news

గత కొంత కాలంగా, తెలుగుదేశం నేత, విశాఖ నార్త్ ఎమ్మెల్యే గంటా శ్రీనివాసరావు, తెలుగుదేశం పార్టీ వీడి వెళ్ళిపోతున్నారు అంటూ, వార్తలు హాల్ చల్ చేసాయి. ఆయన బీజేపీ నేతలను కలిసారని, కాదు కాదు వైసీపీ నేతలను కలిసారని, బీజేపీలో చేరుతున్నారని, కాదు కాదు వైసీపీ లో చేరుతున్నారని, ఇలా అనేక ప్రచారాలు జరిగాయి. అయితే దాదాపుగా నెల రోజులుగా, గంటా కూడా పార్టీ కార్యక్రమాలకు దూరంగా ఉండటం, ఆయన వ్యవహార శైలి కూడా, ఈ ప్రచారానికి బలాన్ని ఇచ్చింది. ఇంత పెద్ద ఎత్తున ప్రచారం జరుగుతున్నా, ఆయన స్పందించక పోవటంతో, అందరూ ఆయన పార్టీ మార్పు ఖాయం అని అనుకున్నారు. అయితే, అనూహ్యంగా, ఈ రోజు గంటా మౌనం వీడి, మీడియా ముందుకు వచ్చారు. దీంతో తెలుగుదేశం నేతలు, కార్యకర్తలు ఊపిరి పీల్చుకున్నారు. తాను తెలుగుదేశం పార్టీని వీడుతున్నా అనేది ప్రచారం మాత్రమే అని, తాను తెలుగుదేశం పార్టీని వీడటం లేదని, వేరే పార్టీలో చేరటం లేదని గంటా స్పష్టం చేసారు.

ఈ రోజు తమ అధినేత నారా చంద్రబాబు నాయుడు ఆదేశాల ప్రకారం, తన నియోజావర్గం సమీక్షా సమావేశం నిర్వహించానని, వార్డుల విభజన జరిగిన తరువాత, సమర్ధులైన వారిని గుర్తించి, వారిని నియమిస్తామని గంటా చెప్పారు. ఈ ప్రెస్ మీట్ తో, గంటా పార్టీ మారుతున్నారు అనే ప్రచారానికి తెర పడినట్టు అయ్యింది. అయితే, గంటా పార్టీ వీడకుండా, తెలుగుదేశం పార్టీలోనే కొనసాగాలని భావించటం పై, నియోజకవర్గంలో ఆసక్తికర చర్చ జరుగుతోంది. వైసీపీలో చేరటానికి, ఆ పార్టీ స్థానికి మంత్రి అవంతి శ్రీనివాస్ ఆయన రాకను వ్యతిరేకించారని, అందుకే బ్రేక్ పడిందని ప్రచారం జరుగుతుంది. తరువాత ఆయన బీజేపీలోకి వెళ్తున్నారని అని కూడా అన్నారు. తాజాగా, గంటా చేసిన ప్రకటనతో ఆయన టీడీపీలోనే కొనసాగుతారన్న స్పష్టత వచ్చినట్టయింది.

ఇక మరో పక్క ప్రకాశం జిల్లా పై వైసీపీ ఫోకస్ చేసిందని, అక్కడ ఉన్న నలుగురు తెలుగుదేశం పార్టీ ఎమ్మెల్యేలలో, ముగ్గురు వైసీపీలో చేరటానికి, రెడీగా ఉన్నారు అంటూ, ప్రచారం చేసారు. ఆ ముగ్గురిలో తెలుగుదేశం పార్టీ సీనియర్ నేత, కారణం బలరాం కూడా ఉన్నారంటూ, ప్రచారం చేసారు. అయితే ఎన్నో ఒడిదుడుకులు ఎదుర్కొని, ఇన్నాళ్ళు పార్టీలో కొనసాగిన నేత, ఇలా ఎందుకు చేస్తారు అంటూ టిడిపి కార్యకర్తలు అయోమయంలో పడ్డారు. ఇదంతా వైసీపీ మైండ్ గేమ్ అని తెలుగుదేశం చెప్తుంది. ఈ నేపధ్యంలోనే, తెలుగుదేశం పార్టీని విడిచిపెట్టే ప్రసక్తే లేదని కరణం బలరాం స్పష్టం చేశారు. బెదిరిస్తే పార్టీ మారడానికి తమకు రాళ్ల వ్యాపారం, ఇసుక వ్యాపారం లేదని ఆయన ఫేస్‌బుక్‌లో పోస్టు చేశారు. పార్టీ మారాల్సిన అవసరం లేదని తేల్చి చెప్పారు.

