news

పోలవరం పై జగన్ ప్రభుత్వం ఎందుకో కాని, నవయుగని తప్పించి, మరో కొత్త కాంట్రాక్టర్ ని తీసుకురావాలని, ఎంతో పట్టుదలగా ఉంది. నిన్న ఇదే విషయం పై రివర్స్ టెండరింగ్ కి వెళ్తున్నాం అంటూ, రివర్స్ టెండరింగ్ మార్గదర్శకాలు రిలీజ్ చేసి, ఈ రోజు పోలవరం పై కొత్త టెండర్ పిలిచే ఆలోచన చేస్తున్నారు. అయితే నిన్న కాక మొన్న, మూడు రోజుల క్రితం, పోలవరం ప్రాజెక్ట్ అథారిటీ ఈ విషయం పై, మీ వైఖరి సరిగ్గా లేదు అని రాష్ట్ర ప్రభుత్వాన్ని హెచ్చరించింది. కొత్త టెండర్ పిలిస్తే, ప్రాజెక్ట్ నిర్మాణం లేట్ అయిపోతుంది అని, అలాగే ఖర్చు భారీగా పెరిగిపోతుందని చెప్పింది. అంతే కాదు, నవయుగ ఎంతో బాగా పని చేస్తున్నా, ఇప్పుడు ఎందుకు మారుస్తున్నారు అని ఏపి ప్రభుత్వాన్ని నిలదీసింది. మేము కేంద్రానికి నివేదిక ఇస్తున్నాం, అప్పటి వరకు ఆగండి అని చెప్పింది.

అయితే జగన్ ప్రభుత్వం మాత్రం, ఇవేమీ పట్టించుకోకుండా, ఈ రోజు కొత్త టెండర్ పిలవటానికి రెడీ అయిపోతుంది. అయితే విషయం తెలుసుకున్న పోలవరం ప్రాజెక్ట్ అథారిటీ, ఏపి ప్రభుత్వానికి ఈ సారి లేఖ రాసింది. మూడు రోజుల వ్యవధిలోనే మళ్ళీ లేఖ రాసే పరిస్థితి వచ్చింది. పీపీఏ ముఖ్య కార్యనిర్వహణాధికారి ఆర్‌.కె.జైన్‌ , జలవనరుల శాఖ ప్రత్యేక ప్రధాన కార్యదర్శి ఆదిత్యనాథ్‌దాస్‌కి లేఖ రాస్తూ, మీరు తీసుకున్న నిర్ణయాన్ని ఆపండి, ప్రిక్లోజర్‌, రీ టెండరింగ్‌ ఆలోచనల్ని విరమించుకొండి. ఇంత తొందర ఎందుకు. కేంద్ర ప్రభుత్వం ఈ అంశం పై, స్పష్టత ఇచ్చేదాకా ఆగండి అంటూ ఆయన ఘాటు లేఖ రాసారు. ఈ నెల 13న జరిగిన మన సమావేశంలో, చర్చించిన విషయాలు గుర్తు తెచ్చుకుని, అందుకు అనుగుణంగా ఉండండి అంటూ సూచించారు.

అయితే ఈ లేఖ రావాటంతో, ఇప్పుడు ఏపి ప్రభుత్వం డిఫెన్సు లో పడింది. పోలవరం ప్రాజెక్ట్ అథారిటీని కాదనటం అంటే, ఇప్పుడు ఏకంగా మోడీని కాదు అనటమే, ఏమి చెయ్యలి అనే విషయం పై తర్జనభర్జనలు పడుతున్నారు. అయితే సాయంత్రం లోపు నోటిఫికేషన్ వస్తుందా రాదా అనే టెన్షన్ లో ఏపి అధికారులు ఉన్నారు. జరిగిన విషయాన్నీ మొత్తం, అమెరికాలో ఉన్న జగన్ కు వివరించారు. ఆయన చెప్పే సమాధానం కోసం, ఇక్కడ అధికారులు ఎదురు చూస్తున్నారు. అయితే ఒక పక్క కేంద్ర మంత్రి ఈ విషయం పై వద్దు అనటం, అలాగే పోలవరం ప్రాజెక్ట్ అథారిటీ కూడా అన్ని కారణాలతో వివరంగా చెప్పటంతో, ఏమి చెయ్యాలని పరిస్థితిలో ఇప్పుడు ప్రభ్తుత్వం ఉంది. మోడీని కాదని, జగన్ ముందుకు వెళ్ళే అవకాసం ఉందా ? చూద్దాం...

