news

సెలక్ట్ కమిటీ ముగిసిన అధ్యయనమని అధికారపక్షం తెగేసి చెప్తుండగా ప్రతిపక్షం మాత్రం కమిటీ సజీవంగానే ఉందని నిరూపిస్తామంటూ సవాల్ చేస్తోంది. దీంతో అధికార, ప్రతిపక్ష నేతల మధ్య సెలక్ట్ కమిటీ రగడ రోజుకొక మలుపు తిరుగుతుంది. బిల్లులను సెలక్ట్ కమిటీకి 14 రోజులలోపు పంపాలని ఆ గడువులోపు కమిటీని ఏర్పాటు చేయలేకపోతే నిబంధనల ప్రకారం బిల్లులు పాస్ అయిపోయినట్లేనని అధికారపక్షం స్పష్టం చేస్తుంది. అయితే విపక్షం మాత్రం మండలి చైర్మన్ నిర్ణయానికి వ్యతిరేకంగా వ్యవహరిస్తున్న కార్యదర్శిపై సభా హక్కుల ఉల్లంఘన కింద చర్యలు తీసుకోవాలని యోచిస్తూ ఆ దిశగా ఉన్న అవకాశాలను ఉపయోగించుకునే దిశగా నిర్ణయం తీసుకుంటుంది. ఇదే క్రమంలో శాసన మండలిలో ఆమోదం కోసం పంపిన బిల్లులను గవర్నర్‌కు పంపాలని రాష్ట్ర ప్రభుత్వం యోచిస్తూ ఆ దిశగా గవర్నర్‌ను కలిసేందుకు సిద్ధమవుతోంది. దీంతో సెలక్ట్ కమిటీ వివాదం కొత్త మలుపు తిరిగినట్లవుతుంది. ఇదే విషయంపై ఇరు పార్టీలు ఎవరి వాదనలు వారు వినిపించారు.

ప్రధానంగా అధికారపక్షం మాత్రం రెండు వారాల గడువు పూర్తి అయిన నేపథ్యంలో ప్రభుత్వం మండలికి పంపిన మూడు బిల్లులు పాస్ అయిపోయినట్లేనని ఈ విషయంలో ప్రతిపక్షం ఎన్ని కుట్రలు చేసినా అంతిమంగా తామే విజయం సాధించామని ప్రకటించింది. ఇదే సందర్భంలో విపక్షం అధికారపార్టీపై నిప్పులు చెరిగింది. అధికారాన్ని అడ్డం పెట్టుకొని మండలి చైర్మన్ నిర్ణయాలను కూడా పాటించకుండా కార్యదర్శిపై ఒత్తిడి తీసుకువస్తుందని ఖచ్చితంగా సెలక్ట్ కమిటీ వ్యవహారంపై తాము మరింత ముందుకు వెళతామని అవసరమైతే ఈ విషయంలో దూకుడుకూడా పెంచుతామని కరాఖండిగా తేల్చిచెప్పారు. దీంతో ఈ వివాదం మరింత ముదిరి రాజకీయ యుద్ధ వాతావరణాన్ని సృష్టించే దిశగా సాగుతుంది. శాసనమండలిలో చైర్మన్ ఎం.ఎ.షరీఫ్ తీసుకున్న నిర్ణయానికి వ్యతిరేకంగా సెలక్ట్ కమిటీ ఏర్పాటు చేయడంలో ప్రభుత్వానికి అను కూలంగా వ్యవహరిస్తున్న మండలి కార్యదర్శిపై సభాహక్కుల ఉల్లంఘన కింద చర్యలు తీసుకోవాలని మండలిలో బలమున్న టిడిపి యోచిస్తూ ఆ దిశగా చర్యలకు సిద్ధమవుతుంది.

