా ? అని ధర్మాసనం ప్రశ్నించింది. కార్యాలయాన్ని పూర్తిగా తరలించటం లేదని, కేవలం కమీషనర్, దానికి అనుబంధంగా ఉండే ఉద్యోగులను మాత్రమే తరలిస్తున్నట్టు అడ్వకేట్ జనరల్ చెప్పారు. అసలు విజిలెన్స్ కార్యాలయంలో ఉద్యోగులు ఎంతమంది వున్నారు ? వారి హోదా, విధులు, వేతనాలకు సంబంధించి పూర్తి వివరాలు రేపటికల్లా తీసుకురండి అని ధర్మాసనం అడ్వకేట్ జనరలను సూచించింది. అయితే ప్రిన్సిపాల్ సెక్రటరీ అందుబాటులో లేనందున క్రిందిస్థాయి అధికారితో అఫిడవిట్ తీసుకురాగలనని అడ్వకేట్ జనరల్ చెప్పారు. అందుకు ధర్మాసనం అంగీకరించలేదు. ప్రిన్సిపాల్ సెక్రెటరీ సాయి అధికారితోనే సంతకం చేయించి తీసుకురావాలని ఆదేశించింది. అడ్వకేట్ జనరల్ గడువు కోరటంతో కేసును 18వ తేదీకి వాయిదా వేసింది.

శాసనమండలి విషయంలో, జగన్ మోహన్ రెడ్డి ప్రవర్తిస్తున్న తీరు పై, శాసన మండలి ప్రధాన ప్రతిపక్ష నేత, యనమల రామకృష్ణుడు తీవ్రంగా స్పందించారు. ఆయన మాట్లాడుతూ, "రాజ్యాంగానికి వైసిపి నేతలు వాళ్లకిష్టం వచ్చినట్లు కొత్త భాష్యాలు చెప్పడం విడ్డూరంగా ఉంది. ఆర్టికల్స్, క్లాజ్ ల గురించి తమకిష్టం వచ్చిన భాష్యం చెప్పడానికి ఇది వైసిపి మేనిఫెస్టో కాదు, భారత రాజ్యాంగం. పరిపాలన సరిగ్గా చేయడం చేతకాదు. రాష్ట్రాన్నే సక్రమంగా నడపలేక పోతున్నారు. చివరికి చట్టసభలనూ కుంటుపడేలా చేస్తున్నారు. మనీ బిల్లులు, సాధారణ బిల్లులను చట్టసభల్లో ప్రవేశ పెట్టడంపై రాజ్యాంగంలోని ఆర్టికల్స్ 197,198లో నిర్దిష్టంగా చెప్పారు. ఆర్టికల్ 197 సాధారణ బిల్లులకు సంబంధించింది అయితే, ఆర్టికల్ 198మనీ బిల్లులకు సంబంధించినది. సాధారణ బిల్లులకు 14రోజుల నిబంధన వర్తించదు. సిఆర్ డిఏ రద్దు బిల్లు, అధికార వికేంద్రీకరణ బిల్లులు రెండూ మనీ బిల్లులు కావనే కౌన్సిల్ కు పంపేటప్పుడు స్పష్టంగా చెప్పారు. ఆ 2బిల్లులు మనీబిల్లులు కావని హైకోర్టుకు కూడా చెప్పారు. ఏజి వాదనల్లో కూడా హైకోర్టులో అవి మనీ బిల్లులు కావని ఒప్పుకున్నారు. మరి ఇప్పుడా (నాన్ మనీ) బిల్లులకు 14రోజుల నిబంధన ఎలా వర్తిస్తుంది..? ఆ మాత్రం పరిజ్ఞానం కూడా లేకుండా వైసిపి మంత్రులు మాట్లాడుతున్నారు."

