news

ఏపీలో రాజకీయాలు హీట్ పెంచుతున్నాయి. ప్రభుత్వం మూడు రాజధానుల ప్రతిపాదన ఆచరణలోకి తెచ్చేందుకు వేగంగా పావులు కదుపుతోంది. ఇందుకోసం సోమవారం ప్రత్యేక అసెంబ్లీ సమావేశం జరుగబోతోంది. ఆ సమావేశంలో మూడు రాజధానుల నిర్ణయానికి ఆమోదముద్ర వడేలా ప్రభుత్వం ప్రయత్నిస్తోంది. ఆ మరుసటి రోజే శాసనమండలిలోనూ ఆమోదం పొందా లనేది ప్రభుత్వ వ్యూహం. ఇదే సమయంలో ప్రతిపక్ష టిడిపి సైతం ప్రతి వ్యూహాలను సిద్ధం చేస్తోంది. ఇందులో భాగంగా తొలిసారిగా సభ్యు లకు విప్ జారీచేసింది. పార్టీ నుంచి దూరమై, అధికార పార్టీకి దగ్గరైన ఇద్దరు ఎమ్మెల్యేలకు విప్ జారీ చేయాలని నిర్ణయించారు. మండలిలోనూ టిడిపి కీలక భూమిక పోషించనుంది. దీనిపైన పార్టీ అధినేత చంద్రబాబు, పార్టీ ఎమ్మె ల్యేలు, ముఖ్య నేతలతో కీలక నమావేశం ఏర్పాటు చేశారు. రాజధాని తరలింపు అంశాన్ని ప్రతిపక్ష టిడిపి మొదటి నుంచీ వ్యతిరేకిస్తోంది. టిడిపి అధినేత చంద్రబాబు అమరావతికి మద్దతుగా పర్యటనలు చేస్తున్నారు. అసెంబ్లీ సమావేశాలు జరుగునున్న నేపథ్యంలో ఆదివారం పార్టీ ఎమ్మెల్యేలతో పాటు ముఖ్యనేతలతో చంద్రబాబు సమావేశం ఏర్పాటు చేశారు.

ప్రభుత్వం సభలో సీఆర్డీఏ బిల్లు సవరణ లేదా రద్దు, మూడు రాజధానుల అంశంపై తీర్మానం వంటివాటిల్లో ఏరూపంలో సభ ముందుకు ప్రతిపాదనలు తీసుకొచ్చే అవకాశ ముందనే దానిపై టిడిపి ఇప్పుడు దృష్టి సారిం చింది. ఏరూపంలోనైనా బిల్లు సభలోకి ప్రవేశ పెడితే ఎలా ఎదుర్కోవాలనేదే టిడిపి వ్యూహాత్మ కంగా ఎత్తులు వేస్తోంది. అందులో భాగంగా పార్టీ ఎమ్మెల్యేలు, శాసన మండలినభ్యులకు పార్టీ విప్ జారీ చేసింది. పార్టీ నుంచి గెలిచిన 23 మంది శాసనసభ్యులు తప్పనిసరిగా అసెంబ్లీకి హాజరు కావాలంటూ టిడిపి విప్ జారీ చేసింది. అందులో వల్లభనేని వంశీ, మద్దాళి గిరికి సైతం పార్టీ విప్ జారీ చేసింది. వారికి పార్టీ నుంచి అధికారిక సమావేశం వంపారు. వారి వ్యక్తిగత మెయిలకు సందేశం, ఫోన్‌కు మెసేజ్ తోపాటుగా వాట్సప్-టెలిగ్రామ్ సందేశాలను సైతం అందిస్తున్నారు. వారిద్దరు ఇప్పటికీ అసెంబ్లీ రికార్డుల ప్రకారం టీడీపీ సభ్యులుగానే ఉన్నారు. టీడీపీ విప్ జారీ చేయడం ద్వారా వీరిద్దరు విప్ ఉల్లంఘిస్తే దానిని వారిమీద చర్యలు తీసుకునే విధంగా వ్యూహం సిద్ధం చేసింది.