వైసీపీ అధ్యక్షుడు జగన్ మోహన్ రెడ్డి, హడావిడిగా ఢిల్లీ పర్యటనకు వెళ్ళటం, ప్రాధాన్యత సంతరించుకుంది. ఆయన ఈ రోజు అనంతపురం జిల్లా పెనుగొండకు వెళ్లి, అక్కడ కియా ప్లాంట్ ని మళ్ళీ ప్రారంభించారు. ఆ పర్యటన ముగిసిన వెంటనే, ఆయన తాడేపల్లికి తిరిగి వచ్చారు. అయితే సడన్ గా, ఆయన ఢిల్లీ పర్యటనకు వెళ్తున్నారని, గన్నవరం ఎయిర్పోర్ట్ మార్గం క్లియర్ చెయ్యమని ఆదేశాలు రావటంతో, మళ్ళీ పోలీసులు హైరానా పడుతూ, బద్రతా ఏర్పాట్లు చేసారు. ఆయన గన్నవరం నుంచి ఢిల్లీకి పయనమయ్యారు. రెండు రోజుల పాటు ఆయన ఢిల్లీలోనే ఉంటారని, సమాచారం వస్తుంది. అయితే, ఈ పర్యటన ఇంత హడావిడిగా ఎందుకు పెట్టుకున్నారు ? ఎవరిని కలుస్తారు, ఏంటి అనేది మాత్రం, ఎక్కడా అధికారిక స్టేట్మెంట్ అయితే రాలేదు. రెండు రోజుల పాటు ఢిల్లీ పర్యటనలో ఉంటారని, పర్యటనలో భాగంగా, ఆయన ప్రధాని మోడీ, హోం మంత్రి అమిత్ షాతో పాటుగా, పలువురు కేంద్ర మంత్రులను కలుస్తారని సమాచారం.

రేపు ఏదో ఒక సమయంలో, ప్రధానితో జగన్ భేటీ అవుతారని తెలుస్తుంది. ప్రధాని మోడీ అపాయింట్మెంట్ రేపు దొరకటంతోనే, హడావిడిగా ఢిల్లీ వెళ్ళారని, వైసీపీ వర్గాలు చెప్తున్నాయి. అయితే ఒక పక్క పార్లమెంట్ సమావేశాలు జరుగుతుంటే, ప్రధాని అపాయింట్మెంట్ ఇస్తారా లేదా అనేది కూడా సస్పెన్స్ గా మారింది. రాష్ట్రానికి రావాల్సిన నిధులు, విభజన హామీలు, పోలవరం ప్రాజెక్ట్ నిర్మాణం, తదితర అంశాల పై, ఆయన ప్రధానితో మాట్లాడతారని, అలాగే, డిసెంబర్ 26న స్టీల్ ప్లాంట్ ఓపెనింగ్ కు రమ్మని, జనవరి నెలలో అమ్మఓడి పధకం ఓపెనింగ్ కు రమ్మని, ప్రధానిని పిలుస్తారని, తెలుస్తుంది. అయితే, గతంలో రైతు భరోసా కార్యక్రమానికి రావాల్సిందిగా జగన్ కోరినా, అప్పుడు ప్రధాని మోడీ రాని సంగతి తెలిసిందే.

అయితే రెండు నెలల క్రిందట కూడా, ఇలాగే ఢిల్లీ పర్యటనకు వెళ్ళిన జగన్ మోహన్ రెడ్డి, అప్పట్లో ఢిల్లీలో సరైన అపాయింట్మెంట్ లు దొరక్క, తీవ్ర ఇబ్బందులు పడ్డారు. అమిత్ షా తో భేటీ కోసం, రెండు రోజులు వెయిట్ చేసినా, ఆయన అపాయింట్మెంట్ దొరకలేదు. తరువాత, ఆయన పుట్టిన రోజు నాడు, వెళ్లి, విష్ చేసి వచ్చేసారు. అలాగే అమిత్ షా అపాయింట్మెంట్ ఇవ్వకపోవటంతో, మరో ఇద్దరు కేంద్ర మంత్రులు కూడా, అపాయింట్మెంట్ ఇచ్చినట్టే ఇచ్చి, రద్దు చేసారు. దీంతో, అపట్లో ఈ సంఘటన పై జగన్ తీవ్ర అసహనం వ్యక్తం చేసారు. విజయసాయి రెడ్డి పై అసహనం వ్యక్తం చేసారు. ఇప్పుడు మరో సారి ఢిల్లీ పర్యటనకు వెళ్తున్న సమయంలో, అంతా సాఫీగా సాగుతుందా, లేకపోతె బీజేపీ హైకమాండ్ ఏమైనా జర్క్ కు ఇస్తుందేమో చూడాలి.