శాసనమండలి చైర్మన్‌ఎంఎ.షరీఫ్ ముందు మూడు ఆపన్లు ఉన్నాయి. మండలిలో ప్రభుత్వం ప్రవేశపెట్టిన మూడు బిల్లులను తిరస్కరించడమా..? లేక ఆమోదించడమా..? అది సాధ్యం కాకపోతే సెలక్ట్ కమిటీకి పంపాలి. అయితే ప్రస్తుతం జరుగుతున్న వివాదాలను ఒక్కసారి పరిశీలిస్తే బిల్లులను ఆమోదించే పరిస్థితి లేదు. అలాగని తిరస్కరించడానికి గడువు కూడా ముగిసింది. ఇక ఆయన ముందు ఉన్న ఏకైక మార్గం సెలక్ట్ కమిటీ ఏర్పాటు చేయడమే ఆ ప్రక్రియకు సంబంధించి మండలి కార్యదర్శి ఫైలను వెనక్కి పంపారు. దీంతో మండలి చైర్మెన్ ఈ విషయం పై, కోర్ట్ కు కూడా వెళ్ళే అవకాసం ఉందని తెలుస్తుంది. ఒక సభ చైర్మెన్ కాని, స్పీకర్ కాని నిర్ణయం తీసుకుంటే, అది తప్పు బట్టే అవకాసం కోర్ట్ లకు కూడా ఉండదని, ఇక ఈ ప్రభుత్వ అధికారులు ఎంత అనే వాదన కూడా వస్తుంది. ఇప్పటికే రోజుకి ఒకసారి కోర్ట్ లు ప్రభుత్వాన్ని ఏదో ఒక సందర్భంలో మొట్టికాయలు వేస్తున్నాయి. ఇప్పుడు ఇది కూడా కోర్ట్ వరకు వెళ్తే, ప్రభుత్వానికి ఇబ్బందులు తప్పవు. రెండు, మూడు నెలల కోసం, ప్రభుత్వం ఎందుకు ఇలా ఉంటుందో అర్ధం కావటం లేదు. సెలెక్ట్ కమిటీ ప్రజా అభిప్రాయం తీసుకుంటే, అది తమకు వ్యతిరేకంగా వస్తుంది అని ప్రభుత్వం భయం కావచ్చు.

జగన్ మోహన్ రెడ్డి ప్రభుత్వం, నిధుల కోసం కటకటలాడుతుంది. ఇప్పటికే ఆదాయం పూర్తిగా తగ్గిపోయి, అప్పుల మీద నెట్టుకు వస్తున్న జగన్ ప్రభుత్వం, కేంద్రం సహయం కోసం కూడా ఎదురు చూస్తుంది. ఈ క్రమంలోనే, కేంద్రం ప్రభుత్వం గత ఏడాది, రైతుల కోసం ప్రవేశపెట్టిన, ప్రధాన మంత్రి కిసాన్‌ సమ్మాన్‌ నిధి పధకం కింద ఇస్తున్న డబ్బులు ఒకే విడతలో ఇవ్వాలి అంటూ, జగన్ ప్రభుత్వం కేంద్రాన్ని కోరింది. ఈ పధకం కింద, కేంద్రం, రూ.2వేల చొప్పున, మూడు విడతలుగా ఆరు వేలు ఇస్తుంది. దేశం అంతటా ఈ పధకం అమలులో ఉంది. అయితే, మూడు విడతలుగా కాకుండా, మా రాష్ట్రానికి మాత్రం ఒకేసారి ఆరు వేలు ఇవ్వాలి అంటూ, ఆంధ్రప్రదేశ్ ప్రభుత్వం కేంద్రాన్ని కోరింది. అయితే ఆంధ్రప్రదేశ్ ప్రభుత్వ విజ్ఞప్తిని, కేంద్ర ప్రభుత్వం తిరస్కరించింది. ఈ పధకం, కేంద్ర ప్రభుత్వం దేశం అంతటా అమలు చేస్తుందని, దేశం అంతటా ఒకే విధానం ఉంటుంది కాని, మీ కోసం ప్రత్యేకంగా చూడలేము అంటూ, మంగళవారం పార్లమెంట్ లో కేంద్రం ప్రకటించింది.