సీఆర్డీఏ చట్ట సవరణ, అమరావతికి చట్టబద్ధంగా ఉన్న హక్కులు, ప్రభుత్వ ప్రతిపాదనలపై న్యాయ పరంగా సాంకేతికంగా ఏరకంగా ఎదుర్కోవాలనే దానిపై న్యాయ నిపుణుల సలహాలు సైతం టిడిపి సేకరిస్తోంది. శాసనసభలో తమకు బలం లేదని తెల్సి నా రాజధాని విషయంలో డివిజనక్కు పట్టుబట్టి ఆ ఇద్దరూ రెబల్స్ వ్యతిరేకంగా వ్యవ హరిస్తే వారిపై చర్యలకు తమకు అవకాశం దక్కుతుందని టీడీపీ అంచానా వేస్తోంది. ఇదే సమయంలో విశాఖ నుంచి ఎన్నికైన నలుగురు ఎమ్మెల్యేల పాత్ర ఏంటనేది కీలకంగా మారనుంది. ప్రత్యేక అసెంబ్లీ సమావేశాల్లో మండలి సభ్యుల పాత్ర కీలకం కానుంది. శాసనమండలిలో మొత్తం 58 మంది సభ్యులుండగా, అందులో టిడిపి 28, పిడిఎఫ్ 5, వైఎస్సార్సీ 9, ఇండిపెండెంట్ 3, నామినేటెడ్ 8, బిజెపి 2గా ఉన్నాయి. ఇవిగాక మరో మూడు స్థానాలు ఖాళీగా ఉన్నాయి. ప్రభుత్వం ఏరూపంలో మూడు రాజధానుల అంశంపై శాసనసభ ముందుకొచ్చినా అనుకూలంగా ఫలితం సాధించేందుకు అధికార వైసీపీకి శాసనసభలో పూర్తి మెజార్టీ ఉంది. శాసనసభలో ప్రభుత్వం ప్రతిపాదించే బిల్లు లేదా తీర్మానం ఆమోదం పొందిన తర్వాత మండలిలోనూ చర్చకురానుంది.

రాష్ట్రంలో రాజకీయ వాతావరణం మారిపోయిన సంగతి తెలిసిందే. ఎన్నికల మందు వరకు శత్రువులుగా ఉన్న వాళ్ళు, ఇప్పుడు మిత్రులు అవుతుంటే, మిత్రులుగా ఉన్న వాళ్ళు శత్రువులు అవుతున్నారు. ఎన్నికల ముందు, బీజేపీ పార్టీ, వైసీపీ పార్టీ అధికారంలోకి రావటానికి అన్ని విధాలుగా సహాయ పడిన సంగతి తెలిసిందే. ఇప్పుడు బీజేపీ, పార్టీ, వైసీపీ పాలన నచ్చక, వారి పై విమర్శలు చెయ్యటం ప్రారంభించింది. బెజేపీకి కేవలం ఒక శాతం కంటే తక్కువ ఓట్లు ఉండటంతో, వైసీపీని ఎదుర్కునే శక్తి లేక, పవన్ కళ్యాణ్ తో కలిసి ఎన్నికలకు వెళ్ళటానికి రెడీ అయ్యారు. ఇప్పటికే ఇరు పార్టీల నేతలు ఉమ్మడిగా ఈ ప్రకటన కూడా చేసారు. దీంతో రాజకీయ వాతావరణం ఒక్కసారిగా వేడెక్కింది. ముఖ్యంగా ఈ కలియక వైసీపీకి అస్సలు మింగుడు పడటం లేదు. మొన్నటి దాక తమకు లోపాయికారకంగా మద్దతు తెలిపిన, బీజేపీ ఇప్పుడు తమకు దూరం అవుతుందని, ఢిల్లీ లెవెల్ లో చేసే లాబయింగ్ కు ఇది ఇబ్బంది అవుతుందని, వైసీపీ పార్టీ భావిస్తుంది.

