news

తెలుగుదేశం పార్టీ నుంచి, బీజేపీలోకి జంప్ అయిన కొద్ది సేపటికీ, ఆ ఎంపీలు చేస్తున్న బెదిరింపులు, బీజేపీ పార్టీ అధికార అహంకారాన్ని తెలియ చేస్తున్నాయి. తనను ఢిల్లీ నుంచి ఫోన్ లో బెదిరిస్తున్నారు అంటూ, వారి పై టీడీపీ ఎమ్మెల్సీ బుద్దా వెంకన్న తీవ్ర ఆరోపణలు చేశారు. పార్టీ ఫిరాయించిన ఆ ఎంపీలు నిన్నటి నుంచే తనను బెదిరిస్తున్నారని, ఎమ్మెల్సీవి ఎమ్మెల్సీగా ఉండాలని, అన్నిట్లో దూరితే పరిణామాలు వేరుగా ఉంటాయని బెదిరించారని ఆయన ఆరోపించారు. హిందీ భాషా సంఘం మాజీ అధ్యక్షుడు యార్లగడ్డ లక్ష్మీప్రసాద్‌ ఈ బెదిరింపులు చేసినట్టు చెప్తున్నారు. ఆయన్ను అడ్డుపెట్టుకుని, సుజనా ఇంటి నుంచే తనను బెదిరిస్తున్నారని, ఫోన్ చేసి కేసులు పెడతాం, బోల్టులు బిగిస్తాం జాగ్రత్త అని వార్నింగ్ ఇచ్చారని ఆయన ఆరోపించారు. అర్థరాత్రి 10.45 నిమిషాలకు యార్లగడ్డ లక్ష్మీప్రసాద్‌ ఫోన్ చేసి తనను బెదిరించారని ఆరోపించారు. పార్టీ ఫిరాయింపులకు పాల్పడ్డ నలురుగు రాజ్యసభ సభ్యుల పై ఇష్టం వచ్చినట్టు మాట్లాడితే బాగోదని వార్నింగ్ ఇచ్చారన్నారు.

వాళ్ళు పార్టీ మారిన గంటలోనే తమకు బెదిరింపులు మొదలయ్యాయని, తమ అధ్యక్షుడు చంద్రబాబు కోసం ప్రాణాలు ఇస్తానని, జైలుకైనా వెళ్తామని, ఆయన అంటే అంత గౌరవం అని బుద్దా అన్నారు. తనపై కేసులు పెట్టి లోపల వెయ్యటానికి తానేమి బ్యాంక్ దోపిడీలు, బ్యాంకులను చీటింగ్‌ చెయ్యటం చెయ్యలేదని అన్నారు. తన రాజకీయ జీవితంలో వైసీపీని ఇతర పార్టీ నేతలను రాజకీయం విమర్శలు చేసామని, అయితే మెుదటి సారిగా ఇలా తాన పై బెదిరింపులకు పాల్పడ్డానని ఆయన ఆరోపించారు. యార్లగడ్డ లక్ష్మీప్రసాద్ తనతో బాగానే ఉంటాడని, మంచి సంబంధాలు ఉన్నాయని, కాలి ఇలా ఎందుకు ఫోన్ చేసి బెదిరించారో అర్ధం కావటం లేదని అన్నారు. తనకు వచ్చిన బెదిరింపుల పై శనివారం ఉదయం రాష్ట్ర డీజీపీని కలిసి ఫిర్యాదు చేస్తానని చెప్పారు. ఎవరూ ఎన్ని ఇబ్బందులు పెట్టినా, ఎంత బెదిరించినా చంద్రబాబు వెంటే ఉంటానని, చేతనైంది చేసుకోండి అని తేల్చి చెప్పారు.

తెలుగుదేశం పార్టీకి చెందిన నలుగురు రాజ్యసభ సభ్యులు, సుజనా చౌదరి, ఉప నేత సీఎం రమేశ్‌, ఇద్దరు సభ్యులు గరికపాటి మోహన్‌ రావు, టీజీ వెంకటేశ్‌ గురువారం బీజేపీలో చేరి, కాషాయం కండువాలు కప్పుకున్న సంగతి తెలిసిందే. గురువారం రాత్రి బీజేపీ వర్కింగ్ ప్రెసిడెంట్ జేపీ నడ్డా దగ్గర ఈ నలుగురు కాషాయ కండువా కప్పుకున్నారు. అయితే వీరి చేరిక పై రకరకాల వార్తలు వినిపిస్తున్నాయి. వీరి పై ఒత్తిడి తేవటం వల్లే, పార్టీ మారారని ప్రచారం జరుగుతుంది. దీనికి బలం చేకూరుస్తూ, సీబీఐ, ఈడీ చేసిన దాడులు, ఎన్నికల తరువాత కూడా సుజనా పై సిబిఐ దాడులు చెయ్యటం, ఇవన్నీ చూస్తుంటే, వారి దాడి నుంచి తప్పించుకోవడానికే ఈ ఎంపీలతా బీజేపీ తీర్థం పుచ్చుకున్నారని రాజకీయాలు తెలిసిన ఎవరైనా ఇట్టే చెప్పచ్చు. ప్రజల్లో ఉన్న అభిప్రాయం కూడా అదే. అయితే ఇదే సమయంలో, ఈ నలుగురుకి షాకింగ్ న్యూస్ చెప్పింది బీజేపీ..