నిన్న పార్లమెంట్ లో ఈ విషయం పై చర్చకు వచ్చిన సందర్భంలో, కేంద్ర వ్యవసాయశాఖ మంత్రి నరేంద్రసింగ్‌ తోమర్‌, ఆంధ్రప్రదేశ్ విజ్ఞప్తిని తిరస్కరిస్తున్నట్టు చెప్పారు. అయితే ఈ ప్రతిపాదన రాష్ట్ర వ్యవసాయ శాఖ నుంచి కాకుండా, రాష్ట్ర ఆర్ధిక శాఖ నుంచి వెళ్ళటం గమనార్హం. జగన్ మోహన్ రెడ్డి తన పాదయాత్రలో ఉండగా, ప్రతి ఒక్క రైతుకు, రైతుభరోసా పథకం ఇస్తాం అని, దీని కోసం, రూ.12,500 ప్రతి ఏడాది ఇస్తామని ప్రకటించారు. రైతులు కూడా, కేంద్రం ఇచ్చే ఆరు వేలు, జగన్ ఇచ్చే, రూ.12,500తో, మొత్తం 18,500 వస్తాయని ఆశ పడి, జగన్ ను గెలిపించారు. అయితే జగన్ అధికారంలోకి రాగానే, ప్లేట్ మార్చేసారు. ఈ పధకాన్ని, కేంద్రం ఇస్తున్న ప్రధాన మంత్రి కిసాన్‌ సమ్మాన్‌ నిధి పధకంతో లింక్ పెట్టారు.

రాష్ట్ర ప్రభుత్వ వాటాగా 7500 రూపాయలు, కేంద్రం ఇచ్చే 6 వేలు కలిపి, మూడు విడతలుగా, 13500 ఇస్తున్నాం అని ప్రకటించారు. అయితే, ఒక పక్క రాష్ట్ర ప్రభుత్వం కూడా, ఈ డబ్బులు మూడు విడతలుగా ఇస్తుంది. మరి రాష్ట్ర ప్రభుత్వం మూడు విడతలుగా ఇస్తూ, కేంద్రాన్ని మాత్రం, ఒకేసారి ఇవ్వమని కోరటం ఏమిటో ఎవరికీ అర్ధం కాలేదు. నిధుల కోసం, కటకటలాడుతున్న ప్రభుత్వానికి, వెసులుబాటు కోసం, ఇలా అడిగి ఉంటారని అంటున్నారు. కాని, కేంద్రం మాత్రం, ఒక్కో రాష్ట్రానికి ఒక్కో విధంగా ఇవ్వలేమని, అందరికీ మూడు విడతలుగా ఎలా ఇస్తున్నామో, అలాగే ఇస్తామని చెప్పింది. మరో పక్క, ఈ పధకంలో లబ్దిదారులను కూడా ప్రభుత్వం కుదించింది అనే వాదన వినపడుతుంది. ముఖ్యంగా కౌలు రైతుల విషయంలో, ప్రభుత్వం అనేక నిబంధనలతో, వారికి సహాయం చెయ్యలేదు అనే విమర్శలు వచ్చాయి.