అయితే ఇదే తరుణంలో, తెలుగుదేశం పార్టీ ఆచితూచి స్పందిస్తుంది. ఇప్పటికప్పుడు ఈ కలియిక వల్ల తమకు ఇబ్బంది ఏమి లేదని టిడిపి భావిస్తుంది. అయితే బీజేపీ - జనసేన కలియిక పై, తెలుగుదేశం పార్టీ అధినేత చంద్రబాబు నాయుడు మొదటి సారిగా స్పందించారు. ఈ రోజు పశ్చిమ గోదావరి జిల్లాలో, అమరావతి పరిరక్షణ సమితి ఆధ్వర్యంలో జరిగిన కార్యక్రమంలో చంద్రబాబు పాల్గున్నారు. ప్రజా చైతన్య యాత్రలో పాల్గొన్న చంద్రబాబు, బహిరంగ సభలో ఈ విషయం పై స్పందించారు. రాజధాని అమరావతిని తరలిస్తూ, జగన్ మోహన్ రెడ్డి తీసుకున్న నిర్ణయం పై, కనుక, జనసేన-బీజేపీ కూటమి కలిసి పోరాటం చేస్తే, ఈ రెండు పార్టీల కలయికని తాము కూడా స్వగిస్తామని అన్నారు. ఎన్నికలు, ఓట్లు ఇప్పుడు ప్రాధాన్యం కాదని, ఈ దిశగా అన్ని పార్టీలు ఆలోచించాలని అన్నారు.

"పవన్ కల్యాణ్ గారు బీజేపీతో పొత్తు పెట్టుకున్నారు, సంతోషం. అమరావతిని కొనసాగించడానికి మీ పొత్తును ఉపయోగిస్తే మనస్ఫూర్తిగా అభినందిస్తాను. కానీ జగన్ అరాచకాలకు మీరు కూడా భయపడిపోయి, పోరాడకపోతే ఉపయోగంలేదు" అని చంద్రబాబు వ్యాఖ్యానించారు. అంతకు ముందు, తెలుగుదేశం పార్టీ ఎమ్మెల్యే పయ్యావుల కేశవ్ కూడా, ఇవే వ్యాఖ్యలు చేసారు. బీజేపీ-జనసేన కలయిక రాష్ట్రానికి ఎంతవరకు మేలు చేస్తుందన్న ఆసక్తి రాష్ట్ర ప్రజల్లో ఉందని, కేంద్రంలో ప్రభావితం చేయగలస్థానంలో ఉన్న బీజేపీ రాజధాని మార్పు అంశంలో పెద్దన్నపాత్ర పోషించాలని అమరావతి ఉద్యమకారులతో పాటు, ఆంధ్రులంతా విశ్వసిస్తున్నారని పయ్యావుల కేశవ్‌ అన్నారు. బీజేపీ-జనసేన కలయిక కేవలం భేటీలకే పరిమితం కాకుండా, ఇప్పటికైనా ప్రత్యక్షకార్యాచరణతో ప్రజల్లోకి వెళ్లాలన్న ఆకాంక్ష రాష్ట్రమంతటా ఉందన్నారు.