“ప్రజా రాజధాని అమరావతి” ఉపాధి కల్పన-సంపద సృష్టి-పేదరిక నిర్మూలన అంశం పై విజయవాడలో రౌండ్ టేబుల్ కాన్ఫరెన్స్ ఈ రోజు జరిగింది. టీడీపీ ఆధ్వర్యంలో సమావేశానికి వివిధ రాజకీయ పార్టీలు, ప్రజా సంఘాలు, మేధావులు, లాయర్లు , డాక్టర్లు , క్రెడాయ్ ,వివిధ అసోసియేషన్ల ప్రతినిధులు , జర్నలిస్ట్ సంఘాలు, కాన్వెంట్స్ అసోసియేషన్ , ఉపాధ్యాయ సంఘాలు, ట్రాన్స్పోర్ట్ అసోసియేషన్ , ఛాంబర్ అఫ్ కామర్స్, రైతు సంఘాల ప్రతినిధులు హాజరయ్యారు. ఈ సందర్భంగా, “అమరావతిని కాపాడండి” "సేవ్ అమరావతి" అంటూ సిగ్నేచర్ బోర్డు పై చంద్రబాబు సంతకం చేసారు. ఈ సందర్భంగా చంద్రబాబు మాట్లాడుతూ, అమరావతిలో నేలలకు పటుత్వం తక్కువ అని దుష్ప్రచారం చేశారని, అమరావతిలో చ.మీ కు 150టన్నుల బేరింగ్ కెపాసిటి ఉందని, అదే చెన్నైలో చ.మీ కు 10టన్నుల బేరింగ్ కెపాసిటి మాత్రమే ఉందని అన్నారు. హైదరాబాద్ లో రాతినేలలకు బ్లాస్టింగ్ ఖర్చు, రవాణా ఖర్చు ఎక్కువని, అమరావతి పునాదులకు ఖర్చు ఎక్కువ అనేది అవాస్తవం అని చంద్రబాబు అన్నారు.

"సెల్ఫ్ ఫైనాన్స్ ప్రాజెక్టుగా అమరావతిని అభివృద్ది చేశాం: అమరావతిలో భవిష్యత్ అవసరాల కోసం ఉంచిన భూమి: 5,020 ఎకరాలు, నగరాభివృద్ధికి కేటాయించిన భూమి : 3,019 ఎకరాలు, మొత్తం : 8,039 ఎకరాలు, ఈ భూమి విలువ రూ. లక్ష కోట్లు. భవిష్యత్తులో ఇది రూ.2లక్షల కోట్లకు పైగా పెరుగుతుంది. రాజధాని నిర్మాణాలు పూర్తిగా రాజధాని భూముల డబ్బుతోనే నిర్మించేవిధంగా ప్లాన్ చేశారు. ఇక్కడ వచ్చే ఆదాయం రాష్ట్రంలోని 13 జిల్లాల అభివృద్ధికి ఉపయోగించవచ్చు. పశ్చిమ బెంగాల్ ఆదాయంలో కోల్ కత్తా నుంచే 76%, తెలంగాణ ఆదాయంలో హైదరాబాద్ నుంచే 60%, ఒడిశా ఆదాయంలో భువనేశ్వర్ నుంచే 56%, కర్ణాటక ఆదాయంలో బెంగుళూరు నుంచే 40%, తమిళనాడు ఆదాయంలో చెన్నై నుంచే 39% ఉంది."

"త్యాగం చేసిన రైతులు, పేదలకు లబ్ధి: ఫిబ్రవరి 28, 2015 వరకు 58రోజుల్లో 33 వేల ఎకరాలు రైతులు స్వచ్ఛందంగా ల్యాండ్‌పూలింగ్‌కు ఇవ్వడం ఓ ప్రపంచ రికార్డ్. మన ల్యాండ్ పూలింగ్‌ను హార్వార్డ్ యూనివర్సిటీ కేస్ స్టడీగా తీసుకుంది. లండన్ స్కూల్ ఆఫ్ ఎకనామిక్స్ ల్యాండ్ పూలింగ్ విధానాన్ని అధ్యయనం చేసి ప్రశంసించింది. భూములు ఇచ్చిన రైతులకు 27 గ్రామాల్లో పబ్లిక్‌ లాటరీ ద్వారా 63,410 ప్లాట్లు. రైతు రుణాల రద్దులో భాగంగా రాజధాని పరిధి గ్రామాలలోని 19,518 మంది రైతులకు చెందిన రూ.85.35 కోట్ల రుణాలను ఒకేసారి రద్దు చేశారు. ఒక్కో రైతుకు రూ.1.5 లక్షల వరకు రద్దు చేశారు. మెట్ట భూములకు ఏడాదికి రూ. 30 వేలు, జరీబు భూములకు రూ. 50 వేలు కౌలు ఇచ్చాం. భూమి లేని రైతు కూలీలకు నెలకు రూ.2,500 పింఛను ఇచ్చాం. దళితులు, ఎస్సీ, ఎస్టీ, బీసీ, మైనార్టీ, పేదల అసైన్ మెంట్ భూములకు రిజిస్ట్రేషన్ హక్కు కల్పించడమైనది. రాజధాని 29 గ్రామాల్లో ఇళ్లు లేని పేదలందరికీ 5 వేల ఇళ్ల నిర్మాణం పూర్తి చేశాం. 28,538 మంది రైతుల నుంచి 34,395.50 ఎకరాల సమీకరణ. ఇప్పటి వరకు చరిత్రలో ప్రజావసరాలకు భూమిని రైతుల నుంచి బలవంతంగా గానీ, స్వచ్ఛందంగా గానీ సేకరించారు."