ఆంధ్రప్రదేశ్ హైకోర్ట్ ఇచ్చిన ఆదేశాలు సంచలనంగా మారాయి. ఏకంగా డీజీపీ తమ ముందు హాజరు అయ్యి వివరణ ఇవ్వాలి అంటూ, హైకోర్ట్ ఇచ్చిన ఉత్తర్వులు చూస్తే, రాష్ట్రంలో పరిస్థితి ఎలా ఉందో అర్ధమవుతుంది. ఒక మిస్సింగ్ కేసుకు సంబంధించి, హైకోర్ట్ ఇచ్చిన కీలక ఆదేశాలు, ఆంధ్రప్రదేశ్ డీజీపీ గౌతం సవాంగ్ కు షాక్ ఇచ్చాయి. ఈ నెల 14న తమ ముందు హాజరుకావాలని హైకోర్ట్ ఆదేశాలు ఇచ్చింది. ఇద్దరు వ్యక్తుల మిస్సింగ్ కేసుకు సంబందించిన విషయంలో తమ ముందు హాజరు కావాలని కోర్ట్ ఆదేశాలు ఇచ్చింది. రెండు రోజులు గడువు ఇచ్చిన హైకోర్ట్, కచ్చితంగా ఫిబ్రవరి 14న తమ ముందు హాజరు కావాలని, డీజీపీ గౌతం సవాంగ్ కు స్పష్టం చేసింది. ఇక కేసు పూర్వాపరాలు విషయానికి వస్తే, విజయవాడకు చెందిన, రెడ్డి గౌతమ్, ఎల్లేటి లోచిని అనే ఇద్దరు వ్యక్తులను, విశాఖపట్నం నుంచి వచ్చిన పోలీసులు తీసుకు వెళ్ళారని ఆరోపణ. అలాగే, తమ న్యాయవాది ఇల్లు, కార్యయలల్లో కూడా పోలీసులు వచ్చి, సోదాలు చేసారని ఆరోపణ.

ఈ రెండు విషయాలకు సంబంధించి, హైకోర్టులో హెబియస్ కార్పస్ పిటిషన్ దాఖలైంది. రెడ్డి గౌతమ్, ఎల్లేటి లోచిని, పోలీసులు విజయవాడ వచ్చి, అక్రమంగా అరెస్ట్ చేసారని, హైకోర్టులో హెబియస్ కార్పస్ పిటిషన్ పిటీషన్ ధాఖలు చేసారు. అయితే ఆ పిటీషన్ ను హైకోర్ట్ విచారణకు స్వీకరించింది. విచారణకు స్వీకరించిన హైకోర్ట్, ఈ విషయాన్నీ సీరియస్ గా తీసుకుని. అంతే కాదు, జ్యుడీషియల్ విచారణ చెయ్యాలి అంటూ, హైకోర్ట్ ఆదేశాలు ఇచ్చింది. జ్యుడీషియల్ విచారణ చెయ్యాల్సిందిగా, విశాఖపట్నం సీనియర్ సివిల్ జడ్జిని, హైకోర్ట్ నియమించింది. తమకు జరిగిన విషయం మొత్తం పై, పూర్తి నివేదిక ఇవ్వాలి అంటూ, హైకోర్ట్, విశాఖపట్నం సీనియర్ సివిల్ జడ్జికి, కీలక ఆదేశాలు జారీ చేసింది.

హైకోర్టు ఉత్తర్వులను పాటించిన, విశాఖ సీనియర్ సివిల్ జడ్జి జ్యుడీషియల్ విచారణ పూర్తి చేశారు. దీనికి సంబంధించిన పూర్తి నివేదికను, హైకోర్ట్ కు సమర్పించారు. విశాఖ సీనియర్ సివిల్ జడ్జి నివేదికను పరిశీలించిన హైకోర్టు, ఆ నివెదికలోని అంశాలు ఆధారంగా, కీలక నిర్ణయం తీసుకుని. ఏకంగా ఆంధ్రప్రదేశ్ డీజీపీ గౌతం సవాంగ్ తమ ముందు హాజరు కావలని, తమ ముందు హాజరు అయ్యి, వివరణ ఇవ్వాలని ఆదేశాలు ఇచ్చింది. అది కూడా రెండు రోజుల్లోనే హాజారు కావలి అంటూ ఆదేశాలు ఇచ్చింది. అయితే దీని పై విపక్షాలు మండి పడుతున్నాయి. ఇది ప్రభుత్వానికి చెంప పెట్టు అని, మొన్న క్యాట్ ట్రిబ్యునల్ లో, చీఫ్ సెక్రెటరికి అక్షింతలు పడ్డాయని, ఇప్పుడు కోర్ట్ లో డీజీపీ సమాధానం చెప్పాల్సిన పరిస్థితి వచ్చిందని, రాష్ట్రంలో పాలన ఎలా సాగుతుందో, ఈ ఉదాహరణలే నిదర్శనం అని ఆరోపిస్తున్నాయి.