అమరావతి రైతుల పై అనుచిత వ్యాఖ్యలు చేసిన ఎస్వీబీసీ మాజీ ఛైర్మన్‌ పృథ్వీరాజ్, రెండు రోజుల్లోనే పదవి పోగుట్టుకునే పరిస్థితికి వచ్చిన సంగతి తెలిసిందే. అమరావతిలో రైతుల గురించి మాట్లాడుతూ, వైసీపీ లైన్ ప్రకారమే, అందరి మంత్రులు అంటున్నట్టే, అమరావతి రైతులని పైడ్ ఆర్టిస్ట్ లతో పోల్చారు. అక్కడితో ఆగకుండా, ఇంకా ఎక్కువ పెర్ఫార్మన్స్ ఇచ్చారు. నాకు తెలిసిన రైతులు అంటే, బురదలో ఉండాలి, బురదలో దొరికింది తినాలి, కాని ఇక్కడ అమరావతి రైతులు మాత్రం, మంచి మంచి చీరలు, మంచి ఫోన్లు, చేతికి బంగారపు గాజులు, మెడలో నల్ల పూసలు వేసుకుని తిరుగుతున్నారని, పృధ్వీ అన్నారు. దీంతో ఇది ఒక పెద్ద దుమారం అయ్యింది. వైసీపీ అధిష్టానానికి, జరిగిన డ్యామేజ్ అర్ధమైంది. దీంతో, డ్యామేజ్ కంట్రోల్ కోసం, పోసానిని రంగంలోకి దించారు. పృధ్వీని తిట్టించారు. అయినా, ప్రజల్లో వ్యతిరేకత పోలేదు. దీంతో, ఇక వైసీపీ, పృధ్వీని బహిష్కరిస్తారని, వార్తలు వచ్చాయి. అయితే, ఈ వార్త జరుగుతూ ఉండాగానే, పృధ్వీ సరసాల ఆడియో టేప్ బయట పడింది.

దీంతో సాక్షాత్తు వెంకన్న సేవలో ఉంటూ, ఇదేమి గోల అంటూ, ప్రజల్లో ఇంకా వ్యతిరేకత వచ్చింది. అతను అలాంటి వాడు అని తెలిసినా, అలాంటి పదవి ఎందుకు ఇచ్చారు అంటూ, వైసీపీ పై విమర్శలు వచ్చాయి. దీంతో, అవకాసం కోసం చూస్తున్న వైసీపీ, పృధ్వీ పై చర్యలు తీసుకుంది. పృధ్వీ చేత, ఎస్వీబీసీ ఛైర్మన్‌ పదవికి రాజీనామా చేపించి, విజిలెన్స్ ఎంక్వయిరీ వేయించారు. అయితే, ఇక్కడ కధ మరో మలుపు తిరిగింది. ఈ కేసు పై విచారణ చేస్తున్న, టీటీడీ విజిలెన్స్ అధికారులకు కొత్త కష్టాలు వచ్చాయి. దీంతో కేసు విచారణ ముందుకు సాగటం లేదు. ఇప్పటి వరకు పృథ్వీ పై లిఖితపూర్వకంగా ఫిర్యాదు చేసేందుకు, ఎవరూ ముందుకు రాలేదు. చివరకు, ఆయన బాధితులుగా మీడియా ముందుకు వచ్చిన వారు కూడా, ఇప్పుడు ముందుకు రావటం లేదు.

పృథ్వీ, అది చేసారు, ఇది చేసారు అంటూ, మీడియా ముందుకు వచ్చి చెప్పిన వారు, అలాగే అంతర్గతంగా సమాచారం ఇచ్చిన వారు, టీటీడీ విజిలెన్స్ అధికారులకు కంప్లైట్ చేసేందుకు మాత్రం వెనకాడుతున్నారు. ఇక పృధ్వీతో, ఆడియోలో ఫోన్ సంభాషణ చేసిన మహిళ కూడా ఫిర్యాదు ఇవ్వటానికి ముందుకు రావటం లేదు. ఇప్పటికే తాను అల్లరి పాలు అయ్యానని, ఇంకా ఈ పరిస్తితుల్లో కేసులు పెట్టి, పోలీస్ స్టేషన్ చుట్టూ తిరిగి, మీడియా ముందుకు రాలేను అంటూ, ఆమె కూడా వెనకడుగు వేస్తుంది. దీంతో ఈ ఆడియో సంభాషణ పై విచారణ ముందుకు వెళ్ళాలి అంటే, బాధితులు ముందుకు రాకుంటే ఆరోపణలు నిరూపించడం, చట్టపరంగా చర్యలు తీసుకోవడం సాధ్యం కాదని విజిలెన్స్ అధికారులు చెప్తున్నారు.