చంద్రబాబు ఇంటి చుట్టూ వరద రాజకీయం నడుస్తుంది. ఒక పక్క కృష్ణా నదీ తీరాన ఉన్న లంకలు మునిగిపోతుంటే, అడిగే నాధుడు లేడు కాని, చంద్రబాబు ఇంటి వద్ద ఎంత వరద వచ్చింది, ఎప్పుడు మునుగుతుంది అని వైసిపీ నేతలకు ఆత్రుతగా ఉంది. దీంతో ఏకంగా ఒక ఎన్ఎస్జీ భద్రత ఉన్న నేత ఇంటి పై, ఎవరి పర్మిషన్ లేకుండా, డ్రోన్ లు తిప్పి, పెద్ద గొడవకు కారణం అయ్యారు. చంద్రబాబు ఇంటి పై మాత్రమే డ్రోన్ తిప్పటంతో, పెద్ద గొడవ అయ్యింది. అయితే ఆ గొడవ చల్లారింది అనుకుంటే, ఇప్పుడు ఏకంగా వైసిపీ మంత్రులు, మేము చంద్రబాబు ఇంటికి వెళ్ళాలి, అక్కడ అన్నీ చూడాలి అని బయలుదేరారు. మంత్రులు బొత్స సత్యనారాయణ, అనిల్‌ కుమార్ యాదవ్, వెల్లంపల్లి శ్రీనివాస్. ఎమ్మెల్యే మల్లాది విష్ణులు అక్కడకు వచ్చి హల చల్ చేసారు.

అయితే అది హైసెక్యూరిటీ ఉన్న ప్రాంతం అని, ఎవరిని పడితే వారిని లోపలకు అనుమతించం అని అక్కడ చంద్రబాబు సిబ్బంది, వారిని అడ్డుకున్నారు. ఇక్కడ పరిస్థితి మేము ఎప్పటికప్పుడు చూస్తున్నాం అని, మీరు ప్రత్యేకంగా రావాల్సిన అవసరం లేదని అన్నారు. మీకు పర్మిషన్ ఉంటేనే లోపలకు పంపిస్తామని చెప్పారు. అయితే మేము ప్రభుత్వం అని, మేము వెళ్తామని చెప్పటంతో, కుదరదు అని సెక్యూరిటీ వర్గాలు చెప్పాయి. దీంతో మంత్రులు వెనుతిరిగారు. మేము తలుచుకుంటే, మీరెంత ? ప్రభుత్వంతో పెట్టుకుంటే ఎలా ? కాని మేము అలా వెళ్తే రాజకీయం అంటారు, అందుకే తిరిగి వెళ్తున్నాం. రాత్రికి అధికారులు వస్తారు, వారిని అడ్డుకుంటే మాత్రం, ప్రభుత్వం అంటే ఏంటో చూపిస్తాం అని చెప్పి అక్కడ నుంచి వెళ్ళిపోయారు.

అయితే, కేవలం చంద్రబాబు నివాసం టార్గెట్ గా, వైసీపీ ఎందుకు ఇంత గొడవ చేస్తుందో అని తెలుగుదేశం వర్గాలు అంటున్నాయి. ఒక పక్క నాలుగు రోజులు నుంచి ఆళ్ళ రామకృష్ణా రెడ్డి కాపలా ఉన్నారని, డ్రోన్ లు తిప్పుతున్నారని, అది కాస్త బయట పడటంతో, ఇప్పుడు ఏకంగా మంత్రులే వచ్చి, మేము చంద్రబాబు ఇంట్లోకి వెళ్లి చూస్తాం అనటం ఏంటని తెలుగుదేశం వర్గాలు అంటున్నాయి. ఇదంతా చూస్తుంటే, ఏదో కుట్ర చేస్తున్నారని తెలుగుదేశం నేతలు అంటున్నారు. 15 రోజుల నుంచి వరద వస్తుంటే, వాటర్ మ్యానేజ్ మెంట్ సరిగ్గా చెయ్యకుండా, ఈ రోజు చంద్రబాబు ఇల్లు టార్గెట్ గా పెట్టుకుని, లంకలు ముంచుతున్నారని అంటున్నారు.