"రాజ్యాంగానికి వైసిపి నేతలు వక్రభాష్యాలు చెబుతున్నారు. రాజ్యాంగంలో ప్రొవిజన్స్ అన్నీ స్పష్టంగా ఉన్నప్పుడు 14రోజుల సమస్య ఉత్పన్నం కాదు. ‘‘ఎన్ని అడ్డదారులైనా తొక్కుదాం, తమ పంతం నెరవేర్చుకుందాం’’ అన్న మూర్ఖత్వమే వైసిపి నేతల మాటల్లో కనిపిస్తోంది. ఉరిశిక్షకి, స్పీకర్ విచక్షణాధికారానికి ముడిపెట్టడమే వాళ్ల పరిజ్ఞానానికి అద్దం పడుతోంది. ఉరిశిక్ష వేసే నేరానికి పాల్పడిన వాళ్లకు అదే శిక్ష న్యాయాధికారులు వేయడంలో వింత ఏముంటుంది. అసెంబ్లీ సెక్రటరీపై ఒత్తిడి తెచ్చి వైసిపి పంతం నెరవేర్చుకోవాలని చూడటం హేయం. సభాపతి సంబంధిత చట్టసభలో తీసుకున్న నిర్ణయం యావత్ సభా నిర్ణయం..ఒకసారి ఛైర్ పర్సన్ తన నిర్ణయాన్ని ప్రకటించాక దానిని ప్రశ్నించే అధికారంగాని, మార్చే అధికారంగాని సభ్యులకే కాదు, అధికారులకు కూడా ఎవరికీ ఉండదు. "

"సభా విషయానికి వచ్చేసరికి గౌరవ స్పీకర్(ఛెయిర్ పర్సన్) సుప్రీం. ఆయన ఆదేశాలను తప్పు పట్టడం అవివేకం. ఇప్పుడీ సెలెక్ట్ కమిటి అంశంలో రాష్ట్ర ప్రభుత్వం దురుద్దేశ పూర్వకంగా దీనిని అడ్డుకునే కుట్రలు చేయడం, కమిటి తదుపరి ప్రక్రియ ముందుకు సాగకుండా నిరోధించడం ‘‘సభా ధిక్కారం’’ కిందకు వస్తాయి. ఇలాంటి అంశంపై గతంలో ఇచ్చిన అనేక రూలింగ్స్ మన ముందే ఉన్నాయి. ఈ విషయంలో రాష్ట్ర ప్రభుత్వం, అసెంబ్లీ సెక్రటరీ చేస్తున్న ‘‘కుట్రలు’’ స్పష్టంగా కళ్లెదుటే ఉన్నాయి. ఏ విధంగా రాజ్యాంగ మార్గదర్శకాలను ఉల్లంఘించి, పార్లమెంటరీ ప్రొసీజర్, ప్రాక్టీసెస్ అతిక్రమించి వ్యవహరిస్తున్నారో కనబడుతోంది. ఇటువంటి ‘‘కుట్రలు’’ సభా ధిక్కారం కిందకు వస్తాయి. సభా ప్రొసీడింగ్స్ కు వ్యతిరేకంగా ఏ అధికారి వ్యవహరించరాదు. ఎవరైనా అలా వ్యవహరిస్తే అది నేరం, ప్రివిలేజ్ నిబంధనలను ఉల్లంఘించడమే. దానిపై సదరు గౌరవ సభ తగిన చర్యలు చేపట్టే అధికారం ఉంది." అంటూ యనమల రామకృష్ణుడు ధ్వజమెత్తారు.