రాజ్యసభ ఎంపీ, మాజీ కేంద్రమంత్రి సుజనా చౌదరి, తెలుగుదేశం పార్టీని వీడి, బీజేపీలో చేరినంత మాత్రాన ఐటీ, ఈడీల నుంచి తప్పించుకోలేరని, ఆ విచారణ అలాగే కొనసాగుతుందని, మురళీధరరావు బాంబు పేల్చారు. టీడీపీ ఎంపీలు, తమ పార్టీలో చేరటం పై స్పందించిన ఆయన, శుక్రవారం మీడియా ముందుకు వచ్చారు. భారతీయ జనతా పార్టీ అభివృద్ధి కోసమే నలుగురు టిడిపి రాజ్యసభ సభ్యులను పార్టీలో చేర్చుకున్నామని అన్నారు. ఒక పార్టీలో ఉన్న మెజారిటీ ఎంపీలు, మా పార్టీలో చేరితే అది అనైతికం ఎలా అవుతోందని మురళీధరరావు ప్రశ్నించారు. మరో పక్క స్థానిక నేత అయిన విష్ణువర్ధన్ రెడ్డి కూడా ఇదే రకంగా స్పందించారు. సిబిఐ, ఈడీ కేసులు ఉన్న తెలుగుదేశం ఎంపీలు, ఇప్పుడు మా పార్టీలో చేరినా, ఆ విచారణ మాత్రం ఎదుర్కోవలసిందే అని స్పష్టం చేసారు. అయితే ఇవన్నీ మాటల వరుకేనా ? ఇవన్నీ మాట్లాడకుండానే, వారు పార్టీ మారారా ? చూద్దాం కొన్ని రోజుల్లో మనకే వాస్తవాలు కనిపిస్తాయి.

చంద్రబాబు విదేశాలకు వెళ్ళిన టైంలో, ఆయన్ను అన్ని విధాలుగా బలహీన పరచటానికి అంటూ బీజేపీ , ఇటు వైసీపీ కంకణం కట్టుకున్నాయి. ఎన్నికల తరువాత కూడా రెస్ట్ తీసుకోకుండా, దేశమంతా తిరిగి ఈవీఎం ల పై ఉద్యమం చేసిన చంద్రబాబు, కుటుంబంతో కలిసి గడపటానికి వెళ్ళిన సమయంలో కూడా ఆయనకు ప్రశాంతత లేకుండా చేసి, మరింతగా మానసికంగా బలహీన పరిచే కుట్ర చేస్తున్నారు. పార్టీ ఫిరాయించే అంశం బీజేపీ తీసుకోగా, కక్ష తీర్చుకునే పని వైసీపీ చేస్తుంది. నిన్నటికి నిన్న నలుగురు ఎంపీలను లాక్కున్న సంగతి తెలిసిందే. అయితే ఆ దెబ్బ నుంచి కోలుకోక ముందే, చంద్రబాబుకి మరో షాక్ ఇచ్చారు. ఉండవల్లిలోని ప్రజావేదికను ప్రభుత్వం స్వాధీనం చేసుకుంటున్నట్టు ప్రకటించి, వెంటనే రంగలోకి దిగింది. చంద్రబాబు నివాసం పక్కనే ఉండే ప్రజా వేదికను, మేము వాడుకుంటామని, దానికి అయ్యే ఖర్చులు అన్నీ భరిస్తామని, ప్రజా వేదికను తమకు కేటాయించాలని గతంలో జగన్‌కు చంద్రబాబు లేఖ రాశారు.

అయితే చంద్రబాబు రాసిన ఈ లేఖను జగన్ పట్టించుకోలేదు. చంద్రబాబు లేని టైములో, దానిని వెంటనే స్వాధీనం చేసుకోవాలనే నిర్ణయించింది. ఇదే విషయం అక్కడ తెలుగుదేశం పార్టీ సభ్యులకు చెప్పియా, అక్కడ టీడీపీకి సంబంధించిన సామాగ్రిని వెంటనే తరలించాలని సీఆర్డీయే అధికారులు ఆదేశించారు. అంతే కాదు, చంద్రబాబు వస్తే మళ్ళీ నిరసన తెలుపుతారాని, అందుకే ఈనెల 24న ప్రజావేదికలోనే కలెక్టర్ల కాన్ఫరెన్స్ నిర్వహించాలని ప్రభుత్వం నిర్ణయించింది. ఈ నేపధ్యంలో ప్రజావేదికను స్వాధీనం చేసుకోడానికి గుంటూరు జిల్లా జాయింట్ కలెక్టర్, సీఆర్డీయే అధికారులు ఉండవల్లిలోని ప్రజావేదిక వద్దకు వచ్చారు. అయితే ప్రస్తుతం చంద్రబాబు యూరప్ పర్యటనలో ఉన్నారని, ఆయన లేని టైములో ప్రజావేదిక భవనాన్ని స్వాధీనం చేసుకోవడం సరికాదని, ఆయన వచ్చిన తరువాత, ఆయనతో మాట్లాడాలని టీడీపీ నేతలు అన్నారు. మరో పక్క, చంద్రబాబు ఉంటున్న నివాసం కూడా పడగొడతామని ఇప్పటికే, వైసీపీ నేతలు వార్నింగ్ లు ఇస్తున్నారు.