విజయవాడలో పార్కులు ఉండటమే తక్కువ. మూడు నాలుగు పెద్ద పార్కులు తప్ప, చెప్పుకోదగ్గవి ఏమి లేవు. అయితే, ఉన్న పార్కులు కూడా తీసేసి, ఇప్పుడు ప్రజలను మరింత ఇబ్బంది పెడుతుంది ప్రభుత్వం. విజయవాడ పాత బస్ స్టాండ్ సమీపంలో, ఫ్లో ఓవర్ పక్కన, అవతార్ పార్క్ ఉంటుంది. అక్కడ కొన్ని ఫౌంటైన్లు కూడా ఉంటూ, ప్రజలు కొంచెం సేపు సేద తీరటానికి అవకాసం ఉండేది. పక్కనే కాలువు ఉండటంతో, ఆహ్లాదకరంగా ఉండేది. అయితే, నిన్న అక్కడకు వచ్చి చూసిన ప్రజలకు, షాక్ అయ్యే దృశ్యాలు కనిపించాయి. అవతార్ పార్క్ లో ఉన్న బొమ్మలు, ఫౌంటైన్ లు పీకి పడేసి ఉన్నాయి. ఎదో ప్రళయం వచ్చినట్టు, అక్కడ వాతావరణం అంతా భీకరంగా ఉంది. అక్కడ ఉన్న రెండు పెద్ద పెద్ద అవతార్ బొమ్మలను, పీకి అవతల పడేసారు. ఈ పార్క్ ను 2009లో మొదలు పెట్టారు.

అయితే, ఇప్పుడు 10 ఏళ్ళ తరువాత పీకి పడేసారు. 10 సంవత్సరాల క్రితం, రూ.1.20 కోట్ల వ్యయంతో ఈ పార్క్ ను అభివృద్ధి చేసారు. తరువాత కొంత కాలానికి దాదాపుగా 50 లక్షలు పెట్టి, అందమైన మొక్కలు పెట్టి, గ్రీనరీ పెంచారు. మొన్నీ మధ్య కాలంలో, రూ.1.50 కోట్ల అమృత్‌ నిధులతో ఆయా పార్కులకు రెండువైపులా ఫౌంటేన్లు, విద్యుత్తు దీపాలు, జంతువుల బొమ్మలు అమర్చారు. అయితే, ఇప్పుడు ఇక్కడ వాతావరణం అంతా, పూర్తీ భిన్నంగా ఉంది. జేసిబీలు పని చేస్తూ నానా హంగామాగా ఉంది. ప్రజలు వెళ్లి, ఏమి జరుగుతుంది, అసలు ఎందుకు ఇవి పీకారు అని అరా తీస్తే, ఇక్కడ దివంగత ముఖ్యమంత్రి రాజశేఖర్ రెడ్డి విగ్రహం పెడుతున్నారని, అందుకే ఇక్కడ ఉన్నవి అన్నీ పీకేస్తున్నామని సమాధానం రావటంతో, ప్రజలు అవాక్కయ్యారు.

నిజానికి ఫ్లై ఓవర్ ఎక్కే చోట, రోడ్డుకి అడ్డంగా, అతి పెద్ద వైఎస్ఆర్ విగ్రహం అక్కడ ఉండేది. పోయిన ప్రభుత్వం, అక్కడ భారీగా ట్రాఫిక్ జాం అవుతుందని, ఆ విగ్రహం తీసేస్తే ట్రాఫిక్ ఫ్రీ గా వెళ్తుందని, పోలీసులు చెప్పటంతో, ప్రభుత్వం ఆ విగ్రహం అక్కడ నుంచి తీపించి, వైఎస్ఆర్ పార్టీకి అప్పచెప్పింది. అయితే, ఇప్పుడు వైఎయస్ఆర్ కొడుకే అధికారంలోకి రావటంతో, వారి ఇష్టం వచ్చినట్టు చేసే వీలు దొరికింది. మళ్ళీ రోడ్డుకు అడ్డంగా , పోయిన సారి పెట్టిన చోటే పెడితే, ప్రజల నుంచి వ్యతిరేకత వస్తుందని భావించి, అక్కడ ఉన్న అవతార్ పార్కు పీకి, అక్కడ వైఎస్ఆర్ బొమ్మ పెట్టాలని ప్రభుత్వం నిర్ణయం తీసుకుంది. అంటే రేపటి నుంచి అవతార్ బొమ్మలతో ఆడుకోవటానికి పిల్లలు అక్కడకు వెళ్తే, అక్కడ రాజశేఖర్ రెడ్డి బొమ్మ చూసి, అవాక్కయ్యే పరిస్థితి వస్తుంది.