జగన్ మోహన్ రెడ్డి అక్రమఆస్తుల కేసుల పై, ఈ రోజు తెలంగాణా హైకోర్ట్ లో వాదనలు జరిగాయి. జగన్ మోహన్ రెడ్డి తన అక్రమఆస్తుల కేసులో, ప్రతి శుక్రవారం మినహాయింపు ఇవ్వాలని కోరుతూ, తెలంగాణా హైకోర్ట్ లో పిటీషన్ దాఖలు చేసారు. వారం వారం కోర్ట్ కు విచారణకు హాజరు కావటం ఇబ్బంది అని, తనకు ముఖ్యమంత్రి హోదాలో ఎన్నో పనులు ఉన్నాయని, జగన్ మోహన్ రెడ్డి తెలంగాణా హైకోర్ట్ లో పిటీషన్ వేసారు. తన బదులు, తన న్యాయవాది అశోక్ రెడ్డి హాజరు అవుతారని పిటీషన్ వేసారు. ఈ పిటీషన్ పై, గత వారం విచారణ జరగగా, హైకోర్ట్ సిబిఐకు కౌంటర్ దాఖలు చెయ్యమని, కోరింది. పోయిన వారం కేసును వాయిదా వేసింది. ఈ రోజు విచారణలో భాగంగా, సిబిఐ కౌంటర్ అఫిడవిట్ దాఖలు చేసింది. ఈ కౌంటర్ లో, జగన్ మోహన్ రెడ్డి అభ్యర్ధనను సిబిఐ తోసిపోచ్చింది. జగన్ అభ్యర్ధనకు, సిబిఐ తీవ్ర అభ్యంతరం చెప్పింది. అభ్యంతరం చెప్తూ, కౌంటర్ అఫిడవిట్ దాఖలు చేసింది. జగన్ మోహన్ రెడ్డికి, మినహాయింపు ఇవ్వద్దు అంటూ, సిబిఐ తన కౌంటర్ లో పేర్కొంది.

సిబిఐ కౌంటర్ దాఖలు చెయ్యటంతో, ఈ కేసు పై తదుపరి విచారణను, హైకోర్ట్, ఏప్రిల్ 9కి వాయిదా వేసింది. ఇప్పటికే హైకోర్ట్ లో ఒకసారి, సిబిఐ కోర్ట్ లో రెండు సార్లు, జగన్ పెట్టుకున్న వ్యక్తిగత మినహాయింపు పిటీషన్ ను, కోర్ట్ లు తిరస్కరించాయి. మరోసారి జగన్ సిబిఐ కోర్ట్ లో పిటీషన్ వెయ్యటం, సిబిఐ కోర్ట్ ఆ పిటీషన్ ని తిరస్కరించటంతో, జగన్ మోహన్ రెడ్డి ఈ సారి కూడా హైకోర్ట్ మెట్లు ఎక్కారు. మొదట్లో పిటీషన్ వేసి వెనక్కు తీసుకున్న జగన్, పిటీషన్ కు కొన్ని సవరణలు చేసి, మళ్ళీ కొత్త పిటీషన్ వేసారు. జగన్ వేసిన పిటీషన్ ను పరిగణలోకి తీసుకున్న హైకోర్ట్, కౌంటర్ దాఖలు చెయ్యాల్సిందిగా సిబిఐ ని ఆదేశించింది. దీని పై కౌంటర్ దాఖలు చేసిన సిబిఐ, జగన్ కు మినహాయింపు ఇవ్వద్దు అంటూ కోరింది.

అయితే సిబిఐ ఏ కారణాలతో జగన్ కు మినహాయింపు ఇవ్వద్దు అని కోరిందో, ఇంకా బయటకు రాలేదు. గతంలో సిబిఐ కోర్ట్ లో వేసిన కౌంటర్ లో, జగన్ పై తీవ్ర ఆరోపణలు సిబిఐ చేసిన సంగతి తెలిసిందే. గతంలోనే జగన్, సాక్ష్యులను ప్రభావితం చేసారని, ఇప్పుడు ఆయన సియం అయ్యారని, తనకు ఉన్న అధికారంతో, ఇంకా సాక్ష్యులను ప్రభావితం చేస్తారని, తన పిటీషన్ లో పేర్కున్న సంగతి తెలిసిందే. దీని పై, స్పందించిన సిబిఐ కోర్ట్, జగన్ పిటీషన్ ను తిరస్కరించింది. సిబిఐ కేసులు పక్కన పెడితే, ఈడీ కేసుల్లో కూడా, జగన్ ప్రతి వారం కోర్ట్ కు హాజరు కావాల్సి ఉండటంతో, ఈడీ కేసుల పై కూడా జగన్ మినహాయింపు ఇవ్వాలి అంటూ, కింద కోర్ట్ లో పిటీషన్ వెయ్యటం, అది కూడా కోర్ట్ తిరస్కరించటం, దాని పై హైకోర్ట్ లో జగన్ ఛాలెంజ్ చేసిన విషయం తెలిసిందే.